Ramiz Dəniz
Yüklə 1,78 Mb. Pdf görüntüsü
|
- Bu səhifədəki naviqasiya:
- XX fəsil. Tük ürpərdici həqiqət
221 qız inadla dilləndi. - Müqəssiri başqa adamın qismində ax- tarmaq lazım idi. Sənə dedim axı, bu işi tamamilə başqa bir adam görmək istəmişdi. - Sən mənə elə baxırsan ki, guya həmin iyrənc işi mən görmək istəmişəm? – deyə Natiq vəcdə gələrək səsini qızın üstünə qaldırdı. – Deyəsən, sən məni həmin binamusla səhv salırsan? - Xahiş edirəm, üstümə qışqırma, biz burada tək deyilik. Sadəcə olaraq, mən demək istəyirəm ki, Əliyusif günahı olmadan sizin tərəfdən döyülübdür. Məhz buna görə də ondan üzr istənilməlidir. - Nə dedin? – deyə vəcdə gələn oğlan ayağa qalxdı və sağ əlinin yumruğunu sıxaraq əsəbi halda sözünə davam etdi. – Sən bizi onun yanında əskiltmək istəyirsən? Deyə- sən, mənim kim olduğumu unudursan? - Onda mən onu tapıb, özüm sizin yerinizə ondan üzr istəyəcəm. – ayağa qalxan Gülnarə qətiyyətlə dilləndi. – Başa düşmürsən ki, həmin günü onun ləyaqəti və şərafəti alçaldılıbdır? İnsanlarla heyvan kimi davranmaq olmaz. - Sən, nə dərəcədə qədir bilməz qızsan. Mən sənə görə onu döymüşən, indi isə deyirsən ki, gedib ondan üzr istə- yim. Çalış bir daha mənim yanımda bu məsələni müzakirə etmə. 222 Bundan sonra Gülnarə söhbəti yarımçıq qoyub, kafe- dən getmək istədiyini bildirdi. Onlar bir neçə dəqiqə də burada qalsalar, şübhəsiz ki, aralarında güclü mübahisə yaranacaqdı. Natiq rəssam qızın yanında olanda əksər hallarda sakit və soyuqqanlı görünməyə çalışırdı. Bir sözlə o, cildə girərək özünü çox təmkinli, ədəb-ərkanlı aparardı. Lakin Natiq emosiyalara qapılanda həmin hərəkətlərdən əsər- əlamət qalmırdı. Artıq o, nə dərəcə əsəbi olduğunu nümayiş etdirdi. Əsəblərini cilovlaya bilməyən Natiq həmin vəziyyətdə maşınına mindi. İndi də o, bir qədər qəzəbli halda sükan arxasında maşını idarə edirdi. Natiq sürəti artırır, sağdakı, soldakı, qabağdakı maşınları ötür, yerli- yersiz olaraq siqnallar verir, piyada keçidlərində yolu keçmək istəyənlərə imkan vermir, qabağına çıxan piyadanı təhqir edirdi. Vəziyyəti belə görən Gülnarə qorxu hissləri keçirə- keçirə mütəmadi olaraq, maşını yavaş sürməsini ondan xahiş edirdi. Lakin bütün bu xahişlərə əhəmiyyət verməyən emosional oğlan mənzil başına tez çatmaq üçün sürəti azaltmırdı. Birdən maşın növbəti zolaqlı piyada keçidinə çatanda, oradan əlində böyük olmayan kardon qutu ilə ortayaşlı bir kişi keçirdi. Natiq əyləci basanda təkərin altın- dan çıxan cüyültü səsi yoldan keçəni diksindirdi və o, özün- 223 dən asılı olmayaraq “korsan, görmürsən keçirəm?” – deyə- rək qışqırdı. Belə bir ifadəni özü üçün təhqir hesab edən sürücü cəld maşından düşüb, həmin adama bərk yumruq vuraraq, yerə sərdi. Zərərçəkənin əlindəki qutu yerə düşən- də içərisindəki uşaq oyuncaqlar asfalta səpələndi. Natiqdən belə bir sərt hərəkəti gözləməyən Gülnarə cəld maşından düşüb, “sən, nə edirsən?” – deyərək, yerə sərilmiş kişiyə həm qalxmağa, həm də oyuncaqları qutuya yığmağa kömək etdi. Oğlan yanındakı qızın humanist hərəkətlərini görüb daha da hiddətləndi və o, qızın qolundan tutub yuxarı qaldırdı. - Sən, nə edirsən? O, yaramaz məni söyür, sən isə ona kömək edirsən? - Natiq, hər bir narazılığa görə adam qolunun gücündən istifadə etməməlidir. – deyə oğlanın saymazyana münasibə- tini görən qız vəcdə gəldi. - Görmürsən, onu necə vurdun? - Sən, bu cındıra görə mənimlə höcətləşmək istəyirsən? – deyə Natiq daha da əsəbləşdi. - Natiq, danışığına fikir ver. Bir qədər özünü ələ alsan, yaxşı olar. - Gülya, səndən rica edirəm, keç maşına əyləş. - ətrafda olan insanların burada toplaşmasından təngə gələn Natiq ciddi halda dilləndi. – Onsuz da əsəblərim yerində deyil. - Əsəblərin tam soyumasa, mən maşına əyləşməyəcəm. 224 - Deməli, sözümdən çıxırsan? – Natiq əsəbdən dişlərini sıxaraq ikrah hissi ilə dilləndi və tərəddüd etmədən maşını- na minib hadisə yerindən uzaqlaşdı. Natiqin qeyri-etik hərəkətlərindən dəhşətə gələn qız başını aşağı salıb məyus halda evinə yollandı. XX fəsil. Tük ürpərdici həqiqət Övladlarının xoşbəxtliyi barəsində düşünən ana bu dəfə oğlu ilə evlilik haqda söhbəti açaraq, ürəyini narahat edən məsələyə birdəfəlik son qoymaq niyyətində idi. Müəyyən mənada Əliyusif anasının dediyi ilə razılaşırdı. Məhz buna görə də Xədicə fürsətdən istifadə edib, oğlunu ərik yığdığı yerdə, yəni bağda haqladı. - Nə yaxşı iş görürsən. – deyə Xədicə oğluna kömək edə-edə dilləndi. – Axşamdan başlayaraq mən mürəbbə düzəldəcəm. Onsuz da Elşənə tapşırmışam ki, bazardan gələn kimi şəkər tozu alıb gətirsin. - Builki bar çox məhsuldardır. – deyə nərdivanın yuxarı- sında dayanan Əliyusif anasına tərəf baxmadan ehtiramla dilləndi. Yüklə 1,78 Mb. Dostları ilə paylaş:
|