245
Musiqi.Opera.Balet
85
illiyi
XUMAR ZÜLFÜQAROVA
1927
NOY
ABR
Xumar Rza qızı Zülfüqarova
1927-ci il noyabr ayının 15-də Bakı
şəhərində anadan olmuşdur. O, 1945-
ci ildə Bakı Xoreoqrafiya məktəbini
bitirmişdir. Azərbaycan Opera və
Balet Teatrının solisti (1945-1966),
Azərbaycan Dövlət Mahnı və Rəqs An-
samblının (1966-1971) baletmeysteri,
Azərbaycan Dövlət Filarmoniyasının,
Azərbaycan Dövlət Rəqs Ansamblının
baş baletmeysteri (1971-1978) olmuş-
dur. 1978-ci ildən Azərbaycan Konsert
Qastrol Birliyinin baletmeysteridir.
Xarakterik rəqslərin ifaçısı olan Zül-
füqarova bir sıra opera və baletlərdə
– “Koroğlu” (Ü.Hacıbəyli), “Yeddi
gözəl” (Q.Qarayev) və s. çıxış etmiş-
dir. Bir sıra filmlərdə rəqs səhnələrinə
çəkilmişdir. 1950-ci ildən Bakı Xore-
oqrafiya məktəbində dərs deyir.
Zülfüqarovanın
fəaliyyəti
dövlətimiz
tərəfindən
yüksək
qiymətləndirilib. O, 1979-cu ildə
Azərbaycan SSR Xalq artisti adına la-
yiq görülüb.
2009-cu ildə Azərbaycan Respub-
likası Prezidentinin sərəncamı ilə
Azərbaycanda xoreoqrafiya sənətinin
inkişafındakı xidmətlərinə görə Xu-
mar Zülfüqarova “Şöhrət” ordeni ilə
təltif olunmuşdur.
Ə d ə b i y y a t
Xumar Zülfüqarova //Azərbaycan Sovet Ensiklopedi-
yası [Mətn]: 10 cilddə.- Bakı, 1980.- C.IV .- S.350.
Həsənli, V. Rəqslərdə yaşayan ömür [Mətn] :
[Azərbaycan SSR Xalq artisti rəqqasə Xumar Zülfü-
qarova haqqında] /М.Həsənli //Ulduz.- 1979.- №9.-
S.49-54.
15
Xoreoqraf
246
Musiqi.Opera.Balet
90
illiyi
FİKRƏT ƏMİROV
1922-1984
NOY
ABR
Fikrət Məşədi Cəmil oğlu Əmirov
1922-ci il noyabr ayının 22-də
Gəncə şəhərində məşhur tarzən və
xanəndə ailəsində anadan olmuş-
dur. Azərbaycanı dünyada tanıdan
milli bəstəkarlıq məktəbinin ən la-
yiqli nümayəndələrindən biri olan
F.Əmirov sağlığında ölməzlik qazan-
mış sənətkarlardandır. Onun yaradıcı-
lığı XX əsr Azərbaycan musiqi tarixi-
nin ən parlaq səhifələrindəndir.
Bəstəkarın yaradıcılıq ideyaları,
geniş dinləyici auditoriyasına ünvan-
lanmışdır. F.Əmirovun əsərləri təkcə
ölkəmizdə deyil, həm də Rusiya,
Amerika Birləşmiş Ştatları, Almani-
ya, İngiltərə, Fransa, Meksika, İran,
Türkiyə, Misir, İsveç, Mərakeş və baş-
qa ölkələrdə böyük müvəffəqiyyətlə
səslənmiş və dinləyicilərin böyük
rəğbətini qazanmışdır.
F.Əmirov lirik bəstəkardır. Onun
musiqisində ideya, forma, məzmun
baxımından asılı olmayaraq lirika
həmişə aparıcı amil olmuş, bəstəkarın
bütün yaradıcılığına sirayət etmişdir.
Onun əsərlərində dramatik, epik
obrazlar, fəlsəfi düşüncələr belə li-
rik planda verilmişdir. F.Əmirov
Azərbaycan musiqi tarixinə əsl nova-
tor, yeni şair, yeni movzular gətirmiş
bir sənətkar kimi daxil olmuşdur.
F.Əmirovun simfonik yaradıcılığı
rəngarəngdir. Fəlsəfi mahiyyət kəsb
edən “Nizami” (1947) simli simfoni-
yası lirizmi, təsirliliyi, aydın və incə
musiqi üslubu ilə fərqlənir. F.Əmirov
simfonik müğam janrının yaradıcısıdır.
Onun “Şur”, “Kürd-ovşarı”, “Gülüstan
– Bayatı Şiraz” simfonik muğamları,
“Azərbaycan” süitası, “Sevil” operası,
“Min bir gecə” baleti, “Azərbaycan
kapriççiosu”, “Nəsimi” xoreoqrafik
poeması, “Simfonik rəqslər”, vokal-
instrumental əsərləri dünya musiqi
mədəniyyəti xəzinəsinə dəyərli töhvə
olmuş, musiqimizin fonduna daxil
edilmişdir.
Azərbaycanın musiqi mədəniy-
yətinin inkişafında göstərdiyi misilsiz
xidmətlərinə görə Fikrət Əmirov SSRİ
və Azərbaycan Xalq artisti, SSRİ və
Dövlət Mükafatları laureatı, Sosialit
Əməyi Qəhrəmanı fəxri adına layiq
görülmüş, iki dəfə Qırmızı Əmək Bay-
rağı ordeni ilə təltif olunmuşdur.
Fikrət Əmirov 1984-cü ildə Bakıda
vəfat etmiş və Fəxri Xiyabanda dəfn
olunmuşdur.
Ə d ə b i y y a t
Simfonik rəqslər [Not]:
metodik tövsiyələr /Fikrət
Əmirov.- Bakı, 2009.
Əfəndiyev, T. Azərbaycan
mədəniyyəti və incəsənəti
[Mətn] /T.Əfəndiyev.- Bakı.-
2008.- 208 s.
Fikrət Əmirov. Bibli-
oqrafiya [Mətn] /tərt.
ed.: T.Məmmədova,
A.Novruzova.- Bakı, 2009.-
271 s.
Qasımova, S. Fikrət Əmirov
[Mətn] /S.Qasımova; red.
S.Mahmudova.-Bakı: Nağıl
evi, 2004.- 208 s.
Шариф, А. Создатель
восточного симфонизма
[Текст] //Шариф, А.
Творческие династии
Азербайджана ХХ века.-
Баку, 2007.
Шарифова-Алиханова, В.
Фикрет Амиров [Текст]
: [Жизнь и творчество]
/Вазифа Шарифова-
Алиханова.- Баку: Сада,
2005.- 240 с.
22
Bəstəkar
247
Rəssamlıq. Heykəltəraşlıq.Arxitektura
95
illiyi
TAĞI TAĞIYEV
1917- 1993
NOY
ABR
Tağı Əzizağa oğlu Tağıyev 1917-ci
il noyabr ayının 7-də Bakı şəhərində
anadan olmuşdur.
Tağı Tağıyev 1931-1935-ci illərdə
Azərbaycan Dövlət Rəssamlıq Texni-
kumunda, daha sonra isə 1940-1941-ci
illərdə Moskva Rəssamlıq İnstitutunda
oxumuşdur.
O, əsasən tematik tablolar, na-
türmort, portret, mənzərə və məişət
səhnələrinin müəllifidir. Azərbaycanda
realist boyakarlığının yaradıcılarından
olan Tağıyev portret ustası kimi daha
məşhurdur. Yaradıcılığında tarixi möv-
zular və tarixi şəxsiyyətlərin təsviri,
əmək adamlarının obrazı və əməyin
tərənnümü, doğma təbiətin təsviri mü-
hüm yer tutur. Misal olaraq “Koroğlu
dəsgahı”, “Poladəridən”, “Qaynaq-
çı”, “Göy-göl”, “Qarlı yollar”ı qeyd
etmək olar. Tağı Tağıyev bir çox xarici
– Türkiyə, Yunanıstan, İtaliya, Fransa,
İspaniya və s. ölkələrdə olmuş və on-
ların həyatına dair tablolar çəkmişdir.
Rəssamın ən yaxşı əsərləri “Uşaq-
lıq xatirələri”, “Abşeron silsiləsi”, “El
gözəli”, “Qarayanız qız” və bir çox
rəsm əsərləri Praqa, Pekin, Dakar,
Bağdad və s. ölkələrdə nümayiş etdi-
rilmişdir.
T.Tağıyevin yaratdığı “Qara Qara-
yev” və “Səttar Bəhlulzadə” tablola-
rı dünyanın bütün sərgi salonlarında
uğurla nümayiş olunub.
O, 1954-cü ildə Avropa, Afrika
ölkələrinə səyahətə getmiş, dinindən,
dilindən asılı olmayaraq insanları, on-
ların ideyalarını, arzularını bədii bo-
yalarla təsvir etmişdi. Həmin səfərdən
sonra yaratdığı “Afrikalı qız” və “Sa-
lam, yeni dünya” əsərlərinə bu gün də
maraqla baxılır. Bu əsərlərdə zülmə,
tabeçiliyə, əsarətə dözməyənlərin
duyğuları ustalıqla təsvir olunub.
Tağı Tağıyevin əsərləri Şərq Xalq-
ları İncəsənəti Muzeyi (Moskva), R.
Mustafayev adına Azərbaycan Dövlət
İncəsənət Muzeyi, Azərbaycan Dövlət
Şəkil Qalereyası və s. muzeylərdə sax-
lanılır.
Yaradıcılıq xidmətlərinə görə onun
əməyi yüksək qiymətləndirilmişdir.
Əməkdar incəsənət xadimi, respubli-
kanın Xalq rəssamı fəxri adlarına la-
yiq görülmüşdür.
1993-cü ildə vəfat etmişdir.
Ə d ə b i y y a t
Mehdiyev, R. Həmkarlarımı
unuda bilmirəm [Mətn] / Ra-
fiq Mehdiyev //Azərbaycan
.- 2008.- 26 oktyabr.- S. 8.
Наджафов, М. Таги Тагиев
[Текст] /М.Наджафов.-
Mосква, 1959.- 67 c.
7
Rəssam