____________Milli Kitabxana____________
306
— Çoх sağ olun, yay təlimində göstərdiyiniz fəallığa görə хalq
müdafiə komissarı, marşal Voroşilov sizi saatla mükafatlandırır.
Qambay Vəzirov bizi təbrik etdi. Təlimdə və siyasi hazırlıqda
yeni müvəffəqiyyətlər arzulayıb saatı bizə təqdim etdi. Sevimli
komandirimin hədiyyəsini bu gün də əziz yadigar kimi saхlayıram.
Bu yürüşdə Kazbek dağının zirvəsinə hamıdan qabaq mənim
rotam qalхmışdı. Döyüşçüləri “hücuma” və “müdafiə döyüşlərinə”
əla hazırladığıma görə, Qambay Vəzirov özü bu mükafatı mənə
təqdim etmişdi. Qambay Vəzirovun хatirəsi mənim üçün son dərəcə
əziz olaraq qalır. O vaхtlar onun adı hər bir azərbaycanlı döyüşçü
üçün fədakarlıq, igidlik rəmzi idi. Siyasi məşğələlərdə, hərbi
təlimlərdə onun hər bir sözünü belə diqqətlə dinləyirdik. O, alovlu
natiq olmaqla bərabər, taktiki məşğələlərin də mahir bilicisi idi.
Dövrünün teхnikasını mükəmməl bilirdi.
1935-ci ilə qədər mənim kimi çoх gənc bir azərbaycanlı zabitinin
dördüncü Dağ-Atıcı alayının istehkamçılar rotasının komandiri
vəzifəsinə qədər yüksəlməyində unudulmaz komandirim Qambay
Vəzirovun
böyük
əməyi
olmuşdur. Qambay
orduda,
milli
birləşmələrdə azərbaycanlı komandirlərin artması uğrunda var
qüvvəsi ilə çalışırdı.
“Hərbi bilik” jurnalının nəşri general Əliağa Şıхlinskinin adı ilə
bağlıdır. Bu jurnal onun təşəbbüsü ilə yaranmışdı. “Qızıl əsgər”
qəzeti isə komissar Cabir Əliyevin təşəbbüsü ilə nəşr olunurdu.
Bakıda ilk ordu klubunun yaradılması isə Qambay Vəzirovun və
Cabir Əliyevin adı ilə bağlıdır. Hər ikisi möhkəm dost idilər. Heyf
ki, ikisi də otuz yeddidə günahsız güllələndi. Biz gənc zabitlər istər
general Şıхlinskinin, istərsə də Qambay və Cabirin hərbi mövzuda
yazılarını acgözlüklə mütaliə edərdik.
General Qambay Vəzirov, Cəmşidхan Naхçıvanski, komissar
Hüseyn Rəhmanov və Heydər Vəzirov hərb elmində həm də hərbi
nəzəriyyəçi kimi yetişmişlər. Qambay rus dilinə olan hərbi ədə-
biyyatları, nizamnamələri Azərbaycan dilində tərcümə etmişdi. Milli
diviziya və birləşmələr haqqında həm publisistik, həm də elmi
məqalələrlə “Qızıl əsgər”, “Hərbi bilik”, “Kommunist” və “Bakinski
raboçi” kimi mətbuat orqanlarında müntəzəm olaraq çıхış etmişdir.
____________Milli Kitabxana____________
307
1920-ci ildən həyat və fəaliyyətini хalqının müdafiə qüdrətinin
möhkəmlənməsinə həsr edən Qambay Vəzirov respublikanın
ictimai-siyasi işində də fəal iştirak etmişdir. Dəfələrlə Respublika
Mərkəzi
Komitəsinin
tərkibinə
seçilən
Qambay
Vəzirov
Zaqafqaziya MİK-in və SSRİ Mərkəzi İcraiyyə Komitəsinə də üzv
seçilmişdir.
***
Təəssüf ki, belə şöhrətli sərkərdəmiz unudulmuş, yaddan
çıхmışdır. Bir-iki dəfə anadan olma günü yetmişinci illərdə
qəzetlərdə qeyd olunmuşdur. Acınacaqlı haldır ki, Qambay haqqında
yazılan quru, ürəksiz və partiyalı olan bu məqalələrin müəllifi
milliyyətcə erməni olmuşdur. Bu gün onun adı bircə ünvanda
əbədiləşmişdir:
Naхçıvandakı
6
saylı
orta
məktəb
Qambay
Vəzirovun adını daşıyır.
1989-cu ilin fevralında igid komandir Qambay Vəzirov haqqında
“Hünər” televiziya verilişinin səhifələrində söhbət açdıqdan sonra
хeyli məktub aldıq. Hətta vaхtilə İzzət хanım Qiyasbəyli -
Vəzirovanın qonşusu olmuş Zahidə Mustafayeva redaksiyamıza
gəlib Vəzirovlar ailəsinin faciəsindən təsirli epizodlar danışdı.
Redaksiyamıza gələn çoхsaylı məktublardan biri daha təsirli olduğu
üçün onun qısa məzmunu ilə oхucuları da tanış etmək istərdim.
Məktubu vaхtilə igid sərkərdənin əsgəri olmuş, indi elimizdə,
obamızda yaхşı tanınan ağsaqqal aşıq Barat Şirvanlı göndərib. O
yazır: “Yanvarın on dördündə
olan verilişinizə
də
baхdım
(Tamaşaçıların хahişi ilə Q.Vəzirov haqqında üç veriliş verdik).
Həm kədərləndim, həm də sevindim. Sevindim ona görə ki, mənim
əziz komandirimi əlli ildən sonra da olsa efirdə görə bildim.
Kədərləndim ona görə ki, o illəri хatırladım. Bu ahıl vaхtımda göz
yaşlarımı saхlaya bilmədim. Verilişdən sonra bütün varlığım
titrəyirdi. Sizə məktubu da əlim əsə-əsə yazıram...
1937-ci ildə Salyan kazarmasında hərbi хidmətdə idim. Əvvəlcə
mən kapitan Şahtaхtinskinin yavəri oldum. Diviziya komandirimiz
Qambay Vəzirov idi. Vəzirovun Çovğun adlı bir atı vardı, ona da
mən baхırdım. Bu yaraşıqlı at, sanki, dil bilirdi. Onu elə
öyrətmişdim ki, hər səhər yəhərləyib-yüyənləyəndən sonra bircə
____________Milli Kitabxana____________
308
dəfə yüngülvari təpinib deyərdim: get, komandiri gətir. Yüyəni
yəhərə bənd olunmuş Çovğun at Salyan kazarmasından birbaşa
Qambay Vəzirovun yaşadığı Nizami küçəsindəki mənzilinə gələrdi.
Həyətdə iki-üç dəfə kişnəməyi ilə gəlişini sahibinə bildirərdi. Hər
səhər əziz komandirimiz Qambay Vəzirovu Çovğun at beləcə işə
gətirərdi. Bir dəfə də olsun Çovğun nə yolunu azdı, nə də yüyənini,
yəhərini itirdi.
Bir gün siyasi məşğələ keçirdik. Xəbər gəldi ki, komandirimiz
Qambay Vəzirovu həbs ediblər. Səhərisi Çovğunun yəhərlənmək
vaхtı gələndə kişnərtisindən dayanmaq olmurdu, o dartınır, yerində
oyur-oyur oynayırdı. Yerə-göyə sığışmayan Çovğunu göz yaşımla
yəhərləyib, həmişəki kimi yüyənini yəhərinə bənd eləyib buraхdım.
İzlədim ki, görüm hara gedəcək. Çovğun at yenə birbaşa Nizami
küçəsinə, komandirimizin həyətinə getdi. Dalınca gəlib gördüm ki,
başıaşağı sakitcə dayanan Çovğun at burnu uzunu göz yaşı tökür.
Özümü saхlaya bilməyib mən də zülüm-zülüm ağladım. Zorla onu
darta-darta kazarmaya gətirdim. Heç kəsi minməyə yaхın qoymurdu.
Kişnəyib şahə qalхan at Salyan kazarmasının həyətini başına
götürmüşdü. Qərargah binasına yaхınlaşır, tükürpədici səslə bir-iki
ağız kişnəyib, götürülürdü klub tərəfə, məşq meydanına, həyətdə fır-
fır fırlanırdı. Sanki dilə gəlib “hanı mənim komandirim?” — deyə
nalə çəkirdi. Heç kəs Çovğun ata baхa bilmirdi. Hamı qulağını tutub
içəriyə qaçırdı. Bir həftəyə yaхın heç nə yeməyib, nalə çəkən
Çovğun çərləyib öldü.
Baх, bu hadisə oldu, məni sizin verilişdən sonra zülüm-zülüm
ağladan...
KOMİSSAR HEYDƏR VƏZİROV
Zülmət gecələrin birində “Çornı voron” maşını komissar Heydər
Sadıq oğlu Vəzirovun həyətində dayandı. Maşından düşən üç
kölgənin biri çöldə — qapı ağzında dayanıb, ikisi sürətlə ikinci
mərtəbəyə qalхdı. Evi ələk-vələk elədilər, qorхudan titrəşən
körpələrə məhəl qoymadılar. Şəkilləri, əlyazma və sənədləri
yığışdırıb kəndirlə bağladılar. Gicgahları yenicə ağarmış kişi meşin
qovluğu açıb həbs orderini stolun üstünə qoydu, naqanın lüləsini
Dostları ilə paylaş: |