10
II FƏSİL
ŞİRVANŞAHLAR DÖVLƏTİ VI ƏSR-IX ƏSRİN
BİRİNCİ YARISINDA
§1. Şirvanın tarixi-coğrafi xarakteristikası
Orta əsrlər erməni, ərəb və fars müəllifləri
Xəzər dənizinin qərb sahilində, Kürdən şərqdə yerləşib,
qədim Qafqaz Albaniyasının, yaxud erkən orta əsrlər Arranın bir hissəsi olan vilayəti Şərvan və ya Şirvan
adlandırırdılar.
Şirvan toponiminə bir sıra ölkələrin yer adlarında - Türkiyə Kürdüstanında, Şimali İraqda, Cənubi
Azərbaycanda (qərb hissəsi, Xoydan cənubda) və Xorasan yaxınlığında rast gəlinir. Şirvan İraq tayfalarından
birinin adı kimi də çəkilir.
1
Lakin bütün ərəb mənbələrində Şirvan adı ilə yanaşı Şırvan formasına da təsadüf
edilir. Bunu gürcü salnamələri da təsdiq edir. Şirvan adının etimologiyasının müxtəlif yozumları (şirlər diyarı,
süd ölkəsi, Ənuşirəvanın adının qısaldılmış forması və s.) məlumdur. Ən ağlabatan Şirvan sözünün şir, yaxud
şər tayfasının adından törəməsi ehtimalını irəli sürən V. F. Minorskinin fikridir. O, həmçinin yazır: "Şirvan adını
Şərqi Qafqazın bir sıra yerlərinə Xəzərin cənub sahillərindən (Gilan, Deyləm) köçüb gələnlərin köhnə
məskənləri ilə bağlılığını göstərən adlar sırasına daxil etmək mümkündür".
3
Orta əsrlərdə Şirvan vilayətinin
sərhədləri istilalar nəticəsində ölkənin inzibati bölgüsünün dəyişməsi ilə tez-tez dəyişikliyə uğrayırdı.
Müəyyən
dövrlərdə Şirvanın bir hissəsi Atropatenanın tərkibinə daxil olmuşdur.
4
Bir çox hallarda onun sərhədləri Cənubi
Dağıstanın şəhər və kəndlərinə qədər gedib çatırdı.
Antik müəlliflər Şirvanın adını çəkmirlər. Bu ad Sasanilər dövründən məlumdur. Əl-Bəlazuri Şirvanşah
adını Xosrov Ənuşirəvanın Şərqi Zaqafqaziyaya təyin etdiyi xırda padşahlar sırasında çəkir.
5
İbn Xordadbeh ilk
Sasani şahənşahı Ərdəşirin (224-241-ci illər) vilayət hakimlərinə verdiyi şiriyanşah (şiranın bir variantı)
titulunun adını Çəkır.
6
“Aşxaratsuys”da - "VII əsr erməni coğrafıyası"nda VII əsrin ikinci yarısında Albaniyanın
mərzbanlar - Sasani canişinləri oturan 11 vilayəti arasında Bazkan (Balasakan), Dərbənd, Çola, Təvəspark
(Tobərsəran), Şirvan (Şruan), Xoruan (Xsrvan? Ehtimal ki, Xursan
-S. A. ) və başqalarının adlarını sadalayır. Bu
vilayətlərin siyahısı,
ehtimal ki, Albaniyanın Sasanilər vaxtında inzibati cəhətdən mərzbanlıqlara bölündüyü
dövrdən qalmışdır. Ərəblərin dövrundo və sonralar həmin vilayətlər Şirvan dövlətinin tərkibinə daxil idi.
Şirvan ölkəsinin adı çəkilən ən qədim mənbə elə həmin "Erməni coğrafıyası"dır. Burada Şirvanın
coğrafı mövqeyi verilmişdir: "Qafqaz dağları iki silsiləyə bölünür: biri düz istiqamətdə
[24 - 25]
Şirvan ölkəsinə
və Xsrvana tərəf ta Xorsvemədək gedib çıxır;
8
ikincisindən isə şimala Atil çayına
doğru axan Zərm
*
çayı
başlanır. Bu silsilə sonra şimala doğru yönəlir... Əlgminon bataqlığına və dənizin içərilərinə qədər gedib çıxan
və Əbzud Qubad adlanan uzun sədd onun davamıdır. Bu dənizin şimal tərəfındə massagetlər (maskutlar-
S. A. )
yaşayır. Vardan düzündə Qafqaz sıra dağlarının gəlib çatdığı və Dəmirqapı Dərbənd divarının uzandığı Xəzər
dənizinə qədər dənizin içində iri qala tikilmişdir. Şimal tərəfdə (Dərbənddən
–S. A. ) dənizin yaxınlığında hun
məmləkəti yerləşir...".
9
Bu lokallaşdırmaya görə VII əsrin əvvəllərində Şirvan vilayətinin ərazisi Dərbənddən Qafqaz sıra
dağları boyunca Xorsvemə, yəni Xursan qalasına, xurs tayfası ölkəsinin (indiki Xızı rayonu) sərhədlərinədək və
ehtimal ki, Abşeron da daxil olmaqla Kür çayının mənsəbinədək uzanırdı. "Əlgminon bataqlığı və dənizə qədər"
sözləri, görünür, Kür çayının geniş bataqlıq və qamışlıqla örtülmüş mənsəbinə və deltasına işarədir.
10
Abşeron
yarımadasından şimalda 40
0
58,5
/
şimal en dairəsində dağlar dəniz sahilinə qədər uzanır. Bilavasitə qum
təpələrindən və 1,75 km eninde sahil düzənliyindən sonra yamacları sıldırımlı, zirvəsi bir neçə şiş uclu qayadan
ibarət Beşbarmaq adı ilə tanınan dağ ucalır. Zirvənin lap başında qaya uclarının arasında "Xızır zində" pirinin
xarabalıqları qalır. Qayanın ətəklərində, enişli yaylada və dağın yamaclarında möhkəm qala divar və bürclərinin
qalıqları durur.
11
Yerli əhali arasında bu qaya və pir haqqında indiyədək müxtəlif rəvayətlər dolaşmaqdadır.
IX əsr bir ərəb mənbəyində Musanın yol yoldaşını Xızırla qala barədə söhbətindən bəhs edən Quran
hədisindən danışılır.
Müəllif əlavə edir ki, "bu qaya Şərvan qayası, dəniz - Cilan dənizi, şəhər Bacarvan
şəhəridir". O, sonra deyir: "Farslar Musa qayasının yerləşdiyi Şəbran torpaqlarına qədər bütün ölkəni istila
etmişdilər. Həmin qayada dirilik çeşməsi var".
12
Görünür, Xızırın adı IX əsr mənbəyinin (İbn Xordadbeh)
xatırlatdığı Beşbarmaq dağındakı pirlə qədimdən bağlı olmuşdur.
Burada sərhəd istehkamları - V əsrin sonu-VI əsrin əvvəllərində tikilmiş bir-birindən 220 m aralı iki
divardan ibarət gil sədlər mövcud idi.
13
I Qubad (488-531) onları Xəzər dənizi ilə Qafqaz dağlarının qolları
arasmdakı keçiddə, Beşbarmaq dağının başında tikdirmişdi. Həmin istehkamlar Barmaq divarı adlanırdı. Ərəb
tarixçisi əl-Məsudi bunu xatırlayaraq yazırdı: "əl-Bab haqqında, Kəsra Ənuşirəvanm atası Qubad ibn Firuzun
Məsqət deyilən yerdə daşdan tikilmiş şəhərə bənzər qəribə tikililər inşa etməsi haqqında - Şirvanda tikdirdiyi
*
VII əsr erməni coğrafıyasında Zərm çayının adı Ərmən kimi çəkilir. Markvart onu Tereklə eyniləşdirir
8
.
11
Sur ət-tın (palçıqdan hörülmüş hasar) adı ilə məşhur
olan divarlar, Bərməki kimi tanınan və Bərdə vilayətinə
[25
- 26]
bitişən daş divar haqqında çoxlu xəbərlər var...".
14
Müəllif Məsqətdən danışarkən, ehtimal ki, indiki Quba
rayonunu, Firuzun adını qoruyub saxlamış müasir Quba şəhərini nəzərdə tuturdu.
Çiy kərpicdən hörülmüş divar Sasanilər dövründə xəzərsahili keçidin qabağını kəsən "uzun sədlər"dən
ən cənubda olanı idi. Sonralar, I Qubad zamanında Şirvan ölkəsində müdafiə sədlərinin birinci hissəsindən 23
km şimalda Əbzud Qubad
*
adlanan ikinci hissəsi çəkildi. Bu sədd Gilgilçay boyunca uzanıb gedirdi. Şaporan
(Şəbəran) şəhəri onıun yaxınlığında yerləşirdi. Bu, X əsr müəllifinın Sur ət-tın adı ilə xatırladığı Gilgilçay,
yaxud Şəbəran səddi idi.
15
Sasanilərin möhtəşəm müdafıə səddi olan Gilgilçay səddinin uzunluğu təqribən 30
km-ə (onım 20 km-i çiy kərpicdən, qalan hissəsi daşdan çəkilmişdi), divarların qalınlığı və hündürlüyü təqribən
8 m-ə çatırdı. Səddin qurtaracağında dağ zirvəsindəki nəhəng qaya üzərində müdafıə məqsədilə Çıraqqala qalası
tikilmişdi. Baş bürcü hörmə üsuluna görə Bakıdakı qız qalasını xatırladan nəhəng istehkam olan Çıraqqala
təqribən V əsrdə tikilmişdir. Beşbarmaqdan şimala doğru sahil boyu, ehtimal ki, Sasani dövrünə aid qədim şəhər
yerlərinin xarabalıqlarına və qalıqlarına rast gəlinir.
16
Onlardan biri, ehtimal ki, IX əsr müəlliflərinin adını
çəkdiyi Beşbarmaq yaxınlığındakı Bacarvan şəhəri idi.
17
Üçüncü maneə səddi Samur çayından və Massaget hökmdarlığının paytaxtı Cora - Çoladan şimalda
çəkilmişdi. Burada Rubas çayının düzənliyə çıxdığı yerdə dağlar yenidən dəniz sahilinə yaxınlaşır. "Uzun
sədlər"in xarabalıqları Torpaqqala şəhər yeri yaxınlığında bu günədək qalmaqdadır.
18
Dördüncü sədd
əvvəlkilərdən daha əzəmətli idi. Dərbənd təpəsinin şimal-şərq
[26 - 27]
hissəsində tikilmiş bu istehkamın qalıqları
arxeoloji qazıntı işləri nəticəsində e.ə. VIII-Vl əsrlərə aid təbəqələrdə aşkara çıxardılmışdır. V əsrdə Sasani
hökmdarı II Yozdəgird (438-455-ci illər) zamanında bu istehkamlar əsasında Dərbənd qalasından dənizə qədər
bütün keçidin qabağını kəsərək, təpənin zirvəsinədək uzanan qala divarları ucaldılmışdı.
19
Qala divarları təpə
üzərində salınmış möhkəm içqalaya bitişirdi.
20
Sonralar çiy kərpicdən olan divarlara lap yaxın, sanki ona üzlük
kimi şimal daş divarı tikilmişdi.
21
Dərbəndin daş divan I Xosrov Ənuşirəvan (531-579-cu illər)
dövründə
tikilməyə başlamış və 567-ci ildə, başqa bir fərziyyəyə görə isə, 547-ci ildə başa çatdırılmışdır.
22
Sasani inşaat
sənətinin misilsiz qiymətə malik abidələrindən olan Dərbənd divarlarının üzlüklərində 20-dək Pəhləvi kitabəsi
vardır.
23
Sasanilər dənizdən başlayaraq, əzəmətli daş tikililər - şəhərin şimal və cənub divarları, içqala və
Dərbənd qala divarının davamı olub, dağlar boyu qərb istiqamətində 40 km-dək uzanan dağ səddi inşa
etmişdilər. Bu sədd dənizdən başlayaraq, Qafqaz sıra dağlarının düşmən üçün keçilməz çıxıntılarınadək qırılmaz
müdafıə xətti kimi düşünülmüşdü. Ərəb mənbələrinin verdiyi məlumata görə divarlar
dənizin içərilərinədək
gedib çıxırdı.
24
Dərbənd divarı tikildikdən sonra şəhərdən şimala doğru qalıqları Oqni stansiyasmdan 6-7 km
aralı indiyədək duran bir divar da ucaldılmışdı.
25
Sasanilər şərqi Ön Qafqaz çöllərində yaşayan köçəri şimal tayfa və xalqlarının - maskutların, alanların,
hun, sabir, xəzər və başqa türk tayfalarının Zaqafqaziyaya və İrana keçmələrinin qabağını kəsən belə
istehkamların tikilməsində maraqlı idilər. Bizans da Dərbənd keçidinin və Sasanilərin şimal sərhədlərinin onun
üçün təhlükə törədən köçəri tayfalara qarşı möhkəmləndirilməsinə çalışırdı. VIII əsr tarix əsərində xəbər verilir
ki, V əsrdə imperator Markian (450-457-ci illər) Dərbənd divarlarını tikmək üçün maddi yardım göstərmiş, "bu
işə öz xəzinəsiııdən çoxlu talant sərf etmişdi".
26
VI əsrdə Sasanilər dövlətinin şimal sərhədindəki ən mühüm strateji əhəmiyyətli məntəqələri Dərbənd və
Dər-i alan (Alan qapısı) keçidləri idi. Beləliklə, Sasanilərin Dərbənd bölgəsində möhkəmləndikləri bir əsr
ərzində - V əsrin ortalarından VI əsrin ortalarınadək fars padşahları Şirvan ərazisində İran torpaqlarına ardı-arası
kəsilməyən hücumlar edən köçəri tayfalardan müdafiə məqsədilə nəhəng istehkamlar tikmişdilər. Buna görə də,
Şirvan ərazisi böyük strateji əhəmiyyətə malik idi.
Ərəb tarixçisi əl-Məsudi (943-cü 11) bu istehkamların əhəmiyyəti haqqında aşağıdakıları yazırdı: "Əgər
Allah hər şeyi görməyi, böyüklüyü və mərhəməti ilə İran şahlarına (mülük-ül-furs) əl-Bab şəhəri,
onun quru,
dəniz və dağlarda olan divarları və digər qalaların tikilməsinə, həmçinin, müxtəlif xalqlardan olan adamların
yerləşdirilməsinə, müxtəlif dərəcəli hökmdarlar təyin etməsinə kömək göstərməsəydi onda xəzərlər, alanlar,
sərirlər, türklər və adları çəkilən
[27 - 28]
digər xalqlar, şübhəsiz, Bərdə, ər-Ran, (Arran), Beyləqan, Azərbaycan,
Zəncan, Əbhər, Qəzvin, Həmədan, Dinavər, Nihavənd vilayətlərinə və digər yerlərə gəlib çıxardılar".
27
Nəhəng sərhəd istehkamlarının tikilməsi, əsasən, Albaniyanın ən varlı vilayəti olan Şirvanın hesabına
təmin olıman böyük maliyyə vəsaiti və insan qüvvəsi tələb edirdi.
VII əsr müəllifı "Böyük Çoğa (Dərbənd) şəhərinin əzəmətli divarlarından, fars hökmdarlarının Qafqaz
dağları ilə Şərq dənizi
**
arasındakı keçidi tutmaq məqsədilə möhkəm istehkamlar
tikmək üçün memarlar
toplanılmasın və çoxlu materiallar axtarılıb tapılmasına böyük vəsait sərf edərək, ölkəni əldən salınmasından"
danışır.
28
*
Göylərə ucalan (şah) Qubad
**
Alban və erməni müəllifləri Xəzər dənizini Şərq dənizi adlandırırdılar.