T.M.ABDULLAYEVA AZƏRBAYCAN ƏDƏBİ FİKRİNDƏ QƏRBÇİLİK MEYLLƏRİ
31
məqamda meydana çıxırdı. Beləcə zamanın hökmü və diqtəsi
ilə qarşıya qoyulan tələblər, sosial sifarişlər, günün ədəbi-bədii
ehtiyac və zərurətləri sənətin “Füyuzat”çıların şəxsində və
nümunəsində ali, əbədi və əzəli prinsipləri, onun fövqəladə
dəyərləri ilə qarşı-qarşıya gəlirdi.
“Füyuzatçılıq” bəşəri və milli dəyərlərə söykənən ideya-
estetik platforma və mədəniyyət konsepsiyasıdır. Əli bəy
Hüseynzadə başda olmaqla böyük bir yaradıcı ziyalı qrupu XX
əsrin ilk illərindən etibarən “Füyuzat” jurnalı və onun ideya-
estetik platformasında duran mətbuat orqanları ətrafında
birləşməklə bu konsepsiyanı yaradıb ictimai şüura, islami-
türkçü təfəkkürə, milli ədəbi-bədii düşüncəyə daxil etməyə
nail olmuşlar.
Hələ xeyli əvvəl ümumxalq təfəkküründə formalaşmış
milli istiqlal, dini və elmi dəyərlərin eyni dərəcədə mənim-
sənilməsinin vacibliyi, milli birlik və tərəqqi, vətən və vətən-
daşlıq, turançılıq, azərbaycançılıq, qərbçilik və s. “Füyuzat”
çıların ictimai-siyasi görüşlərində və mədəniyyət konsep-
siyasında əsas məsələlər idi. “Füyuzat”çılar ictimai inkişaf və
tərəqqiyə təkan verəcək bu ideyaların milli düşüncənin malına
çevrilməsi üçün çox ciddi iş görürdülər. Görülən işlər geniş
miqyaslı və müxtəlif istiqamətli idi. “Füyuzat”çı jurnallarda
çap olunan ədəbi-bədii, elmi-fəlsəfi, ictimai-siyasi məzmunlu
yazılarda bu ideyaların tarixi və müasir anlamdakı mahiyyəti
haqqında hərtərəfli məlumat verilirdi (148, 267).
Vaxtilə böyük Mirzə Fətəlinin “əgər xalq tərbiyə edil-
məzsə, bütün camaat savadlı olmazsa, çəkdiyimiz bütün zəh-
mət heçə-puça çıxacaqdır” (4, 353)- xəbərdarlığı və ali vətən-
T.M.ABDULLAYEVA AZƏRBAYCAN ƏDƏBİ FİKRİNDƏ QƏRBÇİLİK MEYLLƏRİ
32
daş narahatlığı “Füyuzat” jurnalının doğuluşu üçün də mühüm
milli-mənəvi stimul rolunu oynayırdı. Ziddiyyət və fərq yalnız
bu tərbiyəyə yönəltmənin yol, üsul və vasitələrinə münasibətdə
üzə çıxırdı. Sənətin varlığa estetik münasibəti kimi kardinal bir
ədəbi problemin qoyuluşunda, dil məsələlərində müəyyən ifrat
meyllərinə, yaradıcılıqda nəzəri şəkildə yalnız romantizm cərə-
yanını qeyd-şərtsiz müdafiə etməsinə baxmayaraq, “Füyuzat”
dövrün başqa qəzet və məcmuələri ilə müqayisədə daha geniş,
daha zəngin fikir orbitinə, ideya istinadları və mənbələrinə
malik idi. Təsadüfi deyildi ki, türkçülüyün (marksist
mənbələrdə “pantürkizm”) bir ideoloji, bir etnopsixoloji sistem
kimi doğuluşu məhz bu jurnalın adı ilə bağlıdır. Bu gün
“Füyuzat”ın naşiri və baş redaktoru, ensiklopedik bilik sahibi
Əli bəy Hüseynzadə, çox haqlı olaraq, ümumtürk tarixində
“türkçülüyün” mənəvi atası kimi xatırlanır və qiymətləndirilir.
Bizim mövzumuzla bağlı deməliyik ki, “Füyuzat”ın və
“Füyuzat”çı mətbu orqanların ən böyük tarixi xidmətlərindən
biri də odur ki, Qərbə – Avropaya mədəni inteqrasiya, dünya
elmi və texnikası ilə silahlanmaya ən davamlı çağırış –
M.F.Axundzadənin və onun ardıcılı Həsən bəy Zərdabidən
sonra məhz onların səhifələrində ifadə olunurdu. Qərbin və
Rusiyanın Şekspir, Volter, Bayron, Höte, Darvin, Şiller, Fixte,
Şopenhauer, Meçnikov, Tolstoy, Hüqo, Mendeleyev və gör-
kəmli elm, sənət adamları barədə ilkin geniş informasiya, onla-
rın əsərlərindən nümunələr, fikirlərindən sitatlar bu jurnalın
səhifələrində verilirdi.
Əhməd bəy Ağaoğlu Bakıda rus dilində çıxan “Kaspi”
qəzetinin bir sayında yazırdı: “Tərbiyənin əsasına daxil edil-
T.M.ABDULLAYEVA AZƏRBAYCAN ƏDƏBİ FİKRİNDƏ QƏRBÇİLİK MEYLLƏRİ
33
məli olan ümumbəşəri ideya və hissləri almaq üçün biz hara
müraciət etməliyik? Aydındır ki, Qərbə”. (Bax: 92) Sonradan
“Həyat” qəzetinə redaktorluq edən Ə.Ağaoğlu bu qənaətini
həmin qəzetin səhifələrində dərc etdirdiyi silsilə məqalələrində
daha da dərinləşdirir və müasirləşməyə, mədəniləşməyə gedən
yolun məhz Avropadan keçdiyini dönə-dönə xatırladırdı.
Amma avropalaşmaq adı altında milli və dini dəyərlərdən
imtina etmək yox, əksinə, təməl olaraq onların üzərində Avro-
pa dəyərlərinə – Avropanın elminə, maarifinə, sənayesinə
yiyələnmək ön plana çıxarılırdı. "İslamsız türkə nicat yoxdur"
şüarı füyuzatçıların başlıca amallarından biridir. Həm "Həyat"
qəzeti, həm də "Füyuzat" jurnalının başlıca amalı, milli-
mənəvi dəyərlərin Avropanın mütərəqqi dəyərləri ilə daha da
təkmilləşdirilməsi və modernləşdirilməsi idi.
Təsadüfi deyildir ki, sonradan sovet ədəbiyyatşünaslığı,
marksist estetika öz ideolojisinə uyğun olaraq, ümumən həmin
dövrün mətbuatını uzun müddət, (əsasən XX əsrin 90-cı
illərinə kimi), “bolşevik mətbuatı”, “tənqidi realist mətbuat”
və “burjua mətbuatı” adı altında təsnif, daha doğrusu, təftiş
edirdi. Hətta bu mətbuatda süni, zorakı qarşıdurmalar yarat-
maqdan da çəkinmirdi. Və həmin ideologiyaya uyğun olaraq
ədəbiyyatda da “burjua ədəbiyyatı” deyilən bir termin icad
edildi. Ədəbiyyatın bu şəkildə “sinifləşdirilməsi”, həmin
ədəbiyyatşünaslığa, ilk növbədə əsrin əvvəllərində olmayan bir
ədəbiyyata – bolşevik ədəbiyyatına viza vermək üçün lazım
idi: burjua ədəbiyyatı varsa, deməli, partiyalı bolşevik –
inqilabi ədəbiyyat da vardır. Belə vulqar-sosioloji baxışlar
sisteminin nəticəsi idi ki, həmin “burjua ədəbiyyatı” ifadə-
Dostları ilə paylaş: |