408
yaxşıdırsa və bədəncə dolğun- dursa, bu onun hörmətini artırır, çünki
camaat arasında belə hesab edirlər ki, yaxşı görkəmi olmayanlar
başqala¬rına da düzgün qayğı göstərə bilməzlər. Sonra, həkim özünü
təmiz saxlamalıdır, yaxşı geyinməli və ətirli yağlar sürtməlidir. Çünki
bunların hamısı xəstələrin xoşuna gəlir».
Müasir tibb etikası tibb işçisindən yalnız şəxsi gigiyena qaydalarını deyil,
ədəb qaydalarını da gözləməyi tələb edir. Geyim yalnız təmiz, işin icrası
üçün rahat olmalıdır. Paltar həddindən artıq parlaq, yaxud qəribə biçimi
ilə xəstələri əsəbiləşdirməməlidir. Ətiri az vurmalı, həm də xoşagələn,
zərif ətirlərdən istifadə etməli. Tibb işçisinin işinin xüsusiyyəti elədir ki,
o, kosmetikadan və müxtəlif bəzək şeylərindən az istifadə etməlidir.
Tibb bacısının mənəvi siması. Tibb bacısının mənəvi simasının əsasını
humanizm (insanpərvərlik) təşkil edir.
Tibb bacısı xəstələrlə münasibətində son dərəcə səbirli olmalıdır. Bir çox
hallarda xəstələrin' hərəkətləri xəstəlik nəticəsində mərkəzi sinir
sistemində baş vermiş dəyişik¬liklərlə izah olunur. Bir tərəfdən, bunu
başa düşmək, digər tərəfdən isə xəstəyə mehriban yanaşmaq tibb bacısının
səbirli olmasını daha artıq tələb edir. Həyəcanlı halda olan xəstəyə səbirli
və mehriban münasibət ona sakitləşdirici
təsir göstərir.
Xəstəyə münasibətdə tibb bacısı nəzakətli olmalıdır. O, xəstəyə elə
yanaşmalıdır ki, onun halını pozmasın, xoşa¬gəlməz təsir bağışlamasın,
onda sağalacağına şübhə yarat¬masın. Bunun üçün xəstə ilə ünsiyyət
zamanı yalnız onun barəsində düşünərək, fikrini və arzusunu, qorxu və
kədərini başa düşməyə çalışmaq lazımdır. Xəstə ilə təmasda olmaq, ona
uyğunlaşaraq, xasiyyətini öyrənib başa düşərək məhz ya¬xın adamı kimi
münasibət göstərilməlidir.
downloaded from KitabYurdu.org
409
Tibb bacısı sirr saxlamağı bacarmalıdır və tutduğu vəzifəsinə görə ona
göstərilən xüsusi etimaddan sui-istifadə etməməlidir. Həkimlərin və orta
tibb işçilərinin müzakirə etdiyi və xəstələrə aid olmayan hər bir məsələ
xəstələrdən gizli saxlanılmalıdır. Bu da vacibdir ki, xəstənin özü
barəsində dediyi hər bir məlumatı o biri xəstələr bilməsin.
Tibb bacısı yüksək dərəcədə inkişaf etmiş məsuliy¬yət hissinə malik
olmalıdır. Özünün üzərinə düşən vəzifə¬ni yaxşı yerinə yetirmə səyi onun
bütün hərəkətlərinin əsası olmalıdır.
Xəstələrlə həssas, nəzakətli və diqqətli olmaqla bərabər, tibb bacısı öz
ləyaqətini saxlamalı və xəstələrin onunla açıq-saçıq olmalarına yol
verməməlidir. Tibb bacı¬sının düzgün davranışı, yüksək mənəvi
keyfiyyətləri və peşə ustalığı ona xəstələr və yoldaşları arasında nüfuz
qazan¬dırır, hamının hörmət və məhəbbətinə imkan yaradır.
Tibb bacısı intizamlı olmalıdır. O, müalicə müəssisə¬sində qoyulmuş
qaydalara möhkəm əməl etməli və bu qaydaların onun tabeliyində olan
kiçik tibb işçilərinin, sanitarların gözləməsini tələb etməlidir. Sanitarların
tibbi təhsili olmadığından, tibb bacıları iş prosesində onları öyrədir,
gördükləri hər bir işi yoxlayırlar. Tibb bacısı özü¬nün şəxsi nümunəsi,
nəzakəti və vaxtında etdiyi tənbehləri ilə sanitarların işinə istiqamət verir,
onlara tapşırılmış işə vicdanla yanaşmağı öyrədir.
Böyük tibb bacısı şöbədəki tibb bacılarının işinə rəhbərlik edir, işin
keyfiyyətini yoxlayır, onları öyrədir və tərbiyə edir. Çətin anlarda o özü
birinci olaraq tibb bacı¬sının köməyinə gəlir. Böyük tibb bacısının bir sıra
vəzifələri vardır: sənədlərin tərtibi, bütün şöbə üçün dərmanların yazılıb
alınması və i.a. Tibb bacıları hər bir məsələ üçün, şübhəli bir iş olduqda
və çətinlik çəkdikdə, böyük tibb bacısına müraciət edir, ondan kömək və
göstəriş alırlar.
Xəstələrin qəbul edilməsi və şəxsi gigiyenası
downloaded from KitabYurdu.org
410
Qəbul şöbəsinin quruluşu. Qəbul şöbəsinin böyük¬lüyündən asılı olaraq,
orada iş ciddi ardıcıllıqla gedir: xəstələrin qeydə alınması, həkimin
müayinəsi və sanitariya təmizliyi aparılır. Otaqlar da həmin ardıcıllıqla
qurulur. Otaqların birinci qrupunu qarderobla vestibül - gözləmə otağı,
məlumat bürosu ilə qeydiyyat otağı təşkil edir. Bun¬lardan sonra bir neçə
boks, bir, yaxud bir neçə müayinə otağı yerləşir. Sanitariya buraxılışı
soyunma, vanna-duş və geyinmə otaqlarından ibarətdir. Tibbi
manipulyasiyalar, kiçik cərrahi əməliyyatlar və sarğı qoymaq üçün bir-iki
otaq olmalıdır. Burada, həmçinin fotolaboratoriya ilə rentgen kabineti,
növbətçi həkimin kabineti, əlüzyuyan yerdə ayaqyolu olur. Xəstələrin
paltarları (boğçaları) saxlanan otaq bilavasitə qəbul şöbəsinin
yaxınlığında ola bilər.
Qəbul şöbəsinin bütün otaqlarına birbaşa təbii işıq düşməlidir. Süni
işıqlandırma həm ümumi, həm də yerli olur. Xəstələrin geyinib - soyunma
otağında temperatur 22°C, vanna otağında 25°C olmalıdır. Hava gündə
iki dəfə dəyişdirilməlidir.
Müayinə kabinetləri ağ rəngdə boyanmış çarpayılarla təmin olunur.
Müşəmbəli balışları və müşəmbələri hər bir xəstədən sonra zəif xloramin
məhlulunda isladılmış əsgi ilə silmək, növbənin işi qurtardıqdan sonra isti
su və sabunla yumaq lazımdır. Mələfə hər bir xəstədən sonra dəyişdirilir.
Xəstənin qəbul edilməsi. Əgər xəstənin halı yaxşıdırsa və təxirəsalınmaz
yardıma ehtiyacı yoxdursa, qəbulu qeydə almaqdan başlamaq olar:
xəstəlik tarixinin pasport hissə¬sinə xəstənin soyadı, adı, atasının adı, ev
ünvanı və telefo¬nu, işlədiyi yer və vəzifəsi, habelə hansı diaqnozla
göndə¬rildiyi yazılır. Eyni zamanda əsas məlumatlar daxil olan xəstələr
haqqındakı qeyd kitabına köçürülür.
Əgər xəstənin sənədləri yoxdursa və müşayiət edən şəxs xəstə haqqında
heç nə bilmirsə, xəstənin nişanələri haqqında polis şöbəsinə məlumat
downloaded from KitabYurdu.org
Dostları ilə paylaş: |