2. Hüquq-mühafizə orqanlarının
fəaliyyətinin sosiologiyası
Cəmiyyət həyatının bütün tarixi inkişaf mərhələlərində dövlətin
qarşısında duran ən başlıca vəzifələrdən biri insanın, vətəndaşın hüquq və
azadlıqlarını müdafiə, ölkədə sabitliyi və qaydanı mühafizə etməkdən,
cinayətlərin qarşısını almaqdan və ümumi təhlükəsizliyi təmin etməkdən
ibarət olmuşdur. Cinayətkarlıqla və digər hüquq pozuntuları ilə müba
rizənin, eləcə də hüquq qaydasının və qanunçuluğun mühafizəsinin təmin
olunmasının ən səmərəli mexanizmi hüquq-mühafizə orqanlarının sistemi
- polis və təhlükəsizlik orqanları olmuşdur.
Sosiologiya formalaşdığı və qəti təşəkkül tapdığı ən erkən vaxtların
dan cinayətkarlıqla mübarizə sferasını fəal surətdə öyrənməyə başlamış
dır. Hələ XX yüzilliyin əvvəllərindən başlayaraq sosioloqlar tərəfindən
cinayətkarlıq, onunla mübarizədə polis orqanlarının fəaliyyəti problemlə
rinə bir çox xüsusi tədqiqat əsərləri həsr edilmişdir. Bu ənənə indi də
davam etdirilir. Xüsusilə də hüquq-mühafizə orqanlarının fəaliyyəti
sferası ilə bağlı sosioloji tədqiqatların dairəsi daha da genişləndirilmişdir.
Hüquq-mühafizə orqanlarının fəaliyyətinin səmərəliliyi təkcə bu
orqanlarının bilavasitə öz vəzifələrini yerinə yetirmələrinin həcmi və
səviyyəsi ilə deyil, həm də əhalinin onlara olan inamı və kütləvi şüurun
vəziyyətilə müəyyən edilir. Nəzərə almaq lazımdır ki, cəmiyyətdə qanu
nun, hüquq qaydasının və sosial ədalətin hüquq mühafizə orqanları tərə
findən etibarlı şəkildə mühafizə olunduğuna əhalidə inamın olması mü
hüm amillərdən biri hesab olunur. Bu, həm də hüquq-mühafizə orqan
larının fəaliyyətinin səmərəliliyinin əsas göstəricilərindən biridir. İnsan
ların qanunçuluğun, hüquq qaydasının və ədalətin təntənəsinə inamı
böyük sosial dəyərlərdən biridir.
Hüquq-mühafizə orqanları içərisində fəaliyyəti ən çox görüntüdə
olan orqan daxili işlər orqanları, bu orqanların əməkdaşlarının gündəlik
fəaliyyətidir. Polisi adətən, asayiş keşikçisi də adlandırırlar. Asayişin qo
runması isə əslində elə vətəndaşların sakit və rahat həyatının təmin
edilməsi deməkdir. Bəs, Azərbaycan cəmiyyətində polisə münasibət ne
cədir? Əhali ona inanırmı? Cəmiyyət daxili işlər orqanlarının əmək
daşlarına rəğbət bəsləyirmi? Polis həqiqətənmi keşikçilik edir?
Bu suallara obyektiv və dolğun cavab vermək o qədər də asan
470
deyildir. Bəlli bir şeydir ki, hüquq-mühafizə orqanları sistemində yükün
ən böyük ağırlığı polisin üzərinə düşür. Daxili işlər orqanlarının əmək-
daşlan, demək olar ki, normalaşdırılmamış iş rejimində işləyirlər və bu,
dünyanın bütün ölkələrində belədir. Ən adi sözlərlə ifadə etsək, daxili
işlər orqanlan əmokdaşlannm gecəsi-gündüzü yoxdur. Bu, məsələnin
yalnız bir tərəfidir və polisin gərgin və eyni zamanda da təhlükəli anlarla
dolu olan fəaliyyəti layiqincə qiymətləndirilməlidir. Polisin əməyinin la
zımınca dəyərləndirilməməsi ən azı ədalətsizlik, haqsızlıq olardı.
Qeyd etmək lazımdır ki, Azərbaycan Respublikasında daxili işlər
orqanlan əməkdaşlan ilk növbədə dövlət tərəfindən lazımınca himayə
olunurlar. Əvvələn, onlar yaxşı əmək haqqı alırlar, ikincisi, dövlət onlara
inanır və etibar edir. Bununla belə, unutmaq olmaz ki, polis ilk növbədə
cəmiyyətin inam və hörmətini qazanmalıdır. Bu nöqteyi-nəzərdən ölkə
mizdə vəziyyət bir qədər başqadır. Çünki Azərbaycan cəmiyyətində əhali
arasında polisə inam və hörmətdən daha çox qorxu hissi formalaşmışdır.
Qorxu isə rəğbət və etibar kimi keyfiyyətləri özündən kənar edir.
Daxili işlər orqanlarının əməkdaşları içərisində vətəndaşa hətta ya
naşma etikasına malik olmayan şəxslərə təsadüf olunur. Adi danışıq qa
biliyyətinə məlik olmayan polis işçisi özünü vətəndaşa necə təqdim edə
bilər? Bu, əsasən ondan irəli gəlir ki, daxili işlər orqanlarında işə qəbul
olunan şəxslərin təhsil səviyyəsinə lazımi diqqət yetirilmir. Nəzərə alın
mır ki, polis olmaq istəyən kos hansı zəruri kriteriyalara cavab verməlidir.
Dünyanın inkişaf etmiş demokratik dövlətlərinin hüquq və azad
lıqları müdafiə sisteminin müsbət təcrübəsinin daha dərindən öyrənil
məsi, fikrimizcə, faydalı olardı. Biz öz hüquqlarımızı sivil qaydada mü
dafiə etməyi öyrənməli, tutduğu mövqedən asılı olmayaraq, istənilən
vəzifəli şəxsin hüquqazidd hərəkətinə qarşı qanunla cavab verməyi bacar
malıyıq. Yalnız hüquq ictimai həyatımızın on başlıca sosial dəyəri olma
lıdır. Bizə köhnə təfəkkür stereotiplərini aradan qaldırmaq son dərəcə
zəruridir.
Xüsusilə ağır cinayətlərin dinamikasının aşkar edilməsi hüquq-
mühafizə orqanlarının fəaliyyətinin sosiologiyası nöqteyi-nəzərindən
dövləti və cəmiyyəti həmişə dərindən düşündürən problem olmuşdur.
Dünya öz inkişafının elə bir mərhələsinə yetişmişdir ki, indi elmi-texniki
tərəqqi ilə yanaşı, kriminogen şərait demək olar ki, inkişaf etmiş bütün
sivil cəmiyyətlərin sərt və amansız reallıqlarından birinə çevrilmişdir.
471
Dostları ilə paylaş: |