a) cinayət tərkibi ilə cinayət cəzası tədbiri arasında uyğunluğun,
müvafiqliyin tədqiq edilməsi;
b) cinayət cəzasının fərdiləşdirilməsi prinsipindən (cinayət məsuliy
yətinin diferensiasiyasından - A.Q.) geri çəkilmələrin, yayınmaların
aşkar olunması;
v) belə geriyə çəkilmələrin, yaxud yayınmaların səbəblərinin tədqiqi
və təhlili.
Dünyanın bir çox ölkələrinin (məsələn, ABŞ, Almaniya, İngiltərə və
s.) sosioloqları bu istiqamətin tədqiqində yüksək uğurlara ədalət müha
kiməsinin qeyri-hüquqi hərəkətləri barəsində öz «ifşaedici» nəticələrini
aşkarlamaları sayəsində nail olmuşlar. Azərbaycan Respublikasında isə
sosioloji təhlilin bu istiqaməti demək olar ki, heç tədqiq də edilməmişdir.
Bununla əlaqədar ölkədə andlılar məhkəməsinin fəaliyyətinin genişlən
dirilməsi yaxşı səmərə verə bilər. Bu zaman mühakimə icraatının iki
növünü müqayisə və lazımi nəticələr əldə etmək imkanı yaranır. Məsələn,
bu sahədə Rusiya Federasiyasında artıq bəzi addımlar atılmışdır. Bu
ölkədə qətl hadisələrinə dair işlərə baxmağa başlamış andlılar məhkəməsi
əksər hallarda bəraət verdikti çıxarmışdır ki, əvvəllər belə praktikaya Ru
siya məhkəmələrində ya rast gəlinməmiş, ya da çox nadir hallarda təsadüf
olunmuşdur.
Andlılar məhkəməsi hər bir ölkənin mühakimə icraatı sistemində
demokratik dəyişikliklərə real nail olmanın ən yaxşı vasitəsidir. Bu,
çəkişmə məhkəməsidir. Məhz andlılar məhkəməsində obyektiv həqiqətin
üzə çıxarılması naminə ittihamla müdafiə arasında mübarizə gedir. Bu
rada sübutlar sisteminin çəkişmə prosesini zəkaların mübarizəsinə bənzət
mək olar. Əlbəttə ki, andlılar məhkəməsi ədalət mühakiməsinin ümumi
mənzərəsini, o cümlədən onun fəaliyyətinin məzmununu dəyişmir və o,
ancaq qətlə hadisələrinə dair işlərə baxmaqla məhdudlaşır. Hətta Qərbi
Avropa ölkələrində andlılar məhkəməsinin baxdığı işlər cinayət işlərinin
ümumi sayının 1 faizini təşkil edir.
Məhkəmə sosiologiyasında digər istiqamət məhkəmə səhvlərinin
tədqiq edilməsi istiqamətidir. Məhkəmə səhvlərinin tədqiqi məhkəmə
sosiologiyasının ifşaedici funksiyası kimi bütün gücü, var qüvvəsi ilə
təzahür edir. Məhkəmə səhvi ədalət mühakiməsinin təfəkküründə, fikir və
hərəkətlərində, cinayətkar əməlin motivinin dərk edilməsində, əməlin
tövsifmdə və hökmün çıxarılmasında yol verdiyi prosessual yanlışlıqdır.
4 6 6
Mühakimə icraatı təcrübəsində məhkəmə səhvlərinin müəyyən təzahürlə
rinə həmişə təsadüf olunur. Qərb sosioloqlarının fikrincə, bu, hər beş
işdən birində yol verilən səhvdir. Bəs, ədalət mühakiməsinin həyata ke
çirilməsi gedişində yol verilən səhvlərin kökü nədədir? Bu sual hüquq
ədəbiyyatında aşağıdakı kimi cavablandırılır.
Birincisi bu, keçmiş SSRİ-do avtoritar rejimin hökm sürdüyü illərdə
formalaşan və həmin məkanda bu gün də davam edən ittiham yönümiin-
dən irəli gəlir.
İkincisi, hakim kadrların çatışmazlığı üzündən baş verir (yəni belə
bir mülahizə yürüdülür ki, indiki şəraitdə hakimlərin sayı ikiqat artı
rılmalıdır - A.Q.).
Üçüncüsü, təqsirsizlik prczumpsiyası ölkədə (keçmiş SSRİ-də -
A.Q.) heç vaxt mühüm bir prinsip kimi nəzərə alınmamışdır.1
Məhkəmə səhvi bağışlanmaz haldır. Bəzi hallarda isə onun törətdiyi
mənfi hüquqi nəticələri aradan qaldırmaq ya çox gec olur, ya da ümumiy
yətlə mümkün olmur. Ən faciəvi hallardan biri odur ki, bəzən əsil cina
yətkarın ifşa olunub cəzalandırılmasından əvvəl heç bir təqsiri olmayan
şəxs ağır cəzaya məhkum olunur.
Məhkəmə sosiologiyasında növbəti istiqamətlərdən biri qanunların
sosioloji təfsiridir. Qanunların sosioloji təfsiri hüquqi tətbiqetmənin
problemi, hüquq normalarının mahiyyətinin dərindən dərk edilməsində
hakimlərə göstərilən konkret yardımdır. J.Karbonc haqlı olaraq yazırdı:
«Hakim qanunun yeganə interpretatoru deyildir... Lakin yalnız hakim təf
sirə məcburi qüvvə verə bilər».2
Hüququ başa düşmək, mənasını dərk etməkdən ötrü qanunu təfsir
etmək son dərəcə mürəkkəb problemdir. Hüquq norması bəzən on müəm
malı şəkildə təfsir oluna bilər. Qanun normasına sosioloji yanaşma,
sosioloji baxış onunla səciyyələndirilir ki, sosioloq real həyatda baş ve
rənləri biliklərin sanki ümumi, müəyyən dərəcədə mücərrəd hüquqi
formulaları ilə tamamlayır.
Hüququn ümumi nəzəriyyəsindən məlum olduğu kimi, qanunun
təfsirinə aşağıdakı iki yanaşma mövcuddur:
1) genişləndirici (reformist) təfsir. Bu zaman köhnə norma yeni
hadisələrlə, işlərin faktiki vəziyyəti ilə və praktika ilə əlaqələndirilir;
1 Юридическая социологая: Учебник. M., НОРМА-ИНФРА, 2000, c.196-197.
2 Карбонье Ж. Юридическая социология. М., 1986, с.308.
4 6 7
2) ımhdudlaşdırıcı (mühafizəkar) təfsir. Bu vaxt hakim (və ya
təfsirçi) normanın yalnız köhnə təfsirinə arxalanır. Hüquqşünas qanunun
interpretasiya edərkən xüsusini ümumiyə müncər etməyi, yəni konkret
cinayəti universal hüquq normasının qüvvəsi altına salmağı ağılla bacar
malıdır. O, hüquq normasının təfsirinə doqmatik yanaşmadan qaçmalı,
lakin «dünya məhv olsa da, ədalət mühakiməsi baş tutmalıdır» prinsipinə
kor-koranə əməl etməməlidir.
Qanunların bəzən real proseslərdən geri qalmasına baxmayaraq,
qayda və cəmiyyətin sabitliyi naminə onlara əməl etmək zəruridir. J.Ka-
bonenin qeyd etdiyi kimi, «əgər qanun pisdirsə, bu o demək deyildir ki,
onu yerinə yetirmək lazım deyil. Onu sadəcə olaraq dəyişdirmək la
zımdır».
Məhkəmə sosiologiyasında istiqamətlərdən birini də məhkəmə işlə
rinin, məhkəmə təcrübəsinin təhlili təşkil edir. Məhkəmə işlərinin və
məhkəmə təcrübəsinin təhlili cəmiyyətdə onun inkişafının bu və ya digər
mərhələsində əxlaqın (mənəviyyatın) vəziyyəti haqqında düşünmək üçün
zəngin material verən məkandır.
Cinayət işləri materiallarının təhlilinə aşağıdakı iki yanaşma
mövcuddur:
1) təhlil obyektinin hüququ tətbiqetmə probleminin, yəni hüququn
özünün olduğu vaxt məhkəmə təcrübəsinin ənənəvi öyrənilməsi. Bu
zaman hüquqşünas aşağıdakıları tədqiq edir:
a) konkret hüquq normasını, konkret cinayət tərkibinin həlli üçün
məcəllənin tətbiq edilən maddəsini;
b) sübutların - maddi dəlillərin, ekspertlərin rəylərinin, şahidlərin və
zərər çəkmiş şəxslərin ifadələrinin kifayətcdici olub-olmadığını;
2) məhkəmə işinin əsasını təşkil edən həyati faktın özünü. E.Karbone
yazırdı: «Sosioloq öz təhlilində məhkəmə qərarının aşkar etdiyi həyati
situasiyaları, şəxslərarası və fərdi sosial hadisələrin əlaqələndirilməsini
nəzərdən keçirməyə cəhd göstərir... İstənilən məhkəmə qərarı münaqişə
nin yekunudur. Münaqişələr isə sosial psixologiyanın maraqlı hadisələri
dir və onlann öyrənilməsinin... məhkəmə işlərinin sosioloji təhlilində son
dərəcə əhəmiyyəti vardır».1
Məhkəmə sosiologiyasının daha bir istiqamətini hakimlərin davra
nış stereotipinin təhlili təşkil edir, hakimlərin davranış stereotipinin təh-
1 Карбонье Ж. Юридическая социология. M., 1986, с.226.
468
lilində məhkəmə spsiologiyası psixologiyasız, yəni psixo-sosioloji təhlil-
siz keçinə bilməz.
Şəxsiyyəti onun sosial rollarından ayrı başa düşmək qeyri-müm
kündür. Rollu davranış fərdiyyətçiliyin və sosial rolların birliyidir. İnsan
bu rolları xidmət etdiyi peşəsindən, işindən asılı olaraq oynayır.
Femida qulluqçularının keçmiş nəsilləri tərəfindən işlənib hazırlan
mış sxemlər, ideal davranış modelləri və mövcud stereotiplər sayəsində
hakimlər özlərini qanunların qoruyucuları kimi aparır, məhz ətrafın on
lardan gözlədikləri kimi hərəkət edirlər və bununla da nümunəvi gö
rünməyə çalışırlar.
Qeyd etmək lazımdır ki, hakim mühakimə icraatında ittihamla
müdafiə arasındakı mübahisənin arbitridir, yəni vasitəçidir. Ondan qanu
nun sosial dəyərinə inam, hüquq normalarının pozuntularına dözülməzdik
gözləyirlər. O öz ciddiliyi, soyuq beyni, analitik ağıl tutumu ilə seçilməli,
vicdanlı, qərəzsiz və nəfsi tox olmalıdır. Qərəzlilik və tamahkarlıq haki
mə yaraşmayan keyfiyyətlərdir. Hakim həmişə nəcibliyi və alicənablığı
ilə diqqəti cəlb etməlidir.
Bununla belə, təcrübədə bəzən başqa nəticələr üzə çıxır, sosioloqlar
gözlənilənlərin tamamilə əksi ilə rastlaşırlar. Sosioloji tədqiqatlar şəhadət
verir ki, adətən, hüquqi biliyi zəif olan, iş və həyat təcrübəsi kifayət qədər
olmayan hakimlər süründürməçiliyə yol verir, çıxarılan qərarlar öz da
yazlığı və sönüklüyü ilə seçilir.
«Sosial psixologiya və ədalət mühakiməsi»ni tədqiq edən Dcvid
Mayers qeyd edir ki, məhkəmə baxışı gedişində hakimin mühakimələrinə
müttəhimin zahiri görkəmi təsir göstərir. O, fiziki cəhətdən cəzbcdici olan
müttəhimə böyük lütlkarlıq göstərir, çünki «gözəl adamlar adətən, inti-
zamlı», «bilavasitə zahirli (böyük girdə gözlü və kiçik almlı) adamlar isə
daha sadəlövh görünür və adətən, ehtiyatsızlıqdan törədilən cinayətlərə
dair işlərdə təqsirli bilinirlər. Eybəcər adamlar xüsusən do seksual
zorakılıqla müşayiət olunan əməllər törədən cinayətkarlar təəssüratı yara
dırlar». Müəllif davam edərək yazır: «...bizim daha çox özümüzü eyniləş
dirə bildiyimiz müttəhimlərə rəğbətimiz var».1
1 Майерс Д. Социальная психология. СПб., 1997, с.414.
469
Dostları ilə paylaş: |