224
Avropa ilə Azərbaycan arasında enerji əməkdaşlığının artıq
yaxşı tarixi vardır. Bir neçə il əvvəl bizə Xəzərin neft
ehtiyatlarını beynəlxalq və Avropa bazarlarına çıxarmağa imkan
verən Bakıdan Aralıq dənizi sahillərinə böyük neft boru kəməri
inşa edildi. Bizim artıq əməkdaşlıqda yaxşı təcrübəmiz vardır.
Bu gün Avropa bizim enerji resurslarımızın əsas istehlakçısıdır.
Avropa bizim ən böyük ticarət tərəfdaşımızdır. Əminəm ki, bu
dəhlizdən qaz resurslarının nəqli üçün istifadə bizə avropalı
istehlakçıların etibarlı təbii qaz təminatçısı olmağa imkan
verəcəkdir. Yanvarda xüsusi işçi qrupu yaradılıb. Cənab
Barrozunun bu ilin yanvarında Bakıya səfəri zamanı Cənub qaz
dəhlizi ilə bağlı bəyannamə imzalanıb. İndi gələcək əməkdaşlıq
üçün bizim çərçivəmiz vardır. Ümid edirik ki, bu ilin sonunadək
biz bununla bağlı bütün lazımi işləri yekunlaşdıracağıq. Bu bizə
qaz potensialımızdan vətəndaşlarımızın rifahı naminə istifadə
etmək, Avropaya isə gələcəkdə alternativ, etibarlı və böyük qaz
resursları əldə etmək imkanı verəcəkdir. Bizim maraqlarımız
təkcə enerji məsələsində deyil, həm də bu gün toxunduğumuz
məsələlərdə üst-üstə düşür. Əminəm ki, Avropa İttifaqı və
Azərbaycan arasında dostluq, tərəfdaşlıq münasibətləri
gələcəkdə də uğurla davam edəcəkdir.
Bir daha, cənab Prezident, dəvətinizə görə təşəkkür edirəm.
225
AVROPA İTTİFAQININ GENİŞLƏNDİRİLMƏSİ
VƏ AVROPA QONŞULUQ SİYASƏTİ ÜZRƏ
KOMİSSARI ŞTEFAN FÜLEN İLƏ GÖRÜŞ
Brüssel
22 iyun 2011-ci il
Belçika Krallığında işgüzar səfərdə olan Azərbaycan
Respublikasının Prezidenti İlham Əliyev iyunun 22-də Brüs-
seldə Avropa İttifaqının genişləndirilməsi və Avropa qonşuluq
siyasəti üzrə komissarı Ştefan Füle ilə görüşmüşdür.
Görüşdə Azərbaycan ilə Avropa İttifaqı arasında əmək-
daşlıq, o cümlədən «Şərq Tərəfdaşlığı» Proqramı çərçivəsində
həyata keçirilən layihələr və atılan addımlar ətrafında fikir
mübadiləsi aparıldı.
Əməkdaşlığın genişləndirilməsinin yeni imkanlarının nəzər-
dən keçirildiyi görüşdə, həmçinin Assosiativ saziş üzrə aparılan
danışıqların hazırkı vəziyyəti, viza rejiminin sadələşdirilməsi və
digər məsələlər müzakirə olundu.
226
«EURONEWS» TELEKANALINA MÜSAHİBƏ
Brüssel
22 iyun 2011-ci il
Belçika Krallığında işgüzar səfərdə olan Azərbaycan Res-
publikasının Prezidenti İlham Əliyev iyunun 22-də Brüsseldə
«Euronews» telekanalına müsahibə vermişdir.
S u a l: Azərbaycan prezidenti İlham Əliyev,
«Euronews»a xoş gəlmisiniz! Ayın 24-də Dağlıq Qarabağ
münaqişəsinin həlli ilə bağlı mühüm bir görüş
keçiriləcəkdir. Bu məsələdə Rusiyanın vasitəçiliyi ilə bağlı
nə deyə bilərsiniz?
İ l h a m Ə l i y e v: Biz prezident Medvedevin müsbət
inkişafa aparan səylərini dəstəkləyirik. Ayın 24-də keçiriləcək
görüş son 2 il ərzində keçirilən görüşlərdən biri olacaqdır.
Prezident Medvedevin iştirakı tərəflərə razılığa nail olmaqda
kömək edir. Buna görə də biz daha çox nikbin əhval-
ruhiyyədəyik. Düşünürük ki, Ermənistan tərəfi irəliyə addım
atmaq üçün konstruktiv yanaşma və siyasi iradə nümayiş
etdirərsə, münaqişə çox tez bir zamanda həll edilər.
S u a l: Ermənistan tərəfi, Sizin dediyiniz kimi,
konstruktiv görünmək üçün nə etməlidir?
İ l h a m Ə l i y e v: İlk növbədə BMT Təhlükəsizlik
Şurasının bir neçə il əvvəl qəbul etdiyi və Ermənistan silahlı
qüvvələrinin işğal olunmuş ərazilərdən dərhal və qeyd-şərtsiz
çıxarılmasını tələb edən qətnamələrini yerinə yetirməlidir. Artıq
heç kimə sirr deyil ki, torpaqlarımız 20 ilə yaxındır ki, işğal
altındadır. Nəinki Dağlıq Qarabağ, hətta onun ətrafında yerləşən
və ermənilərin heç vaxt yaşamadıqları digər 7 rayon da işğal
altındadır. Biz etnik təmizləmə siyasətinə və işğala məruz
227
qalmışıq. Bu səbəbdən məsələyə beynəlxalq hüquq normaları
baxımından yanaşmaq çox vacibdir. Danışıqlar prosesinə
gəldikdə isə vasitəçilər tərəfindən hər iki tərəfə təklif olunan
baza prinsipləri beynəlxalq hüquq normalarına tam cavab verir.
Bunlar ölkələrin ərazi bütövlüyü və xalqların özünüidarəetmə
hüququ prinsipləridir. Bu prinsiplər bir-birinə zidd deyildir.
Onların hər ikisi vacibdir və sülh sazişində əks oluna bilər.
S u a l: Erməni qüvvələrinin Dağlıq Qarabağdan çıxarıl-
dığı təqdirdə Azərbaycan tərəfi nə təklif edə bilər? Azər-
baycan nəsə təklif edirmi?
İ l h a m Ə l i y e v: Əslində elə bir şey yoxdur ki, bizə
məxsus olmasın və biz onu qaytarmalı olaq. Dağlıq Qarabağ
Azərbaycanın tarixi və beynəlxalq səviyyədə tanınan ərazisidir.
S u a l: Bəli, amma Ermənistan qoşunlarını yalnız
müəyyən şərtlər müqabilində çıxarmağa razı ola bilər.
Məsələn, mənim güman etdiyim kimi, müqəddəratını təyin
etmək, yaxud geniş muxtariyyət veriləcəyi təqdirdə.
İ l h a m Ə l i y e v: Uzun illərdir ki, bizim mövqemiz
tamamilə aydındır. Şəxsən mən dəfələrlə açıq şəkildə bəyan
etmişəm ki, biz Dağlıq Qarabağda yaşayan insanlara və Dağlıq
Qarabağa qayıdanlara dünyada mümkün olan ən geniş
muxtariyyəti təmin etməyə hazırıq.
S u a l: Bu muxtariyyət sizcə necə olmalıdır?
İ l h a m Ə l i y e v: Bu bizim növbəti danışıqlarımızın
mövzusu olacaq və hesab edirəm ki, bu, geniş muxtariyyət ola
bilər. Düşünürəm ki, Avropada mövcud olan muxtariyyət
təcrübəsi bizə kömək edəcəkdir. Belə ki, yeni nəsə düşünüb
tapmaq çətin olardı. Bizim üçün isə Avropa ölkələrində yaxşı
nümunələr vardır.
S u a l: Məsələn?
İ l h a m Ə l i y e v: Məsələn, İtaliya və Tirol, həmçinin
digər yerlər. Həmin yerlərdə mərkəzi hakimiyyət onların xalq-
larının həyat şəraitini daha da yaxşılaşdırmaq üçün
muxtariyyətlərə və onların maliyyə məsələlərinə çox böyük,
bəlkə də daha artıq diqqət yetirir. Biz də bu cür edə bilərik.