194
Əsirlərin arasında Süheyl ibn Əmr adında bir adam var idi. O, çox məşhur
xətib idi və Məhəmmədin əleyhinə hər zaman nitq söyləyirdi. O, fidyə verərək ilk
azad olunanlardan biri oldu.
Müsəlmanlar öz həlak olanlarını böyük təntənə ilə dəfn etdilər, Qüreyşlilərin
cəsədini isə bu məqsəd üçün qazılmış çalaya atdılar. Əsirlərin taleyi məsələsi həll
ediləndə Əbu Bəkr fidyə alınaraq, yəni pul müqabilində onları buraxmağı, Ömər
isə onların başını vurmağı təklif etdi. Məhəmməd özünü, günahkarları daşqınla
məhv etmək barədə dua edən Nuh kimi aparırdı. O, özü mərhəmətli qərar qəbul
etdi. Axı Quranın İbrahim surəsində deyilirdi: “Ya Rəbb! Tayfanın mənə
qatılanları mənimlədir, mənə qarşı qalxanlara gəldikdə, sən mühakimə edən və
bağışlayansan” (36-cı ayə). Əsirlərin ikisi ölümə məhkum edildi. Onlardan biri
Nafar Quranı pers nağılları və təmsilləri ilə müqayisə edib ona gülmüşdü, digəri isə
birinci dəfə Kəbədə moizə oxuyanda peyğəmbərə qəsd etmək istəmiş, ancaq Əbu
Bəkr işə qarışmaqla Məhəmməd xilas olmuşdu. Bir neçə kasıb əsir bir daha
Məhəmməd və onun ardıcılları əleyhinə silah qaldırmamaq şərti ilə azadlığa
buraxıldı. Digərləri isə saxlanıldı ki, dostları onları xilas etmək üçün haqqı
gətirsinlər. Ən görkəmli əsirlərdən biri Məhəmmədin əmisi Əl-Abbas idi. Onu
xırda boylu Əbu Yasir əsir götürmüşdü. Əl-Abbas isə and-aman edirdi ki, nəhəng
bir atlıya təslim olmuşdur, bu irilikdə atı isə ömründə birinci dəfə görübmüş. Əbu
Yasir isə onu özü əsir götürdüyünü təsdiq edirdi. Əmisini utandırmamaq üçün
Məhəmməd elan etdi ki, Əbu Yasirə Cəbrayılın özü kömək etmişdir. Əvəzində Əl-
Abbas dedi ki, o, öz ürəyində müsəlmandır, vuruşmağı isə onu məcbur etmişdilər.
Məhəmməd üçün ən vacib olan əsir Zeynəb adlı qızının əri Əbül As idi.
Peyğəmbər onu öz tərəfinə çəkmək istəyirdi, lakin kürəkən inadkarlıqla dinsizlikdə
qalırdı. Məhəmməd bir şərtlə onu buraxdı ki, Əbül As peyğəmbərin qızını atasının
yanına göndərəcəkdir. O, bununla razılaşdı və Məhəmmədin sadiq azad edilmiş
qulu Zeyd bir neçə adamla Məkkəyə yollandı ki, Zeynəbi Mədinəyə gətirsin. Onun
əri Əbül As isə bu şərt həyata keçirilənə qədər girov kimi saxlandı.
Qoşun Mədinəyə qayıtmamışdan əvvəl qəniməti bölüşdürməyə başladılar.
Əbu Süfyanın karvanı çıxıb getsə də, çoxlu silah və dəvə ələ keçirilmişdi, əsirlərin
195
fidyə hesabına buraxılmasından isə böyük məbləğə pul qazanılacaqdı. Məhəmməd
qənimətin yürüşdə iştirak edən müsəlmanlar arasında bərabər qaydada
bölünməsinə göstəriş verdi. Ərəblərin köhnə qaydasına görə qənimətin dörddə biri
başçıya çatmalı idi. Məhəmməd isə bərabər payla kifayətləndi. Ona çatan şeylərin
arasında məşhur “Zülfüqar” qılıncı var idi. O vaxtdan Məhəmməd döyüşdə bu
qılıncı həmişə özü ilə gəzdirirdi, peyğəmbər öləndən sonra isə irs kimi bu qılınc
kürəkəni Əliyə qaldı. Bu bərabər bölgü qoşunun narazılığına səbəb oldu. Döyüşün
qızğın yerində olanlar və qəniməti əsas ələ keçirənlər gileylənirdilər ki, uzaqda
dayananlarla və düşərgəni mühafizə edən qocalara onlara bərabər pay düşmüşdür.
Lakin qərar dəyişmədi və qənimət bərabər qaydada bölündü. Bir qədər sonra
Məhəmmədə vəhy gəldi və din uğrunda müharibədə götürülən qənimətin
bölünməsi qaydası həmin vəhydə elan edilirdi.
Bədir döyüşü Məhəmmədin bayrağı altında parlaq qələbə ilə başa çatdı. Bu
qələbənin böyük əhəmiyyəti var idi, çünki islam dininin qalibiyyətli yürüşünə yol
açırdı. Bədir döyüşündə Məhəmmədin cəsur hərəkəti və sərkərdəlik qabiliyyəti
dünyanın sifətinin sonradan əsaslı surətdə dəyişilməsində mühüm rol oynadı. Bədir
döyüşü bəlkə də islam dini üçün dünyaya açılan qapı rolunu oynadı.
Qədim Roma sərkərdələri öz doğma şəhərlərinə triumfla girən kimi,
Məhəmməd Mədinəyə böyük təntənə ilə döndü, axı onu çoxlu qənimət və əsirlər
müşayiət edirdi. Uzun illərin təqiblərindən, ağır itkilərdən sonra sevinmək üçün
böyük əsas var idi. Lakin peyğəmbər həyat sevinclərindən elə bil ki, daim kənarda
qalırdı. Uşaqlıqda təbiət onun sevimli valideynlərini oğurlamışdı, sonralar böyük
məhəbbət və sədaqət gördüyü və bunlardan ilhamlandığı bir vaxtda ilk arvadını
itirmişdi. Ona atalıq etmiş əmisi Əbu Talibi itirməklə o, həm də möhkəm dayaqdan
və himayədən məhrum olmuşdu. Mədinədə Ayişəyə evləndikdən sonra o, bir qədər
sevincli ömür sürə bilərdi. Buna həm də ilk hərbi qələbədən yaranan fərəh və
iftixar hissi əlavə olunmuşdu. Deyəsən Allahın nümayəndəsi heç vaxt öz şəxsi
sevinci ilə öyünməməli, onlarda qapılıb qalmamalı idi. O, daim onun üzərinə
qoyulmuş məsul və özü də hiss etməsə də, dünya miqyaslı missiya barədə
düşünməli idi. Din yolunda o, daim əzab-əziyyət çəkməli idi, sevinci isə
196
başqalarına qismət olmalı idi. Bu dəfə də belə oldu. Bədir qələbəsinin sevincinin
dadı hələ bütünlüklə dərk edilməmişdən buna peyğəmbərin ailə dərdi qatışdı. Onun
sevimli qızı, uzun müddət Abissiniyada qaçqın həyatı yaşamış Ruqiyyə öldü.
Məhəmməddən qabaqda əhaliyə qələbə xəbərini çatdırmış qasid şəhərin qapısında
matəm dəstəsi ilə qarşılaşdı. Ruqiyyənin tabutunu dəfn etməyə aparırdılar.
Peyğəmbər uşaqlarına çox bağlı idi, o, Xədicədən olan, çox tez vəfat edən iki yaşlı
oğlunun dərdini yaşamışdı. İndi də ölüm qızlarını hədəf götürməyə başlamışdı, ilk
dəfə isə həyatında daha çox dərdlərə düçar olmuş Ruqiyyəni seçmişdi.
Məhəmmədin qızının itkisindən yaranan ağır dərdi digər qızı Zeynəbin
Məkkədən qaytarılması ilə bir qədər yüngülləşdi. Sədaqətli Zeyd bütün çətinliklərə
baxmayaraq köhnə sahibinin, indiki dini başçısının tapşırığını əməl edərək, onu
müşriklərin ailə əsarətindən xilas edib gətirmişdi. Çünki Qüreyşlilər qızın təxti-
rəvanda şəhərdən çıxarılmasına mane olmağa cəhd etmiş və hətta biri nizə ilə qızı
vurmaq istəmiş, başqasının müdaxiləsi ilə Zeynəb ölümdən xilas olmuşdu. Səs-
küyə Əbu Süfyan gəlmiş və onu xilas edəni məzəmmət etmişdi. Sonra Zeynəb
şəhərə qaytarılmış və gizlincə Zeydə təhvil verilmişdi. Zeynəbin belə təhlükələrə
məruz qalması Məhəmmədi çox hiddətləndirdi və qızına hücum edən adamı ələ
düşən kimi qılıncla öldürmək göstərişini verdi.
Məhəmmədin Bədir döyüşündəki qələbəsi Məkkə Qüreyşlilərini məəttəl
qoymuş və onların hisslərini təhqir etmişdi. Bir az əvvəl buradan qaçmağa məcbur
olmuş qaçqın bir adam birdən qüdrətli bir düşmənə çevrildi. Şəhərin ən igid və
sayılan adamlarının çoxu müsəlmanların qılınclarının zərbəsindən öldü. Digərləri
əsir düşdü və alçaldıcı qaydada qaytarılmalarını gözləyirdi. Məhəmmədin əmisi və
onun daimi əleyhdarı Əbu Ləhəb xəstəliyinə görə vuruşda iştirak etməmişdi. O,
məğlubiyyət xəbərini eşidəndən sonra öldü. Onun həyəcanlanması bəlkə də bu
ölümü yaxınlaşdırmışdı. Lakin müsəlmanlar onun ölümünü Məhəmmədin ona
etdiyi lənətlərlə əlaqələndirirdilər. Bu lənət Safa təpəsində peyğəmbərə daş atmaq
üçün əlini qaldıranda söylənmişdi. Bu lənət onun oğlu Utbəni da haqlamışdı. Axı
Utbə Ruqiyyəni boşamışdı. Sonra karvanla Suriyaya gedəndə yolda onu şir
parçalamışdı.
Dostları ilə paylaş: |