Ramiz Dəniz
Yüklə 1,78 Mb. Pdf görüntüsü
|
- Bu səhifədəki naviqasiya:
- “Sevdim”
249 - Yadından çıxıbdır? – Xədicə təbəssümlə dilləndi. – Bənzərsiz xarakteri ilə hamını heyran edən, danışıq tərzi ilə qarşısındakı adamı valeh edən, mələklər-mələyi Gülya xanımın razılığını əldə etmək üçün mən Qənirənin qapısına gedəcəyəm. Əliyusif bu məsələdən hali olsa da o, bu sözləri eşidən kimi, sanki vəcdə gəldi. Elə bil bu ifadələrlə onun mənəviyyatına sarsıdıcı bir zərbə endirilmişdi. Həmin an müxbirin gözləri önünə bu gün görüşdüyü qız gəldi və verilən qərardan onun rəngi qaraldı. O, sarsılmış vəziyyətdə əlinə aldığı stəkanı nəlbəkiyə qoyub, başını təəssüflə yellətməyə başladı. Əlbəttə belə bir vəziyyətdə Əliyusif imtina cavabı verməklə, evdəkiləri məyus etmək istəmirdi. - Əli, oğlum, sənə nə oldu? – deyə Xədicə təəccübləndi və üzünə ciddi ifadə verərək iradə ilə sözünə davam etdi. – Söylədiyim şad xəbər səni sevindirməkdənsə, elə bil sənin başına qaynar su töküldü. Olmaya, nəsə qeyri-adi bir şey baş verib? Gülnarədən ayrılandan bəri yolboyu surətini yadından çıxara bilməyən müxbir üçün verəcəyi cavab ciddi xarakter daşımalı idi. Çünki burada insan taleyindən, ev qızının namusundan, xanım ləyaqətindən söhbət gedirdi. O, elə etməli idi ki, evdəkilərin xətrinə dəyməməklə, həmin izdivac baş tutmasın. Ona görə ki, Əliyusif sidqi qəlblə bu 250 gün rastlaşdığı qıza vurulmuşdu. Müxbir bütün fikrini cəmləşdirib ciddi halda dedi: - Ana, mənə elə gəlir, bu işdə tələskənliyə yol vermək lazım deyil. Qəti olaraq əsəbləşmə, indi izah edərəm nəyə görə. Ona görə ki, hal-hazırda mənim aldığım məvacib heç özümə bəs etmir. Əgər elədirsə, onda mən ailəmi necə dolandıracağam? - Sən özün dedin ki, İbrahim sənin üçün yaxşı iş tapacaq. – ana səbirsizliklə dilləndi. - Göründüyü kimi o, hələ də mənim üçün münasib bir iş tapmayıbdır. Ana, mən istəmərəm ki, tanışlıq sayəsində, evə gələcək gəlin maddi imkansızlıq ucbatından səni gecə- gündüz lənətləsin. - Sən niyə belə fikirləşirsən? – deyə ana oğlunun fikri ilə razılaşmadı. – Ola bilsin ilkin vaxtlar çətinlik olacaq, amma müəyyən bir müddətdən sonra hər şey öz yoluna düşəcək. Hər ikiniz işləyər, əl-ələ verib bir-birinizi dolandırarsınız. Elə mən də sizin dolanışığınıza öz köməkliyimi göstərəcə- yəm. - Ana, sən yaxşı bilirsən ki, bu məsələni həll etmir. – deyə müxbir təşəxxüslə dilləndi. – Ailəni dolandırmaq üçün ən azı 500-600 manat pul lazımdır. Bizim birgə aldığımız maaş ərzaqa veriləndən sonra kommunal xərclərin 251 ödənilməsinə çatmır. Bir sözlə, bu problemi həll etmək üçün vaxt gərəkdir. Əliyusifin söylədikləri həqiqət olduğundan kövrək ana həmin sözləri ürək yanğısı ilə dinləyirdi. İndiki mövcud cəmiyyətdə yüz minlərlə cavanlar vardı ki, onlar aldıqları cüzi məvacib sayəsində ailə qurmaqdan məhrumdurlar. Xədicə bir qədər fikirləşəndən sonra təmkinlə dedi: - Əli, sən gəl arzumu ürəyimdə qoyma. Mən istəmirəm ki, Gülnarə kimi bir qız bizim əlimizdən çıxsın. Səni əmin edirəm ki, sən yalnız onunla xoşbəxt olacaqsan. - Axı, həmin izdivac ədalətli sayılmayacaq. – deyə Əli- yusif bu ifadəni bədbin notlar altında vurğuladı. – Əlbəttə ki, mən sənin məsləhət bildiyin qızla xoşbəxt olacam, amma həmin qız xoşbəxtliyin nə olduğunu bilməyəcək. - Əli, gəl məni el içərisində biabır etmə. – deyə pis vəziyyətə düşən ana kövrək halda dilləndi və oğlunun əlin- dən tutaraq yalvarışla sözünə əlavə etdi. – Mən Qənirəyə əvvəlcədən xəbər vermişəm ki, qızını oğluma alacağam. O, demək olar ki, qiyabi şəkildə öz razılığını bildiribdir. Sən etirazını bildirsən, başa düşürsən nə baş verəcək? - Qənirə xanım bilməlidir ki, mənim maaşım nə qədərdir və o, hamıdan yaxşı anlayır ki, belə bir məvaciblə ailə saxlamaq olmaz. 252 - Əgər elədirsə, onda nə üçün sən əvvəlcədən həmin izdivaca öz razılığını bildirmişdin? - əsəblərini cilovlaya bilməyən elmi xadim oğlunun üstünə qışqırdı və fikrini bitirmək üçün həmin tərzdə sözünə əlavə etdi. – Bu gün sən fikirini dəyişməklə məni pis vəziyyətdə qoyursan. Əli, sənə sonuncu dəfə deyirəm, əgər razılığını bildirməsən, onda mən bir daha bu məsələyə qayıtmayacaq və heç bir qızın evinə elçiliyə getməyəcəm. Sənin fikrin odur ki, mən ən yaxın rəfiqəmin yanında biabır olum? Bu sözlərdən sonra Xədicə incimiş halda ayağa qalxıb qonaq otağını tərk etdi. Əliyusif isə fikirli halda bir qədər də masa arxasında əyləşərək, nəyi isə öz daxilində götür-qoy etməyə başldı. O, özünü elə aparırdı ki, yanında olan qardaşı ilə bacının varlığını hiss etmədi. Çünki eşq dünyasına qapanan müxbi- rin xəyallarında Gülnarənin surəti canlanırdı. Əliyusif bir qədər də oturub ondan sonra çayını içmədən, çörəyini yemədən otağına yollandı. Günün əksər hissəsini xəyallar girdabında olan müxbir yenə də otağında çarpayının üstünə uzanıb, mobil telefonu- na yazdırdığı Ruhinin ifa etdiyi “Sevdim” mahnısına qulaq asmağa başladı. Ona görə ki, ilk dəfə o, bu manını “Relax”da eşitmiş və həmin mahnıya qulaq asanda daim Yüklə 1,78 Mb. Dostları ilə paylaş:
|