213
Dağlıq Qarabağın inzibati sərhədlərindən kənar torpaqlardan
didərgin salınıb. Təbii ki, bu insanlar öz torpaqlarına qayıtmaq
istəyir və bu onların fundamental hüququdur. Azərbaycanın
ərazi bütövlüyü heç bir ölkə tərəfindən sual altına qoyulmur.
BMT Təhlükəsizlik Şurası Ermənistan qoşunlarının işğal
olunmuş ərazilərdən dərhal çıxarılmasını tələb edən dörd
qətnamə qəbul edib. Təbii ki, Ermənistanın və Azərbaycanın
münaqişəyə münasibəti fərqlidir. Çünki ərazisinin 20 faizi işğal
altında olan Azərbaycan Ermənistanın heç bir santimetr belə,
ərazisini zəbt etməyib. Biz bu təcavüzün qurbanıyıq. Biz həm
cənab Barrozudan, həm həmsədr ölkələrin rəhbərlərindən
«status-kvo dəyişdirilməlidir» – bəyanatlarını eşidəndə
ruhlanırıq. Status-kvonun dəyişdirilməsi vəziyyətin dəyişməsi,
işğala son qoyulması deməkdir.
Madrid prinsiplərinə gəldikdə isə 2 il əvvəl Azərbaycan
bəyan etdi ki, Madrid prinsiplərini danışıqların əsası kimi qəbul
edir. Bu prinsiplər bir tərəfdən Azərbaycanın ərazi bütöv-
lüyünün bərpa olunmasını, digər tərəfdən də Dağlıq Qarabağda
yaşayan insanlara ən yüksək səviyyədə özünüidarəetmə
statusunun verilməsini nəzərdə tutur. Əgər qəbul olunarsa bu,
sülhə aparan yol ola bilər. Biz regionumuzda sülh istəyirik.
İnsanlarımızın fundamental hüquqlarından istifadə edərək
doğma yurdlarına qayıda bilməsini istəyirik. Yalnız bundan
sonra Cənubi Qafqazda vəziyyət dəyişəcək, tamamilə müsbət,
dinamik vəziyyət yaranacaq.
214
AVROPA PARLAMENTİNİN SƏDRİ YEJİ BUZEK
İLƏ GÖRÜŞ
Brüssel
22 iyun 2011-ci il
Belçika Krallığında işgüzar səfərdə olan Azərbaycan
Respublikasının Prezidenti İlham Əliyev iyunun 22-də Brüs-
seldə Avropa parlamentinin sədri Yeji Buzek ilə görüşmüşdür.
Avropa parlamentinin sədri Yeji Buzek dövlətimizin başçısı
İlham Əliyevi səmimiyyətlə qarşıladı.
Prezident İlham Əliyev və Yeji Buzek Azərbaycan Res-
publikasının və Avropa İttifaqının bayraqları önündə xatirə
şəkli çəkdirdilər.
Dövlətimizin başçısı Avropa parlamentinin Fəxri qonaqlar
kitabına ürək sözlərini yazdı.
Görüşdə Ermənistan–Azərbaycan, Dağlıq Qarabağ müna-
qişəsinin həlli, Azərbaycan ilə Avropa İttifaqı arasında parla-
mentlərarası əlaqələrin daha da genişləndirilməsi, «Şərq Tərəf-
daşlığı» Proqramı, Avronest Parlament Assambleyası çərçi-
vəsində əməkdaşlıq məsələləri müzakirə olundu.
Görüşdə, həmçinin Assosiativ saziş, Azərbaycan ilə Avropa
İttifaqı arasında viza rejiminin sadələşdirilməsi ilə bağlı fikir
mübadiləsi aparıldı.
215
AVROPA PARLAMENTİNİN SƏDRİ
YEJİ BUZEK İLƏ BİRGƏ MƏTBUAT
KONFRANSINDA BƏYANATLARLA
ÇIXIŞLAR
Brüssel
22 iyun 2011-ci il
İyunun 22-də Brüsseldə Azərbaycan prezidenti İlham
Əliyevin və Avropa parlamentinin sədri Yeji Buzekin birgə
mətbuat konfransı olmuşdur.
Avropa parlamentinin sədri Yeji Buzek və Azərbaycan pre-
zidenti İlham Əliyev əvvəlcə mətbuat üçün bəyanatlarla çıxış
etdilər.
Avropa parlamentinin sədri Yeji Buzekin bəyanatı
Prezident İlham Əliyevi ölkə prezidenti olaraq. Avropa
parlamentinə ilk dəfə gəlişi münasibətilə ürəkdən salamlayıram.
Bu bizim Bakı görüşümüzün davamıdır. Hesab edirəm ki,
həmin görüş qarşılıqlı anlaşma nöqteyi-nəzərindən çox maraqlı
və səmərəli olmuşdur. Bu çox əhəmiyyətlidir. Birincisi, ona
görə ki, Brüsseldən Bakıyadək 3 min kilometr məsafə vardır.
Bu çox böyük məsafədir. Lakin düşünürəm ki, bizim eyni
dəyərlərimiz vardır. Biz eyni düşünürük. Bizim həqiqətən də
bəzi problemlərimiz vardır.
Bizim Assosiativ razılaşmalara, azad ticarət müqavilələrinə
ehtiyacımız vardır. Bizim viza rejiminin sadələşdirilməsinə ehtiya-
cımız vardır. Əlbəttə ki, biz parlamentlərimiz arasında əlaqələri
inkişaf etdirməliyik. Həmkarım bizimlə buradadır. O, Cənubi
Qafqaz üzrə nümayəndə heyətinin rəhbəridir. Bilirsiniz ki, «Şərq
216
Tərəfdaşlığı» Proqramı çox əhəmiyyətlidir və düşünürük ki,
gələcəkdə də çox əhəmiyyətli olacaqdır.
Azərbaycan prezidentinin məhbusları azad etməsini alqış-
layıram. Bu bizim Azərbaycana səfərimizdən bir neçə gün sonra
baş vermişdi və onların sayı çox idi. Mən Prezidentə izah etdim ki,
demokratiyanı və media hüquqlarını nəzərə alaraq biz çox vaxt
Avropa İttifaqının xaricindəki və hətta bəzi hallarda daxilindəki
ölkələri tənqid edirik. Biz necə ki, Avropa daxilində, eynilə də
onun xaricində sərtik. Bizim əlaqələrimiz baxımından bu çox
böyük inkişafdır.
Enerji sahəsində əməkdaşlığımız, xüsusilə də qaz layihələri,
eynilə də Bakı–Tbilisi–Ceyhan neft boru kəməri regionda
vəziyyəti tamamilə dəyişdi.
Sonda onu da demək istəyirəm ki, Avropa İttifaqı və Avropa
parlamenti dünyanın bu regionunda dondurulmuş Dağlıq Qarabağ
probleminin həllinə böyük önəm verir. Biz ATƏT-in Minsk
qrupunun fəaliyyətinə, Rusiya, Fransa və ABŞ-ın fəaliyyətinə çox
ciddi yanaşırıq. Başqa çox vacib bir məqam Madrid prinsipləridir.
Mən bütün bu məqamları bir daha cənab Prezidentin diqqətinə
çatdırdım. Biz bu məsələdə dəstək verməyə, kömək etməyə
hazırıq.
Cənab Prezident, Sizə bir daha minnətdarlığımı bildirirəm. Biz
gözlənildiyindən artıq müzakirələr apardıq və jurnalistlər bizi
gözləməli oldular. Buna görə onlardan üzr istəyirəm.
Azərbaycan prezidenti İlham Əliyevin bəyanatı
Təşəkkür edirəm, cənab Sədr!
Sizi bir daha görməkdən şadam. Avropa İttifaqına gəlmək
üçün göndərdiyiniz dəvətə və bu müstəvidə danışıqlarımızı
davam etdirmək imkanına görə minnətdaram.
Biz bu yaxınlarda Sizin Azərbaycana səfəriniz zamanı
görüşdük. Bizim çox maraqlı və səmərəli danışıqlarımız oldu.
Bu həmçinin Sizin üçün ölkəmizi daha yaxından tanımağa
imkan verdi. Bu gün biz bu dialoqu – tərəfdaşların, dostların