25
F.Köçərli adına Respublika Uşaq Kitabxanasının Elektron Kitabları
Soruşdular:
— Haçan?
Dedim:
— Gələn ilin bu vaxtına, xalqların 8 Mart qadınlar bayramına!
UÇUŞ
Bir həftədən də artıq idi ki, Zakirgilin
ailəsi yatmırdı; ailə oğlunun ali təhsil
səfəri
üçün hazırlaşırdı. Ata-ana
Zakirin on illiyi əla qiymətlə qurtarıb,
qızıl medal alıb, özünə yol açdığına
görə həm sevinir, həm də ondan ayrı
düşəcəklərinə
görə
həyəcan
keçirirdilər. Axı, Zakir on il içərisində
ata-anasını
incitməmişdi,
üzləri
danlamaq
üçün
məktəbə
çağırılmamışdı. O, həmişə evə «5»
qiymətlə qayıtmışdı. Əhmədin gözləri
Zakirin gətirdiyi «5»ə alışmışdı...
Əhməd bilirdi ki, heç bir şagirdə
havayı yerə «5» vermirlər. Bu «5» hər şagirdin qeyrətli zəhmətinin, böyük səyinin
məhsuludur. Ömründə tənbəli «5» tapmaz! «5»in zəhləsi tənbəldən gedər. Əhməd
«5» alan oğlunun Moskva universitetində oxumağını arzu etmişdi.
26
F.Köçərli adına Respublika Uşaq Kitabxanasının Elektron Kitabları
Axı, Əhmədin öz oğlu üzərində zəhməti az deyildi. O, Vətən müharibəsi
zamanında gecənin yarısında çalışdığı idarədən evinə dönəndə cibindəki açarla
yavaşca qapını açıb içəriyə girər, öz dabanlı ayaqqabılarını gecə çustla əvəz edər,
taqqıltı salıb ailənin yuxusunu qaçırmaq istəməzdi, qoy gündüzlər məktəbdə oxuyan,
sonra evdə dərslərini hazırlayıb yorğun düşən uşaqlar istirahət etsinlər. Qoy kitabı
əlindən yerə düşməyən Zakir doyunca yatsın, sabahın sübhündən öz yatağından gur-
gümrah qalxsın!
Əhməd bilirdi ki, heç də Zakir xorhaxor yatmaqla «5» almamışdı.
Axı, bu «5» nədi ki, hər ailə, hər ata-ana öz uşağından «5» umur.
—
Oğul, «5», ha!
—
Bax, qızım, sən də «5», ha!
Məgər bizim gündəlik işlərimizdə başqa rəqəmlər gərəyə gəlmirmi?! Xeyr, bütün
rəqəmlər bizim gündəlik işlərimizdə gərəyə gəlir. Ancaq dərsə gedən uşaqlar üçün bu
«5»in ayrı bir yeri vardır. Məsələn deyək, «6» ya «7»ni. Bunlar ki, «5»-dən
yuxarıdırlar. Onda bəs nə üçün bunların heçcə biri uşaqları oxuyan bir ailədə hörmət
qazanmamışdır? Baxırsan ki, imtahan zamanı ata da, ana da, nənə də, baba da
gözlərini qapıya zilləyib:
—
Görək uşaq nə vaxt dönəcəkdir? — deyə balalarını gözləyirlər. — Barı
«3» olmasın, «2» də onu tanımasın, yaxasına yazılmasın!
Oğlu-qızı oxuyan ata-anaya, nəvəsi oxuyan nənəyə, babaya, «9»-a qədər bütün
rəqəmləri göstərib soruşun:
—
Hansı qəşəngdir?
Deyəcəklər:
—
«5»! Ancaq «5»
Demək «5»in təhsildə şərəfi, qüdrəti vardır!
«5» şagirdin həm bu günü, həm də gələcəyidir. Bu gün məktəbdə «5» alan
şagird sabahın bir dəyərli cərrahıdır. Bu cərrah minlərlə xəstəyə şəfa verəndir,
intizarlı ailə gözlərini güldürəndir. Demək, bu gün dərsdə «5» alan şagird, sabahına
27
F.Köçərli adına Respublika Uşaq Kitabxanasının Elektron Kitabları
bəlkə də çox mahir memardır. Çoxmərtəbəli qəşəng-qəşəng binaların layihələrini
işləyən, sənət abidələrinin sayını artırandır!
Bu gün «5» alan şagird, sabahına igid neftçimizin qabağına düşən, dalğalanan
Xəzərdə yeni - yeni neft yataqları tapan, dənizin dibinə qədər enən, torpağın bağrını
dələndir. Və neft, təyyarələrimizi, maşınlarımızı, kombaynlarımızı, traktorlarımızı,
ekskavatorlarımızı hərəkətə gətirən, min-min maşınları işlədən, onlara odlu nəfəs
verəndir.
Əhməd də on il ərzində oğlu Zakirin gələcəyi naminə ondan «5» gözləmişdi,
oğlu Zakir də atasına «5» gətirmişdi.
Əhmədin qarasaçlı, qaynar qaragözlü Zakirə qarşı qayğısı, məhəbbəti
azalmamışdı. Qışın soyuq gecələrində divarları dələn güclü-gurultulu Bakı küləyi
nərə çəkən zaman, Əhməd səksəkəli yatar, bütün gecəni cövlan edən, pəncərələri
cingildədən, birdən də çərçivələri çırpıb açan küləklərdən Zakiri qoruyardı. Bəs
indi?.. Moskvada şimalın buzlu, soyuq bir yerində Zakirin üstündən sürüşüb yerə
düşən yorğanını kim qaldırıb, onun üstünü kim örtəcəkdir?!
Gündüzləri çalışıb yorğun düşən tələbə yoldaşlarının hamısı yataqxana boyu
yatmış olacaqdır, bəs onda Zakirə kim baş çəkəcəkdir? Ona soyuq dəyməyəcəkmi?
Zakir xəstələnməyəcəkmi?.. Əhməd, oğlunun Moskvada keçirəcəyi illəri düşünürdü.
Bu zaman, Əhmədin gözlərinin qabağında beş gün əvvəl nəvəsini yola salmaq üçün
ucqar dağ obasından gələn, indi yan otaqda yatan Rəşid kişi canlanırdı. Əhməd ötən
günlərini xatırlayırdı. Otuz beş ya qırx il bundan qabaq, meşəli dağın ətəyində,
Səngər obasının qırağında dörd dirəkli, tək bacalı qara damın altında, qışın uğultusu
ətraf meşələri başına götürdüyü zamanda Rəşid də beləcə narahat yatar, öz balaca
Əhmədini bacadan dolan şaxtadan qoruyardı. O, yük yerini əlləşdirib əlinə düşən
cecimdən, kilimdən götürüb Əhmədin üstünə örtərdi. Birdən döşəkdən sürüşən, bir
kənara düşən balacanı qaldırıb bağrına basar, buza dönən balasını yanına gətirib
nəfəsi ilə qızdırardı. Dörd dirəkli qara damın qapısını qarlı küləklər taraq-turaq döyər,
taxtaları aralanan qapıdan içəriyə qar tozanaqları dolardı, Rəşid oğlunu köksünə
sıxardı.