243
mövqeyini
möhkəmləndirmək, ABŞ-dan asılı dövlətlər bloku təşkil
etmək idi.
1948-ci ilin iyulunda Marşall planının İngiltərəyə tətbiqi ilə
əlaqədar ingilis-amerikan sazişi bağlandı.
1949-cu ilin sentyabrın 18-də İngiltərə hökuməti funt-
sterlinqin 30,5% devolvasiyası haqqında qərar qəbul etdi. Qərarın
verilməsindən məqsəd qızıl və valyuta ehtiyatlarının axınının
qarşısını almaq, ingilis mallarının ixrac üçün imkanlarını
yaxşılaşdırmaq, həmçinin ABŞ-ın təzyiqinə qarşı davam gətirməyi
bacarmaq idi. Funtun dəyəri 4,03 dollardan 2,8 dollara düşdü.
Bu hadisədən sonra Fransa, Hollandiya, Kanada, Danimarka,
İsveç, Hindistan, Misir, Avstraliya, Norveç, Yeni Zelandiya,
İrlandiya, Cənubi Afrika İttifaqı, İspaniya və s. dövlətlər də öz
valyutalarını devalvasiya etdilər.
Funt-sterlinqin devalvasiyası onun beynəlxalq valyuta kimi
mövqeyini zəiflətdi və onu daha çox dollardan asılı etdi.
ABŞ bu
yolla kapital ixracı imkanlarını genişləndirdi. İngiltərədə dolların
alıcıları çoxaldı, ABŞ-da funt-sterlinqin alıcıları isə azaldı.
1951-ci ildə İngiltərədə qızıl və dollar ehtiyatları 550
mln.f.st. aşağı düşmüşdü ki, bu da ölkənin dərin maliyyə böhranı
keçirdiyini sübut edən fakt idi.
Müharibədən sonrakı ilk illərdə yenə də ölkəyə idxalın
strukturu dəyişməmişdi. Əsas idxal xammal və ərzaq idi. İxracda
maşın və avadanlıqların xüsusi çəkisi artmışdı. Əgər 1950-ci ildə
toxuculuq məhsullarının ixracı 1936-cı il səviyyəsində qaldırılsa da,
maşınqayırma sənayesi məhsullarının ixracı 250% artmışdı. 1951-ci
ilə qədər sənayenin ənənəvi sahələri olan daş kömür və toxuculuq
sənayesinin məhsul istehsalı müharibədən əvvəlki səviyyəyə
çatmışdı. Müharibədən sonra kömür sənayesinin milliləşdirilməsi də
istənilən nəticəni vermədi. Əgər İngiltərədə 1937-ci ildə 240 milyon
ton kömür çıxarıldısa, 1951-ci ildə ancaq 222 milyon ton kömür
çıxarılmışdı. 1947-ci ilin yanvarında kömürün çatışmaması ilə
əlaqədar ölkə yanacaq böhranı ilə qarşılaşdı. İngiltərə sənayesinə
elektrik enerjisinin verilməsi 2/3 dəfə ixtisar edildi.
Ölkədə işsizlərin sayı 2300 min nəfərə çatdı. 1951-ci ildə
yanacaq böhranı yenidən təkrar olundu. Lakin bu dəfə elə kəskin
xarakter almadı.
244
Müharibədən sonrakı dövrdə kənd təsərrüfatı məhsullarının
istehsalı artsa da, İngiltərə yenə də əsas ərzaq idxalçılarından idi.
1951-1952-ci illərdə öz kənd təsərrüfatı məhsulları hesabına öz
əhalisinin tələbatını cəmi 41 % ödəyə bilirdi. Doğrudur, müharibədən
əvvəl bu rəqəm cəmi 31% idi.
Müharibədən sonrakı dövrdə də İngiltərə «kapitalizminin
sağlamlaşması»ndan söhbət gedə bilməzdi. Belə ki, İngiltərədə 1948-
51-ci illərdə elektrotexniki sənaye cəmi 30 % kimya sənayesi 33%
gücü ilə işləyirdi. Müəssisələrin heç biri tam gücü ilə işləmirdi.
İngilis iqtisadiyyatının bu dövrdə xarakterik cəhətlərindən
biri də ölkənin milli gəlirində rantyenin payının artması idi.
Müharibədən sonrakı dövrdə kapitalın və istehsalın mərkəzləşməsi
prosesi davam etməkdə idi. İngiltərədə kapitalın mərkəzləşməsini
1951-ci ildəə 1929-cu illə müqayisədə bankların 22% ixtisar
edilməsində görmək olardı. Xüsusilə «Böyük beşlik» adı altında
birləşən Müdlend, Barkleys, Lyoyds, Vestminster və Neyşnl əyalət
bankının gücü daha da artdı. Bu proses istehsal sahəsini də əhatə etdi.
1000 nəfərdən çox fəhləsi olan müəssisələrin sayı 1949-cu ildə 1935-
ci ildə müqayisədə 21,4%-dən 30,2%-ə qalxdı.
Xüsusilə
metallurgiya, maşınqayırma, kimya sənayesində istehsalın
mərkəzləşməsi daha da artdı.
İngiltərə kapitalizminin iqtisadi və siyasi münasibətlərdə
İkinci Dünya müharibəsindən zəif çıxması hakim dairələri ölkənin
iqtisadi, siyasi və müstəmləkəçi mövqeyini möhkəmləndirmək üçün
bir sıra iri islahatlar aparmağa da məcbur etdi. Belə mühüm
islahatlardan biri İngiltərə bankının və bir sıra sənaye sahələrinin
milliləşdirilməsi oldu. İngiltərə bankı, kömür sənayesi,
elektrostansiyalar, qaz sənayesi, daxili nəqliyyat, poladəritmə
zavodlarının bir hissəsi,
mülki aviasiya, teleqraf rabitəsi və radio
rabitəsi milliləşdirildi. Milliləşdirmənin əsas səbəblərindən biri bu
sahələrin zərərlə işləməsi idi. Milliləşdirmə Amerika kapitalının
İngiltərə sənayesinə müdaxiləsində əlavə çətinliklər yaradırdı. Əsas
səbəblərdən biri də bu yolla İngiltərədə sinfi mübarizəni zəiflətmək
idi.
1945-i ilin sonundan bankların milliləşməsi nəticəsində
bankın səhm sahibləri 58 mln.f.st. həcmində ildə 3% gəlirlə dövlət
istiqrazı formasında kompensasiya almış oldular. 1946-cı ildə kömür
sənayesinin milliləşdirilməsi nəticəsində həmin müəssisələrin
245
sahibləri 400 mln.f.st.dəyərində ildə 3,5% gəlirlə istiqraz şəklində
kompensasiya almdılar. 1947-ci ildə elektrik kompaniyalarının
milliləşdirilməsi nəticəsində orta birja səhmlərinin dəyəri həcmində
onlara kompensasiya ödənilməli idi. Qaz sənayesi və nəqliyyatın
milliləşdirilməsi zamanı verilən kompensasiya da bu prinsip əsasında
olmalı idi. Milliləşdirilmiş müəssisələrin sahibləri birlikdə
götürüldükdə 2,5 mlrd.f.st. dəyərində kompensasiya istiqrazı almalı
idilər.
Milliləşdirilmiş müəssisələrin milli idarəsinin 87
üzvündən
43-ü iri kapitalist, 9-u hökumət məmuru, 4-ü yüksək rütbəli hərbiçi,
9-u yüksəktəminatlı mütəxəssis və inzibatçı, 7-si həmkarlar
ittifaqlarının rəhbərlərindən idi. Fəhlə sinfinin nümayəndələrindən
oraya heç kəs daxil edilməmişdi.
Üçüncü leyborist hökuməti geniş kütlələrin təzyiqi altında
bir sıra sosial islahatlar da keçirməyə məcbur oldu. Bunlardan biri
həmkarlar ittifaqı haqqında 1927-ci ildə verilmiş antifəhlə qanununun
ləğv edilməsi idi. Səhiyyənin yeni sistemi müəyyən edildi, sosial
sığorta haqqında qanunvericilik qəbul edildi. 1949-cu ildə keçirilən
lordlar palatasının islahatı nəticəsində bu palatanın bir sıra hüquqları
məhdudlaşdırıldı. Əgər əvvəllər lordlar palatası icmalar palatasının
qəbul etdiyi qanun layihəsini iki il müddətinə təxirə sala bilərdisə,
indi ancaq bir il ləngidə bilərdi.
1946-1948-ci ildə keçirilən səhiyyə islahatına əsasən əhaliyə
tibbi xidmət pulsuz oldu. Bu müəssisələrin
xərcləri dövlət büdcəsi
hesabına ödənilirdi. Yeni səhiyyə sistemi 1945-ci ilin iyulun 5-də
fəaliyyət göstərməyə başladı.
İngiltərə zəhmətkeşlərinin ən böyük nailiyyətlərindən biri
1945-1948-ci illərdə sosial sığorta sisteminin yenidən təşkili idi. Bu
sistem yeni doğulan uşaq üçün, uşaqların tərbiyəsi, xəstəliyə,
işsizliyə, hamiləliyə görə müavinətlərin, dul qadın və kişilərə,
qocalara pensiyaların və dəfn üçün vəsaitin verilməsini nəzərdə
tuturdu. Həmçinin, istehsalatda bədbəxt hadisə zamanı əmək
qabiliyyətini itirdikdə və peşə xəstəlikləri zamanı da
müavinət
ödənilməsi nəzərdə tutulurdu. İngiltərədə bu dövrdə 23 milyon adam
belə bir qayğı ilə əhatə olunmuşdu. 1949-1950-ci illərdə sosial
sığorta fondu 524 mln.f.st.təşkil edirdi ki, onun 136 mln.f.st.(26%-i)
dövlət büdcəsi, 185 mln.f.st. (35,3-i) sığorta edilmiş fəhlələrin üzvlük
246
haqları, 175 mln.f.st.(33,4%-i) müəssisə sahiblərinin üzvlük haqları,
28 mln.f.st. isə (5,3%-i) digər mənbələrin hesabına toplanırdı.
Leyborist hökuməti vergiləri artırmaq hesabına sosial
xərcləri artırır və xüsusilə çalışırdı ki, ərzaq məhsullarının qiymətinin
artırılmasının qarşısını alsın. Leyboristlər İngiltərədə «demokratik
sosializm qurmaq», «firavanlıq dövləti yaratmaq» proqrammı altında
çıxış edirdilər. Onların fikrincə, bu quruluş demokratiya və sosial
ədalətə əsaslanmalı idi. Burada planlı iqtisadiyyat
fərdi müstəqilliklə
vəhdət təşkil etməli idi.
Leyboristlər hökuməti ölkəni iqtisadi çətinliklərdən
çıxartmaq yolunu zəhmətkeşlərin həyat səviyyəsinə müdaxilə
etməkdə və sürətlə silahlanmada görürdü. 1947-ci ildə yeni maliyyə
naziri təyin edilmiş Kripps təklif etdi ki, yeyinti məhsulları da daxil
olmaqla, idxal azadılsın, ixrac artırılsın, mənzil, məktəb, xəstəxana və
s. tikintisinə ayrılan vəsait ixtisar edilsin. Dolayı vergilər artırıldı.
1949-cu ilin sentyabrında funt- sterlinqin devalvasiya
edilməsi zəhmətkeşlərin həyat səviyyəsi üzərinə hücumun yeni
mərhələsi oldu. Məktəblərdə uşaqlar üçün ucuz və pulsuz səhər
yeməyi, məktəblilərin məktəb avtobuslarında
pulsuz getmələri təxirə
salındı. İngiltərə fəhlələrinin real əmək haqqı müharibədən əvvəlki
dövrlə müqayisədə 20% aşağı idi. 1947-ci ildən 1951-ci ilə qədər
olan müddətdə ərzaq məhsullarının qiyməti 36% artmışdı. Qadınların
əmək haqqı daha aşağı idi. İngiltərədə qadınlar bütün işləyənlərin 1/3
hissəsini təşkil edirdilər. 1946-cı ildə İngiltərədə işsizlərin sayı 376
min nəfər idi. Ordudan tərxis edilən 700 min nəfər işsiz olsa da, bu
siyahıya daxil edilməmişdi.
1946-cı ildə çörək, 1947-ci ilin noyabrında kartof norması
qoyulmuşdu ki, halbuki hətta müharibə illərində bu məhsullara
norma qoyulmamışdı. İngiltərə zəhmətkeşlərinin geyimi, mənzil
şəraiti müharibədən əvvəlki dövrlə müqayisədə xeyli pis idi.
Tətil iştirakçılarının sayı 1947-ci ildə 620 min nəfər idisə,
tədricən bu rəqəm azalmış, 1951-ci ildə 379 min nəfərə enmişdi.
1948-ci ilin sentyabrında tred-yunionların konqresi əmək haqlarının
dondurulmasını bəyəndisə də, həmkarlar ittifaqında toplanmış
kütlənin təzyiqi ilə 1950-ci ilin sentyabrında buna qarşı çıxmalı oldu.
İkinci Dünya müharibəsindən sonra dünya müstəmləkə
sisteminin dağılması prosesi sürətləndi. Müharibə illərində İngiltərə
və ABŞ «Atlantika xartiyası» adlı imzaladıqları sənəddə