2)
şaxt və ya istiqamətləndirici boruların tam şaquli istiqamətdə buraxılmaması quyu oxunun
verilmiş istiqamətdən uzaqlaşmasına səbəb olur;
3)
qazıma vışkasının ağırlıq mərkəzinin oxu ilə quyu mərkəzindən keçən oxun üst-üstə düşməməsi
və aparıcı boruda cüzi əyriliyin olması da başlanğıc əyilməyə səbəb olur.
Qazıma prosesində quyuda qazıma kəmərinin oxu və quyu oxunun üst-üstə düşməməsi üçün
şərait yaradan və nəticədə quyu lüləsinin təbii əyilməsinə gətirib çıxaran texniki amillər əsasən
QKAH-nin quruluşunun düzgün seçilməməsi ilə əlaqədardır.
Aşağıda sadalanan texniki amillər quyu divarı ilə QKAH arasında boşluğun tələb olunan
həddən çox olması nəticəsində yaranır.
1)
qazıma baltasının və keçiricinin oxunun qazıma alətinin oxu ilə üst üstə düşməməsi nəticəsində
quyu divarının intensiv surətdə qazılması baş verir, bu isə quyu lüləsinin əyilməsinə səbəb olur.
2)
QKAH quruluşu düzgün seçilmədikdə, qazıma zamanı böyük diametrdən kiçik diametrə
keçdikdə adi QKAH tətbiq edilərsə, onda kiçik diametrli lülə eksentrik qazıla bilər.
3)
quyunun genişləndirilməsi üçün uyğun olmayan quruluşlu QKAH-dən istifadə olunarsa lülənin
layihə istiqamətindən uzaqlaşması baş verər.
4)
qazıyıcısı tez-tez dəyişən süxurlarda qısaldılmış turbin qazıyıcısı ilə işləmədikdə, kiçik diametrli
QKAH-lə, həmçinin kütləşmiş süxurdağıdıcı alətlə işlədikdə quyu lüləsi əyilir.
7.3. Quyu lüləsinin təbii əyilməsinə texnoloji amillərin təsiri
Quyuların təbii əyilməsi qazıma üsulu və qazıma zamanı tətbiq olunan rejim parametrləri ilə
əlaqədardır. Bunlar əsasən quyu divarının və dibinin qeyri bərabər dağıdılmasını təmin edən baltaya
verilən oxboyu yük və süxur dağıdıcı alətin fırlanma sürətidir. Öz növbəsində quyu divarının qeyri
bərabər dağıdılması QKAH-ın quyu oxundan kənarlaşmasına səbəb olan inhirafetdirici qüvvənin
qiymətinin artmasına və mexaniki sürətin azalmasına gətirib çıxarır. Məlumdur ki, quyular əsasən
rotor və ya quyudibi mühərrik vasitəsilə fırlanma üsulu ilə qazılır.
Birinci halda, qazıma borularının iş prinsipi quyuların əyilməsinə təsir edən amillərin
yaranmasına şərait yaradır. Qazıma zamanı quyudibi mühərrikdən istifadə etdikdə bu amillərin bir
qisminin quyuların əyilməsinə təsiri azalır.
Fırlanma üsulu ilə qazımada quyuların əyilməsinə rejim parametrləri də təsir göstərir.
Bunlardan əsasları baltaya verilən oxboyu yük, baltanın fırlanma sürəti, qazıma məhlulunun
miqdarı və keyfiyyətidir. Bu parametrlərin mümkün qədər səmərəli seçilməsi qazıma sürətinin
artması ilə müşahidə olunacaq, bununla əlaqədar quyunun əyilməsinə başqa amillərin göstərdiyi
təsir müddəti və dərəcəsi minimal olacaq, bu isə, öz növbəsində, quyunun əyilmə intensivliyinin
azalmasına səbəb olacaqdır. Başqa sözlə desək, rotor üsulu ilə qazımada rejim parametrlərinin
qiymətlərini dəyişməklə quyuların əyilmə intensivliyini daha asanlıqla tənzimləmək mümkündür.
Turbin üsulu ilə qazımada isə buna qismən nail olunur.
Quyuların əyilməsinə təsir edən amillərin araşdırılması göstərir ki, qazıma zamanı əyrilik
intensivliyi əsasən quyu dibinin deyil, divarının qazılma dərəcəsindən asılıdır. Optimal texnoloji
rejimdə düzgün seçilmiş oxboyu yük süxurdağıdıcı alətin fırlanma sürəti və qazıma məhlulunun
sərfi quyu divarının minimum qazılma dərəcəsinə uyğun gəlir və nəticədə əyilmə intensivliyi kiçik
olur. Quyuların əyilmə intensivliyi həmçinin QKAH-in sərtliyindən asılıdır: QKAH sərtliyinin
artırılması quyuların təbii əyilməyə meylliyini azaldır.
Quyuların qazılması eyni şəraitdə aparılırsa, böyük diametrli quyular kiçik diametrli
quyulara nisbətən az əyilir. Quyuların əyilmə intensivliyi geoloji amillərin təsir dərəcəsindən, eləcə
də həmin intervalda quyunun əyrilik bucağından asılıdır.
Zenit bucağının kiçik qiymətlərində quyunun əyilmə istiqamətinə görüş bucağı böyük təsir
göstərir. Süxurdağıdıcı alətin layla görüş bucağının 15
0
-yə qədər qiymətlərində quyu azimutal
dəyişməyə meyl edir. Görüş bucağının 15
0
-dən çox qiymətlərində quyu lüləsi əsasən qazılan
layların qalxma istiqamətinə tərəf əyilir.
Zenit bucağının 0-20
0
qiymətlərində geoloji amillərin təsirindən, 20
0
-dən böyük olduqda
texnoloji amillərin təsirindən quyular üfqi müstəvidə bütövlükdə qanunauyğun şəkildə əyilməyə
məruz qalır.
Fırlanma qazıma üsulunun bütün növlərində quyu azimutal olaraq istənilən istiqamətə əyilə
bilər.
Beləliklə, quyuların əyilməsi ən əvvəl qazımanın geoloji-struktur şəraitindən, quyunun dibi
və divarını təşkil edən süxurun fiziki-mexaniki xassələrindən asılı olaraq qanunauyğun xarakter
daşıyır. Quyuların əyilməsinin qanunauyğunluqları haqqında alınan dəqiq məlumatlar böyük təcrübi
əhəmiyyətə malikdir və qazıma işləri zamanı aşağıdakı məsələlərin həllinə köməklik edir: minimum
vəsait sərf etməklə, quyuların qazılması; layihələndirilən quyuların real əyilmə normasının təyin
edilməsi; qazılan quyuların fəzada vəziyyətinə nəzarət; qazılan quyunun profilinin, geoloji
kəsilişinin və ümumi xəritəsinin qurulması.
. MAİLİ VƏ ÜFQİ QUYULARIN QAZILMASI.
İndiki zamanda yataqların işlənilməsində geniş yayılmış və etibarlı üsullardan biri maili
qazımadır, bu üsulun köməyi ilə istismar xərcləri azalmaqla yanaşı, çıxarılacaq neft və qazın
həcminin artması imkanı da əldə edilir. Belə ki, dəniz yataqlarının və mürəkkəb orohidroqrafiya
şəraitlərinə malik olan sahələrin işlənməsini, həmçinin də ətraf mühitin mühafizəsinin
səmərəliliyinin yüksəldilməsi, münbit və məhsuldar torpaqlardan səmərəli istifadə olunmasını əsas
tutaraq kut qazımaya böyük yer verilir.
Maili qazımanın həcminin artması, onun xüsusi qazıma metodundan əsas qazıma üsuluna
çevrilməsi əsasən quyuların layihə dərinliyinin artması, mürəkkəb şəraitdə maili quyuların müvəf-
fəqiyyətlə qazılması, qazımanın layihələndirilməsi prosesinin və tətbiq olunan qazıma texnika və
texnologiyasının, həmçinin maili quyu əyilməsinin idarə olunması metodlarının təkmilləşdirilməsini
tələb edir.
Üfqi qazıma son zamanlarda neft – qaz sənayesinin əsas nailiyyətlərindən biridir. 80-cı
illərin əvvəlində bu ekzotik üsul hesab olunurdu və ona maili quyu qazılmasının təkmilləşməsi kimi
baxılırdı. İndi isə üfqi qazıma neft və qazın laydan böyük həcmdə çıxarılması metodu kimi standart
texnologiyaya malikdir.
Üfqi qazımanı fərqləndirən başlıca cəhət quyu lüləsinin məhsuldar layla görüş sahəsinin
böyük olması, həmçinin lay flüidlərinin müstəvi üzrə paralel axınını (şaquli və maili quyularda
radial axımdan fərqli olaraq) təmin etməkdir. Bunun sayəsində neft yataqlarının istismarının bütün
mərhələlərində quyu məhsuldarlığının yüksək olması təmin edilir.
Dostları ilə paylaş: |