184
onu hana üzərində xalçaya elə gözəl köçürür ki. Ağıllı, kamallı
bir qızdır. Qonşu kəndlərdən gəlib aylarla onların evlərində qalıb,
ondan xalçaçılıq öyrənirlər. Sabah bir bəhanəylə bizə çağıraram,
sən də görərsən.
– Yox, ay ana, belə olmaz. Görürsən, mən hələ də cəlayi-vətən
kimi iş dalınca gəzirəm. Gəl bu evlənmək məsələsini bu dəfə də
müzakirə etməyək, bir az sonraya qalsın.
– Belə etmə, ay oğul!
– Yox, ana, hələ ki bunun vaxtı deyil.
Mənzər xanım söhbətin davam etməsinin əbəs olduğunu hiss
edincə, sağollaşıb öz otağına getdi.
Həsən bəy Zərdabda olmayanda Mənzər xanım onun otağına
heç kimi buraxmazdı. Babası Rəhim bəyin, atası Səlim bəyin
vəsiyyətinə ciddi əməl edərək, bütün ailəyə məxsus kitabları onun
otağında saxlayardı. Bu otaq Həsən bəyin əzəli-əbədi rahatlıq məs-
kəni, güc-qüvvət alacağı məkan idi. Neçə-neçə xatirələr, uşaqlıq
sərgüzəştləri bu otağı onun üçün unudulmaz bir guşəyə çevirmişdi.
Ömrü boyu onu izləyən “qaraçuxa” yuxusu da ilk dəfə elə burada,
ata ocağında ona “qonaq” gəlmişdi.
Həsən bəy bu gecəni elə möhkəm, arxayınlıqla yatdı ki, ana-
sının dörd-beş yol gəlib onun açılan kürəyini təzədən örtməsindən
xəbəri olmadı.
Həsən bəy yenə yuxu aləmində idi.
Yenə ora idi, əl boyda kiçik bir deşikdən keçərək əsas yola –
kənd yoluna çıxmağa can atırdı. Yenə yol Kürün üstündən keçirdi.
Çay bu dəfə həmişəkindən fərqli rəngdə idi. Sular gah mavi olur,
gah da duman rəngi alaraq ağ çiçəyin ləçəklərini xatırladırdı.
Haradan düşdüyü bəlli olmayan gur bir işıq suyun üzərində hər
tərəfi nura qərq edərək əsrarəngiz gözəllik yaratmışdı. Qarşıda
uzaqdan böyük bir bina görünürdü. Uşaqlar, kəpənəklər, quşlar
bir-birinə qarışaraq binanın həyətində işıq saça-saça uçurdular.
Geyimləri qəribə bir rəngdə idi. Həsən çox fikirləşsə də, bu rəngin
adını yadına sala bilmirdi. Ağ, duman rəngi? Yox. Deyəsən, mavi
ilə işığın vəhdəti, bəlkə də, adı heç kimə bəlli olmayan yeni bir
rəngdir?
185
Kürün üstü ilə uzanan yol kəndlərinə gedən köhnə məkan idi.
Dərhal tanıdı. Amma bu bəyaz bina yeni idi, bəs nə vaxt tikilmişdi,
kim tikmişdi? Addımlarını bir az da yüyrək ataraq hər şeyi daha
tez öyrənmək istədi. Qarşıda ucu-bucağı görünməyən meyvə
bağları uzanırdı. Bu bağlar kimə məxsusdur, görəsən? Sormağa bir
kimsə yox idi. Uzaqdan yaşlı bir qoca göründü. Deyəsən, meyvə
ağaclarını sulayırdı. “Kimdirsə, yəqin, bağların sahibidir”.
Həsən yaxınlaşıb soruşur:
– Salam, baba, yorulmayasınız! Bu böyük bağların sahibi,
yəqin, sizsiniz, bu bağ-bağat sizindir?
Qoca bir anlığa üzünü ona sarı çevirir, qəribə tərzdə
“əleykəssəlam” cavab verir. Həsən yerində donub qalır. Xudaya,
mənə səbir, dözüm ver, bu qoca babam Rəhim bəydir ki.
– Baba, sən burada nə edirsən? Bu möhtəşəm bağ-bağatı,
bu büsatı necə, kiminlə yaratmısan, buralar sənindir? Sən burada
yaşayırsan?
– Gələcəkdə çox zəhmət çəkməyəsən deyə, bu bağı sənin
üçün salmışam. Bax, burada bütün meyvələrdən əkmişəm, amma
boya-başa çatmağına hələ çox var. Meyvələri də hələ yetişməyib.
Bundan sonrakı işləri sənin öhdənə buraxıram.
– Baba, uzaqdan görünən o bina, suyun üzərindəki yanar şam,
bir də şan balı necə, onlar da sənindir?
– Yox, onlar mənim deyil, onlar sənindir. Dedilər, o bina
məktəbdir, özü də sən tikdirmisən. Yoxsa doğru eşitməmişəm?
– Bilmirəm, ay baba, mən məktəbdə işləmirəm axı. Bir-
iki günə Qubaya gedirəm, özü də məktəbdə yox, məhkəmədə
işləyəcəm.
– Yox, Həsən, sən məhkəmə üçün deyil, məktəb üçün gön də-
rilibsən, yəqin, özün də bu haqda bilmirsən. O məktəb də sənindir,
dedilər, onu sən açacaqsan. Bir də ananın dediklərinə də diqqət
yetir, amma qəlbinin səsinə qulaq as. Bax bütün qərarlarının əv-
vəl qəlbinlə məsləhətləş, sənin yeganə dostun, yol göstərənin
qəlbindəki həmin səsdir!
– Baba, bax, Kürün üstündəki uzaqdan yanan o şamı, yanındakı
məcməyidəki şan balı görmüsən? Mən 5-6 yaşım olandan bu günə
186
qədər ona çatmağa, onu götürməyə çalışıram, amma o məkana
gedib çata bilmirəm.
– Əziz balam, indiki getdiyin yolla ora çatmaq, o gördüklərini
əldə etmək o qədər də asan iş deyil. Əslində, sən bizim rahat ailə
yolu ilə gedib onları asanca əldə edə bilərdin, o gördüklərin də sənə
məxsus olardı. Amma sən Kürün üzəriylə gedən bu çətin el yolunu
seçmisən, əldə etdiklərini də bütün xalqla paylaşmalısan. Bu yol
çox çətin, uzaq yoldur, bu yöndə hələ çox məsafə qət eləməlisən.
Sən o gördüklərinə çatınca çox əngəllərdən keçəcəksən, sonda
istədiyinə çatacaqsan. Onları əldə etmək, insanlarla bölüşmək
sənin qismətindir, payındır, taleyindir.
– Baba, ay baba, niyə Kürün suyu bu rəngə düşüb? Niyə körpə
uşaqlar kəpənək kimi, quş kimi çayın üzərində uçurlar? Niyə?
Həsən bəy neçə illərdir, yığışıb qalmış suallarını dalbadal
babasına yağdırırdı. Lakin Rəhim bəy artıq Həsənə məhəl qoy mur-
du, onun suallarına cavab vermirdi. O, suyun üzərində birdən-birə
necə zühur etmişdisə, eləcə də qeybə çəkildi.
Babasının qəfil yox olmasını görüncə yerindən dik atıldı:
“Baba, ay baba…”
Anası onu yuxuda qışqıran görüb oyatmağa çalışdı:
– Bismillahir-rəhmanir-rəhim… Ay oğul, yuxumu görürdün?
– Hə, ana, hə… bu otaq həmişə məni uşaqlığıma qaytarır.
Babamı yuxuda gördüm, mənə Kürün üzərində gözəl bir bağ
salmışdı. Kürdən bir qol ayıraraq suyunu da üstünə qoyub getdi.
– Allah rəhmət eləsin! Bu kişini yuxuda görəndə biz həmişə
xeyir tapırıq. Sənin də işlərinin xeyir-duasını verib o, yaxşı olar,
inşallah.
Həsən bəy pəncərədən bayıra baxdı. Hava işıqlanmışdı. Ayağa
qalxdı, geyinib həyətə düşdü. Heç kimə demədən gəzə-gəzə Kürün
qırağına getdi. Göz baxdıqca uzanan Kürə tamaşa etdi. Uşaqlığı
keçdiyi bu yerlər onun içində çox-çox xatirələr oyatdı. Xeyli gəzib-
dolaşdıqdan sonra evə qayıtdı.
Həyətdə axşam tonqalına hazırlıq işləri gedirdi. Xidmətçi
Qasımla oğlunun qaladıqları uca tonqalın təkcə çaxmağı əskik idi.
Həsən bəy həyətə girəndə tonqalı görüb sevindi:
Dostları ilə paylaş: |