Şahlar Əsgərov Təhsilimiz: Dünən, bu gün, sabah
Yüklə 2,8 Kb. Pdf görüntüsü
|
- Bu səhifədəki naviqasiya:
- 2001-ci il 11 sentyabr hadisəsi
- . Müdrik insanlar
- “Hamı üçün təhsil sahəsində Türkiyə təhsil sisteminin son uğurları“
- Q . İ = const
269 qanun adi insanların fəaliyyətini izah edir. Elə insanlar ola bilər ki, yuxarıdakı formulanın tələbinin əksinə olaraq onlar qısa zaman müddətində də düzgün, xətasız qərarlar qəbul etmək qabiliyyətinə malik ola bilsinlər. Yəni çevik qərar qəbul etmək qabiliyyətinə malik ola bilsinlər. Onların fəaliyyətinin bu qanunla tənzimlənmədiyi üçün onları qeyri-adi şəxsiyyətlər hesab etmək olar. Belə insanlar fövqəlbəşər və ya fövqəlinsanlardır. Ola bilsin ki, düzgün qərar qəbul edərkən onlar lazım olan informasiyanı yüksək intuisiya vasitəsilə də əldə edirlər. Şübhəsiz peyğəmbərlər fövqəlinsanlardır. Keçid dövrünü yaşayan dövlətdən qüdrətli dövlət quran prezidentləri bu sıraya daxil etmək olar. Bu baxımdan V.Leninlə müqayisədə M.K.Atatürk daha fövqəlinsandır. Çünki onun qurduğu dövlət yaşayır, amma V.Leninin qurduğu dövlət öz içindən çürüyüb dağıldı. Makedoniyalı İsgəndər, Y.Sezar, I Pyotr, I Napaleon, İ.Stalin, R.Reyqan da fövqəlinsanlardır. Onlar qısa zaman müddətində düzgün qərar qəbul edə biliblər. I Napaleonun cəld qərar qəbul etmək qabiliyyəti ətrafını həmişə heyrətləndirmişdir. İkinci Dünya müharibəsi zamanı İngiltərənin Baş naziri U.Çörçill 1942-ci ilin avqust ayında Moskvaya gəlir. İ.Stalin 2-ci cəbhənin tezliklə açılmasını istədiyini bildirir. Çörçill bunun mümkün olmadığını izah edir və əvəzində Şimali Afrikada «Torç» əməliyyatını aparmaq istəyini bəyan edir. Stalin bu əməliyyatın yaradacağı vəziyyəti həmin dəqiqə dəqiq qiymətləndirir. Həmin anları U.Çörçill belə xatırlayır: «Dünyada yaşayan insanların ancaq bir neçəsi bizim 3-4 ay ərzində inadla hazırladığımız mülahizələri bir neçə dəqiqə ərzində başa düşə bilərdi. O, bunları ildırım sürətilə qiymətləndirdi» (bax: «Vtoraə Mirovaə voyna v vospominaniəx U.Çerçila i dr.» , Moskva, 1990, səh.168) ”””””””””””. ”””””””””” Qürür hissi ilə qeyd edə bilərik ki, 2001-ci il 11 sentyabr hadisəsi ilə bağlı qısa bir zaman kəsiyində H.Əliyev çox düzgün qərar qəbul etdi və antiterror koalisiyasına qoşuldu. 2003-cü ilin 270 əvvəlində Antiirak koalisiyasına qoşulmaqla da H.Əliyev öz siyasi müdrikliyini bir daha təsdiqlədi. Beləliklə, mütləq düzgün qərar qəbul etmək cənabi Haqqa məxsusdur. Peyğəmbərlər də minillərin sınağından çıxmış düzgün qərarlar qəbul etmişlər. Fövqəlinsanlar da yüz illər üçün doğru olan qərarlar qəbul edə biliblər. Müdrik insanlar zamana tab gətirən qərarlar qəbul edirlər. Adi insanların qəbul etdiyi qərarın xətası cahil insanların qəbul etdiyi qərarın xətasından az olur. Cəmiyyət, adətən, qərar qəbul edənlərə və qəbul edilmiş qərarı icra edənlərə bölünürlər. Mükəmməl cəmiyyət o cəmiyyətdir ki, orada qəbul olunmuş qərarların xətası azdır və hər bir cəmiyyət üzvü bu qərarları xətasız icra edir. Dünya böyük dəyişikliklər ərəfəsindədir. İnkişaf etmiş dövlətlər sənaye bazalı cəmiyyətdən texnoloji və informasiya bazalı cəmiyyətə keçirlər. Qabaqcıl dövlətlər elmlə idarə olunurlar. Çağdaş dünyanın inkişaf istiqaməti belədir. Yuxarıdakı formulanın işığında bu o deməkdir ki, istər daxili, istər xarici siyasətlə bağlı problemlərin həllində qəbul ediləcək qərar elmi olmalıdır, yəni qərarın Q xətası çox az olmalıdır. Bu isə o zaman mümkündür ki, problemin öyrənilməsi, araşdırılması müddəti t çox böyük olsun ki, zəruri informasiya bazası toplana bilsin. Problem öz həllini qısa zaman müddətində tapmalı olduğu bir halda, yəni zaman dar olanda çoxlu sayda peşəkar insanları və mütəxəssisləri bu işə cəlb etməklə tədqiqat, müşahidə zamanını dəfələrlə qısaltmaq olar. Bu isə həmin problemin həlli üçün araşdırma mərkəzlərinin, elmi-tədqiqat laboratoriyalarının və ya institutların yaradılması deməkdir. Belə qurumların yaradılmasının və peşəkar ekspertlərin, insanların bir yerə toplanmasının həm hikməti, həm də fəlsəfəsi bundan ibarətdir. Burada hikmət çox adamların bir yerə toplanmasında deyildir, professional insanların bir yerə toplanmasındadır! Bütün bu dediklərimizdən görünür ki, son 200 ildə yaşadığımız zamanın faciəvi zolaqlarını və 80 ildə Azərbaycanda 271 baş vermiş keçidlərin öyrənilməsi, ümumiləşdirilməsi, fəlsəfi analizi böyük əhəmiyyət kəsb edir. Bu problemin həllində ümumi halda təhsilin, xüsusi halda filosofların, tarixçilərin, alimlərin rolu böyükdür. Son yüzilliklərdə ata-babalarımızın da buraxdıqları səhvlər dəqiq analiz edilməli, lazımı fəlsəfi, siyasi, tarixi, psixoloji nəticələr çıxarılmalıdır ki, gələcəkdə səhvə yol verilməsin. Bunun üçün bizə, müasir tələblərə cvavb verə bilən təhsil sistemi lazımdır. Xətasız təhsilimiz gələcəyimizdir. PS. 2002-ci ilin noyabr ayının 6-9-da Bolqarıstanın Sofiya şəhərində “Avropada ömürboyu təhsil: Hamı üçün təhsilə doğru” mövzusunda Beynəlxalq konfrans keçirilmişdir. Konfransda plenar iclaslarla bərabər seminarlar da təşkil edilmişdir. 8 noyabr saat 14.00-da keçirilən seminarı Türkiyə nümayəndələri təşkil etmişdilər. Seminarın mövzusu “Hamı üçün təhsil sahəsində Türkiyə təhsil sisteminin son uğurları“ olmuşdur. Seminarın işində Türkiyə Milli Təhsil Nazirliyinin Beynəlxalq əlaqələr şöbəsinin müdiri Zühal Gokcesu və həmi nazirliyin ibtidai təhsil şöbəsinin müdiri Yuksel Ozdamqalı, ABŞ-dan Rudolf Vruqtman (University of Missouri) və digər ölkələrin nümayəndələri iştirak edirdilər. Mən çıxışımda Q . İ = const formulası haqqında məlumat verdim. Formuladan çıxan nəticələri seminar iştirakçılarının nəzərinə çatdırdım. İsveçrədən olan nümayəndə həmin dəqiqə formulanı yazdığım kağızın sayını çoxaldıb mənim imzamla seminar iştirakçılarına payladı. Təvəzökarlıqdan uzaq olsa da, bu sözləri də deməyi məqsədəuyğun hesab edirəm. Yüklə 2,8 Kb. Dostları ilə paylaş:
|