275
Sən bilirsənmi, növbəti böhranı necə qarşılayır Azərbaycan? Kasıblar
bu böhranı necə keçirir, bilirsənmi? Artıq iki dəfə devalvasiya göstərdin
bizlərə, qabaqda neçənci dəyərdən düşmə səni gözləyir, Allah bilir. Canım
manat, dilim gəlmir deməyə, amma deyəsən səni də rus rublunun aqibəti
gözləyir. Sən rubla baxma, Rusiya böyük ölkədir, daxili bazarı var, bizimlə
müqayisədə inkişaf etmiş iqtisadiyyatı var. Necə deyərlər, çullarını sudan
çıxarırlar. Belə böhranları kapitalist ölkələri dəfələrlə yaşayıb, Avropa,
Amerika, amma onların daxili bazarı və güclü iqtisadiyyatları olduğu üçün
bu çətinliklərdən üzüağ çıxmağı bacarıblar.
Azərbaycan isə… Əzizim manat, böhranı ala-babat keçirmək üçün
bizim daxili bazarımız çox varlı olmalıdı. Sənə demədimmi, manat, öz
var lığını neftə bağlama, neft səni qaldırıb təpəsindən çırpar yerə… Sən
bilmirsənmi neftə bağlı dövlətlərin axırı heç-puç olur? Neftdən gələn pullar
sel kimi axır, axırda isə bu pullar onları yıxır, necə deyərlər, gözləri qızır,
sonda uduzur. Bizim isə daxili bazarımızda Azərbaycanın iqtisadiyyatının
payı on faiz var, ya yox. Bununla millətin qarnını doydurmaq, müstəqilliyi
qorumaq olarmı? Bizim başı bəlalı Vətəndə bütün mallar xaricdən gəlir.
Sən də dəyərdən düşmüsən, bəs biz indi necə yaşayaq, hansı gəlirnən,
manat? Sənə dedim axı neftdən gələn gəlirləri sel kimi axıtma, qara günü-
müz üçün yığ, sən bəs pullarını neylədin manat? Niyə sən gəlirlərini kənd
təsərrüfatına, yüngül və yeyinti sənayesinə, həmçinin digər gəlir gətirən
sahələrə yatırmadın? Bizləri heç fikirləşmədin. Əgər belə olsaydı bölgələrdə
də çoxlu sayda iş yerləri açılardı, kişilər də öz əhli-əyalını, yəni arvad-
uşaqlarını qoyub xarici ölkələrə üz tutmazdılar. Qadınlar ərsiz, uşaqlar
atasız qalmazdı. Vallah manat, bizim kişilər kimi zəhmətsevər, ailəcanlı
yoxdu. Sadəcə, bir tikə çörək qazanmağın ucbatından öz yurdlarından di-
yarbədiyar düşürlər. Sən bunları görmürsənmi, manat?!
Neft gəlirlərinin yaxşı vaxtında Azərbaycan nə nailiyyət qazanıb?
Dollardan gələn valyutanı əgər iqtisadiyyatın dirçəlişinə xərcləsəydin bu-
günkü ağır duruma düşməzdik. Əzizim manat, səndən sormaq istəyirəm ki,
bu idman oyunları, avroviziya haramıza yaraşırdı? Axı bizim işğal altında
qalan yurdlarımız bizdən bir tərpəniş, bir hayqırtı gözləyir. Sən isə, manat,
nəyin varsa hamısını göyə sovurdun. Özünü də, bizi də pis günə qoydun.
Açığını sənin hüzuruna ərz edim ki, millətin heç halı da yoxdu torpaq azad
etməyə, adətən torpağı işğaldan kasıb zümrə azad edir, onun da hay-hayı
276
gedib, vay-vayı qalıb, özün söylə, ac qarında necə hal olar ki, gedib torpaq
azad eləsin qəvi düşməndən…
Əslində sən nə edəsən, bizim başbilənlərimiz bizi fil qulağında
yatızdırıb, arxayın salırdılar ki, bəs torpağı biz azad edəcəyik, siz siyasətə
qarışmayın. Başbilənlərimiz bizə deyirdilər ki, lazım gəlsə silah gücüylə
torpaqları işğaldan azad edəcəyik, deyəsən, əzizim manat, lazım hələ gəlib
çıxmayıb, ona görə torpaqlarımız azad olunmayıb, pullu vaxtında bunu
etmədin, bəs indi pulsuz vaxtında müharibə edəcəksən, manat?
Əzizim manat, sən hakim partiyaya de ki, boşuna xərclədiyi pulları
qaytarsın versin sənə. Bir də onun səhvlərini üzünə vurmaq üçün gü-
clü müxalifət yaratsın. Vallah-billah, manat, sivil ölkələrdə belə edirlər,
dövlətin strukturları zəifləyəndə onun inkişafına təkan vermək üçün
müxalifət olmayanda, pul qoyub süni müxalifət yaradırlar. Əgər bizdə
də belə olarsa, həm ölkəmizin iqtisadi potensialı yüksələr, həm də iqti-
dar partiyasında olanlar Vətənin inkişafına, varlığına, müstəqil yaşam
haqqına məsuliyyətlə yanaşar. XX əsrin avropalı böyük fəlsəfəçisi Karl
Yaspers yazırdı ki, sivil ölkələrdə müxalifət hansısa səbəbdən zəifləsə,
onu dirçəltmək üçün pul qoymaq lazımdır, çünki güclü müxalifət inkişafın
mühərrikidir. Biz müxalifəti məhv eləyənlərə əl çalırdıq və sonra deyirdik
ki, biz də avropalıyıq. Vallah manat, mən siyasət adamı deyiləm, nə iqti-
daram, nə müxalifət, heç bir partiyanın da üzvü deyiləm, sadəcə, yazaram,
yaşadığımız günlərin güzəranını qələmə alan söz adamıyam. Ürəyim yandığı
üçün düşdüyümüz bu acı durumu səninlə paylaşmalı oldum. Uman yerdən
küsərlər… Bizi özündən tamamilə küsdürməməkçün dediklərimi qulağında
sırğa elə. Sənə bu düşdüyün durumdan xilas yolu arzulayıb sözümü tamama
yetirmək istəyirəm. Əzizim manat, deyirlər ki, indi üzməyə başlamısan, vay
o gündən ki, uçmayasan. Onda nə əlimiz çatar, nə ünümüz… Allah uçacağın
gündən qorusun bizləri… deyəcəklərim bu qədər, vəssalam.
11.01.2016
ÖN SÖZÜ VACİB BİLİNƏN HEKAYƏ
Ömrünün çiçəklənən vaxtında həyatı acılar içində keçən bir həm-
vətənimizin keşməkeşli taleyindən bəhs edən “Erməni həkimin borcu”
hekayəsi məni çox təsirləndirdi. Həyat hər bir kəsin bəxtinə bir dəfə düşür.
Hər bir insan övladı çalışır ki, ağlının bacardığı qədər nəyə isə nail olsun...
277
Hekayəni araya-ərsəyə gətirən müəllif Ceyhun Ağabəyov əslində həyati
əhəmiyyətli vacib bir mövzunu qələmə alıb. Gözəl şeirləri ilə ürəkləri
riqqətə gətirən şair, qələmini nəsrdə də sınayıb. Əslində nəsrlə qələmə
alınan bu yazı insanlarımızı ayıq-sayıqlığa səsləyir. Bizlərin hər birinin
yolu ən azından bircə dəfə olsa belə xəstəxanalardan keçir, elə bir insan
tapmazsan ki, o hansısa həkimə, ya xəstəxanaya müraciət etməmiş olsun.
Bizlər tibb ocaqlarına ümidlə gedirik, şəfa bulmaq üçün üz tuturuq, amma
bəzən elə olur ki, ümidimiz puç olur, ömrü boyu çarpayı möhtacı oluruq,
ya da vaxtsız həyatı tərk etmək qismətimizə düşür.
Bilərəkdən və ya bilməyərəkdən insanlar həkim yanlışlığının, səhvinin
qurbanı olur. Müəllifin bəhs etdiyi hekayədə isə milliyyətcə mənfur
qonşumuz erməni Sveta Bacanyanın açıq-aşkar çirkin cinayət əməli ifşa
olunur. Hekayənin əsas qəhrəmanı Nail 15 yaşlı yeniyetmədi, məktəb
illərini başa vurmadan xəstəliyə düçar olan uşaq qəfil ağrılarla Bakı
şəhərinə gətirilir, burda hadisələr erməni həkimin ətrafında cərəyan edir.
Həkim uşağı ömürlük əlil edir...
Bu il mənim doğmalarımdan birinin başına gələn faciəni də qısaca
dəyərli oxucuların diqqətinə yetirmək istərdim. Soyuq qış günü idi, bağça
yaşlı balaca Əsmər birdən-birə xəstələndi. Yaşadıqları binada yanğın
olmuşdu, uşaq qorxmuş və dalağı şişmişdi, həkimlər ona qanda xərçəng
(leykoz) diaqnozu qoydular. Uşağı Nəsimikənd bazarının arxasında yer-
ləşən Xərçəng Xəstəxanasına yerləşdirdilər, 5 yaş yeddi ayında olan bu
balaca qızı da üzü üstə uzatdılar, belindən 3 dəfə ilik götürdülər, uşaq cəmi
beş gün yaşadı, dedilər götürün aparın evə, uşağı evə gətirdilər, uşaq 5 gün
fəryadla can verirdi. Mən bu dəhşətli mənzərənin şəxsən şahidi oldum, bu
dəhşəti bizə həkimlər yaşatdı... Milliyyətləri kim idi dəqiq bilmirəm, adları
bizim adlardan idi. Mən Qusar rayonunun Balaqusar kənd orta məktəbində
tarix müəllimi işləyən, bədii yaradıcılıqla da məşğul olan, şair-jurnalist
Ceyhun Ağabəyova yaradıcılıq uğurları diləyirəm.
23.04.2016
Dostları ilə paylaş: |