Ramiz Dəniz
Yüklə 1,78 Mb. Pdf görüntüsü
|
- Bu səhifədəki naviqasiya:
- XXIII fəsil. Övladlarının seçimi ilə razılaşmayan valideynlər sürprizlə üzləşirlər
257 - Mən, sənin yaxşılığını fikirləşərək belə bir addım atdım. – Qənirə qətiyyətlə dilləndi. - Xahiş edirəm, məni camaatın yanında biabır etmə. Qoy onlar gəlsinlər, sən peşman olmayacaqsan. - Ana, məni ürəyim istəmədiyi bir şeyə görə sövq etmə. Son günlər həm Əliyusif, həm də Gülnarə eyni problem- lə üzləşmişdilər. Valideynlər təkidlə deyirdilər ki, onlar nümunəvi qayğıkeş adam tapdıqlarından övladlar məhz hə- min namizəd ilə ailə qurmalıdırlar. Lakin övladlar bütün bu təkliflərə razılıqlarını bildirməsələr də, onlar öz seçimlərin- də çətinliklə üzləşmişdilər. Evliliklə bağlı fikir mübadiləsi yarananda artıq valideynlər övladlarının istəklərinə qarşı çıxırdılar. Hətta bir dəfə iş elə gətirir ki, fikir ayrılığı zamanı əsəb- lərini qoruya bilməyən Xədicə, oğlunun sözə baxmadığın- dan stressə düşür və belə bir vəziyyətdə o, yataqda müalicə almalı olur. Əlbəttə, anasının belə bir vəziyyətə düşməsində Əliyusif özünü təqsirkar hesab edirdi. Bütün bu narazılıqların fonunda Əliyusif istədiyi qızla görüşməyi də yaddan çıxarmırdı. Əvvəl onlar həftədə bir dəfə, sonra iki dəfə, indi isə hər gündən bir görüşərək, bir- birilərinə isinişirdilər. Qızın gözəlliyi qarşısında əriyən Əliyusif ilk baxışdan ona aşiq olsa da, Gülnarə son görüşlər zamanı ona vurularaq, bütün namizədləri özündən 258 uzaqlaşdırmağa başlamışdı. İlk növbədə o, müxbirdə olan, lakin ünsiyyətdə olduğu başqa oğlanlarda olmayan bənzərsiz xasiyyətə aşiq olmuşdu. Lakin bütün bu görüşlər həm Əliyusifi, həm də Gülna- rəni tamamilə əldən salmışdı. Ona görə ki, görüş zamanı onlar ali tərbiyə görmüş əsl azərbaycanlı kimi müəyyən bir məsafə saxlamaq məcburiyyətində idilər. Məhəbbət iztirab- larına tab gətirməyən müxbir ürəyinin başında gəzdirdiyi sirri sevgilisinə açıqlamaq üçün münasib vaxt və münasib məkan axtarırdı. Vəziyyət elə gətirdi ki, Əliyusifin şəxsi işinə qardaşı ilə bacısı da qarışmağa başladılar. Müxbirin dərdindən anası- nın yatağa düşdüyünü görən ailə üzvləri, artıq kəskin şəkil- də onun qarşısında tələb qoydular: Anasının yarasına məl- həm qoyulsun deyə və yataqdan sağlam şəkildə qalxmaq üçün, Əliyusif Qənirənin qızı ilə izdivac qurmağa öz razılığını bildirməlidir. Çıxılmaz vəziyyətdə qalan müxbir Xədicənin səhhətinin pisləşməsinin qarşısını almaq üçün Qənirənin evinə getməyə razılıq verdi. Amma yola düşmə- mişdən əvvəl o, hamıya xəbərdalıq etdi ki, işdir, qızın hərəkətlərində və tərbiyəsində mühüm nöqsanlar olsa, bunu açıq şəkildə bəyan edəcək, nəticədə isə həmin izdivacdan boyun qaçıracaq. Onun qərarından ruhlanan Xədicə həvəslənərək belə bir cavab verdi: 259 - Mən sənə elə bir qız alıram ki, istəsən belə onun nə əxlaqında, nə hərəkətlərində, nə də ki, tərbiyəsində nöqsan- lar tapa bilməyəcəksən. Əli, yadda saxla ki, mən sənə küçə- də tum çırtlayan, ictimai yerlərdə saqqız çeynəyən, nəqliy- yatda yersiz söhbətlər apararaq boş-boşuna gülən, vulqar geyimlərdə millət qarşısına çıxmaqda utanmayan, Avropa adətlərini milli adətlərimizdən üstün tutan dırnaqarası xanım almıram. Mən sənə əsl azərbaycanlı xanımı alır və buna görə daim sən mənə öz minnətdarlığını bildirəcəksən. Bu məsələdə anasının canfəşanlıq göstərməsinə baxmayaraq, müxbir yalnız bir məqsədlə qız evinə gedirdi, o da ki, orada qızda ciddi nöqsan tapıb, elçilərin əliboş geri qayıtmasına nail olmaq. XXIII fəsil. Övladlarının seçimi ilə razılaşmayan valideynlər sürprizlə üzləşirlər Son görüşdən sonra özünə rahat yer tapmayan müxbir yalnız bir amal ilə yaşayırdı, o da ki, Gülnarə ilə görüşüb ürəyini parçalayan hisslərini həmin qıza açıqlasın. O, hələ 260 dəqiq bilmirdi kamil düşüncəli qızın həmin etirafa reaksiyası necə olacaq. Ola bilsin, rəssam qız oğlanın ona qarşı münasibətini biləndən sonra birdəfəlik müxbirdən zəhləsi getsin. Görüşün harada baş tutmasından aslı olmayaraq Əliyu- sif, qabiliyyətli bir oğlan kimi vurulduğu qızı hansısa bir restoran və ya kafeyə dəvət edib, orada ürək dolusu söhbət etmək fikrində oldu. Lakin özündə 10 manatdan çox pul olmadığını anlayan müxbir, İbrahimdən onun restoranında ziyafət təşkil etməsi üçün şərait yaradılmasını xahiş etdi. İbrahim yaxın bir dost kimi onun məqsədini biləndən sonra, həmin gün onlara yüksək səviyyədə xidmət göstəriləcəyinə söz verdi. Əliyusif rəssam qız ilə Qız qalasının yanında görüşdü. Əvvəlki görüşlərə nisbətən Gülnarə daha mülayim və təbəssümlü görünürdü. Amma Əliyusifin evində anası ilə yaranan söz-söhbətdən sonra qanı bir qədər qaralmışdı. Yalnız rəssam qızın cismanı varlığı onun hal-əhvalının yaxşılaşmasına səbəb oldu. Primitiv ifadələrlə bir-biriləri ilə söhbət edən cavanlar gəzə-gəzə İbrahimin işlətdiyi restoranının astanasına kimi gedib çıxdılar. Əliyusif təamlardan dadmaq üçün qızı resto- rana dəvət edəndə Gülnarə qətiyyətlə narazılığını bidirdi. Yüklə 1,78 Mb. Dostları ilə paylaş:
|