209
biri, Navfanın atı xəndəyi tullana bilmədi və bu vaxt onun üstünə çoxlu daş yağdı.
Müsəlmanlar isə həmişə nəcib silahla vuruşmağa üstünlük verirdilər. Əli xəndəyə
tullanıb Navfanı qılıncı ilə öldürdü. Sonra Əli yoldaşlarına qoşulub geri çəkilən
düşməni təqib etməyə başladı və Əkrəməni yaraladı. Bu toqquşma “Xəndək
yanında döyüş” adını aldı.
Məhəmməd həlledici döyüşə girməyə cəsarət etmirdi və Qatafan tayfasından
gizlincə müsəlmanlığa götürülmüş ərəb Rüeymi müttəfiqlər düşərgəsini gözdən
keçirməyə və onların arasında narazılıq salmağa göndərdi. Əvvəlcə Rüeym
Korandalıların yanına yollandı, onlarla köhnə dostluq əlaqələri var idi. Onlara
dedi: “Bu nə ağılsızlıqdır, siz Məkkə Qüreyşlilərinə imkan verirsiniz ki, sizi bu
davaya salsın. Özünüz düşünün, axı siz onların vəziyyətində deyilsiniz. Əgər onlar
məğlub olsalar, onda onlar Məkkəyə qayıdacaqlar və orada onlar təhlükəsizlikdə
olacaqlar. Çöllü müttəfiqlər də öz uzaq torpaqlarına gedəcəklər, təkcə siz
Məhəmmədin və Mədinə xalqının qisası ilə üzbəüz qalacaqsınız”. Sonra o,
Qüreyşlilərin və Qatafan tayfasının yanına getdi və onlara xəbərdarlıq etdi ki,
Koranda tayfasından olan yəhudilərə inanmasınlar, çünki sizdən girov götürüb
onları Məhəmmədə vermək istəyirlər. Müttəfiqlər arasında məkrlə səpilən
inamsızlıq toxumu öz bəhrəsini verdi. Cümə günü Əbu Süfyan Korandalılara xəbər
göndərdi ki, sabahısı günü həlledici hücuma hazır olsunlar. Yəhudilər cavab verdi
ki, həmin gün onlar şabatı (şənbəni) bayram edirlər və ona görə də döyüşdə iştirak
edə bilməzlər. Onda Qüreyşlilər və Qatafanlılar Korandalıların xəyanətkarlığına
əmin oldular. Bu vaxt soyuq tufan baş verdi. Külək çadırları aparırdı, gözətçi
tonqalları söndü. Bu ümumi təşvişdə belə şayiə yayıldı ki, Məhəmməd sehrli
qaydada bu tufanı qaldırmış və öz qoşunu ilə onların üstünə gəlir. Bu vaxt hamı
qorxuya və çaşqınlığa düşdü. Əbu Süfyan qaydanın bərpa edilməsi üçün bütün
cəhdlərinin əbəs olduğunu görüb, öz dəvəsinin belinə oturdu və geri çəkilmək
əmrini verdi. Müttəfiqlər həyəcanla qaçmağa başladılar, Qüreyşlilər Məkkəyə,
başqaları isə öz doğma çöllərinə yollandılar.
Əbu Süfyan hiddətdən və təəccübdən Məhəmmədə məktub yazdı. Məktubda
onu qorxaqlıqda günahlandırdı, xəndəyin arxasında gizlənməyini qeyd etdi, axı bu
210
vaxta qədər ərəblər belə şeyi görməmişdilər. Onu hədələdi ki, açıq döyüşdə Ühüd
çölündəki kimi qarşılaşacaqlar. Məhəmməd də eyni qaydada cavab verdi və
bildirdi ki, o gün uzaq deyildir, nə vaxt ki, o, Qüreyş bütlərini bütünlüklə qırıq-
qırıq edib dağıdacaqdır.
Düşmən geri çəkiləndə Məhəmməd Bəni Koranda tayfasına qarşı çıxdı ki,
onlardan qisas alsın. Yəhudilər öz qəsrlərində gizləndilər və uzun müddət
mühasirəyə dözdülər. Nəhayət, aclıqdan əzab çəkib onlar Ausilərdən vasitəçilik
xahiş etdilər. Onların bu himayədarları peyğəmbərə yalvardılar ki, digər yəhudi
tayfaları ilə olan şərtlər əsasında bunlarla da sülh müqaviləsi bağlasın. Məhəmməd
bir qədər fikirləşdikdən sonra onların taleyini həll etməyi Səd ibn Moada həvalə
etdi. Korandalılar evslilərin başçısına həvəslə razılıq verdilər. 700 nəfər adam
təslim oldu və onlar zəncirdə Məhəmmədin yanına gətirildi. Səd düşmənlə
xəyanətkar ittifaqına görə onları satqın adlandırdı. O, hələ aldığı yaradan əziyyət
çəkirdi və Allaha yalvarırdı ki, onun ömrünü uzatsın ki, Korandalılardan intiqam
alsın. O, hakim yerini tutanda bütün iştirakçılardan and içməyi tələb etdi ki, onun
hökmü yerinə yetiriləcəkdir. Yəhudilər həvəslə and içdilər, çünki mərhəmətli
hökmə ümid edirdilər. O, kişiləri ölümə, qadın və uşaqları isə qul olmağa məhkum
etdi, onların bütün əmlakı isə qaliblər arasında bölünəcəkdi. Yəhudilər yerlərində
donub qaldılar. Meydanda onlara nəhəng qəbirlər qazdılar. Onları bir-bir bu
qəbirlərə girməyə məcbur etdilər. Knyazları ibn Əxtab da qəbrə düşdü və bir-
birinin ardınca onları öldürdülər. Lakin onları ölümə məhkum edən Səd ibn Moad
da öz ölümündən qaça bilmədi. Onun yaraları yenidən açıldı və o, tezliklə öldü.
Qənimət bölünəndə atlıların payı piyadalardan üç dəfə çox oldu. Peyğəmbərin
özünə isə bütün qənimətin beşdə biri çatdı. Məhəmmədin payına hər şeydən
qiymətli olan Rixana düşdü, o, varlı və qüdrətli yəhudinin qızı olmaqla tayfada
birinci gözəl hesab olunurdu. O, qızı qəbul etdi, onu islam dininə keçirdi və öz
arvadlarının siyahısına daxil etdi. Lakin yəhudilərə onun münasibəti dəyişmirdi,
daim öz həyatına qəsd edilməsində onlardan şübhələnirdi. Müsəlman tarixçiləri
Məhəmmədin uzun sürən və ağır xəstəliyini də yəhudilərin cadugərliyi ilə
əlaqələndirirlər.
211
Məhəmmədin Məkkədən Mədinəyə Hicrətindən altı il keçmişdi. Məkkə
ərəblər üçün müqəddəs şəhər və ziyarət üçün başlıca yer olduğu üçün, buradan
uzun müddət qaçqın düşmək, Qüreyşlilərlə, Kəbənin mühafizəçiləri ilə açıq
müharibəyə girmək tayfaların çoxunun gözündə ona ziyan vururdu və onun dininin
yayılmasını çətinləşdirirdi. Hətta Hicrətdə onu müşayiət edən tərəfdarları da öz
vətənləri üçün darıxırdı. Məhəmməd özü də müqəddəs şəhərlə öz dinini
əlaqələndirmək lüzumunu getdikcə daha artıq hiss edirdi və öz tayfasının qədim
adətlərini müdafiə edirdi. Dul-kəd ayı başladı, bu ay dindarlıq ziyarətləri
başlayırdı, hər cür müharibələr kəsilirdi və dini hədlərin daxilində düşmənlər dinc
qaydada görüşə bilərdilər. Məhəmməd bir neçə dəfə öz elçilərini göndərmişdi ki,
müqəddəs məbədə təhlükəsiz getmək barədə razılıq əldə edilsin, lakin bu cəhdlər
nəticəsiz olmuşdu. Sonuncu elçi onun kürəkəni Osman ibn Əffan olmuşdu. Bir
neçə gün keçdi, lakin o, qayıtmırdı, hətta xəbər yayıldı ki, onu öldürmüşlər.
Məhəmməd onun qisasını almaq istədi. Lakin Osmanın düşərgəyə qayıtması
sakitliyi bərpa etdi. Onu Qüreyşlilərin elçisi Solxail müşayiət edirdi. Ona sülh
müqaviləsi bağlamaq səlahiyyəti verilmişdi. On il müddətinə sülh müqaviləsi
bağlamaq təklif olunurdu. Bu müddət ərzində Məhəmməd və onun ardıcılları
sərbəst qaydada Məkkəyə gələ bilərdilər, ziyarət edənlər kimi üç gün orada qalıb
öz ibadət ayinlərini icra edə bilərdilər. Bu şərtlər həvəslə qəbul edildi və Əliyə
tapşırıldı ki, müqaviləni yazsın. Məhəmməd mətni diqtə edirdi və müqaviləni
Məhəmməd ibn Abdullah kimi imzaladı.
Hicrətin yeddinci ilinin başlanğıcında Məhəmməd 12 minlik piyada qoşunu
və 200 nəfərlik süvari dəstəsi ilə Xeybərə qarşı yürüşə başladı. Onu Əbu Bəkr, Əli,
Ömər və digər əsas sərkərdələri müşayiət edirdi. Onun iki bayrağı var idi, birinin
üzərində günəş, digərində isə qara qartal təsvir olunmuşdu. Balaca qəsrləri zəbt
edib, Məhəmməd Xeybər şəhərinin üstünə getdi. Şəhərin mühasirəsi müsəlmanlar
üçün mühüm bir iş idi, bundan Məhəmməd və onun qoşunu da çox əziyyət çəkdi,
xüsusən ərzaq çatışmırdı. Məhəmməd özü hücuma başçılıq etdi. Nəhayət, onlar
divarda yarıq aça bildilər. Bir hücuma Əbu Bəkr başçılıq edirdi və o, peyğəmbərin
bayrağını qabaqda aparırdı. Lakin o, geri çəkilməyə məcbur oldu. Onun arxasınca
Dostları ilə paylaş: |