41
Azərbaycanın cənubunun, Arranın, Beyləqanın, Bərdə vilayətinin
və başqa şəhərlərin, habelə onlarla birlikdə
Deyləm, Gilan və Təbəristanın əhalisi qaçmağa üz qoydular, çünki onlar dənizdən hücum gözləmirdilər və qəfıl
basqına məruz qalmışdılar. Ruslar bu dənizdə bir neçə ay qaldılar, belə ki, dənizlə qonşuluq edən heç bir xalq
bir ölkədən başqasına gedib-gələ bilmirdi. Ruslar böyük qənimət əldə etdikdən sonra yenidən xəzər torpaqlarına
qayıtdılar. Lakin burada onlar müsəlmanların hücumuna məruz qaldılar. Onların böyük hissəsi (30.000 minə
yaxın) qırıldı və yalnız cüzi bir qismi (5 minə yaxın) xilas olub vətənə qayıda bildi.
8
Məsudinin dediklərindən
belə nəticəyə gəlmək olar ki, rusların basqınları dövründə Xəzər dənizinin qərb sahilləri, yəni Bakı şəhəri ilə
birlikdə Abşeronun da daxil olduğu Şirvan ərazisi əhalisi sıx olan zəngin diyar idi.
Həmçinin, Şirvanın hakimi
Əli ibn Heysəm olduğu aydınlaşır ki, bu da "Tarixi- əl-Bab"ın məlumatına tamamilə
[79 - 80]
uyğun gəlir.
Böyük qoşunu olmasına baxmayaraq, Şirvanşahın dəniz donanması yox idi və dənizdə onun yalnız ticarət
gəmiləri üzürdü. Məsudinin dediyinə görə, o vaxtadək dənizdən düşmən gəlməmişdi.
Xəzər dənizi sahillərini və
Şirvan vilayətini viran qoyan xəzərlərin gəmiləri yox idi. Ehtimal ki, bu, Əli ibn Heysəmin hakimiyyəti
dövründə rusların Abşerona mənbələrdən məlum olan ilk hücumu olmuşdur. Göstərilən hadisələr, hərbi
uğursuzluqlar Şirvanşah Əli ibn Heysəmin nüfuzuna sarsıdıcı zərbə vurdu, böyük miqdarda qoşunlarımızın
məhv olması isə onun dövlətini zəiflətdi və h.305 (917)-ci ildə özünün devrilməsinə gətirib çıxardı. Əli 305
(917)-ci ilədək - qohumu (babasının əmisi oğlu –
S. A. ) layzan hakimi Tahir Yəzid ibn Məzyəd əş-Şeybani ona
qarşı üsyan qaldıranadək - hakimiyyətdə qaldı".
9
V. F. Minorski rusca tərcümədə ərəb mətnindəki İran (Aran)
sözünü Layzan kimi şərh və təshih etmişdir. Məlumdur ki, X-XI əsr ərəb coğrafıyaşünaslarının əsərlərində,
eləcə də "Hüdud əl-aləm"də bu ərazinin adı Layzan, Liran, yaxud İran
kimi çəkilir, onun hakimi isə İranşah
adlandırılır. Bu, hələ Markvartın diqqətini cəlb etmiş, və o, İran - Aran sözlərini eynimənalı saymışdır.
10
V. F. Minorski İstəxrinin lokallaşdırılmasına əsasən mətndə rast gəldiyi Liran, Lazyan adlarını Laycan (indiki
İsmayıllı rayonundakı ətraf kəndlərlə birlikdə Lahıc qəsəbəsi) kimi təshih etmişdir. İstəxriyə görə, Layzan,
Şirvan, Muğaniyyə və Qəbələ (Ənbasiyə, yəni Ənbasi məlikliyi)
11
ilə həmsərhəd idi. Məsudi isə təsdiq edir ki,
Qəbələ Muğanla qonşu idi.
12
Ehtimal ki, Kürdən şimalda, Girdiman, Göyçay və Türyançay çaylarının aşağı
axarlarında yerləşirdi.
Ola bilsin ki, Kürlə Arazın arasındakı ərazini tutub, gürcü mənbələrindəki Movakaniyaya
uyğun gəlirdi.
13
Təbəridə Muğandan Qabh (Qafqaz) dağlarına mənsub yer kimi danışılır.
14
Məsudi yazır:
“Şirvan torpağına Qabh dağı yanında başqa bir məmləkət də həmsərhəddir. Bu yer Layran, onun hökmdarı isə
Layranşah adlanır. Hal-hazırda bu ölkəni Şirvan şahı tutmuşdur. O, həmçinin Muğaniyyə adlanan məmləkəti də
zəbt etmişdir”. Məsudi daha sonra qeyd edir; İndi Şirvanşah kimi tanınan Məhəmməd ibn Yəzid əvvəllər
Layzanın
*
şahı idi. Şirvanşahı isə Əli ibn Heysəm idi. O həlak olduqdan sonra
**
Məhəmməd,
dediyimiz kimi,
əmilərini öldürüb Şirvanı tutdu. Məhəmməd, həmçinin, adlarını çəkdiyimiz məmləkətləri də zəbt etdi. Onun
Qabh dağında dünyada misli-bərabəri olmayan Niyal (mətndə Tiyal) adlı qalası var..."
15
V. F. Minorski Şirvana dair şərhlərində aşağıdakıları qeyd edir "Bizim müəllif Məhəmməd b. Xalidin
ölümündən sonra bütün diqqətini Şirvan qoluna yönəldir və biz Arranda və onun paytaxtı Cənzədə (Qanzada)
baş verən hadisələrdən xəbərsiz qalırıq. Bu boşluq yüz illik bir dövrü h.245 (859)-ci ildən, təqribən h.344 (955 -
Arran)-cü ilədək deyləmli Müsafirilər, h.360 (917)-cı ildə isə kürd Şəddadilər tərəfındən işğal olunanadək -
əhatə edir. Arranda Məhəmməd b. Xalidin nəsil şəcərəsinin davam edib-etmədiyi,
yaxud Xəlifənin öz idarəetmə
və təyinetmə sistemini bərpa etməyə nail olub-olmadığı naməlumdur. Yalnız 371 (982)-ci ildə biz
[80 - 81]
Şirvanın Bərdəni tutduğunu Öyrənirik. Göründüyü kimi, Məhəmməd ibn Xalidin idarə etdiyi ərazi, cənub
sərhədləri Kürdən keçən son dövr Şirvan hökmdarlarının hakimiyyəti dövründəki ərazidən xeyli geniş
olmuşdur..."
16
Göstərdiyimiz kimi, "Tarix-i əl-Bab"a görə Məhəmməd ibn Xalid Gəncənin əsasını qoyan, yəni Arran
şəhərlərindən birinin hakimi olmuşdur. Onun qardaşı Heysəm ibn Xalid həmin vaxt Şirvanın hakimi idi və
müstəqillik qazanaraq, Şirvanşah titulu qəbul etmişdi. "Tarix-i əl-Bab"da sonra deyilir: "...Heysəm ibn Xalid
Şirvanda müstəqillik əldə edəndə onun qardaşı Yəzid ibn Xalid də Layzanda müstəqillik qazandı. Heysəm
Şirvanşah, onun qardaşı Yəzid isə Layzanşah adlanırdı". Bu mətndən aydın olur ki
,
Cənzənin (Gəncənin) əsasını
qoyan Məhəmməd ibn Xalid "Tarix-i əl-Bab"ın
göstərdiyi kimi, yalnız Cənzənin hakimi olmuşdur: o,
Ərminiyyə
***
hakimiliyini öz üzərindən götürdü, Cənzə şəhəri və mülklərinin mədaxili ilə kifayətləndi. Sonrakı
hadisələr "Tarix-i əl-Bab"da belə nəql edilir: "Bir müddətdən sonra Yəzid öldü və onun yerinə oğlu Məhəmməd
ibn Yəzid keçdi. O, uzun müddət hakimiyyət sürdü, ləyaqəti ucaldı, əməlləri çiçək açdı. Onun ölümündən sonra
(təqr. h.305 (917)-ci il -
S. A. ) oğlu Əbu Tahir Yəzid ibn Məhəmməd hakimiyyətə gəldi. O, Şirvana da sahib
olmaq üçün səbirlə məqam gözlədi. Adamlarının əksər hissəsi əsir alınıb
öldürülən Əli ibn Heysəmin
zəifləməsindən istifadə edən Yəzid qəflətən Mərzuqiyyədə onun üzərinə hücum çəkərək özünü, oğlu Abbası və
nəvəsi - Abbasın oğlu Əbu Bəkiri əsir aldı. Yəzid Heysəmi və Abbası edam etdi. Əbu Bəkir qaşdı. Beləliklə,
*
V. F. .Minorski mətndə Layran və L - İranı Layzan, Layranşah və L İranşahı isə Aranşahla əvəz etmişdir.
**
Tarix-i əl-Bab"a görə (§9) onu Əbu Tahir Yəzİd öldürmüşdür.
***
Ərminiyyə - Cənubi Qafqaz ölkələrinin inzibati bölgüsü. Ərəblərdə Albaniya, Gürcüstan və
Ermənistanın ümumi adı.