по
Q LO BALLAŞM A VƏ M Ə D Ə N İ M Ü X T Ə L İFL İK
;
sahədə müxtəlif rəqiblər deyil, elə eyni həmkarlar ortaya
çıxarır. Bu iki tərəf arasında qütbləşmə, məqsəd və
vasitələrin konsentrasiyası elə həddə gətirib çıxarır ki,
“biz hətta deyə bilərik: gözümüzün önündə “azadlığın”
bir əldə konsentrasiyası prosesi gedir”.1 “Azadlıq elə bir
“istilik sistemi - istixanadır ki, burada var-dövlət daha tez
boy atır”. Əgər yoxsul mədəniyyətlər onlara da “pay
düşəcəyinə ümid edirlərsə” bu boş xəyaldır. Əvvəlki
varlılar daha da varlanmaq üçün kasıblara möhtac idi. İndi
bunun üçün kasıb mədəniyyət lazım deyil.
Dövri qədimdən “varlı-kasıb” qarşılıqlı asılılıqda idi.
İndi artıq belə deyil. Hətta təsəvvür etmək belə çətindir
ki, “varlı, zəngin qloballarla yoxsul lokallar” hansı şərtlər
barədə söhbət apara bilərlər. Bu ona bənzəyir ki, müasir
şəhərlərin ən yaxşı yollarından istifadə edən varlılar,
“sınıq-salxaq, əyri-köndələn” əyalət yollarından həmişə
yan keçirlər.
Z.Baumanın mədəniyyət və qloballaşma probleminə
münasibəti barədə təsəvvür yaratmaq üçün, biz ona bir
qədər geniş yer verdik. Burada əlbəttə ki, tutqun,
pessimist
əhvalı
görməmək
mümkün
deyildir.
Qloballaşma gedişində “udanlarla”, “uduzanlar” arasında
heç bir qarşılıqlı münasibətin olmayacağına isə inanmaq
mübahisəli məsələdir. Əgər bu iki tərəf müxtəlif
planetlərdə yaşasaydı buna inanmaq olardı. Bir halda ki,
insanlar bir “evdə” - yer kürəsində yaşayırlar və bunların
“vəhdətin fövqündə” durması ağlabatmazdır. Qloballaşma
prosesində qarşılıqlı formalaşan yeni təsisat, qurum, sintez
mədəniyyətləri nəzərə almamaq bədbin ssenarilərin əsas
qüsurudur. Bu baxımdan Z.Baumanın baxışları, lokal
mədəniyyətləri - “yoxsul” mədəniyyətlə eyniləşdirmək
cəhdi daha geniş təhlilə möhtacdır.
Mədəniyyət aləminin sehrini, mozaik çoxçalarlığını
yalnız iki rəngə - yoxsul və varlıya bölmək düzgün
deyildir. Müxtəliflikdə yalnız “ağ və qara” deyil, dünya
1 Z.Bauman. Yenə orada.
Fəsil I. Qloballaşma. Mədəniyyət fenomeni qloballaşma kontekstində 111
mədəniyyətinin bir-bir rəngləri bərq vurur. Burada “bir
istiqamətli gedən proses” anlayışı natamamdır, çünki əks
təsir və meylləri - lokal mədəniyyətlərin nüfuz və təsiri
nəzərə alınmır. Qərb mədəniyyətində qarşılıqlı bəhrə
lənmənin yalnız sintez kimi, milli-lokal süzgəcdən
keçirilərək qəbul edilməsi faktı kənarda qalır, nəticədə
“üçüncü” - sintez mədəniyyətin - hər iki tərəfin cizgiləri
ni daşıyan yeni fenomenin formalaşmasına biganə qalmır.
Hegemon sayılan, “varlı-Qərb” mədəniyyətinin özünün
ən müxtəlif mədəniyyətlərin sintezi olduğu unudulur.
Belə yanaşma, yəni mədəniyyət və qloballaşma
problemlərinə mədəni dinamikanın prinsip, mənbə, faktor
və formaları ilə bələd olmadan qərarlar vermək, nə
ticələrin birtərəfli olmasını şərtləndirir. Buna görə də biz
mədəniyyətlərin qarşılıqlı təsir formalarının dinamikası,
mədəni bəhrələnmə probleminin mexanizmlərinə dair ən
mühüm konsepsiyalara toxunmalıyıq.
Bu baxımdan mədəniyyətlərin qarşılıqlı təsirinin
müstəviləri, strukturu, mexanizmləri tfə prinsipləri ilə
tanış olaq.
1.11. Mədəni müxtəliflik və qarşılıqlı təsirin
subyektləri və müstəviləri
Bəşəriyyətin mövcud olduğu on minillər boyu
topladığı (əgər neolit dövrü inqilabından başlasaq) bütün
nailiyyət və sərvətləri bir sözlə ifadə etsək - mədəniyyət
sözünü almış olarıq. Burada bir-birini əvəzləyən dünya
sivilizasiyalarının və lokal sivilizasiyaların vahid çox
çalarlı mədəni irsindən formalaşmış, bəşər mədəniyyəti
çələngini görmək çox da çətin deyildir.
Mədəniyyət bütün dövrlərdə yer üzündəki xalqların
ən çox qarşılıqlı ünsiyyət, qarşılıqlı anlaşma və zən
ginləşmə prosesinin getdiyi meydan olmuşdur. “Qılınclar,
top-tüfənglər
danışanda
mədəniyyətlər
susmuşdur”
deyilsə də, bu müvəqqəti olmuşdur.
112
Q LO BALLAŞM A VƏ M Ə D Ə N İ M Ü X T Ə L İFL İK
Mədəniyyətlərin qarşılıqlı təsirinin iştirakçıları, sub
yektləri kimlər olmuşdur?
Biz yuxarıda mədəni birliklərin əsas tiplərinin etnik,
milli və ümumbəşəri müstəvilərdə qərar tutduğunu
göstərdik. Mədəniyyətlərin qarşılıqlı təsiri məhz bu
müstəvilər arasında baş verir. Uzunmüddətli tarix boyu
müxtəlif mədəniyyətlər arasında qarşılıqlı təsirin regional
- bölgə üzrə tipi də fonnalaşa bilər; ümumi cəhətlərin
birləşdirdiyi mədəniyyəti geniş yayıla bilər. Məs:
tarixdən məlum olan Aralıq dənizi, Yaxın Şərq, Şimali
Amerika və s. mədəni bölgələrini göstərmək olar.
Mədəni qarşılıqlı təsirlərin etnik müstəvisində,
ünsiyyət və dinamika lokal etnoslar, mədəni təsərrüfat
quruluşuna görə bənzər olan (maddi mədəniyyətin
ümumiliyi), tarixi-etnoqrafık bənzərliyinə görə (mənəvi
mədəniyyətin ümumiliyi), etnokonfessional və s. mədəni
birliklər arasında baş verir.
Bu müstəvidə mədəniyyətlərin qarşılıqlı təsirində
ikili ənənələr baş verir. Bir tərəfdən mədəniyyət
elementlərinin qarşılıqlı mənimsənilməsi inteqrasiya
proseslərinin,
qarşılıqlı
zənginləşmənin,
mübadiləin
güclənməsinə şərait 'yaradır, digər tərəfdən etnik
milliözünüdərk şüurunun yüksəlməsi, etnik spesifikanın
güclənməsi ilə müşayiət olunur.
Öz-özlüyündə, etnik-milli mədəniyyət yalnız bir
sistem kimi sabitliyini və inteqrasiyasını təmin etməklə
kifayətlənmir. Etnik mədəniyyətin ikinci həyatı özündən
fərqli olan mədəniyyətlə qarşılıqlı anlaşmaya nail olmaq
fəaliyyətində əksini tapır.
“Başqa” mədəniyyətə münasibət müxtəlif dahili və
xarici faktorlardan asılı olaraq dəyişə bilər; maraq oyada,
lakin qarşılıqlı təsirə aparmaya da bilər. Burada ya
qarşılıqlı, ya da birtərəfli münasibət yarana bilər,
müəyyən mədəniyyət elementlərindən istifadə olunsa da,
qarşılıqlı müstəqillik və müxtəliflik olduğu kimi qala da
bilər., Məsələn, etnik birliklərarası dillərin istifadəsi belə
Kasil I. Qloballaşma. Modoniyyat fenomeni qloballaşma kontekstində 113
mədəni qarşılıqlı təsirə misal ola bilər, müxtəlif fəaliyyət
sahələrində istifadə oluna bilər.
Lakin digər tərəfdən qarşılıqlı təsirin bu səviyyəsi
müxtəlif mədəniyyətlərin intensiv bəhrələnməsini təmin
etmək üçün zəruri yetkinlik səviyyəsinə malik olmur. Hər
hansı düşmənçilik və zorakılıq üçün bəhanə ola biləcək
fikir müxtəlifliklərinin mövcudluğu, qarşılıqlı təsirin daha
dayanıqlı, sabit formasına ehtiyac yaradır.
Bu forma növbəti müstəvidə - milli müstəvidə
formalaşır.
Milli müstəvi məlum olduğu kimi həm monoetnik,
həm də polietnik əsasda, ümumi təsərrüfat fəaliyyəti və
dövlətin siyasi nizamlayıcı funksiyasında formalaşır. Bu
da dil, ideologiya, norma, adət və s. kimi müvafiq
mədəniyyətin təşəkkül tapması ilə tamamlanır. Milli
birlik səviyyəsi bir tərəfdən yanaşılmış tarixi tale və
təcrübəyə dayaqlanaraq formalaşa bilir. Digər tərəfdən
milli birlik dövlətin məqsədəuyğun siyasətin nəticəsi kimi
də ortaya çıxa bilər. Mədəniyyət və mədəni siyasət
sahəsində dövlətin birləşdirici və nizamfeyıcı funksiyası
milli-mədəni birliyin möhkəmlənməsində ən vacib vasitə
rolunu oynayır.
Bu proses də daxili mürəkkəblikdən azad deyildir və
öz növbəsində müxtəlif ziddiyyətlərə gətirib çıxara bilər.
Hər halda milli birliyin təmin olunmasının sosial-mədəni
amillərini nəzərə almaqla, lokal maneələri dəf edən
dövlətin rolu və funksiyasının əhəmiyyəti əvəzedil
məzdir.
Etnik və milli müstəvilər mahiyyətcə çox yaxın
olsa da, qeyd olundu ki, etnik birliyin mənbəyi-
genetik-təbii qaynaqlara dayanır; milli müstəvi daha
mürəkkəb, səviyyəcə daha sonrakı pillədir, etnik
mədəniyyət daha qədim və uludur, milli mədəniyyət -
Yeni
dövrün
millətlərin
formalaşdığı
vaxtdan
formalaşır.
Mədəniyyətin həm etnik, həm də milli müstəvisi
Dostları ilə paylaş: |