rayonu birinci yer tutdu. Həmin nailiyyətə görə SSRİ
Silahlı Qüvvələrinin sərhəd qoşunları üzrə birinci
müavini Nikolay Aleksandroviç keçici qırmızı bayrağı
vermək üçün rayona gəlmişdi. Bayrağı təqdim etdikdən
sonra, onun şərəfinə kiçik bir ziyafət düzəltmişdik. O, çox
yeyib-içən, şən bir insan idi. Deyirlər, sərhədçilər çox çevik
və gözüaçıq olur. Onun nəzərindən heç bir şey qaçmamışdı.
RPK-nin ikinci katibi Əjdər Şahmarovun spirtli içki içmədiyi
nəzərindən yayınmamışdı. Siz niyə içmirsiniz sualına
Şahmarovun : içən deyiləm cavabına zarafatla dedi:
- Sən nə raykom katibisən ki, 100 qram spirtli içki qəbul
edə bilmirsən? Və içmədiyin üçün sərhəd rayonunda sənə
işləmək olmaz.
Beləliklə, söhbətimizi yekunlaşdırıb, onu yola salmağa
gəldik. Mən qabaqcadan göstəriş vermişdim ki, heç bir
şikayət olmasın. Qonaq evindən çıxıb, maşına oturarkən,
kolun arxasından bir vətəndaş sıçrayıb yaxınlaşdı, şikayət
məktubunu ona verdi. O isə öz növbəsində həmin məktubu
mənə verib, tədbir görülməsini xahiş etdi. Bu faktla demək
istəyirəm ki, Astarada nəzər diqqəti cəlb edən bir çox
xüsusiyyətlər var. Orada insanlar çox gözüaçıq, ayıq
olurlar. Uzun illər sərhəd bağlandığı üçün kənar
adamların ora gəlməsi onların nəzər-diqqətindən
yayınmır. Çox böyük əksəriyyət kəndlərdə, xüsusilə sərhəd
boyunda evlərə qıfıl vurulmur, bütün evlərin qapıları açıq
qalır. Bir də o rayonda heç vaxt oğurluq olmur. Mənim
işlədiyim üç ildən çox müddətdə yalnız bir dəfə Kakalos
kəndindən bir vətəndaşın malını oğurlamışdılar. Bu əhvalat
Zəkanın gücü
67
mənə deyiləndən sonra Milis rəisi polkovnik Qəzənfər
İlyasovu dəvət edib, ona qəti göstəriş verdim ki, 24 saat
müddətində həmin oğurluq işi açılmalı və vətəndaşın malı
özünə qaytarılmalıdır. Görülən operativ tədbirlər nəticəsində
oğurluq aşkar edildi və vətəndaşın malı özünə qaytarıldı.
***
Astara rayonunda işlədiyim müddət ərzində yaddaqalan
ən ciddi məsələlərdən biri rayonda ümumi dəniz kənarında
istirahət parkının salınması idi. Bu məsələ RPK-nin aktivində
müzakirə olunarkən Mədəniyyət Şöbəsinin müdiri Burçalı
Həmidov çıxış edərək dedi ki, Astaranın hər yeri parkdır,
bizə park nə lazımdır? Mən isə ona cavab verdim ki, əhalinin
ümumi istirahət zonası olmalıdır. Park salınmalıdır. Növbəti
yığıncağa qədər Kommunal Təsərrüfat Şöbəsinin müdiri
Bağırov, Şəhər Sovetinin sədri Sadıqov göstəriş aldılar ki,
100 ədəd bel hazırlanmalı və Raykom binasının birinci
mərtəbəsinə kabinetlərin birinə yığılmalıdır. İclas qurtaran-
dan sonra bütün büro üzvləri başda mən olmaqla, hamımız
bel götürüb, park salınan yerə getdik. Beləliklə, parkın
salınması üçün bünövrə qoyuldu. Bu park tikilib
zəhmətkeşlərin istifadəsinə verildi. İndi də həmin park Sailov
parkı adlanır.
***
2005-ci ildə Məşhəd ziyarətindən gələrkən həmin parkın
yanından keçirdik. Mən sürücüyə dedim ki, maşını saxla,
parka baxaq. Sürücü soruşdu ki, hansı parka – Sailov
Sahib Sailov
68
parkına? Dedim bəli. Mən və bir neçə yoldaş düşüb parka
baxdıq. Artıq dənizin səviyyəsi qalxıb, parkın müəyyən
hissələrini yuyub. Əlbəttə, müşahidə etdiyim baxımsızlıq
məni ciddi surətdə narahat etdi. Maşına minərkən, sürücü çox
maraqla soruşdu?:
- Necədi, park xoşunuza gəldi? - Dedim:
- Baxımsızlıq olmasaydı çox yaxşı olardı...
***
İşlədiyim müddət ərzində rayon ərazisində olan hərbi
hissələrlə sıx əlaqə saxlayırdıq. Rayonun ərazisində yerləşən
böyük bir Polk-Hərbi hissə var idi. Bu hərbi hissənin
rəhbərliyi həmişə RPK-silə yaxından əlaqə saxlayırdılar.
Rayonun təsərrüfatlarında olan çətinlikləri aradan qaldırmaq
üçün, xüsusilə tərəvəzin yüklənməsində və dolu vaqonların
boşaldılmasında hərbiçilərin qüvvəsindən lazımınca istifadə
edirdik. Hərbi hissənin komandiri Polkovnik Babenko 1967-
ci ilin axırlarında Uzaq Şərqə, hərbi hissəyə rəhbər vəzifəyə
göndərildi.
***
Rayon ərazisindəki hərbi hissələrə rəhbərlik edən diviziya
– Lənkəran şəhərində yerləşirdi. Diviziyanın komandiri
gene ral Malafeyev çox ciddi hərbçimizdi. Onunla isti
münasi bətlərimiz var idi. Bir gün o məni kabinetinə dəvət
etdi. Kabinetə daxil olarkən üstü örtülmüş xəritə gördüm.
Soruşdum ki, cənab general, bu nə xəritəsidir? O, xəritəyə
yaxınlaşdı və üstündəki pərdəni çəkdi. Göstərici çubuqla
Zəkanın gücü
69
diviziyanın İranı almaq haqqında strateji planını göstərdi.
Neçə saat müddətində İran torpaqları zəbt edilməli idi, o da
hərbi strateji planda nəzərdə tutulmuşdu, Çox maraqlı idi ki,
çayların üzərində ordunun və texnikanın keçməsi üçün asma
körpülərin qurulması da nəzərdə tutulmuşdu.
1967-ci ilin axırlarında General Malafeyevi Belarusiya
Hərbi Dairəsinə komandir göndərdilər. Orada işləyərkən biz
məktublaşırdıq. Bir dəfə aldığım məktubda maraqlı bir
məqam diqqətimi çəkdi. General məndən nadir bitki olan
feyxoanın mürəbbəsini xahiş etmişdi. Mən onun bu xahişini
məmnuniyyətlə yerinə yetirib, feyxua mürəbbəsi göndərdim.
Və onu demək istəyirəm ki, hərbi rütbəsi nə qədər böyük olsa
da, özü bir o qədər sadə insan idi.
***
Maraqlı bir faktı da nəzərinizə çatdırmaq istəyirəm ki, As-
tarada işlədiyim vaxt AKP MK-nin Təşkilat Şöbəsinin müdiri
Tofiq Bağırov mənə zəng vurub dedi ki, Moskvadan
qonaqlarımız var, sabaha nahara bizə bir qızıl balıq göndərə
bilərsənmi? Söz verdim ki, göndərərəm. Telefonu yerə qoy-
duqdan sonra aidiyyatı adamlara tapşırıq verdim. Etiraf edim
ki, Astarada qızıl balıq tapılmadı. Onu Lənkəranın Nərima -
nabad qəsəbəsində olan balıq kombinatından gətizdirdim və
deyilən vaxtda MK-yə çatdırdım. Maraqlıdır, həmin qızıl
balıq bişirilib ortaya gələndən sonra SİKP MK-nin bölmə
müdiri Vladimir Starşenko soruşur ki, bu nə balıqdır? Qızıl
balıq olduğunu eşidəndən sonra deyir ki, məyər siz bilmirsiz
ki, Sov.İKP MK-nin qərarı ilə qızıl balığın ovlanması
Sahib Sailov
70
Dostları ilə paylaş: |