14
faktları ilə təmsil olunan kənd adları da mövcuddur. Narrativ (təhkiyə xarakterli) mənbələrlə yanaşı lapidar
(yığcam) mənbələrin toponimikasının öyrənilməsi köçəri türklərin Şirvana hələ erkən
orta əsrlərdə gəldiklərini
göstərir. Panili Priskin verdiyi məlumata görə erkən orta əsr mənbələrində türklərlə eyniləşdirilən hunlar
30
V
əsrdə Abşerona hücum etmişdilər.
31
Hunların, sabirlərin, xəzərlərin və başqa türk tayfalarının Şirvan vilayətinə
soxulmalarını və basqınlarını erməni müəllifləri Yeğişe, Favstos Buzand (V əsr) və Gevond (VIII əsr) da qeyd
etmişlər.
32
Yeğişeyə görə, hunlar artıq V əsrin ikinci yarısında Şimali Qafqaza gəlmiş, Xəzər dənizi və Qafqaz
[32 - 33]
dağları boyunca uzanan vadini Dərbəndədək tutmuşdular, 503-cü ildə sabirlər Zaqafqaziyaya və
Albaniyaya hücum etmişdilər.
33
VII əsrin əvvəli anonim müəllifın məlumatına görə Xəzər dənizinin şimal-qərbində Atil (Volqa)
çayınadək türkdilli savir-sabir tayfaları yaşayırdı.
34
İbn Xordadbeh (IX əsr)
qeyd edir ki, Bab əl-Əbvabdan o
yana Suvar (Savir) səltənətidir.
35
Mitilenli Zəkəriyyə 555-ci ilə aid salnaməsində qeyd edir ki, qapının, yəni Dərbəndin arxasında,
Dağıstanda və Şimali Qafqazda "avqar (auanqur), sabir, burqar, alan, kurtarqar, avar, xəzər, dirmar, sirurqur,
baqrasik, kulas, abdel, eftali tayfaları yaşayır. Bu on üç xalq çadırlarda yaşayır, malqara, balıq və vəhşi heyvan
əti ilə dolanırlar".
36
VI əsrə aid bu salnamədə adı çəkilən tayfalar çadırlarda yaşayan köçərilər kimi xarakterizə
olunur. Onların əksəriyyəti türk-dilli tayfalardır. On üç addan doqquzu ar, ər, ur, sonluğu ilə bitir.
Onlardan
burqarlar (bulqarlar), sabirlər, avarlar, xəzərlər, abdellər, eftalilər, saraqurlar (sirurqurlar), onoqurlar
(auanqurlar) və başqalarının türkdilli olmaları digər mənbələrdən məlumdur.
37
Türkdilli tayfalarla yanaşı,
burada VI əsr mənbəyi müəllifinin maskutlar, yaxud massagetlər hesab etdiyi irandilli olanların da adı çəkilir.
38
Beləliklə, mənbələrə əsasən erkən orta əsrlərdə Cənubi və Şimali Dağıstanda və Şimali Qafqazda
müxtəlif türkdilli tayfalar yaşamışlar. Göstərilən türk tayfaların yayıldığı ərazi Şirvan vilayətinə yaxındır.
Ehtimal ki, türk tayfalarının ayrı-ayn qrupları cənuba, Şirvana da gəlib çıxmış, Dərbənd
keçidindən keçib gələn
hunlar, sabirlər, xəzərlər və digər köçəri ordalarla birlikdə burada məskunlaşmışdır. Sabirlərin adı Şirvanın
toponimikasında bir sıra yaşayış məntəqəsinin adlarında qalmışdır. Mənbələr təsdiq edir ki, Xosrov Ənuşirəvan
(531-579) xəzərlər üzərində qələbə çaldıqdan sonra üç min əsir türk ailəsini (50 min nəfər adam) Arrana və
Azərbaycana köçürmüşdü. İbn Misqəveyhin sözlərinə görə türk əsırlərinin cərgəsi on fərsəxə (təqribən 60 km)
qədər uzanırdı.
39
Başqa mənbələrə görə, köçürülən ailələrin sayı 10.000-ə çatırdı.
40
Beləliklə, VI əsrdə türklərin Arrana, Şirvana və Muğana güclü miqrasiyası baş verirdi. Bu ölkələrin
toponimikasında türk ünsürlərinin mövcud olmasına - (Qobu, Türkan
- Abşeronda, Qala Süvar, Sabiroba-
Xaçmaz rayonunda, Balisakan, Biləcəri, Biləsuvar, Biçənək, Qıpçaq, Xəzəryurd, Xəzəryaylaq,
Xəzər - Salyan
rayonunda) müxtəlif türkdilli tayfaların Şirvan zonasına və qonşu vilayətlərə gəlmələrinə dair narrativ və lapidar
mənbələrin verdiyj məlumatları da təsdiq edərək, ölkədə erkən orta əsrlərdən - III-IV əsrlərdən (hunlar)
başlayaraq, VI-VIII əsrlərdə daha intensiv şəkildə (sabirlər, xəzərlər, peçeneqlər və b.) türkləşmə prosesi
getdiyini göstərir. Eramızın əvvəlindən Şirvanda, Arranda oturaq həyata keçən həmin türk tayfaları Azərbaycan
xalqının təşəkkülündə iştirak edən mühüm komponentlərdən olmuşlar. Bu tayfaların yayılmasının öyrənilməsi
qədim Azərbaycanın türkləşmə məsələsi ilə sıx bağlı olan azərbaycanlıların etnogenezi probleminin
işıqlandırılmasında mühüm əhəmiyyətə malikdir.
Mənbələr
göstərir ki, Şirvanda nəzərdən keçirdiyimiz Qafqaz, İran və türk mənşəli qədim əhali ilə
yanaşı, VI-IX əsrlərdə və sonralar ərəblər də yaşamışdır.
[33 - 34]
X əsr ərəb müəllifi əl-Məsudinin yazdığına görə "Haydaqla əl-Bab arasinda ərəb dilindən savayı heç bir
dildə yaxşı danışa bilməyən müsəlman ərəblər yaşayır. Onlar meşələrdə, cəngəlliklərdə, vadilərdə, iri çayların
sahilində, hələ vaxtı ilə ərəb səhralarından qaçıb gələnlərin tutduqları kəndlərdə yaşayırlar. Onlar Haydaq
məmləkəti ilə sərhəddə yaşayır, lakin ondan cəngəllik iri çaylar vasitəsilə qorunurlar. Onlarla el-Babın arasında
məsafə üç milə (bir fərsəx) qədərdir. Əl-Babın əhalisi onlara kömək göstərir".
41
Əl-Bəlazuri (IX əsr) və əl-Qərnatinin (XII əsr) məlumatına görə ərəb sərkərdəsi Məsləmə ibn Əbd-əl-
Məlik (VIII əsr) Dərbənddə, onun ətraf kəndlərində və Təbəsəranda Mosuldan, Dəməşqdən, Tədmurdan,
Hələbdən, Suriya və əl-Cəzairənin digər şəhərlərindən 24 min ərəb əsgəri (Qərnatidə - ailəsi) yerləşdirilmişdi;
Dərbəndin
dörd məhəlləsi müvafiq olaraq, Dəməşq, Hims, Kufə və əl-Cəzirə adlandırılmışdı.
42
XII əsrdə İbn əl-Əzraq dağlarda və Dərbəndin ətrafında hələ ölkənin Xilafət tərəfindən istila edildiyi
vaxtdan burada yaşayan ərəblərə rast gəldiyini göstərir.
43
Ərəblər Şirvanda sonrakı əsrlərdə də yaşamışlar.
Şirvanın toponomikasında vaxtilə ərəblərin yaşadıqları bir sıra yaşayış məntəqəsinin adında "ərəb" sözü
qalmışdır: Quba rayonunda - Ərəbəli, Ərəbkeymuraz, Ərəbdəhnə, Ərəbhacı; Şamaxı rayonunda - Ərəblər,
Ərəbuşağı, Ərəbqədim, Ərəbşamlı, Ərəbşahverdi; Kürdəmir rayonunda - Ərəbqiyaslı, Ərəbçəltikçi, Ərəbsarvan;
Salyan rayonunda - Ərəbbəbirxan, Ərəbqardaşxan və i.a.
44
Abşeron toponimikasının təhlili eyni ərazidə bir neçə toponimika qatının mövcud olduğunu göstərir. Bu
baxımdan Əmircan kəndi səciyyəvidir. Onun müasir adı ilə yanaşı, heç bir dəyişikliyə uğramayan köhnə adı -
Xilə də qalmışdır. Bu ada Azərbaycanın digər rayonlarında (məsələn, keçmiş Xıllı rayonu və rayon mərkəzi,
Qazıməmməd rayonunda Dağ Xıllı kəndi)
[34 - 35]
rast gəlmək olar. Zeydlits keçmiş Cavad qəzasında Xile və