Qirx altinci kitab ————— may 2011 İyul 2011
Yüklə 2,6 Mb. Pdf görüntüsü
|
- Bu səhifədəki naviqasiya:
- Sloveniya prezidenti Danilo Tyurkun çıxışı
189
mübarizədə burada qəhrəmancasına həlak olmuş «Mixaylo» təxəllüsü ilə tanınan Mehdi Hüseynzadə daim hər iki xalqın xatirələrində yaşayır. Sloveniya xalqı bu gün də öz qəhrəmanlarını unutmur. Nova Qoritsa şəhərində müxtəlif ictimai qurumların nüma- yəndələrinin, xüsusilə Mehdi Hüseynzadənin silahdaşlarından ibarət 80-ə yaxın sloveniyalının yeni yaranmış Sloveniya– Azərbaycan Dostluq Cəmiyyətinə üzv olması xalqlarımızın bir- birinə olan hörmətini və diqqətini nümayiş etdirir. Azərbaycan ilə Sloveniyanın beynəlxalq və regional təşki- latlarda – xüsusilə BMT, ATƏT, Avropa İttifaqı, Avropa Şurasında əməkdaşlığı böyük məmnunluq doğurur. Azərbaycanın xarici siyasətində Avropa İttifaqı və Avroatlantik strukturlarla əlaqələr mühüm yer tutur. Azərbaycan ilə Avropa İttifaqı arasında 2006-cı ildə imzalanmış «Enerji sahəsində strateji tərəfdaşlıq haqqında Anlaşma Memorandumu», eləcə də bu ilin yanvar ayında imzalanan «Cənub qaz dəhlizi haqqında Birgə Bəyannamə» bunun bariz nümunəsidir. Regionun əsas iqtisadi mərkəzinə çevrilmiş Azərbaycan Avropa ölkələrinin enerji təhlükəsizliyinin təmin olunması üçün bundan sonra da öz töhfəsini verməyə hazırdır. Biz enerji resurslarımızın bütün istiqamətlərdə dünya bazarlarına çıxarılmasında maraqlıyıq və istehsal etdiyimiz neftin və qazın Avropaya nəqli üçün irəli sürülən təşəbbüsləri nəzərdən keçirməyə hazırıq. Azərbaycanın həyata keçirdiyi irimiqyaslı neft-qaz layihələri bizim etibarlı tərəfdaş oldu- ğumuzu sübut edir və bundan sonra da bütün maraqlı tərəflərlə əməkdaşlıq etməyə imkan verir. Yuxarıda qeyd edilənlərlə yanaşı, regionun inkişafı üçün ən böyük təhlükə mənbəyi Ermənistan–Azərbaycan, Dağlıq Qarabağ münaqişəsinin öz həllini tapmamasıdır. Bildiyiniz kimi, Azərbaycanın Dağlıq Qarabağ regionu və 7 digər rayonu 20 ilə yaxındır ki, Ermənistan tərəfindən işğal olunmuşdur. Bu, Azərbaycanın ümumi ərazisinin təxminən 20 faizini təşkil edir. Ermənistanın həyata keçirdiyi etnik təmizləmə siyasəti
190
nəticəsində bir milyondan artıq azərbaycanlı qaçqın və məcburi köçkün vəziyyətinə düşmüşdür. Münaqişə ilə bağlı BMT Təhlükəsizlik Şurasının 4 qətnaməsi, İKT, ATƏT, Avropa Şurası, NATO və digər beynəlxalq təşkilatların qərar və qətnamələri vardır. Bu münaqişə ancaq beynəlxalq hüquq və Azərbaycanın ərazi bütövlüyü çərçivəsində həll olunmalıdır. Hörmətli cənab Prezident, icazə verin, bu badələri Sizin şərəfinizə, Azərbaycan ilə Sloveniya arasında səmimi dostluq və faydalı əməkdaşlıq əlaqələrinin inkişafı şərəfinə qaldırım.
191
AZƏRBAYCAN–SLOVENİYA BİZNES-FORUMUNDA İŞTİRAK
10 iyun 2011-ci il
forumu keçirilmişdir. Azərbaycan prezidenti İlham Əliyev və Sloveniya prezidenti Danilo Tyurk biznes-forumda iştirak etmişlər. Forum iştirakçıları Azərbaycanın və Sloveniyanın dövlət başçılarını hərarətlə qarşıladılar. Biznes-forumda hər iki ölkədən 200-ə yaxın iş adamı iştirak etmişdir. Forumun keçirilməsində məqsəd Azərbaycan və Sloveniya iş adamları arasında iqtisadiyyatın müxtəlif sahələrində əməkdaşlığı inkişaf etdirmək, hər iki ölkənin iqtisadi poten- sialından yararlanaraq, ticarət dövriyyəsinin səviyyəsini artır- maqdır. Dövlət başçıları forumda çıxış etdilər.
Hörmətli prezident İlham Əliyev, əziz dostum! Hörmətli qonaqlar, hörmətli dostlar! Bu gün Azərbaycan–Sloveniya biznes-forumunda çıxış etməkdən olduqca məmnunam. Əslində, prezidentliyim döv- ründə ikinci dəfədir ki, belə mötəbər iclasda çıxış etmək fürsəti mənə nəsib olur. 2 il əvvəl mən bir qrup sloveniyalı iş adamı ilə Bakıya səfər etmişdim. Bakıda işgüzar dairələrlə çox yaxşı, səmimi görüşümüz oldu. O vaxt biz lap başlanğıcdan olduqca perspek- tivli, yeni, mühüm təşəbbüsləri müzakirə etdik. Onlardan
192
bəziləri artıq öz bəhrəsini vermişdir. Həmin addım əslində başlanğıc nöqtəsi oldu. İnformasiya texnologiyaları və sığorta sahələrində əldə edilən irəliləyiş, bu yaxınlarda başlanmış su elektrik stansiyalarının tikintisi layihəsi bizi həvəsləndirdi. «Korona» şirkəti Azərbaycandakı tərəfdaşları ilə artıq texniki əsaslandırma işlərinə başlamışdır. Bu bir daha onu göstərir ki, biz tərəqqini əldə etmişik. Həmin tərəqqi o faktla üst-üstə düşür ki, ticarət əlaqələrimizdə də böyük irəliləyişə nail olmuşuq. Ticarətimiz artır. Ötən il bu sahədəki artım 10 faiz olmuşdur. Bu, yaxşı haldır, çünki 2010- cu il hələ də böhran ili idi. Ümid edirik, ötən il qlobal böhranın son ili oldu. Həmin vaxtdan etibarən gözəçarpan artımı müşahidə etməyə başladıq. Burada dinlədiklərimiz göstərir ki, hər iki ölkənin şirkətləri arasında əməkdaşlıq ideyaları forumda səsləndirilir. Bunun üçün möhkəm bünövrə vardır. Planlarımız və ümidlərimiz böyükdür. Bir-biri ilə əməkdaşlıq edən iki dost ölkənin – Azərbaycanın və Sloveniyanın həm biznes, həm siyasi dairələri arasında qurulmuş işbirliyi haqqında daha geniş mənada bir neçə kəlmə söyləmək istəyirəm. Biz strateji düşünməliyik və uzunmüddətli perspektivlər haq- qında danışmalıyıq. Bu faktı da nəzərə almalıyıq – Sloveniya Avropa İttifaqının üzvü və Azərbaycan Avropa İttifaqının tərəfdaşı kimi, bir çox səylər göstərməlidirlər ki, Avropa İttifaqı ilə Azər- baycan arasında münasibətlərin gələcəyi daha dəqiq formada müəyyən edilsin. Hələ ki, bu sahədə konkret təkliflər yoxdur. Biz Avropa İttifaqında bu haqda az bilirik və bu, Avropa İttifaqının bütün üzvlərinə aiddir. Biz Azərbaycan haqqında bir çox məlumatları öyrənməliyik, ölkənizdəki imkanlarla tanış olmalıyıq. Anlamalıyıq ki, enerji və alternativ enerji mənbələri sahəsində əməkdaşlıqdan başqa, növbəti onilliklər haqqında düşünməliyik. Belə gələcək üçün möhkəm iqtisadi bünövrəni inkişaf etdirməliyik. Məhz bugünkü biznes-forum da bu məqsədlərə xidmət edir. Burada hər iki məsələ nəzərdə tutulur: yaranan biznes imkanları və razılaşmalar, həmçinin uzun
Yüklə 2,6 Mb. Dostları ilə paylaş:
|