Qirx altinci kitab ————— may 2011 İyul 2011
Yüklə 2,6 Mb. Pdf görüntüsü
|
196
inkişaf etdirilməsinə kifayət qədər maliyyə resursları ayırırıq. Mən Sloveniya şirkətlərini bu layihələrdə iştirak etməyə dəvət edirəm. Bugünkü biznes-forumun bir hissəsi Azərbaycandakı konkret biznes sərmayə layihələrinin təqdim edilməsinə həsr olunubdur və yekun hesabat hazırlanıb. Orada bütün zəruri məlumatlar verilib. Hesab edirəm ki, hökumətimiz tərəfindən maliyyələş- diriləcək layihələri də bilmək maraqlı olardı. Həmin layihələrdə Sloveniya şirkətləri podratçı kimi iştirak edə bilər. Onlar böyük sahələri əhatə edir: yolların, elektrik stansiyalarının tikilməsi, içməli suyun təmin edilməsi, kanalizasiya xətlərinin çəkilməsi, xəstəxanaların və məktəblərin inşası. Həmin layihələr həyatımızın bütün sahələrini əhatə edir. Məqsədimiz ən vacib infrastruktur və sosial infrastruktur layihələrini ikinci inkişaf proqramımızın başa çatdığı vaxtda, yəni 2013-cü ildə həyata keçirməkdən ibarətdir. Gələcəkdə isə ölkənin inkişafı və Azərbaycanda iqtisadiyyatın davamlı artımı növbəti iqtisadi islahatlarımızda əldə edəcəyimiz uğurlardan asılı olacaqdır. Bu gün iqtisadiyyatda liberallaşdırma səviyyəsi çox yüksəkdir. Hər iki ölkə bu il müstəqilliyin iyirminci ildönümünü qeyd edəcəkdir. Azərbaycan müstəqilliyini bərpa etdiyi vaxt bazar iqtisadiyyatının ÜDM-dəki payı sıfır faiz idi. İndi isə Azərbaycanda ÜDM-in 80 faizdən çoxu özəl sektorda təmin edilir. Həmçinin nəzərə almalıyıq ki, ÜDM-i təşkil edən əsas mənbələr və enerji infrastrukturu dövlət nəzarəti altındadır. Bu o deməkdir ki, özəlləşdirmə, liberallaşdırma prosesi, yerli və xarici biznes dairələri üçün yaxşı şəraitin yaradılması işi düzgün istiqamətdə gedir. Sloveniya bizim üçün bu regionda dost ölkə və mühüm tərəfdaşdır. Avropa İttifaqının üzvü kimi, Sloveniyanın bizim regionda rolu və mövqeyi hər zaman müsbət olub. Bizim üzv dövlətlərlə ikitərəfli qaydada çox gözəl münasibətlərimiz vardır. Hesab edirəm ki, Azərbaycan ilə Avropa İttifaqı arasında münasibətlərin belə bir mühüm inkişaf mərhələsində ən vacib məsələ qarşımızda qoyduğumuz hədəfləri və məqsədləri müəyyən
197
etmək, onlara nail olmaq üçün yol xəritəsini hazırlamaq, qarşılıqlı maraq və hörmətə əsaslanan əsl tərəfdaşlıq münasibətlərini qurmaqdır. Bu baxımdan bu proses uğurla davam edəcəkdir. Regionlarımızın bir-birinə daha da yaxın olması üçün göstərdiyi səylərə görə biz Sloveniya tərəfinə və prezident Tyurka olduqca minnətdarıq. Biz Avropa İttifaqı ilə qonşuyuq və tərəfdaşıq. Tərəfdaşlığımız artacaq, siyasi münasibətlər inkişaf edəcək və enerji təhlükəsizliyi məsələləri – mən nitqimin əvvəlində bunu qeyd etdim – daha möhkəm rol oynayacaq, çünki bizim resurslarımız vardır. Avropaya alternativ mənbə lazımdır. Biz artıq müəyyən mənada böyük daşıma infrastrukturuna malikik və bu imkanlar daha da artırılmalı və genişləndirilməlidir. Cənab Prezident və hörmətli dostlar, mən sizin hamınıza bizə göstərilmiş qonaqpərvərliyə görə bir daha təşəkkürümü bildirmək istəyirəm. Mən dünən keçirilmiş danışıqların nəti- cələrindən və bu gün imzalanmış sənədlərdən məmnunluğumu bildirirəm. Səfərim davam edir. Əminəm ki, səfər və onun nəticələri münasibətlərimizin gələcək inkişafında mühüm rol oynayacaqdır. Çox sağ olun. * * *
Sonra dövlət başçıları Azərbaycan və Sloveniya şirkətlərini təmsil edən iş adamları ilə görüşdülər. Sloveniyanın biznes dairələrinin nümayəndələri Azərbaycan prezidenti İlham Əliyev ilə söhbətlərində ölkəmizdə baş verən iqtisadi inkişaf prosesləri, biznes və sərmayə mühiti barədə ətraflı məlumat aldılar.
198
SLOVENİYANIN BAŞ NAZİRİ BORUT PAHOR İLƏ GÖRÜŞ
Lyublyana 10 iyun 2011-ci il
İlham Əliyev Sloveniya Respublikasına rəsmi səfəri çərçi- vəsində bu ölkənin Baş naziri Borut Pahor ilə görüşmüşdür. Dövlətimizin başçısını Baş nazir Borut Pahor qarşıladı. Görüşdə ölkələrimiz arasında siyasi və iqtisadi əlaqələrin inkişafından məmnunluq ifadə olundu, ikitərəfli münasibət- lərimizin Azərbaycan–Avropa İttifaqı çərçivəsində önəmi vurğulandı. Prezident İlham Əliyevin Sloveniyaya səfərinin ölkələrimiz arasında iqtisadiyyatın konkret sahələrinin perspektivlərinin nəzərdən keçirilməsi üçün yaxşı imkan yaratdığının qeyd edildiyi görüşdə Azərbaycan–Sloveniya biznes-forumunun əhə- miyyəti vurğulandı. Yüklə 2,6 Mb. Dostları ilə paylaş:
|