Ramiz Dəniz
Yüklə 1,78 Mb. Pdf görüntüsü
|
229 dəyəndən sonra oğlanlara olan inam daha da itdi. Belə olan halda indiki zamanda heç bir oğlanın varlığı onun marağın- da deyildi. Qənirə rəfiqəsini oğlu ilə birlikdə qarşılamaq üçün hazırlıq işi görməyə başladı. Sövdələşməyə əsasən, qız ilə oğlan bir-birilərini görüb tanımalı, cüzi də olsa, xasiyyətlərinə bələd olmalı idilər. Qız evində bütün tədarük görüləndən sonra Xədicəyə xəbər verildi ki, onlar qonaq gələ bilərlər. Avqust ayının əksər günləri küləklərlə müşayiət olunur- du. Elə ayın son günlərində də hava yay fəslinə uyğun heç də xoş keçmədi. Küləyin əsməsi, hava temperaturunun bir neçə dərəcə aşağı düşməsi, yayın əvvəlki aylarına nisbətən, Abşeron yarımadasının sahillərində yerləşən kəndlərdə və çimərliklərdə basırıq yaratmırdı. Sentyabr ayı da demək olar ki, sərin keçdi. Havalar bir qədər mülayimləşəndən sonra Əliyusif yeni- dən “Azərnəşriyyat”da peyda oldu. O, “Azərnəşriyyat”da olan zaman Ürfan ona zəng edib onunla təcili olaraq görüş- mək istədiyini bildirdi. Əliyusif tərəddüd etmədən onu Elmlər Akademiyasının bağında görüşə dəvət etdi. Bir qə- dər söhbətdən sonra Ürfan birbaşa mətləbə keçdi. O, dedi: - Əliyusif, bu yaxınlarda mən kompüterdə çəkdiyim materialı nəzərdən keçirirdim. Ola bilsin, geçikdiyimə görə 230 sən məni qınayacaqsan. İş ondadır ki, həmişə mən həmin çəkilişə evimizə gələn qonaqlarla, dost-tanışlarla baxaraq, öz təəssüratlarımı bölüşürəm. Lakin bu yaxınlarda mən evdə tək olan zaman həmin kadrlara baxanda vizual görün- tülərdə qəribə kadrlarla rastlaşdım. Səninlə iğtişaşda olan Natiq pələmənin yanından ötüb meşənin ərazisinə daxil olanda onun əynində tünd göy rəngində balonka idman paltarı, oradan qayıdan da isə dizdən aşağı brici şalvar və uzunqol köynək olur. - Ola bilsin, hava isti olub o, da idman paltarını soyunubdur. – deyə müxbir bu məlumatın ciddiliyinə əhəmiyyət vermək istəmədi. - Əgər elədirsə, onda Natiqin əlində bağlama olmalı idi. Amma onun əlində heç nə yox idi. Burada böyük anlaşılmamazlıq yaranır. Artıq bu məlumat müxbiri düşündürməyə vadar etdi. Məhz bu məqamda Əliyusif öz beynində götür-qoy etməyə başladı. Əgər, hər şey Ürfanın dediyi kimidirsə, onda bütün bu işləri elə Natiqin özü qurubdur. Mütləq şəkildə bu məsələnin üstünü açmaq lazımdır. Həqiqət üzə çıxsa, onda Natiq və onun kompaniyası ifşa olunacaq, mən isə rəssam qızın qarşısında bəraət qazanacağam. İşdir, həmin işin üstü açıldı, bəs mən haradan həmin qızı axtarıb tapacağam? Axı, məndə onunla əlaqə saxlamaq üçün heç bir oriyentir yox- 231 dur. Onun axtarılıb tapılması üçün, elə Ürfanın anası köməklik göstərə bilər. Çünki Sənubər rəssam qızla dost- laşmış və günün əksər hissəsini onunla bir yerdə keçirirdi. - Ürfan, sən həmin çəkilişin dublikatını mənə verə bilərsən? – deyə aldığı məlumatdan həvəslənən müxbir hərarətlə dilləndi. - Dublikat üstümdədir. – deyə Ürfan dilləndi və zərfin içərisində olan diski cibindən çıxardıb müxbirə uzatdı. Bundan sonra elə bil Əliyusifin çiynindən ağır bir daş yerə düşdü. Onun üçün qaranlıq görünən məsələnin üstü açılmaq üzrə idi. - Ürfan, tutalım bu qurama işi təşkil edən adamların kimliyi bəlli oldu, bəs mən onların ifşa olunmasını həmin qıza necə sübut edəcəm? Axı, mən onun harada yaşadığını, harada işlədiyini bilmirəm. Onu tapmaq üçün anan mənə kömək edə bilər? - Bu haqda mən anama deyərəm. – deyə Ürfan bikef halda dilləndi. – Mənə elə gəlir, bu bir qədər çətin olacaq. Ona görə ki, həmin hadisədən sonra Natiqgil səni döydükləri üçün qız onları özünə müdəfiəçi kimi qəbul etmiş və demək olar ki, o, iki dəfə Natiq ilə səmimi məcrada söhbət etməyə vaxt tapmışdı. Daha doğrusu, Natiq ondan əl çəkmədiyi üçün qız onunla ünsiyyət qurmaqdan vaz keçmirdi. 232 - Təəssüflər olsun ki, həmin qız yaramaz oğlanın fitvasına uydu. – deyə müxbir məyus halda dilləndi. – Vaxt gələcək qurbana çevirilmiş qız Natiq ilə dostluq etdiyinə görə peşman olacaq, amma onda da gec olacaq. Beləliklə, Əliyusif səmimiliyi ilə seçilən yeni dostundan ayrılıb birbaşa evinə yollandı. Belə bir vizual görüntülərə xüsusi diqqət yetirən müxbir diski kompüterinə salıb, bütün görüntüləri nəzərdən keçirməyə başladı. Kadrlardan məlum olur ki, meşəyə birinci Gülnarə, ondan sonra Akif, daha sonra Natiq, ən axırıncı isə Əliyusifin özü daxil olur. Başqalarına nisbətən yalnız Natiq bir libasda meşəyə daxil olmuş və başqa bir libasda ordan çıxmışdı. Burada sual yaranır, nəyə görə o, paltarını dəyişməyə məcbur olmuşdu? Bəlkə, zərərçəkmiş qız ona təcavüz edən adamın hansı libasda olduğunu görmüş, o, da izi itirmək üçün əynindəki idman paltarını çıxarıb məhv etmişdi. Mütləq bunu aydınlaşdırmaq üçün zərərçəkmiş qız ilə görüşmək lazım idi. İndi bütün ümid Sənubərə bağlanırdı. Eyforiya içərisində olan müxbirin əhval-ruhiyyəsi xeyli yaxşılaşmışdı. Bir neçə ay vicdan əzabı çəkən Əliyusif özünün günahsız olduğunu sübuta yetirmək üçün, xeyli şans əldə etmişdi. O, çətinlik çəkmədən hər şeyi Gülnarəyə izah etməklə, təmiz qəlbli kövrək qızın yanında bəraət qazanacaqdı. Yüklə 1,78 Mb. Dostları ilə paylaş:
|