Ramiz Dəniz
Yüklə 1,78 Mb. Pdf görüntüsü
|
265 - Burada heç bir şey artıq deyil. – deyə ofisiant tərəddüd etmədən dilləndi. – Hörmətli qonaqlar olduğunuz üçün kababları İbrahim müəllim göndəribdir. - Əfsuslar olsun ki, biz həmin kababları yeməyəcəyik. – deyə rəssam qız söhbətə müdaxilə etdi. – Kababların burada qalması israfçılıqdır. Xahiş edirəm, artıq təamları geri aparın. - Təəssüflər olsun ki, mən gətirdiyim şeylərdən heç biri- sini geri apara bilməyəcəyəm. Bu bizim qaydalara ziddir. Mən kababları geri aparsam, onda dərhal işdən çıxarılaca- ğam. Ofisiantın vəziyyətini başa düşən müştərilər heç bir söz demədən süfrədə olan təamlardan dadmağa başladılar. On- ların nəfisləri balıq kababı istəsə də, lakin utandıqlarından heç birisi kababa əl atmadı. Həm də onlar bir-birilərinə ötəri nəzər salmaqla ağır xəyallara dalır və demək olar ki, yeməyə o qədər də meyl göstərmirdilər. Onların hər ikisi ehtiraslı hisslərin təsiri altında idilər. Əliyusif nə qədər səbirli və təmkinli olsa da, o, hərəkətlərini nəzarət altında saxlamaqda çətinlik çəkirdi. Müxbir nə qədər eləsə də, nəzərlərini qarşısındakı qızın gözəl bənizindən ayıra bilmir- di. O, göyçək məxluqun məftunedici gözəlliyi qarşısında şam kimi əriyirdi. Gülnarə utandığından baxışlarını süfrə- 266 nin üzərindən çəkməsə də, son məqamda o, tab gətirməyib məlahətli səslə dedi: - Sənə nə olub? Elə bil azarlamısan? Bəlkə çörək yeyəsən? Ətrafdakı camaat bizə baxır. - Ola bilsin, söyləyəcəyim etiraf dolu fikirlər sənin ürəyincə olmasın, amma mən ürək sözlərimi bildirmək məcburiyyətindəyəm. Mən həmişə bura gələndə daim buradakı fəvvarəyə, mərmər döşəməyə, daş sütunlara, ekzotik ağaclara və gül- çiçəklərə baxaraq, onların yaratdığı harmonik gözəllikdən böyük həzz alırdım. Lakin “Relax”da olduğu kimi bu dəfə də bütün bu gözəllik sənin surətindəki füsunkar gözəlliyin qarşısında aciz görünür. Hələ də anlaya bilmirəm hansı bir qüvvə məni bu sözləri söyləməyə vadar edir? Halbuki mən, hər hansı bir xanımın qarşısında belə ifadələr söyləməyə cürət etməzdim. Bu dəfə Gülnarə həmin ifadələrə görə narazılıq bildirmə- di. Əksinə o, həmsöhbətinə mənalı bir nəzər yetirəndən sonra üzündə xoş bir təbəssüm sezildi. Görünür, poetik fikirlər rəssam qızın ürəyindən idi. - Əliyusif, sən əsl şairlər kimi danışırsan. – deyə ədəb- ərkana xüsusi diqqət yetirən Gülnarə oğlanın məhəbbət dolu olan baxışlarını dəf etmək üçün sözə başladı. – Ədəbi- yaradıcılıq məclislərində belə fikirlər söyləniləndə bəzən 267 deyirlər ki, eşqə düşən şair ürəyini boşaldır. Bəlkə sən də aşiq olmusan? Bu sözlərdən sonra müxbir dərindən köksünü ötürdü və həmin an onun rəngi-rufu açıldı. O, daxilində nəyisə götür- qoy edərək ciddi halda dedi: - Xanım, mənim aləmimdə sən həddindən artıq kamil bir insansan. Sən başındakı zəka ilə hər bir insanın ürəyini oxuya bilərsən. Həqiqətən də mən vurulmuşam. Amma ürəyimdəki hissləri açmaq üçün məndə cəsarət çatmır. - İndiki zamanda mən deyərdim ki, bu mürəkkəb bir şey sayılmır. - O kəslər ki, valideynləri ilə hesablaşmır, onların məslə- həti ilə oturub-durmur həmin adamlar üçün bu problem sayılmır. Ona görə də onlar ailə quran kimi qısa müddət ərzində boşanırlar. Mən isə onlara oxşamaq istəmir və valideyn xeyir-duası olmadan ailə qurmaq fikrində deyiləm. - Valideyn xeyir-duası olmadan adam heç vaxt xoşbəxt ola bilməz. Əgər istədiyin varsa, mütləq bu haqda böyük- lərinə məlumat verməli və onlardan məsləhət almalısan. Belə yalnız yüksək ailə tərbiyəsi görmüş adam etməlidir. Sənin hərəkətlərindən, qabiliyyətindən və ünsiyyətindən müəyyən etmək olar ki, sən əxlaqlı, mədəni, alicənab, etika normalarına riayət edən və ali tərbiyə görmüş oğlansan. 268 Məhz buna görə də mən burada səninlə oturub səmimi söhbət edirəm. - Diqqətinə görə sənə təşəkkür edirəm. İfadəmə görə üzr istəyirəm səndən, anam mənə heç vaxt görmədiyim bir qızı almaq istəyir. Əlbəttə ki, bu mənim iradəmə ziddir. Həm də paralel olaraq mən də özümə layiq bir qız axtarıb tapmışam. - Yaxşı, bəs görəsən o, bəxtəvər kimdir ki, sənin ürəyini fəth edibdir. – deyə rəssam qız maraqlandı. - Onun bundan xəbəri var? - Əlbəttə ki, yox! – deyə müxbir qətiyyətlə dilləndi. - Əliyusif, bağışla məni, sən lap sadəlöhv adamlar kimi danışırsan. – deyə Gülnarənin dodaqlarında təbəssüm sezil- di. – Bəlkə qızın səndən xoşu gəlmir, onda necə olacaq? - Bunu Allah bilir. – deyə ruhdan deşən müxbir təəssüflə dilləndi və bir qədər ara verəndən sonra özünə təsəlli verərək, ərkanla sözünə əlavə etdi. – Mən belə başa düşdüm ki, sənin dediyinə görə mənə gələn xoşbəxt qız olacaq. Sən bunu səmimiyyətlə deyirsən, yoxsa xətrimə dəyməmək üçün təsəlli vermək istədin? - Bu həqiqi sözümdür. Sənin elə bir xasiyyətin var ki, hər hansı bir qız səninlə xoşbəxt ömür sürə bilər. Eşitdiyi sözlərdən həvəslənən Əliyusif yekə bakalları mineral su ilə doldurub ehtiramla dedi: Yüklə 1,78 Mb. Dostları ilə paylaş:
|