623
N A D İ R Ş A H Ə F Ş A R
yam qaldıran ləzgi Yaqubu cəzalandırsın. Yaqubun
3 minlik qoşunu üzərinə hərəkətə başladı. Narlı dərə
deyilən yerdən keçəndə qoşuna istirahət vermək
qərarına gəldi. Ləzgi Yaqubun casusları Nadir şahın
getdiyi yolları pusurdular. Narlı dərədə düşərgə sa-
landa tez Yaquba xəbər göndərdilər.
Xəbəri eşidən kimi, Yaqub Nadir şahın düşərgə-
dəki qoşununun sayı ilə maraqlandı:
– Altı min...
– Hə, demək, onunla döyüşə girməyin bizə fayda-
sı olmayacaq.
Bu zaman dörd nəfər Yaquba yaxınlaşıb:
– İzn ver, Narlı dərəyə gedək... Nadir şahı elə yat-
dığı yerdəcə o dünyaya göndərək, başsız qoşun, sayı
on min də olsa, bizə qalib gələ bilməz!
Yaqub razılıq verəndən sonra həmin dörd nəfər
Narlı dərəyə yollandılar. Axşamüstü düşərgəyə soxul-
maq üçün Nadir şahın əsgərlərinin libasını geyindi-
lər. Beləcə onlar, mühafizəçilərin diqqətindən yayına
bildilər. Hətta iki nəfər Nadir şahın çadırı yanında
qarovulda dayandılar. Qalan iki nəfər əllərində qılınc
şahın çadırına daxil oldu. Bu zaman güclü külək çadı-
rın içində yanan şamları söndürdü. Hər tərəf zülmətə
qərq oldu. Külək bayırdan çadırı elə bərk döyəcləyirdi
ki, adamı vahimə bürüyürdü. Elə bil külək də şahı
yuxudan oyatmaq istəyirdi. Sui-qəsdçilər Nadir şa-
hın qaraltısına tərəf qılınclarını atdılar. Nadir şah səsə
yuxudan oyanıb nərə çəkdi:
– Eheyy, nə xəbərdir? – Nadir şahın Azərbaycan
türkçəsində qışqırığına bütün düşərgə ayağa qalxdı.
624
S O N U N C U FAT E H
Atılan qılınclar boşa çıxmışdı. Sui-qəsdçilər küləyin
aşırdığı çadırın altında gizləndilər. Əvvəlcə qarovul-
da dayanan yoldaşları öldürüldü, sonra da özləri...
– Bunları öldürməklə işinizin bitdiyini zənn
etməyin, ağalar, – deyə Nadir sərkərdələrinə üz tut-
du, – səhlənkarlığa yol verdiklərinə görə həmişəkeşik
dəstənin mühafizəçilərindən hər kim günahkardısa,
onları da öldürün.
* * *
Dağıstanı ildırım sürətilə özünə ram edən Na-
dir şah yanvarda
1
Bərdədəki qərargahına döndü, üç
həftədən sonra isə, Şəkiyə gedib, üç gün orada qaldı.
Sonra İrəvana – Göyçə yaylağına yollandı.
Həmin ilin yayında Osmanlı dövlətinin keçmiş
baş vəziri Yegen paşa şimal cəbhəsinin yeni təyin
olunmuş sərəsgəri kimi Ərzurum yolu ilə Qarsa
gəl mişdi. Onun başçılıq etdiyi ordu yüz min atlı-
dan və qırx minə yaxın yeniçəri adlanan piyada
tüfəngçilərdən ibarət idi. Nadir şahın qoşunları av-
qustun birinci ongünlüyündə yenidən Qarsa hücum
etmək üçün İrəvandan Muradtəpəyə sarı hərəkət
etdi. Nadir şah on il bundan əvvəl Abdulla paşa Köp-
rülünün başçılıq etdiyi Osmanlı ordusunu məhz bu-
rada darmadağın etmişdi.
Avqust ayının 11-də Nadir şahın qoşunları ilə
Osmanlı qoşunları arasında qanlı döyüş başladı. Os-
manlılar ilk anda bir qədər irəlilədilər, amma Nadir
şahın cinahlardan hücum edən qırx minlik ehtiyat
1
1745-ci ildə.
625
N A D İ R Ş A H Ə F Ş A R
qüvvəlləri Yegen paşanın qoşununa böyük zərbələr
vurdu və Sərəsgər Qarsa qədər geri çəkilməyə məc-
bur oldu.
Çox çəkmədi ki, Nəsrulla xan da Diyarbəkirdən
Mosula yollanan Abdulla paşanın başçılıq etdiyi qo-
şun üzərində möhtəşəm qələbə çaldı.
Nadir şah bu qələbədən xəbər tutan kimi, Yegen
paşanın yanına çapar göndərdi.
Çapar Osmanlı düşərgəsinə çatdığı anda ora-
da böyük hay-küy, qışqırıq səsləri eşitdi. Az sonra
məlum oldu ki, Osmanlı qoşununda qiyam baş verib,
Sərəsgər Yegən paşa ölüb… Çapar çaşbaş qalmışdı,
çox çalışdı ki, paşanın ölümünün səbəbini öyrənsin:
«Görəsən, Yegən paşanı qiyamçılar öldürüb, yoxsa
ağır məğlubiyyətdən sonra ürəyi partlayıb?».
Düşərgədə baş verən çaxnaşma bunu öyrənməyə
imkan vermədi.
…Osmanlı qoşunu böyük təlafat vermişdi – təq-
ribən iyirmi səkkiz min nəfər canlı qüvvə... Öl dü-
rülənlər arasında üç paşa, çoxlu sayda aşağı rüt bəli
zabit də vardı.
Əfşarların düşərgəsində toy-büsat mağarları qu-
rulmuşdu.
Dünyanın bir çox böyük ölkələri tərəfindən məğ-
lubedilməz hesab olunan Osmanlı ordusunu Nadir
şah Əfşar ikinci dəfə ağır məğlubiyyətə uğratmışdı.
…Nadir şah şad-xürrəm üçüncü oğlu İmamqu-
lu xanla qardaşı oğlu İbrahim xana cah-calalla toy
məclisi qurdurdu, o bütün sərkərdələrə əmr etdi ki,
əsirlərlə mehriban rəftar etsinlər!
626
S O N U N C U FAT E H
Əsirlər arasındakı yaralı əsgər və zabitlərin hamı-
sını Qarsa göndərtdi.
Bu böyük qələbəsinə baxmayaraq, Nadir şah Os-
manlı dövlətinə – Sultan Mahmuda ətraflı məktub ya-
zıb, məzhəb ixtilafını aradan götürüb, iki müsəlman
dövləti arasına əbədi sülhün bərqərar olmasını dilədi.
SÜLH NAMİNƏ GÜZƏŞT
F
ətəli xan Türkməni Topqapı sarayına göndə-
rən Nadir şah şiəliyin mötədil cəfəri məzhə-
bi nin sünnülüyün beşinci qolu kimi qəbul edilməsi
və Kəbədə şiələrə beşinci rükn ayrılması tələbindən
əl çəkdiyini bildirdi; ancaq şiələrə dörd məzhəbdən
istədiklərinə qatılaraq, həccin qaydalarına əməl et-
mələrinə izn verilməsini istədi. Eyni zamanda o, Van,
Bağdad, Nəcəf, Kərbəla və Bəsrə ərazilərinin Əfşar
səltənətinə verilməsini tələb etdi
1
.
Sultan Mahmudun göstərişi ilə fevralın əvvəlində
Nadir şahın şərtlərini müzakirə etmək üçün məclis
çağırıldı. Uzun müzakirələrdən sonra, İstanbul öz
elçisi Nazif Mustafa əfəndini Fətəli xanla birlikdə
Nadir şah Əfşarın hüzuruna göndərdi.
Bu zaman Nadir şah Azərbaycandan kəsə yolla
Həmədana, oradan da İsfahana getdi. Onun İsfaha-
na gəlişi şəhərin varlı adamlarının kürkünə birə sal-
mışdı. Vergidən yayınan bütün varlıların siyahısı ona
təqdim olunmuşdu…
1
12 yanvar 1746-cı ildə.
Dostları ilə paylaş: |