Şeyx Abbas Qumi İmam əLİNİn fəZİLƏTLƏRİ

On beşinçi fəzilət: Həzrət Əli (ə) qeybi xəbərləri bilir və lazım olan vaxt xəbər verirdi. Həzrətin xəbər verdiyi qeybi xəbərlərin sayı-hesabı yoxdur. Mən burada həmin xəbərlərin bir neçəsini yazıram:
1 - Həzrət Əli (ə) dəfələrlə buyurmuşdu ki, İbn Mülcəm mənim başımı iki yerə bölüb saqqalımı başımın qanına boyayacaq.
2 - Həzrət, İmam Həsən (ə)-ın zəhərlə şəhid edilməsini xəbər vermişdi.
3 - Əli (ə) çox vaxt övladı Hüseyn (ə)-ın şəhadətindən xəbər verirdi. O, bir dəfə Kərbala səhrasından keçirdi. Həzrət şəhidlərin qətligahını, qadınların olduğu yerləri nvə dəvələrin dayanacağı yerləri göstərib oğlu Hüseyn (ə)-ın məzlumiyyətinə görə çox ağladı.
4 - Əli (ə) Bərra ibn Azibə dedi ki, sən İmam Hüseyn (ə)-ın çəhid olduğu dövrə qədər ömür sürəcəksən, amma oğlum Hüseynə (ə) kömək etməyəcəksən.
5 - Həzrət Əli (ə) xəbər verdi ki, məndən sonra Müaviyə yaşayacaq və müsəlmanların hakimiyyətini qəsb edəcək.
6 - Əli (ə) Həccac ibn Yusif Səqəfinin hökumətindən, Yusif ibn Ömərdən və onların kütləvi qırğınından, həmçinin Bəni-Ümeyyənin dövründə camaatın giriftarçılığından xəbər verdi.
7 - Həzrət Əli (ə) «Nəhrəvan-Xəvariclərindən», onların çaydan keçməsindən, ölümündən və xəvaricin sərkərdəsi Zussüdyənin öldürülməsindən xəbər veribdir.
8 - Həzrət Əli (ə) öz əshabının bir dəstəsinin başına gələcək işləri və onların necə öldürülməsini xəbər verdi. Necə ki, Cüvəyrət ibn Müsəhhərin və Rüşəyd Həcərinin əl-ayağının kəsilməsini və onların dardan asılmasını xəbər verdi. Həmçinin Qənbərin, Kümeylin, Hicr ibn Ədinin öldürülməsini, Meysəm Təmmarın necə öldürülməsini, onun Əmr ibn Harisin evinin yaxınlığında dardan asılmasını və dar ağacının Meysəmə göstərdiyi xurma ağacından hazırlanmasını xəbər verdi.
9 - Xalid ibn Ürfətənin zəlalət qoşununa sərkərdəlik etməsini;
10 - «Nakisin», «Qasitin» və «Mariqinin» döyüşməsini;
11 - Təlhə və Zübeyr beyəti sındırmaq və Həzrət Əli (ə)-la müharibəyə hazırlaşmaq məqsədi ilə Məkkəyə tərəf getmək istəyirdilər. Onlar dedilər: - Biz ümrə həccinə gedirik. Həzrət Əli (ə) buyurdu: Xeyir, siz Bəsrə şəhərinə getmək istəyirdiniz.
Sonra Həzrət Əli (ə) öz əshabına buyurdu ki, bundan sonra siz Təlhə və Zübeyri böyük qoşunla görəcəksiniz.
12 - Həzrət Əli (ə) Salmanın «Mədain» şəhərində dünyadan getdiyi vaxt onun vəfatını camaata xəbər verdi və özü teyyül-ərz ilə Mədainə gəldi.
13 - O Həzrət Bəni-Ümeyyə və Bəni-Abbasın xilafətindən xəbər verdi. Əli (ə) öz xütbələrindən birində Bəni-Abbas xilifələrinin bəzi xüsusiyyətlərinə işarə etdi, o cümlədən Səffanın mehribanlığını, Mənsurun qan tökməsini, Rəşidin böyük səltənətini, Məmunun biliciliyini, Mütəvəkkilin inadkarlığını və oğlunun onu öldürməsini, Mötəmidin Sahibi Zənc ilə müharibə etdiyi üçün çoxlu zəhmət çəkməsini, Müqtədirin öldürülməsini və onun üç oğlunun yəni Razi, Müttəqi və Mütiin xilafətə çatmasını xəbər verdi.
14 - Həzrət Əli (ə) Kufədə baş verəcək fitnələri və orada zülüm bayrağını əllərinə alan zalım sərkərdələrin bəlalara düşməsini xəbər veribdir.
15 - Həzrət Əli (ə) «Ziqar»da İbn Abbasa buyurdu: Min nəfərdən ibarət olan bir qoşun bizə kömək etməyə gələcək.
16 - Həzrət «Həlaku» qoşunun və onun fitnələrini xəbər verdi.
17 - Həzrət Əli (ə) «Cəməl» müharibəsindən sonra Bəsrə şəhərindəki çıxışında zəngilərin əli ilə bəsrəlilərin öldürülməsini xəbər verdi.
18 - Həzrət Əli (ə) Dəccal və dünyada baş verəcək hadislər haqqında xəbər veribdir.
19 - Əli (ə) buyurubdur: Gələcəkdə «Bağdad» adlı bir şəhər qurulacaq.
20 - Həzrət Əli (ə) buyurub:

وَأَيْمُ اللهِ لَتُغرَقَنَّ بَلدَتُكُم حَتّى كَأَنِّى أَنظُرُ إِلى مَسجِدِها كَجُؤجُؤِ طَيرٍ فِى لُجَّةِ بَحرٍ