411
vermək lazımdır. Bəd¬bəxt hadisələrlə daxil olmuş xəstələr haqqında da
polis şöbəsinə xəbər verirlər.
Xəstənin yoxlanmasının və müayinəsinin nəticələrini və rejim, dieta,
müalicəyə aid bütün təyinatları, habelə sanitariya təmizliyinin xarakterini,
daşınmanın (nəqliyyatın) növünü həkim xəstəlik tarixinə yazır.
Xəstənin sanitariya təmizliyi. Sanitariya buraxılışında, hər şeydən əvvəl,
xəstənin saçları nəzərdən keçirilir. Başda bit tapdıqda, saçları qısaca
ülgüclə qırxırlar. Səpgili yata¬laqda saçlar mütləq qırxılmalıdır. Xəstəni
uzun müddət yataq rejimi gözləməyə vadar edən və onu özünə
baxmaq¬dan məhrum edən ağır xəstəliklər zamanı saçların qırxıl- ması,
yaxud heç olmasa, qısaldılması məsləhət görülür. Bu halda xəstəyə izah
etmək lazımdır ki, bu onun xeyrinə edilir, çünki uzun saçları tez-tez
daramaq onu narahat edib əziyyət verəcəkdir.
Baş bitlərini təmizləmək üçün 50%-li sabun-solvent pastası, yaxud
emulsiyası tətbiq etmək məsləhət görülür: 20 %-li emulsiyanı başın tüklü
hissəsinə sürtür və 15 dəqiqəliyə yaylıqla bağlayırlar, sonra isti su və
sabunla yuyurlar. Emulsiyanm gözlərə düşməməsinə diqqət yetirmək
lazımdır. Bu məqsədlə həmçinin şöbədə xüsusi sabadil sirkəsi də tətbiq
etmək olar.. Bunun üçün başı üç gün dalbadal həmin sirkə ilə isladır, sonra
isə yuyurlar. Hər iki maddənin tətbiqindən sonra başı bit sirkəsindən
təmizləmək üçün tez-tez yumaq və sirkəni tüklərə yapışdıran xitini əridən
ilıq mətbəx sirkəsi ilə başı islatmaq məsləhət görülür.
Qasıq bitlərini qırmaq və kənar etmək üçün isti su və sabunla yuyub, sıx
daraqla darayırlar. Sonra bit və sirkələri tamamilə məhv edirlər və təkrar
yuyurlar. Həmçinin boz, ağ civə məlhəmindən, yaxud DDT tozundan da
istifadə etmək olar. Bu məqsədlə DDT sabunu da işlədilir. 5-7 gündən
sonra isə əməliyyatı təkrar edirlər. Çünki DDT maddəsi sirkələri
öldürmür.
downloaded from KitabYurdu.org
412
Gigiyenik vanna və duş. Çimməzdən əvvəl vannanı lif, yaxud şotka ilə
isti su və sabunla yumaq lazımdır. Bu məqsəd üçün işlədilən lifi və şotkanı
içərisində 0,5 faizli durulaşdırılmış xlorlu əhəng məhlulu olan qaba salıb,
qaynayana qədər orada saxlayırlar. Lif və şotka saxlamaq üçün qabların
üzərində müvafiq yazı olmalıdır: «Vanna üçün liflər - çirklidir», yaxud
«Vanna üçün liflər - təmizdir». Vannanı yuduqdan sonra onu əlavə olaraq
3 %- li lizol məhlulu ilə dezinfeksiya etmək olar, sonra isə bu məhlulu
yuyub təmizləmək lazımdır.
Xəstənin çəkilməsi, boyunun və döş qəfəsinin dairəsinin ölçülməsi. Xəstə
stasionara daxil olduqda onu çəkir, boyunu və döş qəfəsinin dairəsini
ölçürlər.
Xəstələrin çəkilərinə stasionarda xüsusi fikir verilir, belə ki, ağır, üzücü
xəstəliklərdə çəkinin artması xəstənin
əhvalındakı yaxşılaşmanı göstərir, ümumi piylənmədə isə çəkinin
azalması müalicənin düzgün təyin olunduğuna dəlalət edir. Buna görə
bütün stasionar xəstələri hər həftə və evə yazılarkən çəkirlər; xəstədə
ödemlər olduqda bu xüsusilə mühümdür: gündəlik çəkilmə ödemlərin
azalması dinamikasına-nəzarət etməyə kömək edir.
Adamın boyunu boyölçən vasitəsilə ölçürlər; bu, santi- metrli şkalası olan
dik taxtadan və onda sərbəst hərəkət edən üfüqi xətkeşdən ibarət olub,
meydança üzərində qurulmuş¬dur. Xəstə meydançada arxası dik taxtaya
tərəf durur: dabanları, sağrısı, kürəklərarası sahə və peysəri plankaya
toxunur, başa isə elə vəziyyət verilir ki, qulaqlarla göz bir səviyyədə
olsun. Üfüqi xətkeşi təpəyədək endirirlər.
Xəstələrin daşınması. Xəstə qəbul şöbəsindən palataya daxil olur. Palata
tibb bacısı onu qarşılayır, sanitariya təmizliyinin keyfiyyətini yoxlayır,
xəstə və onun xəstəlik tarixi ilə tanış olur, xəstəni şöbənin rejimi,
yeməkxana, ayaqyolu və başqa otaqlarla tanış edir.
downloaded from KitabYurdu.org
413
Xəstəni şöbəyə tibb bacısının, yaxud sanitarın müşaiyəti ilə, həkimin
sərəncamından asılı olaraq, piyada, diyircəkli kresloda və ya xərəkdə
gətirirlər.
Xəstələrə qulluq
Xəstənin yataqda vəziyyəti. Xəstə öz xəstəliyinin xarakterinə və ağırlıq
dərəcəsinə görə yataqdan dura, otura, gəzə bilərsə, onun yataqdakı belə
vəziyyətinə aktiv vəziyyət demək qəbul edilmişdir. Passiv vəziyyət
xəstənin yataqda elə vəziyyətinə deyilir ki, o, özü hərəkət edə, çevrilə,
başını, yaxud qolunu qaldıra bilmir, ancaq müəyyən vəziyyətdə qalır.
Xəstənin öz əziyyətini yüngülləşdirmək üçün aldığı vəziyyətə məcburi
vəziyyət deyilir.
Yataq dəyişəkləri - mələfələr, yorğanağı, balışüzləri təmiz, ağ olmalı və
hər həftə dəyişdirilməlidir. Adətən, yataq ağını xəstələrin növbəti
sanitariya təmizliyi ilə bir vaxtda dəyişdirirlər. Ağır xəstələrin yatağındakı
mələfələr¬də qırışlar və tikişlər, xəstənin başını qoyduğu balışların
üzündə düyün və düymə olmamalıdır. Xəstə yataq dəyişəyi ilə birlikdə
dəsmal da alır.
Əgər xəstəyə yataqda yarımoturaq vəziyyət vermək lazımdırsa, başaltıdan
başqa, xəstə sürüşməsin deyə, onun ayaqları üçün dayaq düzəldirlər.
Xəstənin yatağını müntəzəm - səhər, axşam və gündüz istirahətindən
qabaq yenidən salmaq lazımdır; sanitar mələfəni çırpıb düzəldir, balışları
çırpıb qoyur; xəstəni bu vaxt stulda oturtmaq olar. Xəstəyə hərəkət etmək
olmazsa, onu ikilikdə çarpayının kənarına qoyub, sonra azad olmuş
hissədə qırıntıları kənar etməklə döşəyi və mələfəni düzəldirlər, bundan
sonra xəstəni yığışdırılmış hissəyə qoyub, həmin işi ikinci hissədə də
görürlər.
Xəstəyə tamamilə hərəkət etmək olmazsa, mələfəni iki üsulla dəyişmək
olar. Çarpayının ayaq tərəfindən başlayaraq çirkli mələfəni, xəstənin
downloaded from KitabYurdu.org
Dostları ilə paylaş: |