218
heç bir köməklik göstərə bilməz”. Hətta onun öz qızı, Məhəmmədin arvadı Ümmü
Həbibə də onun nüfuzuna ümid bəsləyən Əbu Süfyanı təhqir etdi. Onun otağındakı
xalçanın üstündə Əbu Süfyan oturmaq istəyəndə, qızı tələsik xalçanı yığışdırdı və
dedi: “Bu Allahın peyğəmbərinin yatağıdır! O müqəddəsdir və onun üstündə
bütpərəst istirahət edə bilməz”.
Əbu Süfyanın səbr kasası doldu və o, qızını lənətlədi. Onda o, yenidən Əliyə
müraciət etdi və öz elçiliyinin bu ümidsiz vəziyyətində ondan məsləhət xahiş etdi.
Əli cavab verdi: “Qüreyşlilərin başçısı kimi sənin mühafizənin davam etməsini vəd
etmək və sonra isə evə getməkdən başqa sənə başqa nəsə məsləhət verə bilmirəm”.
“Məgər sən düşünürsən ki, bu vəddən fayda gələcəkdir?”
Əli könülsüz cavab verdi: “Düşünmürəm, ancaq başqa nə cür olmasını da
bilmirəm”.
Bu məsləhətdən sonra Əbu Süfyan məscidə gedib hamı qarşısında
Qüreyşlilər adından elan etdi ki, onların tərəfindən müqaviləyə pozulmadan əməl
ediləcəkdir. Sonra isə öz elçiliyinin belə pis başa çatmasından alçalaraq, Məkkəyə
qayıtdı. Qüreyşlilər onu istehza ilə qarşıladılar və dedilər ki, onun bəyanatı da
Məhəmmədin razılığı olmadan heç bir əhəmiyyət daşımır.
Məhəmməd Məkkəni qəflətən tutmaq üçün gizli yürüşə hazırlaşmağa
başladı. Öz niyyətini açmadan hər tərəfdən öz müttəfiqlərini Mədinəyə yığdı.
Məkkəyə gedən bütün yollar bağlanmışdı ki, bu hərəkət barədə Qüreyşlilərə xəbər
çatmasın. Lakin bütün ehtiyatlılıq tədbirlərinə baxmayaraq sirr açıldı. Onun
Məkkədən qaçmış ardıcılları arasında Xətib adlı bir adam var idi, onun ailəsi
Məkkədə qalmışdı və bu ailəyə qayğı göstərən heç bir qohumu və dostu yox idi.
Xətib Qüreyşlilərin yaxşı münasibətini qazanmaq üçün onlara Məhəmmədin sirrini
verməyi düşündü. Bu niyyətlə o, məktub yazdı və planlaşdırılan tədbir barədə
məlumat verdi. O, məktubu Sara adlı bir müğənni qıza verdi ki, Məkkəyə çatdırsın.
Müğənni yolda olanda Məhəmmədə satqınlıq barədə xəbər verdilər. Əli onun
arxasınca yollandı, lakin qızda heç bir şey tapmadılar. Əlinin beş yoldaşı qayıtmaq
istəyəndə, Əli şübhələnməyə başladı ki, Allahın peyğəmbəri nə səhv edə, nə də
aldadıla bilər. O, qılıncını çıxarıb and içdi ki, əgər məktub tapılmasa müğənni
219
qadının boynunu vuracaqdır. Hədə-qorxu təsirini göstərdi və qadın məktubu
saçlarının arasından çıxarıb verdi.
Xətibi xəyanət barədə sorğu-sual edəndə o, hər şeyi etiraf etdi. Ömər onun
özünə haqq qazandırması cəhdindən hiddətlənib, onun başını kəsmək istədi. Lakin
Məhəmməd xatırlatdı ki, Xətib Bədir döyüşündə din uğrunda igidliklə
vuruşmuşdu, onun bəraətini qəbul etdi və onu bağışladı.
Peyğəmbər on minlik qoşunla bu yürüşə başladı. Yürüşə başçılıq və düşərgə
üçün yeri müəyyən etmək Ömərə həvalə olunmuşdu. O, qoşunları az məlum olan
dağ yolları ilə aparırdı. O, səs salmağı qadağan etmişdi ki, onların hərəkəti aşkara
çıxmasın. Yürüş vaxtı Məhəmmədin Məkkədən öz ailəsi ilə gələn əmisi Abbas
gəlib çatdı ki, dinin bayrağı altında dayansın. Məhəmməd onu mehribanlıqla
qarşıladı, lakin onun gec gəlişinə də eyham vurdu: “Sən axırıncı çıxansan, necə ki,
mən axırıncı peyğəmbərəm”. Abbas öz ailəsini Mədinəyə göndərib özü qaldı.
Mərrizahranda vadisində gecələyəndə ilk dəfə Ömər gözətçi tonqallarını
yandırmağa icazə verdi.
Abbas yeni dini qəbul etsə də, belə nəhəng qüvvənin düşmən niyyəti ilə
Məkkəyə girməsindən təşvişə düşürdü. O, qorxurdu ki, Qüreyşlilər bütünlüklə
məhv ediləcəkdir. Ona görə də düşündü ki, onları vaxtında danışıqlara girməyə
inandırmaq lazımdır. Gecə yarısı o, Məhəmmədin qoca qatırı Faddaya minib yol
ayrıcına getdi. Şəhərdən kənarda tutulmuş iki əsir gözətçilərin yanında idi. Abbas
öyrəndi ki, əsirlər Əbu Süfyan və ona tabe olan tayfa başçılarından biridir. Onları
Ömərin gözətçi tonqalının yanına gətirdilər və işıqda Ömər Əbu Süfyanı tanıdı. O,
dedi: “Allaha şükür! Heç bir şərt olmadan belə düşmən mənim əlimdədir”. O,
qından çıxardığı qılıncla, bu sözlərə xüsusi məna vermək üçün başqa tədbirə əl ata
bilərdi. Bu vaxt Abbas yaxınlaşdı və Əbu Süfyanı, peyğəmbərin onun barəsindəki
qərarına qədər öz himayəsinə götürdü. Ömər tez peyğəmbərin yanına tələsdi ki,
əsirin edam olunmasını tələb etsin. Lakin Abbas onu öz qatırına mindirdi və
hamıdan əvvəl peyğəmbərin çadırına özünü çatdırdı. Ondan sonra isə Əbu
Süfyanın başını tələb edən Ömər gəlib çıxdı.
220
Məhəmməd qatı düşmənini öz hakimiyyəti altında gördü. Həmin adam onu
öz evindən və vətənindən qovmuşdu, onun ailəsini və dostlarını təqib etmişdi.
Lakin o, həm də onun arvadı Ümmü Həbibənin atası idi və buna görə də
mərhəmətliliyə meyl etdi. O, öz qərarını səhərə saxladı və Əbu Süfyanı Abbasın
mühafizəsinə verdi. Sabahısı gün əsiri onun yanına gətirəndə o, dedi: “Əbu Süfyan
vaxt gəlib çatmayıbdırmı, biləsən ki, Allahdan başqa Allah yoxdur?”
“Mən bunu bilirdim” – deyə Əbu Süfyan cavab verdi. “Yaxşı! Vaxtı gəlib
çatmamışdırmı ki, sən məni Allahın elçisi kimi tanıyasan?”
Əbu Süfyan şərq qaydasında danışmağa üstünlük verib dedi: “Sən mənə
atadan və anadan əzizsən, lakin mən hələ səni peyğəmbər kimi tanımağa hazır
deyiləm”.
Bunu eşidən Ömər qışqırdı: “Rədd edin onu, ya indi həqiqəti etiraf et, ya da
sənin başın qopacaqdır!”
Özünü bədbəxtlik anında əsl dost kimi göstərən Abbasın məsləhət və
xahişləri bu hədələrə qatışdı. Məhəmmədin yumşaqlığını görən Əbu Süfyanın
qəzəbi də bir qədər azaldı və nəhayət o, kürəkəninin elçiliyinin ilahiliyini etiraf
etdi. Qılıncın gücü Əbu Süfyanı öz inamından döndərə bildi. İslamı qəbul edəndə
Məkkə xalqı tabe olduğu halda, güzəştli şərtləri ona çatdırdılar. Evində sakit qalan
və ya Əbu Süfyanın və Hakimin evində, yaxud da Əbu Rəvaixanın bayrağı altında
gizlənən hər bir adama toxunulmazlıq vəd edildi. Əbu Süfyana hansı qüvvənin
Məkkəyə yollandığını göstərmək üçün qəsdən onu bir dar keçiddə saxlayıb,
buradan keçən qoşunu müşahidə etməyə imkan verdilər. Əbu Süfyan bu sayda
qoşuna və tayfaların müxtəlifliyinə olduqca heyrətləndi. Məhəmməd öz seçmə
cangüdənləri ilə gələndə mənzərə olduqca heyrətamiz oldu. Əbu Süfyan yanında
dayanan Abbasa dedi: “Bu qüvvə qarşısında heç kəs dayana bilməz! Sənin
qohumun böyük qüdrətə malikdir!”
Abbas buna belə cavab verdi: “Belə, onda, geri öz şəhərinə get və çalış ki,
onu təhlükədən xilas edəsən və xəbərdar et ki, heç kəs Allahın elçisinə əks
çıxmasın!” Əbu Süfyan geri, Məkkəyə tələsdi, sakinləri yığdı və onlara şəhərin
yanında dayanan və Məhəmmədin başçılıq etdiyi nəhəng ordu barədə danışdı. O,
Dostları ilə paylaş: |