40
XALQ ARASINDA. İNSANI KEYFIYYƏTLƏR
Hamlet İsayev (İsaxanlı) ilk baxışda ünsiyyətə çox can
atmayan, danışmaqdan çox dinləyən insana bənzəsə də,
onunla həmsöhbət olarkən bu hisslər öz yerini başqa bir
duyğuya verir. Bir tərəfdən onun sadəliyi və təvazökarlığı
insanda heyrət doğurur, digər yandan isə riyaziyyat, fizika,
tarix, beynəlxalq münasibətlər, dilçilik, ədəbiyyata aid bi-
likləri, düşüncə genişliyi, dünyagörüşü, orijinal mülahizələri
bu sahələrin mütəxəssislərini belə heyran edir. Klassik elmə,
ədəbiyyat və mədəniyyətə dərindən bələd olması şüurlarda
yaranan «son dərəcə quru», yalnız rəqəmlər aləminin tərki-
dünya yaşayan klassik riyaziyyatçı obrazından əsər-əlamət
qoymur. (Əslində o, təbiət elmləri ilə humanitar və sosial
elmləri özündə birləşdirən nadir simalardan biridir).
Hamlet müəllimlə ünsiyyətdə olan hər kəs ondakı qey-
ri-adi cəhətləri sezir. O, həssasdır, şairanə və incəqəlblidir.
Onun musiqi, incəsənət və təbiət duyumu güclüdür. Bu
barədə xüsusi söhbət açmır, çox danışmağı, təhlil aparmağı
sevmir. Bu hisslər onun hərəkətlərində, söz, işarə və ey-
hamlarında, zövqündə, yumorunda, bu sahələrə sevgisində
özünü göstərir. Özünəməxsus bədii-publisistik üslubu ilə üzə
çıxan müxtəlif səpkili yazıları və nitqləri xüsusi maraq
doğurur.
Hamlet İsayev (İsaxanlı) öz xidmətlərindən söhbət aç-
mağı xoşlamır, keçmiş uğurlarına qapanmır, bugünkü nailiy-
yətlərilə kifayətlənmir, daim yeniliyə, gələcəyə doğru boy-
lanaraq, gələcəyi qurmağa, yaratmağa çalışır.
Öz şeirlərinin birində dediyi kimi:
Sözümüzün keşiyində dura bilsək,
Hədəfləri bircə-bircə vura bilsək,
Gələcəyi günümüzdə qura bilsək,
41
Yaşamağa nə var ki!..
Tanrı Hamlet İsayevə (İsaxanlıya) istedadla yanaşı,
rəhbər-lider, təşkilatçılıq bacarığı, geniş dünyagörüşü, möh-
kəm iradə, nikbinlik, insanpərvərlik də bəxş etmişdir. O,
keçmiş zamanlardakı universal zəka sahiblərini, mənəviy-
yatları ilə nəsillərə örnək olan ziyalılarımızı xatırladır.
Doğrudan da Hamlet İsayevin (İsaxanlının) liderliyi
möhkəm bünövrə üzərində dayanıb. İrimiqyaslı işləri plan-
laşdıran və həyata keçirən bu insan çox geniş dünyagörüşünə
malikdir, dərin və rəngarəng bilik sahibidir.
İncə təhlil, alqoritmik düşüncə və duyma qabiliyyəti
məsələlərin orijinal həllini tapmaqda ona kömək edir.
«Hər gün, hər saat mükəmməlliyə doğru!» - Xəzər
Universitəsinin fəaliyyəti barədə bir çıxışından götürülmüş
bu qısa cümlədə Hamlet İsayevin (İsaxanlının) həyat devizi,
əsas iş qayəsi olduqca bariz şəkildə öz əksini tapıb.
Xeyirxah, mehriban, gülərüz olduğu qədər də ciddidir,
dəqiqdir, prinsipialdır. Qarşısına qoyduğu məqsədə nail ol-
maq üçün düzgün, dürüst yol seçir və yolundan dönmür. Sə-
birlə, ötəri işlərə baş qoşmadan düşünə-düşünə, addım-ad-
dım, eyni zamanda inadla, inamla irəliləyir.
Yüksək davranış mədəniyyəti, təvazökarlığı, ilhamveri-
ciliyi alim və ziyalıları onun ətrafına cəzb edir.
Həlledici addımların müəyyən edilməsindəki qətiliyi,
qərar qəbuletmə məsuliyyətini öz üzərinə götürməsi danıl-
mazdır. O, bunlarla yanaşı, ən yaxşı bildiyi və əvvəlcədən
hansı qərar qəbul edəcəyi bəlli olan məsələni belə ətrafın-
dakılarla müzakirəyə çıxarır. Hiss olunur ki, ona hörmət
edirlər, onu lider kimi qəbul edirlər, onu sevirlar. O isə hə-
mişə hamıya bərabər olduğunu, heç kimdən yuxarıda durma-
dığını, bütün hərəkətləri ilə, bütün səmimiyyəti ilə ortaya çı-
xarır. Başqalarının uğurlarına sevinmə qabiliyyəti, dərd-
42
lərinə və qayğılarına şərikolma xüsusiyyəti göz qaba-
ğındadır.
Profesor Hamlet İsayev (İsaxanlı) əsil ziyalı, geniş
qəlbli vətəndaş kimi yerliçilik, regionçuluq psixologiyasına
qarşı çıxır. O, Azərbaycanda bütün millətlərin yanaşı və
mehriban yaşamasını, milli azlıqların təhsil, insan hüquqları,
sosial rifah və mədəni sahələrdə inkişafını dövlət siyasətinin
mühüm tərkib hissəsi sayır. Hamlet İsayev (İsaxanlı) harada
yaşamasından asılı olmayaraq hər bir azərbaycanlını sevir,
onun dərdini öz dərdi, sevincini öz sevinci hesab edir.
Dərin düşüncə, nəzəriyyə, təcrübə, əməli iş, axtarış
istəyi ona bir alim və qurucu kimi əbədi şöhrət və başucalığı
gətirən nəcib məziyyətlərdir.
Tanrı Hamlet İsayevdən (İsaxanlıdan) bunların heç bi-
rini əsirgəməyib. Ömrünün ən yetkin, zəkalı çağlarını yaşayan
alim, elm təşkilatçısı və şair dünəninə, bu gününə ümidlə,
nikbinliklə nəzər sala bilər. İnanırıq ki, elmdə, təhsildə,
ədəbiyyat və poeziyada, quruculuqda seçdıyi xeyirxah, lakin
çətin, keşməkeşli yol Hamlet İsayevi (İsaxanlını) yeni uğur-
lara qovuşduracaq.
Hamlet İsayev (İsaxanlı) şeirlərinin birində təvazökar-
lıqla belə yazır:
Bu dünyaya nə gətirdim?
Bu dünyada nə qoymuşam?
Nə bir işi tam bitirdim,
Nə həyatdan tam doymuşam…
Dostları ilə paylaş: |