212
Ömər hücum etdi, lakin bu da uğursuz oldu. Üçüncü həmləyə Əli başçılıq edirdi.
Məhəmməd ona özünün “Zülfüqar” qılıncını vermişdi. Peyğəmbər ona müqəddəs
bayrağı verəndə, onu “Allahı və onun peyğəmbərinin sevdiyi adam, qorxu nə
olduğunu bilməyən və heç vaxt arxasını düşmənə çevirməyən adam” adlandırdı.
Əli cazibədar zahiri görünüşə malik idi. Orta boylu idi, lakin bədəncə çox
möhkəm, enli kürəkli və qeyri-adi dərəcədə güclü adam idi. Onun sifəti gülümsər
idi və saqqalla tamamlanırdı. O, həssas, hazırcavab adam idi. İgidliyinə görə o,
“Allahın şiri” adlandırılmışdı. O, daşların üstünə çıxıb, onun üstündə bayrağı taxdı.
Yəhudilər onların üzərinə atıldılar ki, geri sıxışdırsınlar. Qızğın toqquşmada Əli
yəhudilərin rəhbəri Əl-Harislə əlbəyaxa döyüşə girdi və onu öldürdü. Onun qardaşı
intiqam üçün irəli çıxdı. Boyca o, nəhəngə bənzəyirdi, alnında iri almaz parlayırdı.
Onun qurşağında hər iki tərəfdən qılınc asılmışdı, əlində isə üç uclu nizə var idi.
Onlar hər ikisi bir-birinin gözlərinə baxıb şərq qaydasında dedi:
“Mən, Marxab, təpədən dırnağa qədər silahlanmışam və döyüşdə
qorxuluyam!” Bu sözləri yəhudi dedi. Buna Əli belə cavab verdi: “Mən isə
Əliyəm, anam doğanda məni Əl Haydar (tüklü şir) adlandırmışdır”.
Əli Zülfüqar qılıncının zərbəsi ilə Marxabın dəbilqəsini parçalayıb, başını
dişinə qədər yarı böldü. Nəhəng döyüşçü Qoliaf kimi yerə sərildi. Bu vaxt
yəhudilər geri çəkildilər və həlledici hücum başlandı. Döyüşdə Əli qalxanını
itirmişdi, və o, müdafiəsiz idi. Bu vaxt o, qapını həncamədən çıxarıb vuruşun
sonuna qədər ondan qalxan kimi istifadə etdi.
Xeybərdə Məhəmməd yəhudilərin intiqamı ilə az qala öldürülməyə məruz
qalmışdı. O, yeməyə bir şey verilməsini xahiş etdi və onun qabağına qızardılmış
quzu qolu qoydular. O, bir tikəni ağzına alanda qeyri-adi dadı hiss etdi və tüpürdü.
O, saatca kəskin daxili ağrı hiss etdi. Onun ardıcıllarından biri Bəşər bir az artıq
yemişdi, o, yıxıldı və qıc vəziyyətində öldü. Hamı dəhşətə gəldi. Məlum oldu ki,
quzunu Əlinin öldürdüyü nəhəng Marxabın qohumu olan əsir qadın Zeynəb
qızardıbmış. Onu Məhəmmədin yanına gətirib xörəyə zəhər qatmaqda ittiham
etdikdə o, cəsarətlə hər şeyi boynuna aldı və bunu öz tayfası və ailəsi üçün qisas
xatirinə etdiyini dedi: “Mən düşünürdüm ki, əgər sən həqiqətən peyğəmbərsənsə
213
təhlükədən hali olacaqsan, yox, əgər sən sadəcə ərəb başçısısansa, sən öləcəksən”.
Belə rəvayət var ki, Məhəmməd onu qohumlarının yanına getmək üçün buraxdı.
Digər yəhudi qadını Safiyya da əsir düşmüşdü. O, dul qadın idi, atası isə tayfanın
başçısı olmuşdu. Onun qohumları Mədinə meydanında edam olunmuşdular. Bu
Safiyya çox gözəl idi, ona görə də Məhəmmədin diqqətini cəlb etdi. O, da
Məhəmmədin zövcələri sırasına daxil oldu. Bu qadın öz taleyindən çox razı idi.
Safiyya Məhəmmədin ən sevimli arvadlarından biri oldu və peyğəmbərin
vəfatından sonra bu dul qalmış qadın qırx il ömür sürdü. Sonra isə Məhəmməd
Əbu Süfyanın qızı Ümm Həbibəyə evləndi ki, onun atasının düşmənçiliyini
zəiflətsin. Əbu Süfyan isə onların toyu olduğunu eşitdikdə, bu xəbərdən çox
hiddətləndi.
Həmin ilin qalan hissəsini Məhəmməd Mədinədə keçirdi. O, müxtəlif
dövlətlərin hökmdarlarına elçilər göndərdi ki, dinini dinc vasitələrlə yaya bilsin.
Bu dövlətlər onun siyasi üfüqlərinin qurtardığı vilayətlərlə həmsərhəd idi. Bu
elçilər onları müsəlman dinini qəbul etməyə inandırmalı idi, bu mümkün olduqda
dini lider kimi Məhəmmədi özlərinin başçısı kimi tanımalı idilər. İki böyük elçi
dəstəsi Persiya şahı II Xosrovun və Şərqi Roma imperatoru İraklinin yanına
Konstantinopola göndərildi. Bu iki dövlətin arasında müharibələr kəsilmək
bilmirdi, ərazilər və tayfalar növbəli qaydada bir-birinin əlinə keçirdi. Bu vaxt
Xosrov Palestinanı, Kappodokiyanı, Ermənistanı və digər iri və varlı vilayətləri
Bizansdan almışdı və Yerusəlimi tutmuşdu. Persiya Afrikaya daxil olmuş, Liviya
və Misiri tutaraq, Karfagenə qədər irəliləmişdi. Belə parlaq qələbələrin kölgəsində
qürur hissi duyan çarın yanına Məhəmməddən məktub gətirən müsəlman elçisi
gəldi. Xosrov məktubu oxutduqda başlanğıc müraciət sözləri onu hiddətləndirdi:
“Mərhəmətli olan Allahın adı ilə! Abdullahın oğlu və Allahın elçisi
Məhəmməddən Persiya çarı Xosrova”. Bunu eşidən Xosrov kiminsə məktubda öz
adını ondan əvvəl qoymasına hiddətləndi. O, məktubu dartıb aldı, onun məzmunu
ilə tanış olmadan cırdı və Yəmən canişininə belə bir məktub göndərdi: “Mənə
danışdılar ki, Mədinədə Qüreyş qəbiləsindən bir dəli vardır və özünü peyğəmbər
kimi qələmə verir. Onu ağıllandır, bunu bacarmasan, onda onun başını mənə
214
göndər”. Məhəmmədə Xosrovun onun məktubunu necə cırdığını dedikdə o,
demişdi: “Allah da onun səltənətini belə parçalara böləcəkdir!”
Bizans imperatoru İrakli isə məktubu ehtiramla qəbul etdi, çünki bu hadisə
onun uğursuzluq dövrünə təsadüf etmişdi. Məktubda imperatora təlqin edilirdi ki,
xristian dinindən imtina etsin və islamı qəbul etsin. İrakli Xosrovdan fərqli olaraq
hörmət əlaməti olaraq məktubu öz yastığının üstünə qoydu və səfirə qiymətli
hədiyyələr verdi. Lakin o da məktuba əhəmiyyət vermədi.
Digər elçi dəstəsini isə Məhəmməd Misir hökmdarının yanına göndərdi. O,
imperiyanın Persiya ilə müharibə apardığından sui-istifadə edərək Şərqi Roma
imperatoruna tabeçilikdən çıxmışdı. O, elçini çox yaxşı qarşılasa da dini qəbul
etmək barədə təklifə birbaşa cavab verməkdən yayındı və bildirdi ki, belə mühüm
məsələ üstündə uzun müddət fikirləşmək lazımdır. Məhəmmədə isə qiymətli
almazlar və Misir kətanından paltar göndərdi. Həm də o, peyğəmbərə Yafur adında
ağ eşşək, Dəldəl adlı ağ qatır və Lazlos adlı iti qaçan at göndərdi. Hədiyyələrdən
ən yaxşısı Kopt qızları, Mariya və Şirin adlı bacılar idi. Mariyanın gözəlliyi
Məhəmmədin vurğunuluğuna səbəb oldu. Lakin o, Quranın qoyduğu qanunlardan
kənara çıxa bilməzdi. Quranın “Əl-Mumtəhinə” surəsinin 10-cu ayəsində deyilir:
“Kafir qadınları öz kəbininiz altında saxlamayın”. Ona görə də gözəl Mariya ilə
intim münasibətlər tam məxfi saxlanılmalı idi.
Qüreyşlilərlə bağlanmış müqaviləyə görə Məhəmmədin və onun
ardıcıllarının ziyarətçi kimi Məkkəyə getmək və orada üç günü toxunulmadan
müqəddəs məbəddə keçirmək vaxtı gəlib çatdı. Məhəmməd oraya yaxşı
silahlanmış iri qoşunla getdi və qurban kəsmək üçün 70 dəvə aparırdı. Köhnə
düşmənləri onu yolda saxlamaq istədilər, lakin buna cəsarət etmədilər. Məkkə
ərazisinə daxil olanda zəvvarlar müqaviləyə və adətə görə qılıncları müstəsna
olmaqla bütün silahlarını üstlərindən açdılar. Qılıncı isə qınında qalmaqla öz
üstlərində saxladılar. Müqəddəs şəhərin divarlarını və qüllələrini onlar yenidən
görəndə çox sevindilər. Onlar qapıdan zəvvarlar kimi keçdilər və Məhəmməd
köhnə qaydaları ciddi-cəhdlə icra edirdi. Bütün ibadətləri icra etdikdən sonra o, öz
əynindən ihramı atıb, Məkkədən iki mil aralıda olan Sarifə çəkildi. Burada o, Əl-
Dostları ilə paylaş: |