Ramiz Dəniz
Yüklə 1,78 Mb. Pdf görüntüsü
|
- Bu səhifədəki naviqasiya:
- “Əxlaqi Nasiri”
237 - Allahımdan razıyam ki, gec də olsa ədalət bərpa olun- du. Xanım, təsəvvür edirsiniz, bu haqsızlığa görə mən nə qədər sarsıntılar keçirmişəm. İndi isə qanadlarım olsaydı, mən sizin qarşınızda uçardım. - Bu məsələnin üstü açılanda mən xəcalətdən özümə yer tapa bilmirdim. Gülnarə qara uzun saçlarını arxaya darayıb, dizdən aşağı geydiyi düz paltarın arxasına tökmüşdü. Əynindəki boz paltosunun yaxası açıq idi. Seyrək saçının bir neçə topa dənəsi alnına töküldüyündən onun yaraşıqlı siması daha da heyranedici görünürdü. Əliyusifin çaşqın vəziyyətdə olmasına, uzun müddətli stressdən çıxmasına baxmayaraq, o, qızın füsünkar gözəlliyi qarşısında daha da əridi və indiki məqamda onun hansı təbii silaha malik olmasını dərk etdi. O, öz baxışları ilə qızı qıcıqlandırmamaq üçün gah ona, gah da ətrafda olan insanlara ötəri nəzər sala-sala səmimi söh- bətə başladı. Əliyusif bənizinə sadə görkəm verib təmkinlə dedi: - Gülnarə xanım, həmin çirkin hadisə ilə bağlı mən, bu bir neçə ayı stress altında olmuşam. Bu müddət ərzində məni bircə sual düşündürürdü, kişiliyə xas olmayan həmin naqis hərəkəti kim həyata keçirib? Yaxşıdır ki, bizimlə yanaşı orada saf qəlbli, hər şeyə obyektiv qiymət verməyi bacaran adamlar vardı. Elə götürək, sizinlə dostluq edən 238 Sənubər xanımın oğlu Ürfanı. O, olmasaydı, həmin məsələ mənim üçün qaranlıq görünəcəkdi. Məlumatınız olsun deyim ki, Ürfan istirahət kompleksində mütəmadi olaraq, video kamera ilə çəkilişlər aparıbdır və orada olan kadrlardan, təxmini demək olar ki, həmin naqis hərəkətin müəllifi Natiq adlı xain xislətli ünsürdür. - Doğrudan deyirsiniz? – deyə rəssam qız təəccübləndi. – Halbuki o, mənə israrla deyirdi ki, həmin hadisəni siz törətmisiniz. - Həmin suala cavab tapmaq üçün, mən Ürfana deyərəm, siz də həmin gün pələmənin yanında çəkilən kadrlara tamaşa edə bilərsiniz. - Onda mən Sənubərlə əlaqə saxlayıb, həmin çəkilişləri əldə edərəm. - Gülya xanım, mən sizi kamil səviyyəli qız kimi tanıdığım üçün əvvəlcədən bilirdim ki, bu məsələnin üstünü mənim iştirakım olmadan, məhz özünüz açacaqsınız. - Yaxın rəfiqələrim olmasaydı, bu məsələnin üstü gec açılacaqdı. Deməli, həmin xeyirxah addım ilə onlar savab iş qazandılar. Etirafdan sonra rahat nəfəs alan müxbir yavaş-yavaş nəzərlərini yalnız həmsöbətinin gözəl bənizinə yönəltməyə başladı. O, fikir verdi ki, qızın ona olan münasibəti xeyli loyaldır. Çünki etiraf olandan sonra Gülnarə vaxt itirmədən 239 buradan uzaqlaşmalıydı. Lakin hava mülayim olmasa belə, qız hələ də həmsöhbətindən ayrılmaq istəmirdi. Bu məqam- da fürsətdən istifadə edən müxbir, cəsarətlənərək rəssam qıza kofe içmək üçün yaxınlıqdakı kafeyə getməyi təklif etdi. Gözlənilməz olmasa da Gülnarə həmin təklifə etirazını bildirdi, lakin Nizami muzeyinin yerləşdiyi binanın birinci mərtəbəsində fəaliyyət göstərən kitabxanaya, məmnu- niyyətlə bir yerdə getməyə etiraz etmədi. Son zamanlar gözlənilməz hadisələrlə üzləşən Əliyusif üçün bu təklifin özü gözlənilməz idi. Ona görə ki, dünənə kimi özünə hesab etdiyi bir xanımla o, hazırda bir yerdə idi və onunla bərabər yol yoldaşlıq edirdi. Müxbiri maraqlan- dıran o idi ki, necə oldu, lap anlaşılmamazlıq olsun belə, elə bir qalmaqallardan sonra Gülnarə onunla birlikdə yol gedir? Düşüncələr içərisində olan rəssam qız özü anlaya bilmirdi ki, nəyə görə dünənə kimi zəhləsi getdiyi bir adamla, cəmiyyət arasında ayaq döyür? Addımlarını qədim Bakının köhnə küçələri ilə atan Əliyusif hələ də gözlərinə inanmırdı ki, o, belə bir gözəl, əxlaqlı, tərbiyəli və ağıllı bir qızla yol gedir. Əhval- ruhiyyəsinin 180 dərəcə yaxşılığa doğru dəyişən müxbir elə zənn etdi ki, yanındakı qız vaxtilə ona qarşı kin-küdurət bəsləsə də, indi onunla yaxından dost olmaq niyyətindədir. Elə bu an onun yadına anasının qız almaq üçün Qənirənin 240 evinə getməsi düşdü. Axı, Xədicə istəyirdi ki, məhz Gülnarə onun evinin gəlini olsun. Nəyin bahasına olursa- olsun, həmin izdivacın qarşısı alınmalıydı. Əks təqdirdə iki rəfiqə arasında böyük biabırçılıq yaranacaq. Kitabxanaya uzanan küçə ilə nə qədər addım atılırdısa, müxbirin ürəyi daha güclü titrəyişlərə məruz qalırdı. Onun qıza olan bağlılığı daha da möhkəmlənirdi. Əliyusif hər addımında istəyirdi ki, qızın əlindən tutsun, lakin son məqamda o, özünü ələ almağa çalışırdı. Onlar kitabxanaya girəndə Gülnarə tərəddüd etmədən fəlsəfə və əxlaqla bağlı kitabları nəzərdən keçirməyə başladı. Həmin kitabların müəllifi əsasən, antik dövrdə, erkən və orta əsrlərdə yaşayan alimlərin əsərləri idi. Böyük bir seçim qarşısında qalan rəssam qız orta əsrlərdə yaşamış görkəmli Azərbaycan alimi Mühəmməd Nəsirəddin Tusinin ərsəyə gətirdiyi “Əxlaqi Nasiri” əsərinin üzərində dayandı. Əliyusif yanındakı xanımın belə bir kitabı əldə etməsindən heyrətə gəlib, ona daha da məftun oldu. Məhz həmin məqamda Gülnarə gözlənilmədən kitabı müxbirə uzadıb, ona da bu əsəri oxumağı tövsiyyə etdi. O, dedi: - İnsan yüksək əxlaqa nail olmaq üçün mütləq bu kitabı bir neçə dəfə oxumalıdır. Bu insan üçün əsl ibrət dərsi sayılır. Yüklə 1,78 Mb. Dostları ilə paylaş:
|