203
Peyğəmbərin maddi imkanları o qədər də böyük deyildi. Digər tərəfdən həyat
tərzində o, çox təvazökar idi, ərəblərin məişəti də sadəlik tələb edirdi.
Ühüd döyüşünün uğursuzluğu ərəb və yəhudi tayfalarına Məhəmmədin
xeyrinə olmayan təsir göstərdi və müəyyən müddətə onun təsirini zəiflətdi.
Xəyanətkarlıqlar işə düşdü. İki şəhərin – Ədxal və Karanın sakinləri onun yanına
elçilər göndərdi və islamı qəbul etmək arzularını bildirdilər. Onlar xahiş etdilər ki,
onlara yeni dinə öyrətmək üçün dini yaxşı bilən adamlar göndərilsin. Məhəmməd
həmin şəhərlərə altı şagirdini göndərdi. Şagirdlər həmin şəhərlərin elçiləri ilə
birlikdə gedirdilər. Yolda onlar Raca kiçik çayının yanında istirahət üçün
dayandılar. Bu vaxt elçilər heç nə başa düşməyən müsəlmanların üstünə cumdu,
dörd nəfəri öldürüb, iki nəfəri isə Məkkəyə aparıb Qüreyşlilərə verdilər, axırıncılar
isə onları öldürdülər.
Nəcd vilayətinin sakinləri də zəvvarlıq qaydasında eyni cür hərəkət etdilər.
Onlar inandırdılar ki, özləri də müsəlmandır və öz düşmənlərinə qarşı
Məhəmməddən kömək xahiş etdilər. Məhəmməd onlara Bəni Süleym tayfasından
olan ardıcıllarından bir dəstə göndərdi. Manna kiçik çayından bir az aralıda,
Mədinədən dörd günlük məsafədə onlara hücum edib, hamısını qırdılar. Bircə
Əmru ibn Ümeyyə adlı müsəlmana xilas olmaq və Mədinəyə qaçmaq müyəssər
oldu. Yolda o, Bəni Əmir tayfasından olan iki silahsız yəhudi ilə qarşılaşdıqda,
onları düşmən hesab edib üstlərinə cumdu və onları öldürdü. İndiyə qədər
Məhəmmədlə dinc yaşayan tayfa indi ona qisas tələbi ilə müraciət etdi.
Məhəmməd işi digər yəhudi tayfası olan Bəni Nadir tayfasının mühakiməsinə
verdi. Onlar bu məsələdə vasitəçi olmalı idilər. Məhəmməd onların yanına Əbu
Bəkrin, Ömərin, Əlinin müşayiəti ilə gəldi. Açıq havada, başçının evinin qarşısında
yemək hazırladılar. Məhəmmədə isə gizlincə xəbər vermişdilər ki, onları xəyanət
məqsədilə ora gətirib çıxarmışlar və onun özünü nahar vaxtı öldürmək istəyirlər.
Evin damından dəyirman daşını atıb, bütün qonaqları bu daşın altında əzmək
istəyirmişlər. Lakin Məhəmməd bu xəyanətdən hali olduğunu bildirmirdi və nahar
süfrəsinin üstündən qalxıb geri, Mədinəyə tələsdi.
204
Bu hadisədən sonra o, bütün qəzəbini Nadir tayfasının üstünə tökdü və əmr
etdi ki, on gün ərzində onlar bu torpağı tərk etməsələr, bütünlüklə məhv
ediləcəklər. Onlar getmək istəyirdilər, lakin xəzrəclili Abdullah ibn Übeyy gizlincə
kömək vəd edib, qalmaq üçün onları dilə tutdu. Bəni Nadir tayfası öz Zöhrə
qalasında gizləndi. Məhəmməd qalanı mühasirəyə aldı, bütün xurma ağaclarını
qırdırdı və yandırtdı. Bu ağaclar tayfanı qida ilə təmin edirdi. Altı günlük
mühasirədən sonra onlar danışıqlara başladılar və Məhəmməd bu şərtlə onları
buraxmağa razılaşdı ki, onların hər biri bir dəvə verəcək və özləri ilə silah
götürməyəcəklər. Onların bir hissəsi Suriyaya, digərləri nisbətən yaxınlıqdakı
yəhudi şəhəri olan Xeybərə sürgün edildi. Tayfa varlı olduğundan onlardan yaxşı
qənimət qaldı. Bu qəniməti Məhəmməd kasıblar və mükafata layiq olanlar arasında
bölüb payladı.
Bu dövrdə Məhəmməd öz həyatını bir neçə dəfə sui-qəsdlərdən qoruya
bilmişdi. Əmru ibn Ümeyyə Məkkəyə gizlincə göndərilmişdi ki, Əbu Süfyanı
öldürsün. Lakin bu qəsdin üstü açıldıqda, qatil qaçıb canını qurtara bilmişdi.
Məhəmmədin qatı düşmənləri olduğu kimi sədaqətli dostları da var idi,
onlardan biri onun keçmiş qulu Zeyd ibn Harisə idi. Məhəmməd həmişə onunla
məsləhətləşirdi və ev işlərini ona həvalə edirdi. Bir dəfə o, Zeydin evinə gəldi, - o,
bura həmişə ata oğulun evinə baş çəkən kimi sərbəst gəlirdi – lakin Zeyd evdə
deyildi, onun bu yaxınlarda aldığı arvadı Zeynəb evdə idi. Bu qız öz tayfasının
gözəli hesab olunurdu. Heç kəsi gözləmədiyindən Zeynəb örtüksüz, yarı geyinmiş
vəziyyətdə oturmuşdu. Birdən otağa daxil olan Məhəmməd onu bütün gözəllik
haləsində gördü. O, özünü saxlaya bilməyib öz təəccübünü və heyrətini bildirdi.
Gəlin isə heç nə deməyib, hər şeyi ərinə danışdı. Zeyd bilirdi ki, Məhəmmədə
məhəbbət hissi yad deyildir və başa düşdü ki, Zeynəbin gözəlliyi peyğəmbəri əsir
etmişdir. O, peyğəmbərin arxasınca yollandı və arvadını boşamağı təklif etdi.
Məhəmməd qanuna əks olan bir şey kimi ona arvadını boşamağı qadağan etdi.
Lakin Zeyd sözündən dönmədi, arvadını çox sevməsinə baxmayaraq, özü tezliklə
onu boşadı. Boşanmadan qanuni vaxt keçdikdən sonra Məhəmməd bu qurbanı
minnətdarlıqla qəbul etdi. Zeynəb bint Cahşla toy öz dəbdəbəsi ilə bütün toylardan
205
fərqlənirdi. Gələnlərin hamısı qoyun və quzu ətinə, arpa kökələrinə, bala,
meyvələrə və hər cür sevilən içkilərə qonaq edildi. Bu izdivaca Quranın yeni vəhyi
haqq qazandırdı. Quranın “Əl-Əzhab” surəsində deyilir: “Allah bir adamın
köksündə iki ürək yaratmamışdır. Allah nə zihar etdiyiniz zövcələrinizi sizə doğma
ana, nə də oğulluğa götürdüklərinizi sizə doğma oğul etmişdir” (4-cü ayə).
Beləliklə, oğulluğa götürdüyün adamın əvvəlki arvadına evlənmək günah hesab
olunmur. Məhəmməd oğulluğa götürməsini də ləğv etdi və Zeydə göstəriş verdi ki,
özünü doğma atasının adı ilə ibn Harisə adlandırsın. Həmin vaxtdan Zeynəb
Məhəmmədin digər arvadları üzərindəki üstünlüyü ilə öyünürdü, bu vəhydə həmin
nikahın göylərin özünün göstərişi ilə kəsildiyinə tutarlı sübut görürdü. Bu
Məhəmmədin Zeynəb adlı ikinci arvadı idi, birincisi, Huzeymənin qızı olmaqla bir
qədər əvvəl ölmüşdü.
Ühüd məğlubiyyətindən sonra ayrı-ayrı tayfalar Məhəmmədə qarşı
vuruşmağa cəsarət edirdilər. Bəni Müstəliq tayfası öz başçısı Əl-Harisin rəhbərliyi
altında onunla vuruşmaq istəyəndə Məhəmməd xəzrəclilərin seçmə dəstəsi ilə
onların qarşısına çıxdı. Atılan ox xoşbəxtlikdən elə döyüşün başlanğıcından Harisi
öldürdü. Onun qoşunu qaçdı. Bu qələbənin bəhrəsi iki yüz əsir, beş min qoyun və
min dəvə oldu. Əsirlərin arasında tayfa başçısının qızı Barra da var idi. O, həmin
tayfadan olan bir ərəbin arvadı idi. Qənimət bölündükdə qız başqasına düşdü.
Peyğəmbər bu gözəl qadına vurğun gözlərlə baxırdı. Məhəmməd qıza ona ərə
gəlməyi təklif etdi. Gözəl Barra o saatca razılıq verdi və peyğəmbər onun haqqını
qənimət sahibinə verdi. Müsəlmanlar qızın qohumlarının hamısını azad etdilər.
Onların çoxu islamı qəbul etdi və Mədinəyə qayıdanda Barra Məhəmmədin arvadı
oldu.
Məhəmməd yürüşlərinə gedəndə arvadlarından birini özü ilə götürürdü.
Sonuncu yürüşdə o, Ayişəni götürmüşdü. Ayişə dəvənin üstündə, hər tərəfdən
pərdələrlə örtülmüş kəcavədə gedirdi. Dəvənin yedəyini nökərlərdən biri çəkirdi.
Qayıdan baş qoşun istirahət üçün dayananda Ayişənin nökərləri kəcavənin boş
olduğunu gördülər. Onlar özlərinə gəlməmişdən Ayişə başqa dəvənin üstündə gəlib
çıxdı. Bu dəvənin yedəyini Səfvan ibn əl-Müəttəl adlı cavan ərəb çəkirdi. Abdullah
Dostları ilə paylaş: |