217
- Yadımdadır. – deyə qadın tərəddüdlə dilləndi.
- Sən demə, - Gülnarə əli ilə döyülən oğlanın sinəsini
göstərib həqarətlə dilləndi. - onun sinəsində nə tük var, nə
də ki, cırmaq yeri.
Ondan sonra Məkanə həmin kadrlara tamaşa edərək,
təəccübdən yerindəcə donub qaldı. Həqiqətən də əynindəki
köynək ilə qolları ağaca bağlanan Əliyusifin bədənində nə
cırmaq yeri, nə də tük var idi. Deməli, belə çıxır ki,
Gülnarənin namusuna toxunmaq istəyən adam Əliyusif
yox, başqa bir oğlan imiş.
- Gülya, onda belə çıxır ki, Əliyusif təqsiri olmadan sərt
şəkildə cəzalandırılıbdır. Sənə deyirdim axı, onun bu işdə
əli yoxdur. Sən isə mənə inanmırdın.
- Onun telefondakı “Bakılı qız” mahnısı məni çaşqınlıq
vəziyyətinə salıbdır. – rəssam qız çiyinlərini çəkərək
müəmmalı tərzdə dilləndi. - Yaxşı, bəs mənə hücum edən
adam kim idi?
- Mənə elə gəlir, bunu yalnız Əliyusifdən xoşu gəlməyən
adamlar edə bilərdi. – deyə Məkanə bir qədər fikirləşəndən
sonra ciddi halda dilləndi.
Bundan sonra Gülnarə fikirə getdi. Onun fikirincə,
Əliyusifin istirahət mərkəzində yalnız bir düşməni vardı, o
da ki, Natiq. Bəs, telefondakı melodiya? Axı, Natiqin
telefonunda tamamilə başqa bir melodiya səslənirdi. Əsl
218
baiskarın necə araşdırılması müşkül məsələyə çevrilir. Belə
çıxır ki, Natiq emosiyalar zamanı məhz Gülnarənin fitvası
ilə heç bir günahı olmayan bir adamı vəhşicəsinə
cəzalandırmışdı. İndiki məqamda rəssam qız necə etməlidir
ki, cəzalandırdığı oğlandan üzr istəsin. Necə olsa da, Əliyu-
sif həmin səhlənkar şübhəyə və həmin şübhə nəticəsində
ağır fiziki məhrumiyyətlərə məruz qalmasına görə Gülnarə-
dən inciyə bilər, bunun nəticəsində isə qıza nifrət bəsləyər.
Rəssam qız bu məsələ ilə bağlı Məkanədən məsləhət
alanda, səbirli qadın dedi ki, “çalışıb Əliyusifə hər şeyi izah
edər və üzrxahlıq bildirmək üçün ictimai bir yerdə onları
görüşdürər”.
- Əgər, mən onunla görüşüb üzrxahlıq bildirsəm, onda
vicdanım qarşısında öz borcumu yerinə yetirmiş olacağam.
Məkanə, Allah köməyin olsun, sən olmasaydın, mən
hələ də elə zənn edəcəkdim ki, bütün bu alçaq hərəkəti edən
həmin oğlandır.
Onlar bir qədər də söhbət edib, günorta yeməyini yemək
üçün hazırlıq görməyə başladılar. Gülnarə məyus olduğun-
dan və vicdan əzabı çəkdiyindən heç bir iş görə bilmədi.
Günlər ötdükcə Gülnarə ilə Natiqin arasındakı
münasibətlərdə müəyyən sirrlər üzə çıxmağa başladı.
Rəssam qızın həddindən artıq özünü tərbiyəli aparması
emosional oğlanı hövsələdən çıxarırdı. Həm də Məkanə ilə
219
olan söhbətdən sonra onun müəyyən mənada bir müddət
etibar etdiyi Natiqin hərəkətlərinə də şübhə ilə yanaşmağa
başladı. Çünki məlum hadisədə o, da bildirmişdi ki, həmin
naqis hərəkəti məhz Əliyusif törədibdir.
Natiq qız ilə özünün arasında olan məsafəni daraltmaq-
dan ötrü onunla qəti söhbət etməyi qərara aldı. Heç bir
günahı olmayan Əliyusifin amansızcasına döyülməsi Gül-
narəni rahat buraxmırdı və o, da bu məsələyə aydınlıq
gətirmək üçün Natiq ilə ciddi diskussiya yaratmaq fikirində
idi. O, Gülnarəni işdən çıxanda yolda qarşılayıb, onu hər
hansı bir kafeyə dəvət etdi. Rəssam qız nə qədər müqavi-
mət göstərsə də, son məqamda inadkar oğlan onu razı sala
bildi.
Onlar kafedə olan zaman Natiq elə hey cəhd edirdi ki,
qızın əlindən tutub özünə tərəf çəksin. Lakin Gülnarə öz
tərbiyəsinə əsasən, daim oğlandan aralı olmasını xahiş
edirdi. Süniliyi xoşlamayan rəssam qız realist olduğundan
birbaşa mətləbə keçdi. O, bütün fikrini toplayıb hüznlə
dedi:
- Şüurum dərk edəndən mən çalışıram ki, həyatda kobud
bir səhv buraxmayım və ən əsası, səhlənkarlıq ucbatından
kiməsə şər və böhtan atmayım. Lakin mən nə qədər həmin
prinsip ilə yaşasam da, yenə də günahla bərabər səhv
buraxmalı oldum.
220
- Sən, hansı səhvə görə özünü günahlandırırsan? – deyə
başlanan söhbətin ciddiliyinə əhəmiyyət vermək istəməyən
emosional oğlan istehza ilə dilləndi. - Olmaya, məni yaxına
buraxmamaqda, sən vicdan əzabı çəkirsən?
- Məgər, buna görə vicdan əzabı çəkirlər? – Gülnarə
ciddi halda dillənəndən sonra Əliyusif ilə bağlı məsələni
açıqlayaraq, birmənalı şəkildə ona edilən təcavüzdə
müxbirin heç bir təqsiri olmadığını bildirdi.
- Sən elə danışırsan ki, bişmiş toyuğun gülməyi gəlir.
Onda belə çıxır ki, biz həmin işi qurmuşuq? Şəxsən mən də
Əliyusifi pak oğlan kimi tanıyırdım, amma həmin hadisə-
dən sonra o, mənim gözümdən düşdü. O, mənim xoşuma
gələn, hətta deyərdim ki, ürəyimi titrəyiş altında saxlayan
bir qızın namusuna toxunduğu üçün, şəxsən mənim
tərəfdən döyülübdür. Allahına şükür etsin ki, belə binamus
hərəkətə görə o həddindən artıq yüngül cəzalandırılıbdır.
- Mən isə qətiyyətlə deyirəm ki, təqsiri olmayan bir ada-
mı vəhşicəsinə döyməklə, sizin hamınız günaha batmısınız.
- Gülya, bizim boynumuza şər atma. Sənin ittihamından
sonra biz onun üstünə hücum çəkdik və mənə elə gəlir ki,
biz düz etdik. Onun telefonu zəng çalmasaydı, həmin alçaq
sudan duru çıxacaqdı.
- Natiq, başa düş ki, həmin mahnı yalnız onun telefonun-
da ola bilməzdi. – deyə həmsöhbətinə qəribə nəzər salan
Dostları ilə paylaş: |