Ramiz Dəniz
Yüklə 1,78 Mb. Pdf görüntüsü
|
269 - Sən ki, belə bir qiymət verdin, bu cavabla sanki məni göylərə qaldırdın. Sadəcə olaraq xoşbəxt edəcəyim adam mənə “hə” cavabı verməlidir. Bu məqamda rəssam qız həmsöhbətinə qəribə nəzər saldı və birdən-birə onda ruh düşkünlüyü yarandı. Sanki müxbirin səmimiyyətlə söylədiyi sonuncu ifadə onun ürəyindən olmadı. Əliyusif də özünə görə arif insan sayılırdı və o, qarşıdakı qızın baxışlarında qəribə hisslər aşıladı. Onun fikirincə, belə baxışlar yalnız aşiq olan adama məxsus idi. Deməli, heyranedici gözəlliyə malik olan qızın qəlbini məhəbbət atəşi bürümüşdü. Lakin maraqlı idi, hansı bəxtəvər elə büllur kimi saf olan bir qızın ürəyini fəth edə bilmişdi. Sonrakı fəsadları gözünün qarşısına gətirmək istəməyən müxbir, ürəyini tikan kimi didib parçalayan sirri söyləmək qərarına gəldi. Əliyusif bütün fikrini bir yerə toplayaraq dərindən kök- sünü ötürdü və baxışlarını birbaşa həmsöhbətinin gözlərinin içərisinə dikərək çəkinə-çəkinə dedi: - Gülnarə xanım, ola bilsin ki, hazırda söyləyəcəyim sözlər sənin xətirinə dəysin, hətta birdəfəlik məndən inciyə də bilərsən. Açığını desəm, mən özüm-özümlə bacara bilmirəm. - Əliyusif, qəlbinin saflığına görə mən sənin hər bir dərdinə şərik olmağa hazıram. – deyə rəssam qız oğlanın 270 həddindən artıq həyəcanlı olduğunu görüb, ona təsəlli verdi. – Özünə əzab vermə, təxmini bilirəm nə demək istəyirsən. - Sən haradan bilirsən ki, mənim ürəyimdə nələr var. – deyə mənəvi sarsıntı keçirən müxbir həqarətlə dilləndi. – Əziz Gülnarə xanım, sual verdin ki, həmin bəxtəvər kim- dir? Həmin bəxtəvər ulduzları öz nuru ilə qamaşdıran, laləzərliyi gözəlliyi ilə kölgədə qoyan, hüsnü-camalı ilə mirvari üzlü dənizi mat edən, baxışları ilə bütün aləmi hey- ran edən, vücudu ilə möhtəşəm dağlardan vüqarlı görünən, gülüşü ilə qaranlığı nura qərq edən, mənəvi gözəllik rəmzi sayılan, füsunkar gözəlliyə malik olan mənimlə bir masa arxasında əyləşən qızdır. Eşitdiyi sözlərdən məst olan Gülnarə son sözdən pərt oldu. Qız heç bilmədi nə cavab versin. Çünki həmin məqamda Əliyusifin dodaqları əsir, əlləri isə titrəyirdi. Rəssam qız narazılıq bildirmək istəsə də, onun ürəyi isə əks hisslərlə buna mane oldu. Birmənalı şəkildə başa düşmək olardı ki, həmin sözlər Gülnarənin ürəyindən oldu və o, utandığından başını aşağı salaraq, daxilində nəyisə götür- qoy etməyə başladı. Bir az keçəndən sonra rəssam qız bütün iradəsini toplayaraq hüznlə dedi: - Əliyusif, sirr deyil ki, belə bir təklifi mən səndən gözləyirdim, amma təsəvvürümə gətirə bilməzdim ki, sən 271 yanında vasitəçi olmadan belə bir addımı atacaqsan. Demə- li, sən gözlənildiyindən də səmimi bir insansan. Cavabı isə yalnız anamla məsləhətləşəndən sonra sənə verəcəm. Hər şeyin yaxşı ötüşdüyünü görən müxbir Gülnarənin bokalına şaftalı şirəsi süzüb, rahatlaşmış halda dedi: - Gülnarə, sənin kamalın get-gedə məni heyrətləndirir. Məhz buna görə də mən səninlə axıra qədər səmimi olmaq istəyirəm. Anam bu həftənin axırında elçi qismində bir rəfiqəsinin evinə gedəcək. - Bu münasibətlə əvvəlcədən mən səni təbrik edirəm. – deyə mimkasında bir qədər dəyişiklik yaranan rəssam qız istehza ilə dilləndi. – Bəxtəvər olacaq həmin qız kimdir, qohumdur, yoxsa kənar bir adam? - Rişxənd eləmə, yalnız bir dəfə, mən həmin qızın üzünü görmüşəm. Amma o, sənin kimi heyranedici deyil ki, mən həmin izdivaca razılıq bildirim. Həm də sən olan yerdə mən kiməsə göz sala bilərəm? Ondan sonra Əliyusif anası ilə yaranan ixtilafı və elçi gedən zaman orada nə edəcəyini bütün təfsilatı ilə sevgilisinə ərz etdi. 272 XXIV fəsil. Elçilik vaxtı qeyri-adi hadisənin baş verməsi “Həri günü” gəlib çatanda Əliyusifdən başqa hamı sevi- nir, gülüb-danışır və xonçaları hazırlayırdılar. Əvvəlcədən danışıldığı kimi qız qapısına Arif, həyat yoldaşı Ofeliya, övladları və onların həyat yoldaşları da getməliydilər. Nurlan ilə Elçin hərə öz maşınında sürücülük funksiyasını yerinə yetirəcəkdilər. Xədicə qorxurdu ki, oğlu Qənirənin evində hansısa qeyri-adi hərəkətlərə əl atacaq və bununla da özünü qızın gözündən salmağa çalışacaq. Məhz buna görə də o, qonşularından xahiş etmişdi ki, yolboyu təbliğat apararaq Əliyusifə lazımi təsir göstərə bilsinlər. Hal-hazırda Qənirənin evinin bir hissəsi təmirdə olduğu üçün o, elçiləri yaxın rəfiqəsi Məkanənin evində qarşılama- ğı qərara aldı. O, əsasən Xədicənin yox, ziyalı qadının ya- nında gələcək qonaqların yanında biabır olmaq istəmirdi. Elçilərin gəlişinə tam-təraqla hazırlaşan Qənirə yalnız iki saat qalmış Gülnarəyə nə baş verdiyini izah etdi. Rəssam qız belə bir sövdələşməyə görə aşıb-coşsa da, son məqamda sakitləşməyə məcbur oldu, lakin qətiyyətlə bildirdi ki, o, elçilərə razılıq verməyəcək. Gülnarə Əliyusifi əyan etmək üçün bu haqda onu məlumatlandırdı. Onda Əliyusif ona təsəlli vermək üçün belə bir söz dedi: Yüklə 1,78 Mb. Dostları ilə paylaş:
|