243
Nə isə fikirli, pərişan idin,
Qayğıyla doluydu gözlərin yenə.
Görəsən, dünyada hansı məhəbbət ana məhəbbətini əvəz edə bilər?
Balasına bəslənən sonsuz sevgisi ölənədək tükənməyən ana, daima baladan
nigaran ana, haqq dünyasına qovuşandan sonra da yuxulardan getməyən
ana! Elə Tapdıq Əlizamanoğlu da bu məqamı nəzmə çəkib, şerin diliylə
oxucusuna çatdırıb:
Danışıb-dinmirsən, bir söz de, barı,
Nəfəsin ağlatsın qoy ayrılığı.
Danış ki, səsinin hərarətilə
Ərisin qəlbimin qoy həsrət dağı.
Bu dünya elə dünyadır ki, yalnız insana son məqamda ötənlərin xiffəti,
itirdiklərinin acısı, yaşadıqlarının acılı-şirinli işartıları qalır.
Ruhu şad olmuş həmkarımın şeirləri bir-birindən duyğulu, bir-birindən
tutarlıdır, əgər oxucu bu topluyla tanış olsa, mənim nə dərəcədə haqlı
olduğuma şahidlik edəcək. Şairin “Gərək” şerində olduğu kimi:
Dünyada hər zaman arif yaşayıb,
Mətləbi bir sözdən anasan gərək.
Özgə işığında yol getmək olmaz,
Özün çıraq olub yanasan gərək.
Və yaxud:
Xoşbəxtdir, ey könül, sevib yaşayan,
Nadandır sevdiyi yardan söz soran.
Sevdiyi gözəlin baxışlarından,
Onun ürək sözün duyasan gərək.
İndiki məqamda bir çox insanlarımızın arasında öz kökünə yadlaşma,
özgələşmə gedir. Öz kökünü, soyunu lağa qoyub, tənə edənlərin sayı alaq
otu təki günbəgün qol-budaq atır. Necə deyərlər, bağa qınından çıxdı,
qınını bəyənmədi. Elə şair də bu iztirabın acısından yana misralar içində
köz-köz alışıb yanıb, xalqına xor baxanlara meydan oxuyub.
244
“Danışsan danılacaqsan” şerində olduğu kimi:
Öz xalqına bağlı olan bir ürək,
Üstünə su calansa da alışar.
Bir ağac ki, öz kökündən ayrıla,
Külək onu tez aşırar, tez yıxar.
Şairin “Gəncliyim” şeri hər bir insanın könül çeşməsini çalxalayan,
dü nəninə qaytaran, yorulmaq bilməyən cavanlığın şirin xatirələri ilə
qovuşduran isti, məhrəmanə pıçıltılardır...
Görəsən, özündən başqa şairlərin ürək yanğılarını başa düşən bir kəs
varmı ətrafda, İlahi?..
Həyat sanki sirli nağıl, tapmaca,
Oğul gərək bu hikmətdən baş aça.
Yaxınlaşan əlli dinir astaca,
Dönməz daha, daha dönməz gəncliyim.
Onun “Kənd yolları”, “Səslə” şeirlərində də həmin yanğı, həmin şirinlik,
doğmalıq duyulmaqdadır. Bir çoxlarının allahsızlıq, imansızlıq duyğuları
şaqqanaq çəkib güldüyü halda, başqalarının inancına həqarətlə baxıldığı
zamanda Tapdıq Əlizamanoğlunun “Ey hikmət sahibi” şeri haray çəkir:
Ey hikmət sahibi, kömək ol mənə,
Səni vəsf etməyə söz tapa bilim.
Ey qüdrət sahibi, kömək ol mənə,
Dodaq titrəməsin, əsməsin əlim.
Sən yazan talehə, bəxtə min şükür,
Zaman qəddi əyir, zaman bel bükür.
Tək sənsən gümanım, köməyim mənim.
Şükür taleyimə, şükür, min şükür!
Şair yenə də yaşadığı ömrə şükürlü olub, oxucunu ruh düşkünlüyündən
uzaq olmağa səsləyib. Etiraf edim ki, ruhu haqqına qovuşmuş şair
həmkarımın heç bir şerinin üstündən ötəri keçə bilmirəm, çünki onun hər
misrasından bir hərarət, bir həyat həqiqəti, bir canıyananlıq boylanır. Hiss
245
edirsən ki, rəhmətlik heç bir sözü misra xətrinə yazmayıb. O, “Köçəri
quşlar” şerində yuvasını tərk edib uçub getmiş quşların yenidən köhnə
yuvalarına qayıtmasını təsvir edir, sonra isə sevgisinə dönük çıxmış
vəfasızla köçəri quşları müqayisə edir:
Sən də köçəri quştək qəlbimdə yuva salıb
Yad ürəyə köçmüsən.
Bil ki, sən nə vaxtsa peşiman olub
Geriyə – yuvana dönmək istəsən,
Bu yuva dondurar səni oduyla.
Bu yuva rədd edər, yox edər səni,
Dolar buz qəlbinə dünyanın qəmi.
Odur ki, qayıtma, qayıtma…
Qayıtma geri!..
“Qayıtma geri” deyən şairin ruhu yəqin ki, şeirlərinin havasıyla
duyğulandığım bir məqamda bir şam işığıtək öz hərarətini misralarının
ətrafında şölələndirir. Odur ki, şeirlərini birər-birər oxumaq sevdasına
düşmüşəm. Oxuduqca sanki bugünlərlə səsləşir, baxmayaraq ki, şeirlər
1980-ci illərə, başqa tarixə, imperiya əsarətində yaşadığımız illərə təsadüf
edir, amma şeirlərin ab-havasıyla tanış olanda heç bir pafos, tərif şairin
yaratdıqlarında duyulmur. Ona görə də istedad sahibinin tabe olduğu qüvvə
onun təkcə ilhamı olmalıdır. Necə ki, Tapdıq Əlizamanoğlunda olduğu
kimi… Təbii şair, yazıçı zaman burulğanlarına sinə gərib bacardıqca,
fürsət düşdükcə öz azad hisslərini heç bir qadağaya tabe etməməlidir milli
dəyərləri ayaqlar altına salmamaq şərtiylə…
Şairin “Son sözüm” şeri qəlbi dönük çıxmış dildara hicran ağısıdır:
Son sözüm nə oldu – min bir bəhanə,
Özün-öz səhvini bilərsən bir gün.
Sındırıb bir qəlbi – gedirsən – apar,
Bu qəlbə səcdəyə gələrsən bir gün.
Bizi öz qoynunda bəsləyən, ağrılı-acılı günlərimizə şahidlik edən başı
bəlalı, sinəsində topları, tüfəngləri susmayan dünyaya nə qədər nəzmlə,
246
nəsrlə sözlər deyilmiş, kitablar yazılmış, tarixlər cilalanmışdı. Şairin
“Dünyadır” şeri elə bu məqama köklənib:
Hər bir işi müəmmalı, düyünlü,
Avand işi nəhs eləyən dünyadır.
İşi olmaz qanmayanla heç zaman,
Qananlarla bəhs eləyən dünyadır.
Yolumuzu dağa, daşa tuş edib,
Qəlbimizdən qara qanlar keçirib,
Duzlu suyu bal yerinə içirib,
Sonra gendən baxıb gülən dünyadır.
Minləri, milyonları yola salan, şahları, sultanları taxtından düşürən,
öz varıyla gözləri özünə cəlb edən, ürəkləri fəth edən dünya sonda insanı
ayaqdan, dildən salır, bəzən şahı gədaya möhtac edir, insanın yığdıqlarını
birər-birər, astaca-ustaca əlindən alır, onu yorğan-döşək möhtacı edir,
əlini əsdirir, dizini titrədir. Təkcə bir dəfə baharı olan insanın tufanlı qışını
qapıdan içəri salır. Şair demiş:
Könül, tez alışıb, tez də odlanma,
Hər yanar ocaqdan sən gəl od alma,
Şirin-şirin yalanına aldanma,
Üzə gülüb gəl-gəl deyən dünyadır.
Vətən qeyrətli söz adamlarımızın istər nəzmində, istərsə nəsrində
Vətən ayrılığı bir qırmızı xətt kimi keçir. Paramparça Azərbaycanın ağrı-
acıları hansı söz adamının ruhunu dilə gətirməyib? Bu yaranın acısını
ədəbiyyatımız tariximizlə yanaşı çəkib və çəkir… Şairin “Uzanaydım Araz
üstə” şeri bu qəbildəndir:
Uzanaydım Araz üstə,
Sinəm üstdən keçəydilər.
Deyirlər su aydınlıqdır,
Bu su məni dərdə salıb,
Bu nə zülm, bu nə sitəm,
Məni məndən çay ayırıb...
Dostları ilə paylaş: |