Ramiz Dəniz
Yüklə 1,78 Mb. Pdf görüntüsü
|
281 qəlblərinin sahibi olduğu üçün, onları iradələrinə zidd evləndirmək günah sayılardı. Bu xəbər bir anlığa içəridə olanların qulağına çatdı. Həm ev sahiblərinin, həm də elçiliyə gələnlərin ovqatı şad oldu. Ona görə ki, onların çiynindən ağır yük düşdü və arada yaranan incilik bir anlığa yoxa çıxdı. Xədicənin əhval-ruhiyyəsi yüksəlsə də, oğlunun telefonu ilə danışdığı qız səsi hələ də onu şübhə altında saxlayırdı. O, əmin idi ki, zəng edən Gülnarənin özü idi. Yəni, onun fikrincə, səslər bu dərəcədə bir-birinə oxşaya bilməzdi. Əliyusif otağa qayıdandan sonra gördü ki, hamının kefi sazdır. Artıq o, başa düşdü ki, rəfiqələr övladların rəyini nəzərə alaraq ümumi razılığa gəliblər. O, şux vəziyyətdə anasının yanında əyləşib, rahat şəkildə nəfəs almağa başladı və Allahına şükür elədi ki, hər şey yaxşılıqla bitdi. Ovqatının təlx olmasına baxmayaraq, Xədicə ürəyini didib- parçalayan sözləri demək üçün əlverişli məqam tapdı. O, ağzını Əliyusifin qulağına yaxınlaşdırıb pıçıltı ilə dedi: - Bəxtin gətirdi ki, qız sənin kimi fərsiz oğlana gəlmək- dən boyun qaçırtdı. Arzumu ürəyimdə qoyduğun üçün səni bağışlamayacağam. - Ana, nəyə görə elə deyirsən? – müxbir də pıçıltı ilə dilləndi. - Görürsən, hər şey hamının ürəyincə oldu. Mən 282 səni elə bir qız ilə tanış edəcəm ki, onda deyəcəksən, həmin qız əsl arzuladığın qızdır. - Sən məni dolamısan. – deyə ziyalı qadın bir qədər coşdu və səsinin qalınlığı ilə içəridəki adamların diqqətini özünə cəlb etdi. – Səninlə hələ evdə danışacağam. Bu vaxt, içəridəkilərin yanında pərt olan müxbir anasının könlünü almaq üçün yaltaqcasına dedi: - Nə olar, bəsdir də məni tənbeh etdin. İstəyirsən, qarşın- da diz çöküm. - Bura zarafatın yeri deyil. Sən həqiqətən də tənbeh olunmalısan. - Ana, hamı sənə baxır. – İradlardan təngə gələn Əliyusif səsini daha da yavaşıdaraq, həmin tərzdə sözünə əlavə etdi. - Özünü ələ alsan daha yaxşı olar. Əks təqdirdə mən buradan çıxıb gedəcəm. Bu cavabdan vəcdə gələn ana əli ilə ağzını tutaraq yerindəcə donub qaldı. Xədicənin əsəbiləşdiyini görən Qənirə rəfiqəsini sakitləşdirmək üçün ona yaxınlaşdı. O, dedi: - Xədicə, sənə dedim axı, uşaqları sıxışdırmaq lazım deyil. Ola bilsin, onlar seçdikləri taliblərin xasiyyətlərinə daha yaxından aludə olublar. Sadəcə olaraq, biz onları anlamaq istəmirik. 283 - Onları seçim məsələsində özbaşına buraxsaq, onda ailə həyatında mütləq çətinliklərlə üzləşəcəklər. – deyə Xədicə etiraz etdi. - Lakin övladlarımızı sevindirmək bizim borcumuzdur. Biz onları daim təzyiq altında saxlasaq, onda gözlənilməz problemlər üzə çıxacaq. Mənim yaxşı bir təklifim var. Onsuz da bu gün sən övladının razılığı olmadan mənim qapıma elçi gəlmisən. İstəyirəm, hamımız onun üçün bir sürpriz təşkil edək. Sən yaxşı bilirsən ki, mən Əliyusifin xətrini dünyalar qədər istəyirəm. Artıq bəlli oldu ki, onun istədiyi qız var və siz hamınız Əliyusifin istədiyi qızın evinə elçi getməklə, onun arzusunun hasil olunmasına köməklik göstərməlisiniz. - Sən nə danışırsan? – deyə təəccübdən elmi xadimin gözləri bərələ qaldı. - Niyə təəccüblənirsən? – deyə Ofeliya söhbətə müdaxilə etdi və həmin an onlara yaxınlaşıb təbəssüm hissi ilə sözü- nə əlavə etdi. – Mənə elə gəlir, bu məsələdə vaxtı uzatmaq lazım deyil. Elə yaxın üç gündə biz hamımız birbaşa Əliyu- sifin istədiyi qızın evinə elçi gedək. Necə olsa da bizim hamımız onu evləndirmək adı ilə buraya toplaşmışıq. - Siz zarafat edirsiniz? – Xədicə onların verdikləri təklif- ləri ciddi qəbul etmədi. 284 - Belə bir şeylə zarafat etmək olar? – deyə Qənirə rəfiqə- sinə təsəlli verməyə başladı. – Allah mübarək eləsin. Ofeli- ya xanımın dediyi kimi, yaxın üç gün ərzində hamınız hə- min naməlim qızın evinə gedib Əliyusifi sevindirin. – sonra o, üzünə şən təbəssüm verib zarafatla sözünə əlavə etdi. – Xədicə əzizim, siz hamınız elçilik adı ilə evnizdən çıxmısı- nız. Sadəcə olaraq ünvanı səhv saldınız. Bu gün bura yox, gərək Əliyusifin istədiyi yarının evinə getməliydiniz. - Mən, nadir hallarda səhv edirəm. – Xədicə təşəxxüslə dilləndi. – Bu evə isə oğlumun səadətinə görə ayaq basdım və ürəyimin istəyinə səs verərərək, Allahın rizası ilə əmin idim ki, Əliyusif yalnız sənin qızın ilə xoşbəxt olacaqdı. Qənirə, onu bil ki, mən ünvanı düz seçmişdim. - Deməli, qızın da öz qisməti var. – deyə hər şeyin yaxşı- lıqla qurtardığını görən Məkanə hərarətlə dilləndi və qızı ilə Gülarəyə göstəriş verdi ki, qonaqlara çay gətirsinlər. - Övladın xoşbəxt olması üçün təkcə, valideynin istəyi nəzərə alınmamalıdır. – deyə Qənirə müdrikcəsinə dilləndi. – Bu məsələdə övladın ürəyindəki duyğular da önəmli sayılır. Belə çıxır ki, Əliyusifin qisməti ürəyinin başında gəzdirdiyi qızdır. Xədicə, mənə inan, sən gedəcəyin ünvandakı qız oğlunu xoşbəxt, sənin isə başını uca edəcək. Məkanə demişkən, hərənin öz qisməti var. Əvvəlcədən hamınızı təbrik edirəm. Yüklə 1,78 Mb. Dostları ilə paylaş:
|