260
Hələ Fransanın “Charlie Hebdo” jurnalının vəkili Rişar Malka tutduqları
yoldan dönməyəcəklərini bəyan edib: “Təbii ki, biz geri çəkilməyəcəyik,
yoxsa bütün bunların heç bir mənası olmayacaq. “Je suis Charlie” (“Mən
Şarliyəm” sloqanı ruhun xüsusi halını, Allah və dini məsxərəyə qoymaq
hüququnun olmasını göstərir. “Je suis Hebdo” sizin dini tənqid edə bilmək
hüququnuzun olduğunu və əslində bunda qeyri-adi heç nəyin olmadığını
diqqətə çatdırır. Yəhudini iudaist, xristianı xristian, ya da müsəlmanı
müsəlman olduğuna görə tənqid etmək doğru deyil, amma xristianlıq, is-
lam və iudaizm haqda ən iyrənc şeyləri demək olar və biz bunu edirik”.
İndiki baş verən hadisələr adama 30-40-cı illərin ab-havasını xatırladır,
o vaxt yəhudilərə qarşı mübarizə gedirdi, indi isə müsəlmanlara qarşı.
Adama elə gəlir ki, böyük dövlətlər artıq sakit yaşamaqdan beziblər, onlar
yeni dünya müharibəsinə rəvac verməyə başlayıblar. Əgər belə olmasaydı,
1988-ci ildən bu günə qədər davam edən torpaqlarımızın haqsız işğalına
yox deyərdilər, ayrı-ayrı yerlərdə müharibə ocaqlarını qızışdırmazdılar.
Bütün dünyada islamofobiya baş qaldırıb, müsəlmanları vəhşi, barbar
sayırlar. Mənə təəccüblü gəlməz ki, sabah xristian ölkələrində adamları
məhz müsəlman olduqları üçün öldürəcəklər. Əgər jurnalistlər bunu istə-
yirdilərsə, artıq bu nəticəyə gəliblər. Bu onların canları bahasına başa gəlib,
amma onların fəaliyyəti söz azadlığı mübarizəsi yox, adi bir provokasiyadır.
Dünya böhran içindədir, iş yerləri azalır, maaşlar azalır, afrikalılar
yeməyə qida tapmır. Yer kürəsində insanların sayı həddindən artıq çoxalıb,
kimdir təqsirkar – çoxalan müsəlmanlar?! Qırın onları, sizə müsəlmanlarsız
yaxşı, rahat həyat olacaq. Fikrimcə, provokasiyanın nəticəsi bu ola bilər.
Yoxsa sakit həyat yaşayırdı ərəb ölkələri, indi nə olub? İraq, Suriya,
Liviya, Fələstin, Əfqanıstan… ən nəhayət, ölkəmiz Azərbaycan, bu qa-
nlar bitmir ki, bitmir. Bu ölkələrin havadarları hansı baharı gətirib in-
sanlara? Ölüm, qırğın, qan, qaçqın, köçkün… Budur bu gün müsəlman
insanın bəxtinə düşən həyat! İŞİD hardan peyda olub? Kim onlara silah
verir? Bizim müqəddəs kitab olan Quranın hansı hissəsində yazılıb ki,
günahsız insanların qanı axıdılsın, mülki əhali qırılsın, hardan qaynaqlanır
bütün bunlar? Görürsünüz, nə qədər suallar yaranır, dünya dövlətlərinin
möhtərəm, hörmətli başçıları!
Deməli, fikirləşiblər ki, lazımdır “Söz azadlığı”, bunların söz azadlığına
baxın… əgər dini təhqir etmək qırğınlara aparırsa, ey sözü beynində
qay nadıb qələmə alanlar, ona hüdudlar qoymaq lazımdır. Bu heç də
261
demokratiyanın boğulması demək deyil, hər şeyin bir əndazəsi, ölçüsü
olmalıdır. O da ola ki, sən milyonlarla insanın dini inancını təhqir edəsən,
onun peyğəmbərinə ağlasığmaz hədyanlar edəsən və adını da qoyasan
“Söz azadlığı”...
“Mən belə istəyirəm” azadlıq deyil, o anarxiyadır, insanı məhvə aparan
həyat tərzidir, başa bəlalar gətirən yaşayış prinsipidir.
Xristian dünyasında elə din xadimləri var ki, başa düşürlər, bu yol bə-
şəriyyəti hara aparır? Onlar bu cür dırnaqarası qəhrəmanlara qarşı çıxır,
heyif ki, bu gün onların sayı azdır, Allah eləsin, sabah onların sayı çoxalsın.
Hansısa bir ağıllı adamın fikridir: “Allah olmasaydı belə, onu uydurmaq
lazım olacaq idi”, çünki Allahsız dünya harmoniyasız qalar və məhvə gedər.
Siz bir yadınıza salın SSRİ-ni, 70 ildən artıq davam gətirmədi, çökdü…
Bütün bu yuxarıda yazdıqlarıma rəğmən mən heç də terroru törədənlərə
haqq qazandırmıram, sadəcə, demək istəyirəm ki, heç nə elə-belə baş ver-
mir, yer də tərpənib minlərlə insanı qıranda, bilin ki, yeraltı qatlarda baş
verən təkanlarla əlaqədardır.
Şübhəsiz ki, bütün terror təşkilatlar yer üzündən silinməlidir, əgər
bunu böyük dövlətlər istəyirsə… hər insan həyatı müqəddəsdir, elə bizim
peyğəmbərimiz bir insanın öldürülməsi bütün bəşərin öldürülməsi kimi
başa düşülməlidir deyib. Heç kimə icazə verilmir ki, bir başqasının həyatına
son qoysun, amma dinləri təhqir etmək, onları gülüş obyektinə çevirmək
yolverilməzdir. Kim sənə məcbur edir ki, hansısa dinə inan, inanmırsan
inanma, amma başqalarının hissiyyatına xələl gətirəcək inanclara da pis
gözlə baxma! Bu heç də nə yüksək səviyyədən, nə də yüksək savaddan
xəbər verir. Məncə, hər ölkədə dinləri mühafizə edən qanunlar olmalıdır
və dövlət başçıları fikirləşməlidirlər ki, provokatordan qəhrəman çıxmaz.
Belə qəhrəmanlar nəinki özlərini, hətta bütün dünyanı ağlasığmaz faciələrə
gətirib çıxararlar. Bəsdirin, insanların min ilə gedib çıxan inancına pis gözlə
baxmayın. Gəlin bir-birimizin həyatını zəhərə döndərməyək, bizim başqa
bir planetə gedəsi yerimiz yoxdur, hamımız yer kürəsinin övladlarıyıq,
dinindən, dilindən, irqindən asılı olmayaraq gəlin bir-birimizə mərifətlə
yanaşaq. Ey Allaha inanan və inanmayanlar, hamımız bir ömür yaşayırıq,
qısa bir ömür, vücudumuz da elədir ki, çox vaxt bu olanlara dözmür, gəlin
can deyib, can eşidək.
12.01.2015
262
MANATA GİZLİ MƏKTUB
Deyirəm ki, vallahi-billahi bu dünyada inanmaqdan pis şey yoxdur.
Kiməsə, nəyəsə ürəkdən inanasan, sonra o sənin inamını qəfildən vura
yerə… Bütün ümidlərini itirəsən bir anın içində! Necə ki, MANAT, sən bi-
zim ümidləri bir gecənin içində atdın ayaqlar altına. Cənab manat, mən biz
deyəndə kasıb-kusub təbəqəni nəzərdə tuturam. Elə o kasıb-kusubdan biri
də mən özüməm. İnanıb sənə bir-iki manat dala atmışdım yaman günüm
üçün… bir də eşitdim ki, kəlləni qoymusan yerə. Mən onda xəbər tutdum
ki, artıq gec idi, başına gələnlərdən tez hali olanlar, necə deyərlər, başının
çarəsini qılmışdı. Manat hüzuruna ərz edim ki, verdiyin faizə aldanıb
elə kasıb-kusub da sənin qapını döyürdü. Yoxsa varlının, imkanlının nə
dərdinə qalıb ki, səninlə para bölüşsün? Etiraf edək ki, imkanlı adamların
içində də sənin pulundan yararlananlar var idi.
Sənin varlığından istifadə edən imkanlı adamlar hansı ki, kimlər üçün
dal qapılar açıqdı, vaxtında xəbər də tutdular, vaxtında da, manat, səni
dollara dəyişdilər, deməli, varlıların üçdən biri daha da varlı, ala-babat
yaşayanların isə üçdən biri kasıb oldu. Ona görə də bizim sevimli Milli
Məclisdə deyirlər ki, heç kəsə ziyan olmayıb, onsuz da camaat pulu dol-
larla banklarda saxlayır, onların sözündən belə çıxır ki, xalq deyəndə an-
caq özlərini nəzərdə tuturlar. Bəs biz kimik, manat? Dünyada hər milli
valyuta dollara bağlıdır, istədi-istəmədi, hər ölkədə milli valyuta dol-
larla hesablanır. İqtisadiyyatı əmrlə, göstərişlə idarə etmək olmaz, köhnə
qiymətləri müvəqqəti 3-4 ay saxlamaq olar, sonra otuz dörd faiz inflyasiya
özünü göstərəcək. Bu mənim fikirlərimdir, fikirlərim düz, ya da yanlış
olacaq, bunu bir neçə ay ərzində bilərik, manat.
Deyirlər ki, sən saydığını say, gör fələk nə sayır. Vallah, bütün ümidimi
qırandan sonra daha sənə inamım-zadım qalmadı. Zad demişkən, elə bizim
Milli Məclisdə də sevimli millət vəkillərinin bəziləri deyirdi ki, sən onlara
heç ziyan-filan vurmamısan, çünki onlar onsuz da pullarını dollarla qoyub-
lar banklara…
Mən sənin qarşında tam etiraf edim ki, manat, sənin varlığın pula pul
deməyənlərə yox, pulu gündüz çıraqla axtaranlara lazım idi. Sən gör nə
etdin, manat? Elə bir işin var idi, biz yetim-yesirə vaxtında xəbərdarlıq
edərdin də, manat. Axı biz də sənə azından-çoxundan sayğı göstərirdik!
Varlını onsuz da sən maraqlandırmırsan, manat. Sən çarəsizlərin arxasında
Dostları ilə paylaş: |