273
- Taleyin işinə bir bax, bizimkilər məni zorla evləndir-
mək üçün qız evinə gedirlər, səninkilər isə səni ərə vermək
üçün, səndən xəbərsiz oğlan evi ilə sövdələşmə aparıblar.
Qızının bu fikri ananı təşvişə saldı. Odur ki, o, qonaqları
bikef və narahat halda qarşılamalı oldu.
Əliyusif Arifin sol tərəfində masanın küncündə
Qənirədən uzaq bir yerdə əyləşdi. Ondan solda eyvanın
giriş qapısı yerləşirdi. Qənirədən başqa Məkanə də qızı ilə
birlikdə qonaqların qabağına çıxmışdı. Xədicə ev yiyəsini
kifayət qədər tanıyırdı və onun həyat yoldaşının Qarabağ
müharibəsində şəhid olmasından hali idi.
Ofeliya ilə Xədicənin ağız dolusu qızı tərifləməsi və
şirin ifadələrin fonunda gələn oğlanın kölgədə qalması
müxbirin planlarına daxil deyildi. Artıq gün kimi aydın idi
ki, bir yerdə çalışan rəfiqələr ikiəlli razı idilər ki, adları
çəkilən cavanlar bir-biriləri ilə ailə həyatı qursunlar.
Bikef olan Qənirənin ürəyi yavaş-yavaş açılmağa
başladı. Lakin Əliyusif hələ də fikirli halda əyləşərək, içəri
daxil olacaq qızın hansı qiyafədə olmasını və burada özünü
necə aparmasını səbirsizliklə görmək istəyirdi. Mədinə
qızların otağına gedib orada qardaşının tərifi ilə məşğul idi.
Məclisdə yüksək əhval-ruhiyyə yaratmağa çalışan Ofeli-
ya hərdənbir səbəbkara söz atmaqla elə hey istəyirdi ki, o,
274
dialoqa cəlb olunsun. Lakin elə səhər tezdən qanı qara olan
Əliyusifin hal-əhvalı yaxşılığa doğru dəyişmirdi.
Bir neçə dəqiqə keçəndən sonra Gülarə ilə Mədinə,
əllərində doğranmış meyvə ilə dolu olan nimçələrdə içəri
daxil oldular. Nimçənin biri Arif ilə Əliyusifin, o birisi isə
masanın o biri başına qadınların qabağına qoyuldu.
Əliyusif Gülarəni görən kimi utancaq halda dərhal başını
aşağı saldı və bundan sonra nə edəcəyini aydınlaşdıra
bilmədi. Onun təbiətində elə bir xasiyyət yox idi ki, əsaslı
səbəb göstərilmədən kimisə acılayıb xətrinə dəysin.
Qızın əynində qəhvəyi rəngdə şalvar və çəhrayı rəngli
uzunqol köynək vardı. Saçını arxaya darayan Gülarə zöv-
qünə uyğun makiyaj etmiş və boynundan qızıl medalyon
asmışdı.
Gülarə anası ilə Xədicənin arasında əyləşərək söhbətə
qulaq asmağa başladı. Sıxıntı işərisində olan müxbir qəti
olaraq həmin səmtə nəzər salmırdı. Elə bu an onun mobil
telefonu zəng çaldı. Əliyusif nömrəyə baxanda gördü ki,
zəng edən Gülnarədir. O, hamıdan üzr istədi və sərbəst
danışmaq üçün eyvana çıxdı. Müxbir qızın nömrəsini
yığaraq, onlarda vəziyyətin necə olduğunu soruşdu.
- Əliyusif, açığını desəm, qanım çox qaradır və bu sə-
bəbdən qonaqlara xoş gəldim deməmişəm. Səhər açılandan
anamla mübahisə etmişəm.
275
- Sən çalış bir qədər özünü ələ al. Ananla söz güləşdir-
mə. Vəziyyətin gərginləşməməsi üçün güzəştə get.
- Əliyusif, mən özümlə bacarmıram. Adamı da xahişlə
və ya zorla ərə verərlər?
- Səbirli ol. Əslinə qalanda mənim də qanım qaradır,
amma mən özümü nəzarət altında saxlamağa çalışıram.
Yaxşı, bəs oğlanı görə bildin?
- Xeyr! Otaqdan çıxmışam ki, hələ bir onu da görüm.
Bacımın dediyinə görə oğlan qonaqlarla birgə içəridədir.
- Məndə isə tamamilə başqa cürdür. Qız gəlib masanın
başında əyləşibdir və bizimkilərlə söhbət edir.
- Bu müasir təlim-tərbiyə üsuludur. Demək olar ki,
indiki ənənələrə görə bu qəbahət kimi görünmür. Yaxşı,
geyimi necədir, hansı qüsurları aşkarladın?
- İş ondadır ki, onun geyimində də qüsur tapmaq
çətindir.
- Qorx ki, sən ümumiyyətlə qüsur tapa bilməyəsən. Onda
sənin vəziyyətin ağırlaşacaq.
- Mən vəziyyətdən çıxış yolu tapacam. Səndə vəziyyət
necə olacaq, bunu Allah bilir. Axı, sən oğlanın üzünü
görməmisən də.
- Mən səndən başqa heç kimin üzünü görmək istəmirəm.
Elə bu anda Əliyusif gördü ki, Qənirə narahat halda
ayağa qalxıb qonşu otağa keçdi və dərhal müxbirin mobil
276
telefonla əlaqəsi kəsildi. Demək olar ki, paralel olaraq onun
anası da masadan ayrılıb eyvana tərəf gəlməyə başladı.
Xədicə eyvana daxil olan kimi emosional tərzdə:
- Həya-abırın olsun da. Bu nə qabiliyyətdir nümayiş
etdirirsən? Sən buraya telefonla danışmağa gəlmisən, ya
elçiliyə?
- Ana, nə deyirsən onu da edirəm. Vacib söhbətim
olduğu üçün bura çıxmalı oldum.
- Tez ol, keç içəri. – deyə qadın oğlunun qolundan
tutaraq dartdı. – Hansısa bir hoqqadan çıxmaq istəsən,
əvvəlcədən xəbər elə.
Bundan sonra Əliyusif suyu süzülə-süzülə içəri keçdi. O,
yerində əyləşən kimi baxışları Gülarənin baxışları ilə
toqquşdu və gördü ki, qız onun hərəkətlərindən çox
narazıdır. Həqiqətən də Əliyusifin telefon adı ilə məclisdən
müəyyən müddət uzaqlaşması, onun mədəniyyətsizliyindən
xəbər verirdi. Müxbirin bu hərəkəti nəinki ev sahiblərini,
hətta onunla birlikdə bura gələn Arifgilin ailəsinə də pis
təsir göstərmişdi. Məhz bundan sonra o, xəcalət hissi
çəkməyə başladı. Əliyusif özü anlaya bilmirdi ki, nəyə görə
o, belə bir qeyri-ciddi addımlara əl atır.
Bir az keçmişdi ki, Qənirə qanı qaralmış halda otağa
daxil oldu. O, başqa bir otaqda qazandığı qəzəbi daxilində
boğmağa çalışsa da, sifətinin cizgiləri həmin hissləri
Dostları ilə paylaş: |