175
bu amil dayanır: insanları düşünməmək, onlarla əlaqəni kəsmək,
tək “mən yaxşı yaşamalıyam” fikriylə həyat qurmaq istəyi deyilmi
bizi bu günə salan? Dərya kənarında ev tikib, hasarın çəkən adam
imkanlı olmalıdır, yəqin ki. Əgər o, hasar çəkərək insanların
onun güzəranını görməməsini istəyirsə, yaxud başqa insanların
gün-güzəranının ağırlığını görməkdən qaçırsa, demək, bəlanın
kökü dərindədir. Laqeydliklə, “mənə nə” amalı ilə biz uzağa gedə
bilmərik.
– Ay Həsən, sən nə yaman dərinə getdin. Mən sənə oxumağa
qulaq as dedim, sən də başladın fəlsəfi izahlar verməyə. Belə ol-
maz! Mən sənin nə qədər fikir çəkməyinin fərqindəyəm, dərin
qüs sə içində millət üçün şam kimi yanmağını görürəm. Nəzərə al
ki, sən təkbaşına çox şey edə bilməzsən, amma özünə ciddi ziyan
yetirirsən.
– Darıxma, Ağa, görəcəksən etdiklərimizi. O günü görməyin
üçün Allahdan sənə uzun ömür diləyirəm. Görəcəksən, əziz
dost, bizim – sənin, mənim zəhmətlərimizin bəhrəsini mütləq
görəcəksən.
Uzun müddət ortaya sükut çökdü. Yolun uzunluğu onları
yormuşdu. Həsən bəy düşüncələr içində yolun qırağında işləyən
kəndlilərin öz torpaqlarını necə kor-koranə becərdiklərini, səmə rə-
siz istifadə etdiklərini görərək əsəbiləşdi:
– Ağa, bax, mən bu torpağın sirlərini öyrənməyə illərimi
vermişəm. Torpaq insan kimidir, onu həddən artıq yükləmək
olmaz, onunla canlı kimi davranmaq lazımdır. İki dəfə dalbadal
eyni məhsul əkilən torpaq sahəsi az bəhrə verir. Bu boyda geniş,
məhsuldar dəmyə torpaqlar boş-boşuna qalıb, gördüyün bu
adamlarsa hər il eyni məhsulu bir ərazidə əkir. Halbuki növbəylə
bir il paxlalı bitkilər, bir il də taxıl əkilərsə, bol məhsul verə bilər.
Torpaqdan düzgün istifadənin qaydalarını bizim kəndlilərə öyrədə
bilsək, onların gün-güzəranlarının yaxşılaşmasına, qayğılarının
azalmasına kömək edə bilərik.
Seyid Əzim, Həsən bəyin bütün sahələrdəki biliyinə, millətə
olan sevgi, məhəbbətinə heyran qalmışdı.
– Bəlkə, sən bu insanlara dərs verəsən, necə düşünürsən?
176
– Olacaq, o da olacaq. Mənim düşündüyüm yol qapı-qapı
dolanıb kiməsə fərdi təhsil vermək, nəyisə öyrətmək deyil, bunları
hamıya çatacaq bir yolla etməkdir.
– O nə yoldur, Həsən bəy belə?
– Zaman gələndə sizin də o işə qoşulmağınızı, əsas icraçılardan
biri olmağınızı arzulardım. İnşallah, hələ ki olmayan bir işdən necə
danışım?
Seyid Əzim yol boyu Həsənin imkan, bacarıqlarını, istək-
lə rini, cəmiyyətin dərdlərinə, çətinliklərinə elm, təhsil yolu ilə
nicat tapmaq istəməsini və dövlətin bütün bu təşəbbüslərə la-
qeyd münasibətini ürəyində götür-qoy edə-edə: “Allahın nəzəri
üstündə olsun, ay Həsən, sən xalqın üçün nə qədər böyük işlər
görmək istəyirsən. Əfsus, zamanında dəyərin bilinməyəcək, heyif
səndən...” – düşünürdü.
Gün batana yaxın fayton Şamaxıya çatdı. Yolun yorğunluğu
onların hər ikisini əldən salmışdı.
Seyid Əzimin ailə üzvləri yemək tədarükü görmüşdülər.
Xovsuz xalça üzərində mütəkkələr, döşəkcələr elə sıralanmışdı,
rənglər göz oxşayırdı. Yumşaq mütəkkələrə dirsəklənən yorulmuş
yolçular yeməyi səbirsizliklə gözləyirdi. Bir azdan otağa gələn mis
məcməyidəki plov və buğlamanın ətri ətrafı bürüdü.
Həsən bəyin az ət yeməsi ev sahibinin diqqətindən yayınmadı.
O, bir neçə qaşıq düyü, bir tikə buğlama ilə kifayətləndi.
Seyidin bütün təkidləri əbəs oldu. Həsən bəy özünün yemək
qaydalarını həmişə olduğu kimi, bu gün də dəyişmədi. Acmadan
yeməyə oturmamaq, doymadan yeməkdən əl çəkmək onun qaydası
idi. Bu da onun sağlamlığını qoruyan əsas şərtlərdən biri idi.
– Belə olmaz, sən heç nə yemədin, mən çox narahat oldum.
– Əziz Seyid, yemək elə bir şeydir, gərək nə özün özünü, nə də
başqalarını ona məcbur edəsən. Mənim yemək ehtiyacım kifayət
qədər tez, demək olar, bir-iki tikəylə ödənilir, mən özümü heç vaxt
artıq yeməyə məcbur etmirəm. Belə olanda özümü daha sağlam,
daha çevik hiss edirəm.
Seyid Əzim son iki gün ərzində Həsən bəyi daha dərindən
kəşf etmişdi. Yolçuluğu, yoldaşlığı ilə özünü əsl dost kimi təsdiq
177
etməsi, özünə və başqalarına vicdanlı münasibəti, xalqına sonsuz
sevgisi, bütövlükdə əsl ziyalılığı onu Seyidin gözündə göylərə
qaldırmışdı. Həsən bəy Seyid Əzimin son on ildə rastlaşdığı ən
ağıllı, hərtərəfli bilikli, mükəmməl insan, ən dəyərli bir ziyalı idi.
Seyid Əzim:
– Həsən bəy, bu gün tarixi gündür. Sən mənim evimdə, mənim
ocağımda qonaqsan, dünyanın ən bəxtəvər adamıyam. Nə yaxşı
gecə tez düşdü, sən birbaşa Zərdaba getmədin. Qalıb mənim
qonağım oldun. Hər şeydə bir xeyir var. Evə gəlmişkən, istəyirəm
açacağım məktəb üçün hazırladığım dərsliklə səni tanış edim.
Doğrudur, məktəbin açılmasını yubadırlar, amma hazırladığım
dərsliyi başa çatdırmışam. Qubernator əgər verdiyi sözü tutarsa,
1869-cu ildə bu məktəbin açılma iznini verməlidirlər. Ona görə
də mən aşağı sinif uşaqları üçün dərslik hazırlayıram. “Uşaqların
baharı” adlı dərsliyə sənin də baxmağını istərdim. Məsləhətlərin
bu işdə bizə kömək olar.
Həsən bəy kitaba daxil olacaq mövzularla tanış olduqdan
sonra münasibətini bildirdi:
– Bu materiallar məktəblilər üçün çox faydalı mövzulardan
seçilib hazırlanıb. Amma çar senzurası bunların bəzilərinə icazə
verməyəcək. Çünki sənin seçdiyin mövzular şagirdlərin milli
düşüncəsinin inkişafına xidmət edir, onları vətəni sevməyə, və-
tə nə gərəkli övlad olmağa çağırır. Bunlar senzuranın bizə –
çar Rusiyasının ucqarlardakı xalqlara, xüsusən də Qafqazdakı
müsəlman xalqlarına qoyduğu qadağalara zidd olduğu üçün icazə
məsələsi çətin olacaq. Amma Seyid Ağa, belə məsələlər həllini
tapsa, sənin məktəbin mənə söylədiyin “heyf ki, sənin kimilər
çox azdır” fikrini tezliklə aradan qaldıracaq. Bir neçə ildən sonra
yüzlərlə Həsənlər, Seyidlər yetişdirəcək. Qoy bu məktəbinin
açılmasına izin versinlər, mən də, digər milli ziyalılarımız da hər
sahədə bu işə dəstək verəcəyik.
Seyid Əzim ikinci bir dərsliyin planını Həsən bəyə göstərəndə
o, təəccübünü gizlətmədi.
– Əziz qardaşım, sən möhtəşəm işlər görürsən. Bu dərsliklər
böyük təhsil yolunda sənin atdığın ilk addım olacaq, həm tari xin,
Dostları ilə paylaş: |