Ramiz Dəniz
Yüklə 1,78 Mb. Pdf görüntüsü
|
- Bu səhifədəki naviqasiya:
- “Əxlaqi Nasiri”
- “Qılınc və qələm”, “Bakı 1501”, “Xudafərin körpüsü”, “Məşhər”
241 - Hər bir uşaq erkən vaxtı öz valideynindən məhrum olsa belə, ali tərbiyəyə və yüksək əxlaqa sahib olmaq istəyirsə, onda “Əxlaqi Nasiri”ni oxumalıdır və əminəm ki, həmin əsər ona böyük yardımçı ola biləcək. - Müasir yazarlardan kimlərin əsərlərini oxuyursunuz? – deyə qız müəmmalı tərzdə soruşdu. - Mən əsasən, istər yerli, istərsə də əcnəbi müəlliflərin tarixi romanlarına üstünlük verirəm. Amma son... - Sözsüz ki, “Qılınc və qələm”, “Bakı 1501”, “Xudafərin körpüsü”, “Məşhər” və başqa bədii-tarixi romanlarla tanış olmusunuz? – deyə rəssam qız oğlanın sözünü kəsərək, maraqla soruşdu. - Məmməd Səid Ordubadinin, Əzizə Cəfərzadənin, Fərman Kərimzadənin, İsa Muğannanın əsərlərini hələ məktəblik illərində oxusam da, mən indi də həmin kitabların səhifələrini vərəqləyirəm. Amma son illər mən tarixi əsərlərlə yanaşı siyasi detektivlə də maraqlanır və bu sahədə Çingiz Abdullayevin əsərlərinə müraciət edirəm. - İndi Azərbaycanda ən çox oxunan və ən çox satılan Çingiz Abdullayevin əsərləridir. – deyə söhbətdən həvəslənən qız səbirsizliklə dilləndi və əli ilə divardakı rəfləri göstərib həmin tərzdə sözünə əlavə etdi. – Buna bariz nümunə rəflərdə adı çəkilən müəllifin kitablarının 242 böyük üstünlük təşkil etməsidir. Çingiz Abdullayev bizim ölkədə ən çox tanınan qələm ustasıdır. - İcazənizlə mən bir qədər əlavə etmək istəyirəm. – deyə müxbir sıxıla-sıxıla dilləndi və qamətini düz tutub ehtiramla sözünə əlavə etdi. – Çingiz Abdullayev yazdığı əsərlərin sayəsində nəinki Azərbaycanda, hətta bir çox ölkələrdə kifayət qədər tanınmış qələm ustasıdır. Onun bir azərbaycanlı kimi məşhur yazıçılarla rəqabət aparması məni həddindən çox heyrətləndirir. Lakin təəssüflər olsun ki, bizim televiziya kanalları demək olar ki, ANS-dən başqa onun təbliğatı ilə, heç bir əməli iş görmür. Halbuki o, bizim hamımızın fəxr etdiyimiz nur saçan ziyalımızdır. - Çingiz Abdullayev yaradıcı bir insan kimi bütün ömrü boyu insanları anlamaqla, dünyanı dərk etməklə məşğul olur. O, idraksız yaşaya bilmir. Necə ki, mən Bakıda oturub Qabriel Markesin, Paolo Koelyonun, Çarlz Verlindenin, Çarlz Hepqutun əsərlərini oxuyur, eləcə də Londonda, Parisdə, Madriddə, Berlində, Budapeştdə, Osloda, Moskvada, Sankt-Peterburqda və digər şəhərlərdə yaşayan sakinlər Çingiz Abdullayevin əsərlərini oxuyaraq, onlardan böyük həzz alırlar. Mən fəxr edirəm ki, adı çəkilən müasirim və həmyerlimin əsərləri tərəqqipərvər insanları sevindirir, həmin uğur ilə başda ermənilər olmaqla düşmənlərimizin bağrını çartladır. 243 Mən özüm, elə orta məktəb illərində tarixi-bədii əsərlərə üstünlük versəm də, Artur Konan Doyl, Jorj Simenon, Aqata Kristinin də əsərlərini xoşlamışam. O vaxt həmin yazıçıların yaratdıqları obrazlar çoxlarının dillər əzbəri olmuşdur, lakin ağlıma belə gəlməzdi ki, haçansa Şerlok Holms, komissar Meqre, Erkül Puaro səviyyəsində və həmin cərgəyə daxil olacaq Dronqo kimi bir qəhrəmanı mənim həmyerlim yetişdirib, ədəbiyyat meydanına buraxacaq. Belə bir möcüzə yalnız, zəkası ilə dünya ədəbiyyatını mənimsəyən, güclü intellektual potensiallı geniş dünyagörüşünə malik olan Çingiz Abdullayev tərəfindən yarana bilərdi. Xüsusilə, onu qeyd etmək istəyirəm ki, Çingiz Abdullayevin səviyyəli, bacarıqlı, Avropa oxucularının nəbzini tuta bilən bir yazıçı kimi, zəngin biliyə malik olan yaradıcı bir insan kimi yetişməsində valideynlərinin də böyük rolu olubdur. - Belə bir istedadlı yazçıya dövlət qayğısı lazımdır. Cəsarətlə demək olar ki, müasir qələm sahiblərindən bir neçəsini çıxmaqla, onun kimi Azərbaycanı xarici ölkələrdə tanıtdıra bilməyibdir. Çünki məhz onun əsərləri bir çox xarici ölkələrdə yaşayan potensial oxucuların qəlbinə yol tapa bilibdir. 244 Fərəhli haldır ki, onun 160-dan çox əsəri işıq üzü görüb və yazdığı əsərlərə dair 10-a yaxın bədii film çəkilibdir və xüsusilə də, qeyd etmək istəyirəm ki, həmin filmlər əcnəbi rejissorlar tərəfindən Azərbaycanın hüdudlarından kənarda çəkilibdir. Belə bir uğur hər nasirə nəsib olmur. 25 milyon tirajdan çox çap olunan və 30 dilə yaxın tərcümə olunan əsərlərinin oxucu kontingenti isə bir çox sahələrdə çalışan sıravi adamlardan başqa, həm də siyasi, dövlət və ictimai xadimlərdir. - Elə bu səbəbdən onu qəlblərin fatehi adlandırmaq olar. - Bu bir həqiqətdir ki, dünya şöhrətli ədiblər əsl fateh- lərdir. – deyə qız düşüncələr əhatəsində dilləndi. – Make- doniyalı İsgəndər, Attila, Teymurləng, Məhmət Sultan və başqa dahi sərkərdələr ölkələri fəth etməklə, tarixin səhifələrinə fateh kimi düşsələr də, onları tam şəkildə fateh adlandırmaq olmaz, ona görə ki, onlar ölkələri fəth etsələr də, orada yaşayan xalqların qəlbini fəth edə bilməmişdilər. Əsl fateh isə zor gücünə yox, gərək xeyir əməllər sayəsində insanların qəlbini fəth etməlidirlər, necə ki, həmin işin öhdəsindən yaradıcı insanlar, alimlər, xeyriyyəçilər və humanistlər gəlirlər. Çingiz Abdullayevin əsərləri hər il yeni-yeni ölkələrin sərhədlərini keçir, onun ədəbi külliyyat ordusu əcnəbi Yüklə 1,78 Mb. Dostları ilə paylaş:
|