173
üstündən üzü o tərəf getdi”. “Bu gün 26 iyundur, ata – ordu
günüdür, gördüklərin də hərbi paraddır” – dedim. “Ordusu
olanın torpağını erməni heç alar, ay bala. Allah, sən özün ordu‐
muza qüvvət, qeyrət ver...” – deyib telefonu asırdı. Deyirlər,
“qocalar da körpə uşaqlar kimidir, ancaq, onlarla oynamaq
istəyən azdır”. Birdən sarı simə köklənəndə deyirdi ki, – “Oğul,
bağışla ki sənə axıradək atalıq edə bilmədim. Bu şəhər mənə
çox yaddı. Mənə sən atalıq edirsən burda, Allah qismət eləsin,
rayona qayıdanda əvəzini çıxaram. Bircə o torpaqlara qovuş‐
sam, heç bir dərdim qalmazdı. Oyrəli
rəhmətlik Hacı Kələntərin
qəbrini ziyarətə getmişdik; sement zavodunun tüstüsü bir
tərəfdən, kərpic zavodununku da bir tərəfdən bütün qəbiristan‐
lığı alıb ağzına, elə bil qəbirləri cəhənnəm alovu yandırır – ətim
ürpəndi. Qara mərmərlər tüstüdən bomboz bozarıb. Allaha ağır
getməsin, – torpaq Allahındı, amma heç burda basdırılmaq
istəməzdim... Allah heç birimizə bu torpaqlarda basdırılmağı
nəsib eləməsin. Qoy qocalıb qaytana, yumağa dönək, amma
vətəndə torpağa gömülək. Allah ananızı da, bizi də qürbətdən
qurtarsın, hamımızı bir‐birimizə qovuşdursun, həmişəki kimi
birlikdə olaq. Onsuz da torpaqlar alınana oxşamır. Birdən fikir‐
ləşirəm ki, eybi yox, qoy burda basdırsınlar, sonra qazıb yeni‐
dən rayona apararsınız. Onda da adımı “gorbagor olmuş Ağə‐
li” deyib çağıracaqlar. Nəysə, şükür tanrının məsləhətinə. Val‐
lah, düşmən bir az mərhəmətli olsaydı baxmazdım əziyyətini‐
zə, çəkəcəyiniz xərcə – elə deyərdim ki, ermənidən icazə alıb
məni öz kəndimizin qəbirstanlığında – ananızın və Durna ar‐
vadın yanında basdırın. Amma, faşist uşağında hardadı o
insaf!”
* * *
174
Atam erməni girovluğundan azad olunandan sonra tələbə
dostlarımla görüşmürdük. Hərdən yadıma düşsələr də nə
yerlərini, nə də əlaqə telefonlarını bilirdim. Hətta, toyumu da
onlarsız etmişdim. Onlar üçün burnumun ucu göynəyəndə, –
“Sabahdan başlayaraq onları axtarıb tapacağam” – deyib özü‐
mə söz verirdim, amma iş‐güc başımı qatır, ili ilə ötürüb onları
unudurdum. Amma bir gün tale özü onları qarşıma çıxardı...
Günlərin birində sürücüm Əliylə Bakıya – banka gedirdik.
Bayıl döngəsindən keçirdik, telefonla danışırdım. Birdən bir
tanış üz gördüm, amma o qədər ötəri oldu ki, çox fikir vermək
imkanım olmadı. “Krasin meydanı”na çatanda ağlıma gəldi ki,
indicə gördüyüm mənim can dostum Nağı idi. Əliyə çığırdım –
“Tez maşını geri döndər!”. Yazıq uşaq, oturacaqda yerindən dik
atıldı. Yolu qaydasınca keçmədiyimizə görə, “kübar” marşrut
sürücülərindən bir‐iki “paxlavalı” söyüşlər də aldıq. Bayıl
bazarının qarşısında düşüb səkiboyu hər mağazanın qapısını
açıb içəri boylanırdım. “Bu qədər sürətlə gözdən itə bilməz,
Nağı hardasa buralarda olmalıdı”. Nağı işıqforun yanındakı
qəssab dükanın balaca pəncərəsindən başını içəri soxmuşdu.
Arxasında durub gözlərini qapayaraq, “tap görüm kimdi!”
oyunu oynamaq istədim onunla. Ancaq eşitdiklərimdən əlim
havada qurudu. Önlüyü qanlı, yağlavcasifət, gonbul qəssab az
qala Nağının üstünə çığırırdı:
– Ay qardaş, yekə oğlansan, bəsdir da! Nə qədər nisyə ver‐
mək olar? Üst‐üstə hesablasan 200 kiloluq bir öküzü nisyə yeyib
qurtarmısan ey, xəbərin var? Heç olmazsa əlinə düşən qəpik‐
quruşdan arada gətir ver, mən də bilim ki, pulunu verəcəksən
da..! Uje bir ilə yaxındır ki, 348 manat borcun var ey! Bu qədər
pula mən bir inək alıram, başa düşürsən?!
Nağı:
– Heç olmazsa zing, miyəntək ver, dırnaq, ya boyun topu...
Vallah, mən bu pulu sənə ödəməmiş ölmərəm. Özün qaldığım
175
yeri tanıyırsan, bilirsən ki, atıb qaçan da deyiləm, uşaqların dili‐
nə nə vaxtdandır ət dəymir, nə qədər krevetka, balıq yedirmək
olar axı... Patron da qalmayıb ki, heç olmazsa qaşqaldaxdan,
qarabattaqdan‐zaddan vurub yedirdəm. Sən Allah, ay Şirzad,
qoy axırıncı dəfə olsun, bir şey ver aparım...
– Olmaz! Hər dəfə “axırıncı dəfədir” deyirsən! Qurtardıq!
Get, alverimizə mane olma, imkan ver müştəri görək nə istəyir?
– məni müştəri sanmışdı.
Qəssab:
– Buyur, qardaş, eşidirəm... – mənə səsləndi.
İxtiyarsız arxaya çönüb maşına doğru addımladım. Nağı,
sanki ağır yük çəkirmiş kimi qəssabxanadan aralandı. Geriyə də
baxmadı. Salafan çantasında sanki girvənkə daşları daşıyırdı, –
gah bir əlinə, gah da o biri əlinə dəyişirdi. Əslində isə çantasın‐
dakı göy‐göyərti idi. Əliyə Nağını izləməyi, hara getdiyini öy‐
rənməyi tapşırdım. Nağı işıqforun yanındakı yeni tikilən şəhər‐
ciyin həyətinə buruldu, Əli də arxasınca. Maşından düşüb qəs‐
sab Şirzada yaxınlaşdım:
– Salam, qəssab Şeyzad – nifrət hopmuş hirsimi boğa bil‐
mədim.
– Adım Şirzaddır, cavan oğlan, kimsən, nə istiyirsən? – ət
baltasını hirslə kötüyə sapladı.
– Bayaq əliboş qaytardığın adam kimiydi, tanıyırsan?
– Nağıdır, həmişə məndən ət alır, nədi ki?
– Heç.., o mənim tələbə dostumdur. Nə qədər borcu var
onun?
– 348 manat.
Cibimdəki pul qomunu çıxardım. Əlimdəki ilan kimi so‐
yuq pula nifrət elədim və bu nifrət indi də həmişə mənimlədir.
“İlanın zəhləsi yarpızdan gedər, o da ilanın yuvasının ağzında
bitər” – görünür pul qazanmağın yolunu bilirəmmiş. Pul qa‐
zanmağı həmişə sevmişəm, ancaq pulu sevdiyim üçün yox,
Dostları ilə paylaş: |