101
zığı gəlir. Onların ikisini də götürüb evlərinə aparır... Bu oğ‐
lanın adı elə səninki kimi Fərhad imış. Fərhadın ailəsi hər gün
bala durnanı yemləyir, böyüdürlər. Bir qədər sonra ana durna
aldığı yaradan ölür... Balaca durna o qədər gözəlmiş ki, adam
baxdıqca baxmaq istəyirmiş...
– Buy səni vurğun təpəndən vurmasın, yenə üstümə işə‐
din!? Dur, dur ayağa döşəyi çevirim..! Səni oğlan ölmə elə. Yekə
eşşəyin tayıdı, bunun çıxartdığı həkətə baxırsanmı sən Allah...
Nənəmin ikinci nağılını axıradək dinləməyə heç vaxt gü‐
cüm çatmazdı – şirin yuxuya gedərdim və yuxuda bu nağılların
baş qəhrəmanı olardım. Yenə yuxuda nənəmin yerinə işəmiş‐
dim...
Dilbər:
Fərhadı həmişə doğma qardaşım bilmişəm. Onu cırnat‐
mağı çox sevirdim. Ancaq bir gün gözlənilmədən aramızdan
sirli pərdə asıldı.
...Fərhadgilə getmişdim – ot gətirmək üçün bağa birlikdə
getməliydik onunla. Familə xala dedi ki, – “Çoxdan gedib ba‐
ğa”. “Axı birlikdə gedəsiydik...” – dedim. “Nə bilim, yəqin hu‐
şundan çıxıbsan”, – Familə xala dedi. Bağa tək yollandım. Bağın
yolağası açıq idi və Fərhad bağda görünmürdü. “Yəqin dincəlir,
indi onun başına bir oyun açım ki...” – xəlvətcə ona yaxınlaşıb
qorxutmaq istəyirdim. Həmişə dincəldiyi qoşa heyva ağacları‐
nın yanına iməklədim. Yanaşı əkilmiş heyva ağaclarının çətiri,
dibinə gün işığı düşməyə imkan vermirdi. Ətrafı isə sıx və hün‐
dür kalış, gəndalaşla əhatələnmişdi. Elə, “pıxk!” edib onu hür‐
kütmək istəyirdim ki, gördüyüm mənzərədən dilim ağzımda
quruyub qaldı. Fərhad şalvarını dizədək aşağı çəkib alətiylə oy‐
nayırdı. Belə səhnəni ilk dəfə idi görürdüm. Bədənini qəfildən
102
qaytan kimi gərib zarıyıb‐ufuldayanda, sifətinin əzabla əzilib‐
büzüldüyünü görəndə qorxudan bilmədim neyləyim – onu lağa
qoyub gülümmü, ya qaçıb gizlənimmi. Ancaq ayıb olacağını,
utanacağını ağlıma gətirdim və xəlvətcə bağın digər tərəfinə çə‐
kildim. Gördüyümdən özüm utanırdım və ağlayırdım. O gün‐
dən sonra Fərhaddan çəkinirdim – o artıq gözümdə xeyli də‐
yişmiş və böyümüş, bir az qorxmağa başladığım biriydi. Hər
dəfə köynəyini soyunub kərəntiylə ot biçəndə açıq sinəsində
yenicə çıxmağa başlayan tüklərinə, baldırlarına, biləyinin möh‐
kəm əzələlərinə indi əvvəlki gözlə baxa bilmirdim. Ona toxun‐
maq üçün bəhanələr axtarırdım. Tərinin qoxusu, günəşdən qa‐
ralmış əzələli biləyi də əvvəlkindən fərqliydi. Onun zəhmət‐
keşliyi, sadəliyi, bütün bicliklərdən uzaq olması, hər ağır işin
altına “uf” demədən girməsi, üzüyola olması indi onu gözüm‐
də başqa bir qəhrəmana çevirmişdi. Məni qoruyacaq mələk san‐
mağa başlamışdım onu. Dayanmadan gərgin işləyərkən onun
qarın və kürək əzələlərinə göz qoyar, – “Çox yaraşıqlıdır və
güclü oğlandır” – fərəh və həsədlə düşünərdim. İndi ona “Qa‐
qaş” deməyə utanırdım. O, öz bic əməliylə aramızda dərin bir
uçurum yaratmışdı.
Mənə diqqət ayırmadığından hirslənməyə başlamışdım.
Başımı itirmişdim, özümə yer tapa bilmirdim. Guya gilas ye‐
mək istədiyim üçün ağaca “dırmanırdım” – onu işindən ayırım
deyə. İşini tullayıb ağaca çıxar, balaca vedrəni gilasla doldurub
mənim qabağıma qoyub yenidən işinin başına qayıdardı. Məni
körpə uşaq kimi yanına alıb hər yerə aparır, həmişə də mənimlə
uşaq kimi davranardı. Bu da məni hövsələdən çıxarırdı. İstəyir‐
dim ki, mənə qarşı daha diqqətli olsun, vaxtının çoxunu mənə
sərf eləsin, mənim də böyüdüyümü anlasın. Amma, nə qədər
çalışsam da onun gözündə böyüyə bilmirdim...
Nənə həmişə deyərdi ki, – “Əgər Fərhad olmasaydı, mən
tənhalıqdan ölərdim. Yazıq uşaq həm özlərinin, həm də mənim
103
ev‐eşik, bağ‐bağat, mal‐tövlə, ot‐əncər işlərimi görür. Dədən
yönlü‐başlı bir oğul əkmədi ki, gələ qala nənəsinin yanında –
həm mənə baxa, həm də bütün malım‐mülküm ona qala”. Nə‐
nəmin, Fərhadı məndən çox istəməsinə də qısqanırdım indi...
Yenə yay tətilinə kəndə gəlmişdim. “Ceyran”a ot yükləyib,
məni da ot bağlarının arasına qoymuşdu. Eşşəyin üstündə
yırğalana‐yırğalana gedir, əlində çatı qabaqda gedən Fərhadı
diqqətlə izləyirdim. Qoluqısa köynəyini öndən düyünləmişdi –
azca tüklənmiş göbəyi açıqda idi. Şalvarının islanmış balağını
dizəcən çırmalamışdı. Baldırlarının tükləndiyinə indi fikir
verirdim. Fürsəti əldən vermək istəmirdim. Qaş qaralmışdı və
üzümün qızaracağını görməyəcəkdi. Odur ki, qəfildən:
– Qaqaş, heç istədiyin qız var? – deyə soruşdum.
– Ay qız, sənin nə başın çıxır qız istəmək nədi? Bir də ki, nə
işinə qalıb?
– Niyə çıxmır ki, nə vaxta qədər məni uşaq yerinə qo‐
yacaqsan? Guya görmürəm Əsli ilə necə söhbətləşirsiniz?
Onunla evlənəcəksən?
– Nə evlənmək, nə qız istəmək, ay təpəl keçi? Evlənən vax‐
tımdı? Uşaqsan, uşaq qələtini elə, cəhrə kimi cırıldama.
– Səni bilmirəm, ancaq mənim ərə gedən vaxtımdı. Adaxlı‐
larım elçi düşəcək qapımıza... – güldü və uzun civir çubuğuyla
astaca başıma vurdu, – Sənin burnunun fırtılığı hələ quruma‐
yıb, ağzından da süd iyi gəlir. Ərə gedənə bir bax... – dedi.
Hirsimdən otu yolmacladım. Hətta, evə çatanda nənəmə
rişxəndlə demişdi ki, – “Nənəsi, gələn il dəli keçimizin ərə ge‐
dən vaxtıdır, cer‐cehizini hazırlamısanmı?”. Xəbərçiliyinə görə
iki gün Fərhadı dindirmədim.
Yerə‐göyə sığmırdım – yekəldiyimi min cür bəhanəylə Fər‐
hada sübut etmək istəyirdim. Soruşsanız ki, – “Fərhada aşiq
olmuşdun?”, – vallah, “yox” deyərəm. Sadəcə, istəyirdim ki,
Fərhadı əvvəlki kimi öz qardaşım qədər istəyə bilim, yenə qay‐
Dostları ilə paylaş: |