22
b)
Sığortalı məhkəmənin qüvvəyə minmiş son qərarı ilə, Sığortaçının razılığı ilə məhkəmədən
kənar və ya sadələşdirilmiş məhkəmə üsulu ilə həll olunub-olunmamasından asılı olmayaraq, və
Sığortalı tərəfindən və ya onun adından heç bir qarşılıqlı pul ödənişi həyata keçirilmədən
Sığortalı təqsirkar hesab edilməzsə; və ya
c)
Sığortalı bütün apelyasiya imkanlarının tükənməsindən sonra məhkəmənin qüvvəyə minmiş
qərarı ilə təqsirkar hesab edilməzsə.
Bu maddəyə müvafiq hər hansı ödəniş yalnız iddiadan imtina edildiyi və ya Sığortalının cavabdehlikdən
azad edilməsi barədə məhkəmənin son qərarının qəbul edildiyi andan etibarən 180 gün ərzində Sığortalı
qarşısında eyni və əlaqədar qanuna zidd hərəkətlərə və ya müvafiq iddada bildirilmiş faktlara və
məsələlərə aidiyyatı olan hallara əsaslanan və ya onlarla əlaqədar olan digər iddia irəli sürülmədiyi halda
həyata keçiriləcək.
10.3. Əvəzi ödənilməyən zərərə şərtsiz azadolma məbləği tətbiq olunmur. Sığortalının zərərinə və ya
Sığortalı tərəfindən ödənilmiş zərərə gəldikdə, Sığortaçı zərərin yalnız şərtsiz azadolma məbləğini aşan
həcminin ödənilməsinə cavabdehlik daşımalıdır. Şərtsiz azadolma məbləği Sığortaçının zərərə görə
sığorta məbləğinə daxil deyildir. Şərtsiz azadolma məbləği şirkət tərəfindən ödənilməli və
sığortalanmamalıdır. Fasiləsiz, təkrarlanan və ya bir-biri ilə əlaqədar olan qanuna zidd hərəkətlərə
əsaslanan və ya onlarla əlaqədar olan hər hansı iddia və ya bir sıra iddialar nəticəsində yaranan bütün
zərərlərə şərtsiz azadolma məbləği bir dəfə tətbiq olunur.
11. Nəzərdə tutulan kompensasiya (zərərin qarşılığının ödənilməsi)
11.1. Sığortalı direktora, vəzifəli şəxsə və /və ya işçiyə zərərin əvəzinin hər hansı şirkətə qanunla
qadağan olunmayan həcmdə ödənilməsini yazılı şəkildə təsdiqləyərsə, lakin hər hansı səbəbdən Sığortalı
belə ödənişi ödəyə bilməzsə və ya ödəməkdən imtina edərsə, bu halda Sığortaçı müvafiq iddia
nəticəsində meydana çıxan hər hansı zərərin əvəzini Sığortalı adından ödəməlidir. Sığortalıya Kənar
administrator təyin olunarsa (könüllü şəkildə xarici idarəetmə istisna olmaqla) və şirkətin şərtsiz
azadolma məbləğinin ödənilməsi üçün kifayət qədər vəsaiti olmazsa, bu halda heç bir şərtsiz azadolma
məbləği tətbiq olunmamalıdır.
12. Digər sığorta növləri və vəsaitlərin toplanmaması
12.1. Sığorta şəhadətnaməsi zərərin, yalnız belə zərərin məbləği (i) kənar təşkilatla sığortalı qismində və
ya onun direktorlarının, rəhbər işçilərinin maraqları baxımından bağlanmış vəzifəli şəxslərin
cavabdehliyinin sığortalanması üzrə qüvvədə olan hər hansı sığorta şəhadətnaməsinə görə ödəniləcək
məbləği (əgər belə müqavilədə belə kənar təşkilat tərəfindən direktora və ya rəhbər işçiyə sığorta
təminatı nəzərdə tutularsa); və ya (ii) yalnız Sığorta Təminatına A müvafiq olaraq, kənar təşkilat
tərəfindən və ya kənar təşkilatın direktoru, yaxud rəhbər işçisi tərəfindən təmin edilən hər hansı sığorta
ödənişini aşmayacaq qisimdə ödənilməsini təmin edir.
13. Subroqasiya
13.1. Sığorta şəhadətnaməsi üzrə ödənişin həyata keçirilməsi zamanı Sığortalının belə ödənişin tam
məbləğdə əldə olunması ilə bağlı bütün hüquqları subroqasiya qaydası ilə Sığortaçıya keçməlidir.
Bundan əlavə, Sığortalı Sığortaçıya müvafiq ödənişlə əlaqədar iddia qaldırmaqdan və ya tələb irəli
sürməkdən ötrü lazım ola bilən hər hansı və bütün sənədlərin tərtibini və hər hansı digər tədbirləri öz
hesabına həyata keçirməlidir. Subroqasiya qaydasında əldə olunan hər hansı ödəniş birinci növbədə, belə
ödənişin tələb olunması üçün sərf olunmuş xərclərə, sonra, Sığortaçının xərclərinin məsuliyyət həddi
(sığorta məbləği) dərəcəsində ödənilməsinə sərf olunmalı və bundan sonra, qalan məbləğ Sığortalının
23
hesabına keçirilməlidir. Sığortaçı öz subroqasiya hüquqlarından hər hansı iddia ilə əlaqədar heç bir
Sığortalı əleyhinə istifadə etməməlidir.
14. Hüquqların ötürülməməsi
14.1. Sığorta şəhadətnaməsi və ona aid bütün hüquqlar Sığortaçını əvvəlcədən yazılı razılığı olmadan
başqasına ötürülməməlidir. Lakin, belə yazılı razılığın verilməsinə əsassız olaraq imtina edilə ya onun
verilməsi əsassız olaraq ləngidilə bilməz.
15. Sığorta müqaviləsi
15.1. Sığorta müqaviləsi Sığortalının yazılı ərizəsi əsasında bağlanır. Ərizə sığorta müqaviləsinin
ayrılmaz tərkib hissəsi və əsasını təşkil edir.
15.1.2. Sığorta müqaviləsi bağlanarkən Sığortalı riskin dərəcəsinin müəyyən edilməsi üçün əhəmiyyətli
və ona məlum olan bütün hallar haqqında Sığortaçıya məlumat verməlidir. Sığortalının ərizə formasında
qeyd etdiyi hallar həmçinin əhəmiyyətli hallar hesab edilir.
Sığorta müqaviləsi bağlandıqdan sonra Sığortalının Sığortaçıya bilərəkdən yalan məlumatlar verməsi
müəyyən edilərsə, Sığortaçı müqavilənin etibarsız hesab edilməsini tələb edə bilər.
15.1.3. Sığorta müqaviləsinin bağlanması faktı sığorta qaydaları əlavə edilməklə, Sığortalıya verilən
sığorta şəhadətnaməsi ilə təsdiq edilir.
15.2. Sığоrtа müqаviləsinin tərəfləri
15.2.Sığortaçı
15.2.1. Bu Qaydalara əsasən Sığortaçı “Paşa Sığorta” ASC-dir.
15.3. Sığortalı
15.3.1. Şəhadətnamədə və Ərizə formasında adı Sığortalı kimi göstərilən Şirkət və direktor (rəhbər işçi).
16. Sığorta haqqı
16.1. Sığorta haqqı sığorta tariflərinə əsasən hesablanır.
16.2. Sığorta haqqı bir dəfəyə ödənilir və ya tərəflərin razılığına əsasən hissə-hissə ödənilə bilər.
16.3. Sığorta haqqının ödənildiyi gün, pul vəsaitinin Sığortaçının bank hesabına və ya kassasına daxil
olduğu gün hesab olunur.
16.4. Müqavilədə başqa cür nəzərdə tutulmamışdırsa, sığorta müqaviləsi sığorta haqqının ilk hissəsinin
və ya tam ödənildiyi gün saat 24:00-da, lakin şəhadətnamədə göstərilmiş sığorta müddətinin başlanma
tarixindən tez olmayaraq qüvvəyə minir.
16.5. Sığorta haqqı və ya onun növbəti hissəsi sığorta müqaviləsində nəzərdə tutulmuş müddətədək
ödənilmədikdə və ya sığorta müqaviləsində nəzərdə tutulduğundan daha az məbləğdə ödənildikdə,
sığorta müqaviləsində sığorta haqqının və ya onun növbəti hissəsinin ödəniş günü kimi nəzərdə tutulmuş
tarixdən sonrakı gün saat 24:00-dan Sığortaçı sığorta ödənişi vermək öhdəliyindən azad edilir.
16.5.1. Bu halda sığortaçı onun ödənilməsi üçün bu qaydaların yazılı surətdə 15 günədək əlavə müddət
müəyyən edə bilər.
16.5.2. Hər bir halda sığorta haqqı və ya onun razılaşdırılmış ilk hissəsi sığorta müqaviləsi bağlandığı
gündən 1 aydan gec olmayaraq ödənilməlidir.
16.6. Sığortalı sığorta haqqını və ya onun növbəti hissəsini sığorta müqaviləsində nəzərdə tutulmuş
müddətdə ödəmədikdə, Sığortaçı sığorta müqaviləsinə xitam verə bilər və ya birtərəfli qaydada
müqavilənin icrasından imtina edə bilər.
17. Sığorta ərazisi