Ramiz Dəniz
Yüklə 1,78 Mb. Pdf görüntüsü
|
277 gizlətməkdə aciz idi. Görünür, kimsə onu yaman bərk əsəbiləşdirmişdi. Əliyusif elə başa düşdü ki, Qənirə məhz onun hərəkətlərinə görə hiddətlənibdir. Bu dəfə qızın anası gözlərinin jestləri ilə yanındakı əyləşmiş Məkanəni qonşı otağa göndərdi. Elə həmin an Gülarə də ev yiyəsinin ardınca bu otaqdan çıxdı. Heç bir dəqiqə keçməmiş Qənirə Ofeliyanı yanına çağırıb, onunla birlikdə mətbəxə getdi. Arada müəyyən soyuqluq yarandı. Əliyusif elə başa düşürdü ki, bütün bu qan-qaraçılıq ona görə olubdur və bu işə görə o, müəyyən mənada özünü günahlandırırdı. İçəridə ev sahiblərindən heç kimin olmadığını görən Xədicə, üz- gözünü bozardaraq hiddətlə dedi: - İstədiyinə çatdın? Sənin qanacağını görən qız razılıq verməkdən boyun qaçırır. Sən, bizim hamımızı biabır etdin. - Sən haradan bildin ki, qız etiraz edir? – deyə Əliyusif maraqlandı. - Qənirənin emosional hərəkətlərindən. - deyə Xədicə oğluna olan qəzəbini gizlədə bilmədi. - Mən belə başa düşürəm ki, qız sənin kimi mədəniyyətsiz oğlandan imtina edir. - Necə yəni imtina edir? – deyə müxbir təəccübləndi. 278 Əliyusifin söz güləşdirməsini istəməyən Arif onunla birlikdə eyvana çıxmağı məsləhət bildi. Elə həmin an Ofeliya mətbəxdən qayıtdı və tələsik halda qonşusunun qulağına dedi: - Bir qədər səbirli ol. İş ondadır ki, qız Əliyusifin qaba- ğına çıxmaqdan imtina edir. Onun dediyinə görə istədiyi oğlan var və yalnız onunla ailə səadəti quracaq. - Elə Əlinin də dediyindən elə çıxır. Deyəsən, o da tamamilə başqa bir qıza vurulubdur. - Deyirəm qonşu, indiki cavanların gözü kordur. – Ofeli- ya təəssüflə dilləndi. – Sənin oğlun, Gülnarə kimi əsl azər- baycanlı adətləri ilə böyüyən bir qızdan imtina edir. - Mən sizin və Qənirənin yanında biabır oldum. – deyə həqarətlə dillənən ananın əl-qolları yanına düşdü. - Xahiş edirəm, bu cür abstrakt fikir söyləmə. – deyə Ofeliya qonşusuna təsəlli verdi. – İş ondadır ki, Gülnarənin özü həmin izdivacdan boyun qaçırıbdır. Elə Qənirə də pis vəziyyətə düşdüyü üçün məndən xahiş etdi ki, mən bu haqda səni məlumatlandırım. Ofeliya ifadəsini sona çatdırmışdı ki, birdən Əliyusifin mobil telefonu yenə də zəng çaldı. Müxbir eyvanda idi. Əsəbiləri tarıma çəkilən Xədicə ekranda yazılan nömrəyə və ya ada fikir vermədən “Yes” düyməsini basır. Elə həmin 279 an əks tərəfdən bir qız səsi eşidildi: “Əliyusif, ömrümdə ilk dəfə, sənə görə mən anamın sözündən çıxmalı oldum”. Xədicə telefondakı səsi eşidəndən sonra sanki yuxudan ayıldı. Bu səs ona tanış gəldi. Ziyalı qadın kimin danışdığı- nı soruşduqda qız telefonu söndürdü. O, cavab vermədən qonşusunun üzünə qəribə nəzər saldı. - Sənə nə oldu? – deyə Ofeliya təəccüblə soruşdu. - Deyəsən, bu Gülnarənin səsi idi. – deyə ziyalı qadın keyimiş halda dilləndi. – Başa düşmədim, məgər onlar bir- biriləri ilə danışırlar? - Ola bilməz. Onlar hər ikisi bir-birilərini inkar edirlər. Görmürsən, qız heç otağından çıxmır? - Mən Gülnarənin səsini, onun danışıq tərzini, diksiyası- nı heç kiminlə səhv sala bilmərəm. Yüz faiz əminəm ki, danışan Gülnarə idi. - Burada böyük anlaşılmamazlıq baş veribdir. Bunu aydınlaşdırmaq çətin deyil. Ofeliya həddindən artıq arif adam olduğu üçün təxmini olaraq, burada nə baş veridyini anlamağa çalışdı. O, telefon zənginin kimin tərəfindən zəng çalındığını dəqiqləşdirmək üçün dərhal Gülnarənin otağına getdi. Cavanların inadkarlığı sayəsində hamının kefinə soğan doğranmışdı. Çoxları gəldiklərinə görə pərt olmuşdular və ilk növbədə Əliyusifi qınayırdılar. 280 Bir neçə dəqiqədən sonra Məkanə qızı Xəyalə ilə birlik- də otağa daxil olub, Xədicənin yanında özünə yer tutub, razı halda söhbət etməyə başladı. Nədənsə, belə bir düyünlü məsələdə kompromiss variant tapılmışdı. Arif ilə səbəbkar eyvandan qayıdanda, öz düşüncələrinə şübhə ilə yanaşan Xədicə tərəddüd etmədən telefonun zəng çaldığını oğluna xəbər verdi və oğlanın necə reaksiya verə- cəyini səbirsizliklə gözləməyə başladı. Müxbir nömrəyə baxan kimi narahat oldu və vacib zəngi olduğu üçün eyvana çıxmasına, hamıdan icazə istədi. Hövsələdən çıxan Arif bunun qarşısını almaq istəsə də, Xədicə hamının təəccübü- nə səbəb olaraq, ona etiraz bildirmədi. Vəziyyətin gərginləşməsini istəməyən Qənirə Gülarə ilə qonaq otağına gəlib, Xədicənin yanında əyləşdi və güclə eşidilən səslə dedi: - Bağışlayın məni, qız qəti olaraq bu izdivaca etirazını bildirir. Mən hamınızın yanında üzüqara oldum. Ofeliya ilə söhbətdən mənə hali oldu ki, Əliyusifin də başqa istədiyi qız var. Mənə elə gəlir, biz öz qərarlarımızla uşaqların qəlbini sındırmamalıyıq. Sanki bu xəbər elmlər namizədinin əhval-ruhiyyəsini qaldırdı və həmin an o, şux qamətini dik tutdu. Qənirənin sözlərində həqiqət vardı və artıq bəlli idi ki, cavanlar öz Yüklə 1,78 Mb. Dostları ilə paylaş:
|