247
İndi də işğaldan başı qurtulmayan, Vətən, səni nə zaman əliqanlı,
düşüncəsi dəhşət saçanlar rahat buraxacaq? Bəlkə biz özümüz sənə dönük
çıxmışıq, bir ola bilməmişik, elə bu gün də bu ağrılarla baş-başayıq. Tapdıq
Əlizamanoğlunun “Bütöv gör məni”, “Yuxuma gəlmişdin”, “Tarixim
qədimdən qədim”, “Dönəcəyəm mən”, “Darıxdım” şeirlərində vətəni büt-
öv görmək həsrəti, ülvi məhəbbət, yurd istəyi qəlb titrədir. “Ay məzar daşı”
şeri şairin haqq dünyasına qovuşmuş doğmasıyla səmimi söhbətidir. Bu
söhbət, bu ülfət ürəkləri yanıqlı misraların diliylə titrədir:
Bir yer var ki, o köksümü dağ edir,
Bu gecə görüşdük, ay məzar daşı.
Bir yer var ki, zaman-zaman köhnəlir,
Bu gecə öpüşdük, ay məzar daşı.
Doğmasıyla daşların harayı ilə dilləşən, sükutdan səs qoparan şair
məzarı təkcə ölənin yatdığı yer təki deyil, həm də tarix təki dilə gətirir.
Doğrudan da qəbiristanlıqlar həm də insanların milliyyətini, tarixini, dini
inancını isbat edən tarixi bir ocaqdır. Onlara həddindən artıq bəzək-düzək
gəlmək də olmaz, dilsiz məzar daşları yazısız-pozusuz da olmaz:
Alov-alov günlər keçir gözümdən,
Həyatımdan, dünənindən, özümdən.
Keçən günün o səs-küyü sözümdən –
Dolub qalar səslər qardaş qardaşı
Bu gecə dirilik, ay məzar daşı.
Şair demiş:
Burası bir cənnət, bura gülüstan,
Burası son mənzil, yer azaddırsa.
Burası səninlə bir görüş-məkan,
Bu kənd ikimizin tək yol qovşağı,
Bu gecə birləşdik, ay məzar daşı.
Bəli, məzarlıq itirdiyin doğmaların sığındığı məkan deyil, həm də
tarixin əsl həqiqətləri bizə diktə etdiyi bir ocaqdır, oralar ölüb getmiş
insanların varlığından xəbər verir. Öz susub durmuş lal sərdabələri, göyün
gürşadlarına qucaq açan, sükuta boyanmış daşlarıyla birlikdə…
248
Tapdıq Əlizamanoğlu övlad sevincini, bala istəyini misralarında ata
məharətilə təsvir edir. “Gördüm onun gözlərində” şerini bütünlüklə dəyərli
oxucuların diqqətinə yetirmək istəyirəm:
Sanki duyub düşüncəmi,
Yanıma gəldi oğlum.
Sarıldı boynuna qolum.
Baxdım onun gözünə,
Sevinc qondu üzümə.
Elə həmin hərarəti –
Gördüm onun gözlərində.
Təravət də gül üzündə,
Şükür sənə, uca Tanrı!
Hər işdə bir xeyir vardı…
Şairin “Öyrədir mənə” şeri həyatın ağrılarıyla üzbəüz qalan insanın
ürəyindən qopan yaşam sədalarıdır. Bu sədalar adamı özüylə birlikdə
ünyetməz, əlçatmaz ənginliklərə aparır. Həyatda itirdiklərinin ağrısını
çəkən insan daima nəyinsə ümidindədir, nələrəsə nail olmaq arzusu, istəyi,
diləyilə yaşayır. Əzabın özü də insanı bərkdən, boşdan keçirir. Yaşamaq
eşqini alovlandırır, duyğularını çiçəkləndirir, sabahın eşqilə coşdurur. Bu
coşqunluq olmayanda insan özünə qapılır, hər şeydən, hər kəsdən küsür, in-
ciyir. Ona görə istəkli oxuculara şairin bu misralarını əzbərləməyi tövsiyə
edərdim:
Nəyə gərək dayaz yerdə üzüm mən,
İstəyirəm gedə bilim dərinə.
Könlüm əzabların yuvası olsun,
Əzab yaşamağı öyrədir mənə.
Doğrudan-doğruya sözün qiymətdən düşdüyü dövrdə, zamanda yaşa-
yırıq. İnsan əqli bəzən kəşf etdiklərinin acı-ağrısını çəkir, insan şüurunda
robotlaşma gedir, ünsiyyət, mehribanlıq, səmimiyyət arxa plana keçir.
Üzdə dost deyib can yaxanların sırası çoxalır. İnternet, sosial şəbəkələr
doğmaları bir-birinə yadlaşdırır, adamın yavaş-yavaş təbiətlə sevdası arxa pla-
na keçir, saatlarla elektrotexnikaya əsir olan gənclik kitabdan, dərgidən uzaq
düşür, gözlər baxa-baxa baxışlarda bir soyuqluq, bir ögeylik müşahidə olunur.
249
Şair elə bil “Dostlar” şerində, sanki bu dərdləri nəzmə çəkir:
Daş atır ayrı düzə,
Qiymət verən yoxdur sözə,
Qurd tək durarlar göz-gözə,
Rəqiblik edən dostlar.
Mərhum şairimiz Tapdıq Əlizamanoğlunun “Dünya” şeri özünəməxsus
bənzətmələri ilə diqqət çəkir. Kimi üçün kiçik dünya, kimi üçün böyük
dünya nə qədər acılardan keçib. Şair insan taleyini ovuc içində olan xətlərlə
müqayisə edir. Şair bu acıları həyatın gözəlliyi qarşısında çökdürür:
Dünya çox kiçikdir – ovuc içi boyda,
Ovuc içi çox böyükdü – dünya boyda.
Taleyimizin yolları görsənir orda.
O yol nə yoludur kəsişir?
Sevgi yoludu.
Bəs ən qısa?
Ömür yoludu.
Ən uzun arzumun yoludur.
Şükür sənə, Tanrı.
Arzumun yolu ömür yolumdan uzundu,
Həyatın gözəlliyi də budu!
Sevginin ucalığı önündə qələmini titrədən şair:
Ovut ürəyimi bircə baxışla,
Söndür qəlb odumu odlu yağışla,
Gəl mənə ömürlük vüsal bağışla,
Yoxsa həsrət məndə yurd salar, gülüm.
Bu istəyə, bu ülfətə kim əsir olmayıb... sevgi elə bir hissdir ki, o büt-
ün səmimi duyğuların açarıdır. O, hər kəsin ürəyində yurd salmaz, salsa
da çox qalmaz, necə gəlibsə elə də keçər gedər. “Dönən deyiləm” şeri də
elə saf sevdaya bir etiraf diləkçəsidir. Bu diləkçənin sızıltısı isə misralara
çökmüş ürək çırpıntıları:
250
Mən səni sevirəm, sevəcəyəm də…
Eşqinlə yanıram sönən deyiləm,
Bir dəfə dediyim sözün cavabın
Min il də gözlərəm dönən deyiləm.
Şair demişkən məhəbbət yükü çox ağır yükdür, onu hər kəs çiyinlərində
daşıya bilməz. Daşısa da çox uzaqlara apara bilməz. Necə ki, zəmanəmizdə
dağılan gənc ailələrin sayı günbəgün artır. Öz ürək sevdasını vara, pula
əsir edənlər bu sevgi notlarından azacıq da olsa qidalansaydılar, nə baş
verərdi? Dünya dağılmazdı ki, ey sevdalı ürəklər, könlü daş olanlara qoy
sevgi şərqisi olsun mərhum şairimizin “Sevgi həyatdır” şeri:
Məhəbbət kimin ki qisməti oldu,
Demək yana-yana yaşayacaqdır.
Onun sevinc yükü, qəm yükü boldu,
Sevənlər mərdanə daşıyacaqdır.
Tapdıq Əlizamanoğlunun “Bir topa tüstü” şeri maraqlı oxşamaları,
bənzətmələrilə diqqəti çəkir, o tüstünün əvvəlcə topalaşıb-birləşib, göy
üzündə birdən-birə ayrılıb-yox olmasını varlığın itməsilə eyniləşdirir.
Doğrudan da tüstü bacadan çıxıb gedəndə topa şəklində olur, sonra
haçalanır, parçalanır və göy üzündə yox olub gedir. Elə bu maraqlı gediş
də şair diqqətindən yayınmayıb, onu insan varlığı ilə uzlaşdırıb, məharətlə
nəzmə gətirib:
Bir topa tüstü qalxdı havaya,
Yüksələrək göylərə –
birdən-birə ayrıldılar.
Səmanın boşluğunda
Gözdən itib yox oldular.
Ayrılmasaydılar,
Bir tüstü kimi,
Görərdi, tanıyardı hamı onları.
Varlığını itirmək
Qorxusu gözləyir ayrılanları.
Ruhu göyə ürcah olmuş dəyərli şairimizin “Bıçaq” şeri insan şüurundan
bir-birinin həyatına qəsdi, qırğını bitməyən bəşər acılarına tutarlı cavab
Dostları ilə paylaş: |