631
N A D İ R Ş A H Ə F Ş A R
xanı üsyana başçılıq edən şəhər hakimini tutmağa
göndərmişdi.
Çox çəkmədi ki, Xorasan ordusunun başçısı Mə-
həmməd Rza şəhər hakimini qolubağlı Nadir şahın
sərəncamına göndərdi. O da divan-filan qurmadan
fərman verdi ki, şəhər hakiminin gözləri çıxarılsın.
Sonra da qeyzlə dedi:
– Bu hələ Sistan üsyanının yatırılması demək de-
yil. Asi hakimin zabiti Mir Kiçik xan başına yığdığı
adamlarla Xacə dağındakı qalaya sığınıb. Qoy, qarda-
şım oğlu Əliqulu xan Mir Kiçik xanı tabe etsin, belə
işlərdə yaxşı səriştəsi olan Təhmasib xan Cəlayir də
üsyanı tamam yatırtsın.
Sonra Nadir şah sarayda var-gəl edə-edə belə bir
əmr verdi:
– Azərbaycanda – ələlxüsus da Təbrizdə baş verən
ixtişaşları yatıra bilmədiyinə görə qardaşım oğlu İb-
rahim xanın butün mal-dövləti müsadirə edilsin.
De yilənlərə görə, orada bir dəmirçi özünü Şah Sul-
tan Hüseyn Səfəvinin oğlu kimi qələmə verib, bütün
Azərbaycanı ayağa qaldırıb. Hamısını edam edin,
başlarından qala düzəldin…
Nadir şah bununla da kifayətlənməyib, bibisi oğlu
Əmiraslan xan Əfşarı Azərbaycana hakim təyin edib,
üsyançıları cəzaldırmaq üçün Təbrizə göndərdi.
Nadir şahın qəzəbindən qorxub bir kənara çəkilən
saray mirzəsi düşünürdü: «Belə məqamda, axı, onu
sakitləşdirmək asan iş deyil. Xarəzm səfərini qələbə
ilə başa vurub, Dağıstana gedənə qədər Şahənşah
dövlət işlərində ədalətli, rəhmli idi, xalq onun üçün
632
S O N U N C U FAT E H
canından keçməyə hazır idi, amma, əfsus, çox əfsus
ki, böyük oğlu Rzaqulu xanın gözlərini çıxartdırması
əhvalını pozdu, ölkədarlıq işlərinə xələl gətirdi. Fars
bəylərbəyi Tağı xanın qiyamı zamanı qaynı Kəlbəli
xanın qətlə yetirilməsi, Şirvan hakimi Heydər xan
Əfşarın öldürülməsi… eh-vay, bu qədər xoşagəlməz
hadisələr onun əsəblərini pozdu…
Şahənşahın təbəələri ilə kobud rəftarı ruhi vəziy-
yətindən irəli gəlir... Bu sərt rəftarı bütün qapıları
onun üzünə bağlayacaq... Nə edəsən? Belə məqamda
ona söz demək Əzrayılla çilingağac oynamaq kimi bir
şeydi...
Yaxşısı budur ki, gözündən uzaq olum. Böyük
əziyyət sayəsində qurduğu dövlətin hər bir guşəsində
əhalinin nifrəti günbəgün artırsa, demək... İlahi, yəni
doğrudanmı hər şeyin sonu yetişib?..».
Nadir şah bu nifrətdən qorxmurdu. Əslində, bu
bütün şahlara xas bir xüsusiyyətdir. Xalqın nə düşün-
düyü onları maraqlandırmır. Amma, belə hallarda,
bəziləri müvazinətini itirərək özü öz qətlinə zəmin
yaradır.
Baş verən qiyamlar ölkənin nüfuzuna, Əfşarlar
səltənətinin qüdrətinə böyük ziyanlar vururdu. Öz
yaxın ətrafını – doğmalarını xəyanətə aparan yol isə
Nadir şahın içindən başlamışdı...
Mart ayında İsfahandan Yəzdə, Kirmana gələn
Nadir şah buradakı qiyamçılara şiddətli divan tut-
du, otuzdan çox dövlət məmurunu ağır şəkildə
cəzalandırdı. Üç sultanın, dörd xanın, bir çavuşbaşı-
nın gözlərinin çıxarılması barədə fərman verdi.
633
N A D İ R Ş A H Ə F Ş A R
Nadir şah ölkənin ərazisində ticarətlə məşğul olan
əcnəbilərdən də ağır vergi tələb etdi.
Novruz bayramını Kirman yaxınlığında keçirən
Şahənşah bir qədər burada qaldıqdan sonra, Xora-
sana doğru hərəkət etdi. Əyalətin ilk şəhərində –
Təbəsədə övladları və nəvələri ilə görüşdü. Onları
bağrına basdı, uzun-uzadı və çox diqqətlə üzlərinə
baxıb kədərləndi...
Elə bil, Şahənşah onlardan həmişəlik ayrılırdı...
Sonra qəlbini şahzadə oğlanlarına açmaq qərarına
gəldi. Onlara şahlıq taxt-tacını təklif etdi. Cavanlıq və
təcrübəsizliklərini bəhanə gətirərək, onlardan heç biri
bu təklifi qəbul etmədi…
Nadir şah aprelin sonunda Məşhədə gələndə
ha mı, hətta əcnəbilər də ondan qorxurdular.
Həmin gün Nadir şah qardaşı oğlu Əliqulu xana
məktub yazıb, ondan tezliklə Sistandan vergiləri yı-
ğıb gətirməsini tələb etdi. Əliqulu xan son dərəcə
yoxsul vilayətdən vergi toplamağın heç cür müm-
kün olmadığını görüb, nə edəcəyini bilmədi. Axırda
naəlac qalıb, Nadir şaha xəbər göndərdi ki, camaat
lüt-üryandır.
Nadir şah bunu eşidib, hirsindən coşdı. Qasiddən
xəbər göndərdi:
– Ey nadürüst, sən indi o həddə çatmısan ki,
mənim sözümün üstünə söz qoyursan? Xəzinəmə
yüz min tümən də siz ödəyəcəksiniz. Bunun əlli mini
sənin, əlli mini də Təhmasib xan Cəlayirin payına dü-
şür! Əks təqdirdə, səni də, onu da dar ağacından as-
dıracağam...
634
S O N U N C U FAT E H
Qasidin gətirdiyi xəbər Əliqulu xanı çox sarsıtdı,
bir tərəfdən, qardaşının mal-mülkünün zəbt olunma-
sı, o biri tərəfdən, özündən də əlli min tümən vergi
tələb olunması onu üsyan qaldırmağa təhrik edirdi.
Təhmasib xan Cəlayir onu sakitləşdirməyə çalış-
dı:
– Biz bura, silaha əl atıb, Şahənşaha asilik edənləri
cəzalandırmağa gəlmişik, onlarla həmfikir olmağa
yox!
Əliqulu xan əlini qaldırıb, onu dinləmək istə mə-
diyini bildirdi:
– Sən özün bilərsən, mənim isə, Mir Kiçik xanla
saziş bağlamaqdan başqa çarəm qalmayıb…
Təhmasib xan Cəlayir soyuqqanlılıqla dilləndi:
– Əgər sən Nadir şaha asi çıxsan, onda, mən onun
fərmanını icra edəcəyəm.
– Hansı fərmanını? – deyə Əliqulu xan halını poz-
madan soruşdu.
– Sənin edamın barədə olan fərmanı… İnanmır-
sansa, al bax, bu gün bunu qasid mənə gətirib!
Əliqulu xan ucadan güldü:
– Qəribədir, o fərmandan biri də mənə gəlib,
Şahənşahın möhrü ilə, al bax, sənin edam edilməyin
barədə...
Təhmasib xan Cəlayir ölüm hökmü haqqındakı
möhürlü kağızı görən kimi üzünü tutdu:
– Heyhat, şahın bu etimadsızlığı məni çox pərişan
etdi. – Sonra əlini üzündən çəkib, uca səslə dedi: –
Amma Allaha and olsun ki, mən yenə ona qarşı vəfalı
olacağam!..
Dostları ilə paylaş: |